قصة المزحة #الجزء 11 : دازت 3 سيمانات و انا و ميشيل ديما كنهضرو ولفتو بزاف و هو كان رجع ديك الساعة لتركيا. اليوم هو لي غادي يخرجو فيه اللائحات ديال ناس لي تقبل ليهم دوسي ديال المانيا و كانت فيا واحد الخلعة ماقدرت كاع ندخل نشوف السيت قلتها لجودي باش تشوف ليا و ليها. جودي: هاتي لبشارة تقبلنا ايلاف: كتفلاي؟ جودي: لا و الله الا معاك بصح تقبلنا بزوجنا اخييرا من كثرة الصدمة ماتيقتش مشيت دخلت لسيت حتى لقيت بلي بصح و عندنا 2 سيمانات نوجدو فيها الوراق يعني مابقاش لينا بزاف قلتها لمالين دار و كلشي فرح طبعا من غير وحدة لي كتبقى ديما مشطونة عليك واخا تكوني حداها و لي كتخاف عليك كثر من راسها واخا ماكتبينش ليك و لكن كتبقى نبع الحنان ماخلاتنيش نمشي حتى تجمعنا عليها كاملين و طليب و رغيب و مشيت عند بابا هو لي يعرف ليها عاد خلاتني دوك زوج سيمانات طراو فيها بزاف لحويج, اولهم جودي جات عندي من طنجة و كلسات معايا بحكم رباط قريبة ليا و باش نوجدو لوراق في القنصيلة و كانت اول مرة نتلاقاها. الخبر الثاني و لي صدمني هو ميشيل قال ليا بلي غادي يمشي يخطب حبيبتو سيد عندو حبيبتو و انا ماكنتشت في خباري و لكن مع ختكم كيف قلت ليكم عشاقة ملالة و عينيها زايغين فاش شفت المانيا ماكعيت ما والو بالعكس فرحت السيد و عرفت بلي سيد كان عاجبني على زينو و عقليتو و صافي ماشي كنبغيه و لا شي حاجة (في اطار نبرد على راسي ) جودي كانت رجعات لطنجة باش تكلس شوية مع دارهم, و لكن قطعنا البييي قبل يعني بقا لينا شهر في المغرب. كنت كنبغي نستغل الفرصة و اي حاجة درتها كنت انبقى نتمعن فيها بحال الا اخر مرة نرجع المغرب احساس غريب كيجيك فاش اتعرفي غادي تبعدي على داركم و على مدينتك لي كبرتي فيها و على العائلة كيبدا يبان ليك كلشي في شكل كتحاولي تحفظي صورة اي حاجة عزيزة عليك باش ترسخ ليك في البال. بقات لينا سيمانة وحدة و نكونو في المانيا, في ديك السيمانة كانت جات جودي و عائلتها باش من المطار د كازا نمشيو و مع كان وصلنا خبر لي فرحنا بزاف و هو فاتيم ولدات و عرضات علينا لسبوع في مراكش داكشي علاش جات بكري باش نتلاقاو مع البنات لوخرين و في اخر سيمانة لينا (طمطم الله يفك حيلك على خير غير سمحي ليا و صافي سبقت الاحداث اختي زربانة باغيا نغبر من هنا ) مشيت انا و جودي و يسرى (هي قريبة ليا ساكنة غير في سلا) في طران و كنا تلاقينا مع تيما لي حتى هي جايا من طنجة و فاش وصلنا لكازا لقينا هند و زينب و كنزة و اميمة كيتسناو في الطران مع ديجا تافقنا باش نمشيو مجموعين في طران واحد و عطيناهم الوقت لي غادي نكونو فيه في كازا, فاش وصلنا لمراكش تلاقات لينا خت فاتيم مشينا نهار قبل سبوع باش يالاه نكلسو مجموعين تما تلاقينا طمطم و كيمو لي كانت عاد وصلات حتى هي من وجدة( هي راها دارت ترحال ماشي غير سافرات ههه جات هي و خطيبها و دازو على اسو لفاس جات معاهم) و فوفا جات من الجديدة و كانت حتى سنا و اخيرا جيجي لي جات من كلميم مهم كلشي كان حنا لي جينا معطلين (مهم المغرب كامل تجمع في مراكش ) سمحو ليا كثر عليكم الاسماء و لكن ديك ليلة كانت من احسن ليالي لي دوزنا مجموعين و هي لي كانت خاصاني انا و جودي قبل مانمشيو بقينا سهرانين حتال 2 و فاش جينا نعسو فاق لينا الفنكوش لي بسبابو تجمعنا هاد النهار مهم دوزنا ديك ليلة الغد ليه حيحنا شطيح و بردنا غضيضنا مزيااان تقولي عمرنا شطحنا و لكن فاش تكون الدقة المراكشية و في مدينة البهجة فكتكون حالة خاصة كان عيط ليا خويا باش هو لي يجي يدينا بلاما نبقاو نتلاوحو في تران. خويا: ايلاف فينك راني في هاد الدرب لي قلتي ليا وصلت و لكن (ضربها بصقلة السيد) ايلاف: وا الكنس هضر مالك؟ تسنى انا نازلة اتلقاتي قدام الباب خويا كانت شاف حب حياتو و نسا ختو كان شاف واحد الدرية و كيتسناها دخل لدارهم باش يعقل عليها (سيد من اول نظرة تزعط و هانتوما خويا ناوي المعقول) بقا حاضيها يالاه حلات الباب باش دخل حتى كنبان ليه انا خارجة من نفس الباب ماعرف واش يضحك و لا يتصدم كلشي تجمع عليه, ايوا ا سيادة خويا طاح طيحة العمة في الظلمة لصحيبتي جيجي من كلميم فلتتفضل مشكورة ندى الصباح تبان عندي هنا ......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM