الأسود 🖤 الجزء 38 🔥🔥🔥🔥🔥 ( تتمة من بعد 350 لايك ❤️ إبتداء من الجزء ديال غدا القصة أتبدل أتولي قصة حديدة 🔥💪🏻) مشيت كنجري لعندهم دامي : علاش ضربتيه يا الحمار هاك _ جمعاتو دامي بواحد نص حتا باس الأرض خونا مارضاش ناض كيعربط البوليسي : شدوها نتوما كتفرجو فيا غادي ، غادي نغبر والديكم غادي نكرفسكم نوريك ضربيني وضربو صحابي _ يله بغاو يشدوها يديرو ليهم المينوط وقفت عليهم ، وقف وقف سلام عليكم عرفتي شكون هاذا لي ضريتي أسي البوليسي البوليسي : يكون شكون بغا يكون ايمشي يتربا هو و هاذ القافزة لي معاه بتهمة تخريب مكان خاص وضرب شرطي اتناء مزاولة العمل ديالو _ مزيان أسي ايوا عيطيني البطاقة ديالك الشريف الشرطي : زوينة عندك هاذ ارا ليا بطاقتك بأشمن حق نتوما لي خاص تعطوني البطاقة ديالكم _ أنا نوريك شكون أنا ، جبدت ليه البطاقة ديال المخابرات بدا كيقفقف في بلاصتو وهاذي لي بغيتي تغبر حتا هي معانا البوليسي : حترماتي شاف والله ماكنت عارف _ وهاذي لي بغيتي تشد راها ضابطة ممتازة دامي : زيد أرا البطاقة ديالك خديتها منو وهو قريب يدمع صورتها وعطيتها ليه يله سير بحالك دابا البوليسي : والله حتا كنديرو خدمتنا فقط الشاف عفاك عندنا عائلة ووليدات ها العار سمحو ليا والله مابقيت نعاود _ صافي غير سير دابا بحالك دابا ... خلصنا الخسائر لسيد لي مكلف بالبواط وخرجنا مهدي : أش بان ليك اخويا فرشخناهم _ زيد أوجه المشاكل قدامي ياسمين : والله أدامي تانتي ومهدي إلى تنائي واعر واخا دايرين بحال المش والفار ولكن موتيين بعضياتكم خاصكم تزوجو مهدي : سكتي سكتي أنا بغيت مرا ماشي عطاش تبقا تسلخني دامي: مانسلخكش الزين اكون هاني سارة : داز الحال خاص نرجعو الأوطيل بغيت نعس منير : قول ليا اخاي حمزة واش أنا سكران حمزة : لا اخويا نتا ناضي مكتبانش فيك وأنا كتبان فيا سكران منير : لا حتا نتا هو هذاك غير هو مايحسابش ليا بيلا حتا نتا عندك 2 خوت توأم كيشبهو ليك علاش مخبي علينا احمزة حمزة : بلاتي نشوف ها 1 ها 2 ها 3 ها4 يمكن اعشيري سكرتي مابقيتيش كتعرف تحسب حنا 4 منير : منتابهتش اخويا سامي : ليوم داز زوين يله نمشيو نكملو سهرتنا حدا البحر مزال كاين الجهد الجميع : يله سناء : أمين هزني عييت _ هزيت سناء وتوجهنا لبحر وأنا ميت بضحك على صحابي كانو كاو كيدخلو ويخرجو في الهدرة وكتمايلو في المشية كلشي مكاوي ، وصلنا قدام البحر خدمنا اغاني ديال الوترة وبقينا كنشطحو وسناء غيبات مقدراتش تصبر نعسات بقينا حدا البحر حتال 3 الصباح عاد رجعنا الأوطيل وانا هاز سناء ورا ضهري ، مع دخلة ديال باب الأوطيل لقينا 2 من المؤطرين كيتسناونا فينا وهوما مشطونين بداو كيخاصمو علينا حيث تعطلنا ولكن فاش شاف دراري سكرانين وممسوقينش لهدرتو بحال إلى كيخوي الما في الرملة أمرونا نمشيوو لشنابر نعسو ،ديت سناء الشومبر ديالها وتوجهت لشومبر ديالي بدلت حوايجي ودراري مع سكرانين طاحو كاو بحوايجهم وسبابطهم مشيت لبلاصتي تكيت بلاصتي وهكذا داز النهار 2 في الرحلة لي كان اكتر من رائع ، بالنسبة ليا كندوز احسن ايام حياتي ومساخيس بالرحلة تسالي غدا الاخير فيها وغدا غادي يكون احسن من الايام لي دازو إن شاء الله ، بقيت كندير فلاش باك لنهاري حتا داني النعاس الغد ليه فقنا كيف العادة بدينا بلفطور سامي : دراري فقت مدگدگ السكرة خايبة مريم : حتا أنا ضرني راسي ولكن دوزنا ليلة زوينة ملاك: شراب ولد لحرام كيخليك تنشط وتنسا الحياة أيمن : أنا بعدا زهيت لبارح أحسن سهرة دوزت في حياتي منير : خاص نعاودوها شي مرة أخرى سارة : لا أسميتك انوليو في البلية كانت لولة والأخيرة سناء : مابقيت عاقلة على والو تقول تفلاشيت _ بديت كنعاود ليهم على شي طرائف وقعو ليهم لبارح وشي هدرة كيقولها ماتيقوش وبداو كيضحكو سناء : ناري أول مرة واخر مرة _ مرة أخرى تفكري تجربي نقطع ليك إيديك سناء : ناري هربتيني فاش قلتي ليا كنت باغية نتعرا مريم : ليلة ودازت موهيم في هاذ الرحلة جربنا الشراب و الباراشيد و paintball لأول مرة هاذشي غادي يبقا ذكرة زوينة نتفكروهم طول حياتنا حمزة : واسي طارق ( المؤطر ) شنو انديرو ليوم المؤطر : غادي نديكم واحد البلاصة اتعجبكم بزاف ريم : أشمن بلاصة أسي طارق المأطر : غادي تمشيو تلعبو paintball سامي : بربي حتا نتوما احسن شركة رحلات في العالم _ لي ماكيعرفش paintball هي واحد لعبة كيتواجهو فيها 2 فرق بسلاح ديال الالوان في واحد ساحة كتسما ساحة الحرب ولي باغي يعرف كتر عليها يقلب في يوتيب ، خرجنا من الأوطيل ركبنا الكار توجهنا لواحد منتزه سياحي واحد اخر فيه مدينة الألعاب ( سيرك ) وبلاصة ديال paintball فرقو علينا في دخلة ساعات يد بحال شكل لكارط هي لي كدخلك لأي بلاصة بغيتي في داك المنتزه وكتعمر على حساب الالعاب لي بغيتي تزيد حنا عندنا غير لعبة paintball دخلنا لواحد غرفة عمرنا واحد لافيش فيها سمياتنا سالينا توجهن لبوتيك صغير فرقو علينا زي عسكري وجيلي ديال الحماية من رصاص وليگات وكاسك واقي وسلاح ديال paintball وكان العدد ديالنا 50 شخص ، توجه بينا الشخص لي مكلف لغابة كبيرة تابعة لمنتزه وفيها حواجز وديور رايبين باش تخبا اتناء لعبة المسؤول عن paintball : نتوما 50 شخص غادي تقسموو ل 2 فرق 25 شخص في كل فريق إلى بغيتيو تبقاو في نفس القسمة لي عليها دابا بقاو بغا شي حد يتبادل مع شي صاحبو تبادلو _ دراري كلشي لسق فيا مع عارفيني محترف في تير بغاو يكونو معايا في الفريق مريم : دراري ماتنساوش دامي تاهي واعرة أنا انبقا مع دامي دامي : اش بان ليكم كاملين تكونو في فريق واحد وأنا امين في فريق مع هاذ الناس مهدي : مايمكنش تجمعو بجوج بيكم في فريق واحد هناء : لا لا ماحشمتيش دامي : صافي غادي نلعبو كاملين في فريق واحد ضد أمين مزينة هاذي سامي : مزيانة _ صافي مشات يله الله يوفق ولي خرجني فيكم عندي ليه 500 درهم ولكن لي خرجتو يركبني على ضهرو حمزة : نهزروك في حالة الفريق ديالك ربح إلى خسرتو ماتسال والو سامي : مشات الساط غير وجد ديك 500 درهم سناء : أنا لي غادي نخرجك اعمري _ ايوا جربي حضك ماتعرفي بديت كنضحك وكنستهزأ منها المسؤول عن paintball : كانضن تقاديتوو نبداو عندكم دقيقة نتاشرو وفاش تسمعوو صوت إطلاق النار بداو لعبة ، يله بدينا على بركة الله _ مع قال بدينا مشيت تخبيت ليهم في واحد دار جات في موقع استراتيجي كتبين كلشي وتبعني واحد خونا من فريق ديالي من بعد دقيقة سمعنا صوت إطلاق النار و بدينا بقيت كندور عينيا كيبان ليا واحد خونا مترع تيريت فيه خرجتووو ماكمل مسكين حتا دقيقة بقيت كنشوف واش كاين شي حد اخر باين نخرجو ، وهي تبان ليا سناء قلت حشومة نخرجها وعاد باديين تيريت ليها حدا رجليها وغوت ليها ... تخباي مزيان إلى كنتي باغة تخرجيني راني درت معاك المزيان دابا سناء : شكرا على النصيحة دامي : مهدي تيري في داك الولد لي ورا شجرة من بلاصتك تقدر تصيبو مهدي : تيريت فيه خرجتو وبديت حاضي مع أمين لا يخرج ليا من شي قنت هو لي خايف منو _ دازت 5 دقايق حتا حد في صحابي مابان كلشي مخبي خرجت من ديك الدار ومشيت كنجري تخبيت ورا 2 برامل هو يبدا القرطاس كيتكلم ليا حدا راسي طليت من جنب كلقاه حمزة خليتو حتا عيا وانا نتيري فيه خرجتو هاني ضمنت واحد ايركبني على ضهر بدلت البلاصة وبديت كنقلب على دامي حيث الى خرجتها هي انربحم بسهولة بانو ليا مريم وملاك مخبين من واحد الشخص كان كيتيري فيهم زربت عليهم حتا هوما خرجتهم في طريقي ... وجدو ضهركم البنات مريم : حگار اصحبي حشومة عليك والله ماتبقا فيك _ بداو لي معايا كيخرجو واحد بواحد والأغلبية من جيهة شمالية عرفت أن دامي كاينة تما بقيت كنتسلت حتا وصلت لحدا واحد الحيط تخبيت وراه لقيت تما شخص محتارف التير . تيرا في ياسمين و 6 آخرين خرجهم قدرت نعرف منو انهو بوليسي سميتو موسى .... موسى تبعني وحميني من لور غادي نمشيو ورا ديك الدار إلى قدرنا نوصلو ليها غادي نحكمو الكروة من تما بدينا غاديين وحنا في طريقنا كنخرجو بنادم يمشي يتفرج فينا ، وصلنا لعند دامي ومهدي بدينا كنتبادلو إطلاق النار معاهم واحد لحضة مهدي زگلني وتيرا فيه موسى خرجو بقات لينا دامي دورناها أنا كنتيري فيها من جيه موسى من جيه وهي كتيري فينا حتا قدرات تخرج موسى دارت باش تيري فيا لقاتني قضديت غراض تيريت فيها خرجتها فرحت بزاف حيث طريق سهالت لفوز هزيت عيني لشاشة النتيجة كيبان ليا بيلا الفريق ديالي خاسر بقينا حنا بقينا 3 وهوما 7 ، تيريت في سارة خرجتها بقاو لينا 6 واحد لحضة بانت ليا سناء ورا واحد دار بقيت كنقرب جيهتها باش نحكمها نخرجها حيث طولات وخاصها تمشي ترتاح شوية ، بقيت كنتسلت حتا قربت ليها وهي طيح حطات سلاح وشدات في كرشها كتوجع تخلعت عليها مشيت كنجري لعندها بحال شي حمق وانا مهبط سلاحي مع قربت ليها هزات سلاحها تيرات فيا وكلشي فرح تسمعات ديك وييييي أوريااااا بحال إلى ماركا رونالدو شي بيت ، بدات كضحك ضحكة شريرة سناء : باي باي حبي راني قلت ليك انخرجك _ بنت العبد قولباتني الغش هاذا تميت خارج تجاه المدرجات وأنا مقلق أيمن : سناء أش بان ليك في الخطة نجحات سناء : ناضي ماعليكش مابقا والو وربحو دامي : أمين هاذ المرة تيق في المرا بصحتك مريم : حادگ فينا غير حنا ايوا بصحتك ريح يضربك البرد شوية _بقيت كنتفرج فيهم كانو بقاو 2 من الفريق ديالي وهوما 6 زربو عليهم سامي خرج واحد وأيمن واحد وقدرو ربحونا ناض الفريق ديالهم كيحتافلو وكيقولو لينا هوووووووو وكيديرو لينا ديزلايك بيديهم ، بصحتهم ملي ربحونا غي ايديرو لي بغاوو جات سناء وهي كتنقز بالفرحة سناء : شتي قلت ليك انخرجك أنا واعرة _ لي حن يتمحن مابغيتش نخرجك في الأول ونتي قولبتيني ماتوقعتهاش منك ولكن ماشي موشكيل ملي شفت هاذ الابتسامة والضحكة على وجهك الزوين هاذي هي دنيا ومافيها نعيطك الرباح وحياتي كولها باش تكوني فرحانة سناء : تا نتا هاك هاذ البوسة كادو ديال الخسران ديالك _ باستني في حنكي ومشات كتحتفل مع الفريق ديالها وكيتصورو وانا حاضيهم حتا وقف عليا واحد السيد قال ليا انهو مدرب في رياضة paintball وعجبتو حيث كنعرف لعب بغاني نلعب معاه في الفريق ديالو عتذرت منو وقلت ليه أنا جندي في الجيش منقدرش هو يمشي وخلاني براحتي.... خرجنا من ديك الغابة بدلنا حوايجنا وعمرنا دوك الساعات باش نقدرو لعبو وتوجهنا لمدينة الألعاب وأول لعبة مشينا ليها هي طومبيلات ركبت أنا وسناء عطيتها تسوق وانا غير حاط ايدي على كتافها وكنحاول نستمتع ما أمكن بوقتي سالا الوقت وركبنا واحد لعبة دايرة بحال سكة تران دايرة وفيها عربات مزديين وكطلع وتهبط بحال إلى طالع فشي طلعة ، ركبت أنا وسناء وقدامي دامي وياسمين بداو دوك العربات كيتمشاو بشوية بشوية حتا فجئة زادو في سرعة سناء تخلعات من السرعة و شدات في أيدي حتا قمشاتني بضفارها والبنات كيغوتوو شوية تنقصات السرعة وهي تبدا راجعة بلور بسرعة كبيرة كيف الاول سناء : نارييييييي غادي تسكت ليا قلبي قول ليهم يحبسو _ صبري هاهي دابا تسالي احبيبتي .... سالينا نزلات سناء كتبوع سناء : دخت تفو على لعبة كيف دايرة قلبات ليا مصارني _عطيتها كلينيكس وقرعة الما تشرب بعدات علينا تقريبا 3 متر بدات كتشلل فمها وكتشرب وحنا كنا مجموعين كنهدرو حتا كنسمعو صوت القرعة طاحت تلفت ليها كانت سناء مصمرة بلاصتها وحالة فمها لعدة ثواني تفاجئت من الموقف ديالها تقول شافت جن ، فجئة جات عندي وهي كتجري تخشات فيا كتغوت وهي مخلوعة وكتخرج الهدرة بزز سناء : أميننننن شفتها هي والله حتا هي _ اواه هاذي مالها تخلعات هكذا واخا تكون شافت جن ماديرش هاذ الحالة خلات الجميع في حيرة من أمرو سناء : سلوى أمين سلوى جات تقتلني بغات تقتلني _ بقيت كنحاول نهديها وهي كترعد شكون سلوى دامي : مالك شنو وقع ليك شكون بغات تكون هاذ سلوى لي مخلوعة منها لهاذ الدرجة سناء : سلوى خت أحمد لي كنت مزوجة بيه جات تنتاقم لخوها مافيهاش شك دارت ليا بيديها إشارة أنها غادي دبحني وهي كتبتاسم دامي : اواه فين هي سناء : هي ديك الطويلة لا بسة الكحل ودايرة زيف زرق راها عند داك السيد لي كيبيع الريحة _ مع نعتاتها لينا مشينا كنجريو أنا ودامي شدينا ديك السيدة وهي كتغوت طلقوني راني ماديرة والو ديناها عند سناء دامي : هي هاذي سلوى سناء : اواه ماشي ه‍ي كانت لابسة نفس الحوايج مايمكنش _ طلقت ديك السيدة وبديت كنطلب السماحة منها ومشات بحالها ، دابا اسناء واش كتفلاي علينا سناء : والله حتا شفتها وكانت لابسة نفس الحوايج ديال هاذ البنت ولكن فين غبرات اهئ اهئ _ حبيبتي واش اتسرطها الأرض واقيلا دختي بديك لعبة وتخيلتها خلعتينا دامي : شربي احبيبتي الما كتوقع ومديريش في بالك كيوقعو بعض المرات بحال هاذ الحوايج سناء : يمكن تخيلتها وصافي مريم : الدراري واو عندهم بيت الرعب كنت كنشوفو في الافلام يله نجربوه سامي : تا أنا كيعجبوني بحال هاذ البلايص يله ندخلو _ حبيبتي اتدخلي معانا أو لا سناء : اندخل معاكم واخا خوافة بقا شاد فيا حيث معاك كنحس بالأمان _ بدينا داخلين لبيت الرعب لي كان على شكل كهف مظلم وفيه شوية الاضائة حمرة واصوات كتخلع سناء شادة فيا بيد وفدوى سارة من اليد لاخرة وحمزة من لور وكنتمشاو بشوية وحنا غاديين خرجات لينا واحد المومياء على غفلة من واحد الحيط كلشي قفز وغوتو وتا أنا تخلعت رجعت 2 خطوات لور حيث تفاجئت حركة لا إرادية زدنا لقدام بداو كيبانوو لينا وحدين دايرين بحال زومبي وهازين ماس ياسمين : الله ياربي كيخلع هاذشي تخيلو يشدونا يقطعونا طراف أيمن : معاك أنا وتخافي زيدي الطبيبة _ وحنا كنتعمقو في الكهف كيبانو لينا جماجم مليوحين في الأرض ورسومات كيخلعو سامي بان ليهم واحد الولد صغير ناعس على كرسي متحرك وراسو كان عبارة عن جمجمة حط ايديو عليه باش يقيسو هو يشد ليك إيدو سامي تخلع وطلق واحد الغوتة شبه انثوية حتا كلشي تخلع وبغا يخرجو سارة : أنا انخرج بركة عليا ايسكت ليا القلب هاذشي كيخلع منير : مابقا والو صبرو مهدي : ههههههه سامي خرجات البنت لي في لداخل ديالك شوهتي بينا _ سامي مارضاش ، كملنا طريقنا حتا دخلنا لواحد الغرفة كان فيها تابوت في الحيط طفا الضو في لحضة البنات بقاو كيغوتو هو يرجع ضو بدات كتخرج جتة من داك تابوت مشوهة وتحلات واحد السدة من لفوق طاحو منها شي جتت مشنوقين في سما وصوت ضحك مرعب سناء : ياربي سلامة ياربي سلامة بسم الله الرحمن الرحيم _ متخافيش احبيبتي هاذشي خدع بصرية وماشي حقيقي ، قربات الجتة من أيمن تخلع ودفعو لاحو وصلنا لعند الباب كيبانو ليا صحابي كينهجو تقول كانو لاعبين ماتش وهوما الخلعة لي دارتها ليهم ملاك : جامي نعاود نجرب هاذ زبل اش دانا مريم : تفو في الافلام كيبان زوين ساعة الحقيقة لاروب أش دانا ندخلو محال يجيني نعاس بليل مهدي : دراري باقة ناعورة خاص نجربوها دامي : زوينة فيها ركبة ضروري نجربوها يله نمشيو ليها سناء : أنا عييت سيرو نتوما انبقا جالسة هنا _ حتا أنا انبقا معاك ، مشاو كاملين طلعوو وبقيت أنا وسناء جالسين فوق واحد الكرسي تكات عليا وشديت ليها في ايديها بديت كنبوس ... فيهم كنحس معاك بالسعادة الله يخليك ليا الأميرة ديالي سناء : وليا أعمري نتا احسن حاجة دخلات حياتي نتا نور دعويناتي اراجلي العزيز .... واو شوف هاذ الكوبل شحال زوينين ايكون في عمرهم فوق 70 عام وباينة كيبغيوو بعضياتهم واش حتا حنا انكونو بحالهم _ إنشاء الله انبقاو أنا وياك حتا نديرو العكاكز ويمشي لينا السمع وحتا إلى جاني زهيمر انسا كلشي إلا نتي سناء : بصح احبيبي _ اه بصح انبقا نبغيك لأخر نهار في حياتي والله يرزقنا درية الصالحة يهزو بينا فاش نكبرو سناء : انشاء الله اتولي عندنا عائلة سعيدة وغادي نعيشو مجموعين حتا يدي مول الأمانة امانتو ولكن واش غادي تعاملني مزيان اتبقا حنين فيا وعمرك ضربني ولا تعايرني _ كنواعدك احبيبتي عمري نأديك وغادي ندير ما أمكن نخليك فرحانة سناء : اممم وماغديش تبغي شي حد كتر مني _ هاذي مانضمنش ليك إلى ولدتي ليا بنتي تسنيم وعمر كيف تافقنا غادي نبغيهم كتر منك سناء : امين حرام عليك واخا ولادنا بغيتك تبغيني أنا كتر _ يا المغيارة تغيري من ولادنا حتا هوما سناء : معلوم نغير نتا ديالي بوحدي وكنبغيك _ وأنا غادي نبقا ديما كنبغيك وكل نهار غادي يزيد حبي ليك .... بقينا كنعبرو لبعضياتنا وكنديو ونجيبو في الهدرة وكنتفرجو في صحابنا حتا سلاو جاو عندنا مهدي : جاك وروز مزال مابغيتو تعياو من هاذ الرومانسية سناء : عمرنا نعياو منها مريم : ناري هاذي 15:23 دغيا كيدوز الوقت سارة : قربات تسالي الرحلة والله ماسخيت احسن رحلة في حياتي حمزة : كلشي متافق بيلا هاذي احسن رحلة _ وحنا كنهدرو جمعونا المؤطرين ديال الرحلة باش نمشيو ناكلو توجهنا لمطعم ديال المنتزه جلسنا في طابلة كبيرة وبدينا كناكلو مجموعين وانا مريح حدا سناء قالت ليا هاك دوق شوية من هاذ الدجاج ، مع اطباقنا مختالفين قربت وجهي لفورشيط ديالها باش ندوق باستني قدام كلشي حتا بداو يضحكو .... الزمرة قدام كلشي لا كلشي كيشوف سناء : ويشوفو نتا راجلي عادي ... بقيت كنشوف في ياسمين وكنبتاسم كنقلي ليها السم بغيتها تموت بسمها يله _ بدينا كنضحكوو وكيطلعوها علينا واحد لحضة سناء مشات طواليط ورجعات واحد خونا كان حديا بلا حشمة بلا حيا بدا كيشوف فيها وكيغمز فيها وهي شافتو وتجهلاتو وأنا بقوة الغيرة ماحملتش داك المنضر هزيت إيدي وجبتها ورا راسو جمعت قوتي كاملة وضربتو على راسو حتا تخشا ليه وجهو في الطبسيل مع هز راسو دخلت ليه كروشي لفمو ريبت ليه سنانو كنت بغيت نعاودو شداتني دامي هي ودراري فكوني منو كنت انقتلو تهدنت ورجعت ريحت بلاصتي وهو بدل البلاصة وكيبرد في الدقة وكيمسح الدم سناء : المغيار ديالي حتا نتا وليتي دابز على قبلي _ معلوم راني مغيار لي شاف فيك شوفة ناقصة نجبد ليه عينيه سناء : يخليك ليا المغيار ديالي كنحبك أنا كالوڤيكككككك الكبيدة _ قلبتها ضحك أنا وحبيبتي من بعد سالينا الماكلة ركبنا الكار حطنا في الباركينغ لي حدا الأوطيل نزلنا مشينا البحر مجموعين مع باقي أعضاء الرحلة والمؤطرين تجمعنا كنديرو أنشطة كنغنيو ونشطحو و كنلعبوو العاب ترفيهية سامي : هاد الخرجة ناقسها الگيتار ماستعملناش في هاذ الرحلة مريم : راك شفتي ماساليناش ليه من بلاصة لبلاصة حتا نرجعو اسفي وارا مانغنيو سارة : ارا مانديرو فاش نرجعو لأسفي _ جاني اتصال كانو مالين دار بعدت على الضجيج وبديت كنهدر معاهم دويت مع الأم ديالي ولافاطمة هوما لولين سولوني على مهدي ودامي وياسمين وسناء وشنو كنديرو وكيف داير الجو هنا نتوما عارفين هدرة الأمهات عاودت ليهم كلشي بتفاصيل وحتا من بلان الشراب من بعد طمئنتهم الواليدة : الله يرضي عليك أولدي هاك باك باغي يهدر معاك _ الواليد كيف داير لباس عليك توحشتك الواليد : كلشي بيخير الله يرضي عليك أولدي تهلا في خوك ورد ليه البال هو مزال ماعندو العقل نتا مول العقل وخاصك تعرف أني فخور بيك وأن أي أب كيتمنا يكون عندو ولد بحالو _ شكرا الواليد حتا نتا أعضم أب ، بقيت كندوي معاه حتا سالا كلامو وعلمتو بيلا الصباح انرجعو وقطعت بقيت واقف بلاصتي كنشوف في حبي وصحابي كيفاش فرحانين وفجأة تقبط عليا قلبي بديت كنحس بواحد شعور خايب بحال إلى خايف نفقدهم أو أني عمري مزال انشوفهم كنت مساخيش بيهم حيث من غدا انتفرقو كل واحد ايرجع دارهم ... يتبع ( قريتي تفاعل وكتب كومنطير زوين بحالك وإلى بغيتي تصرعها طاكي عشرانك 💘) #قصص تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM