قصة المزحة #الجزء 35 : من بعد دقائق جات اسعاف و هزتها و مشى معاها ارثر, جودي في هاد الاثناء دازت اومبيلونص من قدامها و قلبها تهز و خلاص فاش شافتها غاديا لجيهة في كاينة القهوة لي خدامة جودي وكيف ذكرت قبل بلي راهم خدامين قراب لبعضياتهم, عيطات ليها في تيليفون و هي مخلوعة و كتبرد على راسها بلي تقدر تكون مشغولة داكشي علاش مجاوبتهاش, بقى اتصال دايز شحال حتى جاوباتها البنت و هي كتبي البنت: الو جودي: ايلاف؟ فيه هي ايلاف؟ البنت: ايلاف ضرباتها طوموبيل و جات اسعاف دابا داتها جودي لي ضارت بيها دنيا ماقدراتش تتحمل هاد الخبر و كيف تحملو و هي ختها لكبيرة و سندها الوحيد في ديار الغربة ضرباتها طوموبيل و ماعرفاتها واش حية و لا ميتة رجليها فشلو عليها و طاحت كلسات لارض بقات عدة ثواني عاد استوعبات اش قالت و طلقاتها بغوتها و بدات تبكي من وراها, تجمعو عليها ناس كيسولو مالها الا انها ماجاوبات حد, ناضت و خارجة كتجري و كتقول ختي, حتى وصلات القهوة و لقاتها ولات كيف الكنازة, شي مصدوم, شي يبكي , شي مامسوقش جودي: ختي , فين هي ختي ؟ ايلااف كضحكو عليا ياك, ماطرا ليها والو , عافاكم قولو ليا غير كضحك, هي كتهضر و كتبكي و حتى واحد مافهمها اش كتقول من غير ياسمين لي خدامة معاه و هي البنت المغربية لي ذكرت قبل. ياسمين: اجي اختي معايا اجي, هزاتها و كلساتها في كرسي و عطاتها الما جودي: و بغيييت ختي , فين هي ؟ ياسمين: ختك راه في سبيطار نوضي نمشي معاك مانخليكش تمشي و نتي بهاد الحالة جودي: لااا ختي عاد ساعتين باش كانت معايا, كيفاش طرا ليها ياسمين: ماعرفتش اختي, يالاه نمشيو نشوفوها خرجات جودي و ياسمين من المقهى و شدو طاكسي و تاجهو لسبيطار لي كان فيه ارثر واقف على نار برا و باغي يعرف غير كيف ولات ارثر: بسابي تاني طرا هادشي, يا الهي حميها و مايطرا ليها والو بقى ارثر تما غادي جاي حتى دخلات جودي و ياسمين جودي: ارثر ختي فين هي ؟ ايلاف ما طرا ليها والو ياك ؟ و شنقات عليه من الكول, قول ليا مابيها والو ارثر: باقي ماخرجش طبيب, حتى انا بحالك ماعرفتش جودي: اش طرا ليها ؟ ياك كانت في الخدمة اش خرجها لبرا ؟ ارثر: كنت كنهضر معاها شوية مشات رجعات فحالهاحتى كنسمع فران و كتبان ليا مليوحة فلارض حتى انا ماعرفت كيفاش حتى طرا ليها شد في راسو و كلس في الكرسي جودي: بسابك نتا ؟ نتا لي خرجتها و بسابك طرا ليها هادشي كامل, الا طرات ليها شي حاجة مانعقلش عليك ياسمين: استغفري بالله, هادشي قضاء و قدر ماتقوليش بحال هاكا جودي: بسبابو ختي مجبدة دابا لداخل و ماعرفتها واش حية و لا مية, صاحبتي لي فيها ختي و مي و با و خويا, انا لي فيقتها صباح و دابا فين هي ماكيناش, ماغاديش تحسي بيا داكشي علاش كتقولي هاكا, بسبابو هو كن ماخرجهاش باش يهضر معاها و كن بقات في بلاصتها ماكانش هادشي غادي ايطرا ليها و رجعات كتهضر مع راسها, عافاك ا ايلاف ماتخلينيش بوحدي هنا, ياك تافقنا اتكوني مي و ختي الا مشيتي دابا لكن اتخليني عافاك ماتخلينيش اختي ياسمين بقات كتسكت فيها اما ارثر فحالتو كانت بحال حالتها و كفس و كيف لا و هو لي لام راسو واخا مادار لا بيديه لا برجليه ارثر: بسابي انا , علاش ماحبستهاش , كن وقفتها, كن كلسنا فشي بلاصة و هضرنا, علاش خليتها تمشي علاش. بقاو على هاد الحالة شي 10 دقايق حتى دخل باتريك لي كان عيط ليه شيفور ديال ارثر و قال ليه اش طرا. جودي لي غير شافتو وقف حداهم تلاحت عليه و زادت كتبكي جودي: باتريك, ختي مشات عليا, مشات ايلاف و خلاتني بوحدي و كلشي بسابو هو ماغاديش نسمح ليه الا طرات ليها شي حاجة باتريك : صافي تهدني, ايلاف قوية ماغاديش تخلينا و اصلا نتي ماشي بوحدك انا معاك و حتى ايلاف غادي تزلي بخير. بقى كيهدن فيها حتى سكتات شوية و كلسها في الكرسي. بعد 38 دقيقة بضبط لي دخلات فيها ايلاف لمستعجلات, خرج طبيب و غير شافوه مشاو كيجريو عندهم. جودي: ختي ولات لاباس ياك ؟ ماطرا ليها والو ارثر: كيبقات ؟ طبيب: كوني هانيين, راه لاباس عليها, عندها غير كسر في رجليها و موعتة في يديها........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM