قصة المزحة #الجزء 38 : جودي سدات الباب بعد ما مشى باتريك و دخلات عند ايلاف. جودي: شوية دابا ؟ ايلاف: الحمد لله على كل حال جودي: دابا بقينا بوحدنا, عاودي ليا اش طرا؟ ايلاف: اش غادي يكون طرا مثلا ؟ نفس القصة و نفس ارثر و نفس الغرور, و كن غير ماتسوقتش ليه و تبت في بلاصتي كن دابا ناعسة في ناموسيتي و لكن الهضرة لي قال ضراتني في خاطري, ماقديتش نسكت ليه جودي: اش قال ليك ؟ ايلاف: كيف العادة, نتي اش جابك هنا, واش فيما مشيت نلقاك و هضرتو ديال ديما بلا بلا و لكن لي فيض الكاس و مخلانيش نرضى هو القهوة فين خدامة هو لي شراها و قال ليا نرجع مانلقاكش هنا و كن كان عارف انا فيها كن كعما شراها من اولها, هادشي لي مخلانيش نسكت ليه و كرامتي مسمحاتش ليا و حتى انا ماغاديش نسمح ليه مازال و يبخر بديك القهوة انا بغيتها تريب عليه و يكون فيها بوحدو جودي: وايني مايسواش و مالو على هاد الحقد كامل ايلاف: سيد كيهضر بحال غير انا باقي مفكراه, ترر شكون عاقل عليه داكشي علاش في لول ماتسوقتش لهضرتو و لكن باش يجري عليا هاديك لي عمرها تكون ليه واخا نعرف نهرس ديك القهوة كاملة عاد نخرج و ديك ساعة نكون هانية جودي: ههه عارفة ديريها و تفوتيها لهيه. ايلاف: صافي اختي قلبي علينا الموضوع دابا خلينا منو, فيا واحد العيا و كلو مطحطحة جودي: و راكي طحطحتي نييت ا بنتي ههه عادي غير مع المهدئ لي كيعطيوك باش يبرد ليك لحريق هو لي راخي عليك عضامك. من موراها نعسات ايلاف مابقى فيها لي يزيد يهضر و تبعاتها حتى جودي و لكن بقات راضا معاها البال لا تفيق في ليل و داكشي لي كان فاقت 2 مرات بالييل فاش كيفوتها الدوا كيرجع عليها الحريق حتى كتعيط ليها على الممرضات يعاودو يعطيوه ليها. فاقت جودي على الشعا لي دخل من الشرجم طلات على ايلاف و لقاتها باقي ناعسة ناضت قادات المسائل و توضات, صلات و خرجات نزلات لكافيتيريا خدات باش تفطر فاش طلعات تلاقات مع باتريك في باب الغرفة ديال ايلاف. جودي كيتهضر تحت لسانها: صبحنا على الله تاني باتريك: صباح الخير, كيف صبحتي ؟ جودي: كيف كتشوف, بسباب صاحبك دوزنا حتى سبيطارات باتريك: انا عارف ارثر غالط و لكن عاذرو و حتى نتوما غادي تعذروه و لكن لاش كتحاسبيني انا بسبابو؟ جودي: صاحبك ايكون بحالك ماكاين لاش انعقدو الامور ؟ باتريك: ماشي كيف كيف و اصلا صاحبي و عارفو هو ماشي كيف كيبان ليكم و اصلا ا جودي بنادم كيتبدل و لكن نتي رأيك مابغييتش تبدليه, شاف الجو بدا يتكهرب بيناتهم و قلب الموضوع, صافي نساي علينا قولي ليا ايلاف كيف بقات ؟ جودي: كيف غادي تكون بسبا مخلاهاش تكملها ضربها ليها بواحد شوفات حتى جمعات فمها. جودي: لاباس عليها واخا ليل كامل و هي كتوجع بحريق باتريك: نتائج سكانيير مازال ماخرجو ؟ جودي: شفتك نتا و ماشفت شي نتائج باتريك: صافي سيري دخلي عندها شوفيها لا تكون فاقت, انا نمشي نسول طبيب عليهم. دخلات جودي و لقات ايلاف باقي ناعسة قالت تبع باتريك باش يشوفو سكانيير بزوج. مشات جودي ورا باتريك حتى كتلقاه واقف مع واحد خيتي, ممرضة تما و كانت زوينة نييت, جودي بدات تطلع ليها القردة و خلاص فاش شافتها كتلحون عليه ماعقلاتش على راسها على وقفات عليه جودي:قلتي ليا غادي تشوف طبيب على قبل سكانيير ماشي الممرضات و ضارت ضرباتها ليها بواحد تخنزيرة فاعلة تاركة باتريك: اه و راه سولتها غير على طبيب و لكن قالت ليا بلي كاين فشي عملية و سولتها على سكانيير و بلي جودي ماخلاتوش يكمل و هي باقي كتخنزر فيها: ايييه و اش قالت ليك ؟ تمشيو تعاودو بزوج ؟ و ضارت شافت فيه و كاع تخنزيرات لي كانت ضارباهم ليها قلباتهم ليه, و ديك ساعة ادير ليها سكاانيييير نييييت الممرضة مارضاتش و باتريك شد جودي من ضراعها و بعدو عليها. باتريك: اش كتقولي نتي ؟ جودي: اش كدير نتا ؟ باتريك: مالي اش درت ؟ فاش عرفت بلي طبيب ماكاينش سولتها على سكانير و كانت كتقلب عليهم باش تعطيهم ليا و بما جا طبيب يقول لينا اش كاين جودي: اه و كن مشيتي كلستي معاها فشي قنت تسناو طبيب بجوجكم نيت, بحال ماشفتهاش فاش كانت كتلحون عليك و نتا عاجبك الحال باتريك شداتو ضحكة و هضر معاها بشوية و هو كيلعب بخصلة من شعرها لي طايحة على وجها: امم هي غرتي عليا, و لكن كوني هانيا كعما شفتها اش دارت, عندي وحدة ساكنة قلبي ماكتخليني نشوف فحتى شي وحدة اخرى جودي استحلاتها و حتى كانت اتستسلم و هي تجمع راسها و ضربات ليه يديه: ايوا صافي مابقى علامن نغير غير عليك ا" صفر الكمارة" قالتها بشوية و بدريجة باش مايفهمهاش. و اصلا عارفة فعايلك نتا باغي غير ضحك عليا بهاد زوج كلمات باتريك: و على شكون قال ليك كنهضر عليك ؟ جودي صفارت و خضارت بوحدها : هاا باتريك صافي ما بقى قادر يجمع ضحكة حتى طلقها: كان خصني نصورك هههه و تشوفي وجهك في هاد اللحضة ضرب ليها نيفها بصبعو باتريك: ايه سعداتي جودي غارت عليا جودي: ماغرتش اصلا اش فيك باش نغير عليك باتريك: بصح يعني نمشي عندها هي لي عارفة اش فيا و تم غادي بلعاني جودي : باااترييك زيد قدامي يالاه نمشيو عند ايلاف اتكون فاقت و حتى تكون بوحدك و دير لي بغيتي باتريك: هههه زيدي يالاه و انا غير فاش شفت ملامح وجهك كيف ولاو داكشي كافيني هاد الساعة و غمزها جودي غاديا و كتهضر مع راسها : اويلي على شوهة شوهت راسي زعما نكون غرت عليه لا لا مايمكنش و انا مالي اصلا يوقف معاها و لا يكلس معاها و لكن نيت باش نعرف الكذاب لاخر اصلا عارفاه غير كيتفلى عليا داكشي علاش و اول وحدة بانت ليه تلاحت عليه شد معاها, اووف و انا مالي كاع ضبر راسو. بقات على هاد الافكار حتى زعزها باتريك: واش انباتو هنا ؟ ماغاديش دخلي ؟.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM