الأسود 🖤 الجزء 58 🔥🔥🔥🔥🔥🔥🔥 ( التتمة من بعد 370 لايك طاكيو صحابكم يقراو وجمجمو باش يكمل التفاعل ونزدكم جزء آخر ♥️) مهدي : بنت العبد تمات غادية بلا ماتهدر معايا خبيثة هاذ سلوى مشيت كنجري عندها حطيت ليها سلاحي في راسها سلوى : ناوي تقتلني أمهدي عندك الجرأة ؟ مهدي : ماغديش نديرها دابا حيث عندك الزهر حاملة بولد خويا ولكن واحد النهار انديرها هاني حذرتك سلوى : بتاسمت ليه في وجهو وطلعت الهليكوبتر توجهت المقر علي : ههههه داك خونا مهاكي الحياة كنت عارف ماغديش يموت سامي : الأسود والشر ديالو رجعو موصيبة مهدي : والموشكلة هي كنظن ماغديش يتقبل الضعف ديالو في آخر مهمة وغادي يبدا ينتقم ويتعلا بالقوة ديالو قدام الأبرياء علي : أشمن ضعف أالسي مهدي واش السيد دخل القصر الرئاسي ودمر قاعدة وهرب الرئيس ديالو وكتقول ضعف ياسمين : صافي بدلو هاذ الموضوع ضرني في راسي الواليدة: هاني خارجة نمشي السبيطار نشوف سناء دامي : انمشي معاك مهدي : توجهو العائلة كاملين السبيطار وانا وعلي مشينا جبدنا عليها بنعسة السبيطار ❌❌❌❌ لافاطمة : كيف بقيتي ابنتي سناء سناء : الحمد الله بيخير باقي شوية الحريق ، دامي ختي على سلامتك كيف دايرين البقية دامي : كلشي بيخير ماتهزي الهم لوالو راهم بيخير سناء : عاودو ليا شنو وقع دامي : عاودت ليها ملي مشينا حتا لأخر لحظة فاش مشات سلوى سناء : اهئ اهئ المجرمة هي خافت على الجنين ديالها مابغاتوش يكبر بلا أب وأنا حرماتني من أمين وبنتي الله يعطيها موصيبة الواليدة: بنتي ماتبكيش خلي ايمانك بالله قوي وتيقي بيلا ايجي النهار لي هي غادي تخسر كولشي ❌❌❌❌❌ مقر الذئاب _ كيف وصلت توجهت لشومبر ديالي دوشت و بديت كنقاد حالتي كنستعد لإستقبال زوجي قرة عيني باش يشوفني في مظهر زوين ملي ساليت مشيت الكافيتريا لقيت نمرود جالس تما نمرود : تمردتي بزاف اسلوى بدلك هاذ خونا سلوى : هاذ خونا بحال الملاك أالسي نمرود نسيتي من نهار دخل حياتنا وهو نافعنا نمرود : أكيبان ليك كاع هادشي لي وصلنا ليه نقدرو نوصلو ليه بلا بيه أنا وياك هوما الساس سلوى : راك غالط موهيم واقيلا وصلو نمشي نشوف .... مع سمعت صوت الهليكوبتر خرجت كنجري لساحة المقر كيبان ليا حبيبي يوسف هابط توجهت لعندو عنقتو وبديت كنبكي ليه على صدرو توحشتك وتخلعت _ عنقت سلوى وأنا فرحان حيث شفتها مرة أخرى دخلنا المقر مشادين لقيت نمرود عند الباب نمرود : على سلامتك مرحبا بيك من جديد _ تسالمنا وسولتهم على مصطفى واش رجع نمرود : مصطفى رجع راهو في العيادة _ توجهت لعندو برفقة سلوى دخلت الغرفة ديالو لقيتو ناعس وأنا نخرج مشيت شفت تسنيم لعبت معاها شوية وملي ساليت مشينا لشومبر ديالنا دخلت تما وبديت كنعاود لسلوى شنو داز علينا قبل مانتشد سلوى : نتا راك سيد والاسياد مكيضحوش براسهم ديما خاص ضحي بالاتباع حيث حياة الأسياد أهم يجي كلب ويمشي كلب غير خاص تحافظ على السنسلة _ جنود ديولي ماشي كلاب هوما خوتي وأصدقائي سلوى : لا كلاب وحتا حنا كلاب بالنسبة لفوق منا ، قلت ليك داك النهار كلام معقول وصحيح وماتقتيش فيا ومامشيتي حتاوصلتي كلامي _ أشمن كلام كتقصدي وصلت ليه سلوى : الرئيس سمح فيك تما لاهو لانمرود مابغاوش يرجعو يعاونوك فاش ضربات الهليكوبتر ديالكم واخا عييت معاهم ومبغاش يسلم الرئيس الغابوني ليهم ويرجعوك لينا _ من حقهم حيث الجماعة ماكضحيش في سبيل شخص واحد لو كان رجعتو انموتو كاملين وزايدون رآه سيفطو الحشاشين عاونوني متخلاوش عليا سلوى : ايوا خليك مقلوبة عليك الگفة _ ماتسوقتش ليها مشيت بدلت حوايجي وخرجت عند نمرود قلت ليه جمع ليا رجالي بغيت نشوفهم نفد كلامي ومن بعد لحظات كانو جالسين قدامي في الكافيتريا وكان العدد ديالهم 18 شخص فقط يعني فقدت 51 شخص من القوات الخاصة بديت كندور في عيني طلع ليا الدم حيث ماتو ليا 15 واحد من الأساسيات ديال الفرقة بداو معايا من نهار رجعت من عند المخابرات ومن بينهم 5 القناصة من أحسن الرجال نمرود : كتبان ليا مقلق شنو واقع _ هاذ الحرب خسراتنا بزاف أنمرود نمرود : ماديرش في بالك اليوم يسيفط ليك رجال آخرين دويت معاه في هاذ الموضوع _ دويت مع رجالي عزيتهم وشكرتهم على وقفتهم الرجولية في حربنا من بعد صيفتهم يرجعو بلايصهم رتاحو وأنا مشيت عند مصطفى لقيتو فاق شافني فرح بغا ينوض .... جلس أخويا خليك مرتاح مصطفى: الحمد لله ملي مزال حي أخويا فرحت _ الموت هربانة عليا كتشوفني كتقلب الدورة مصطفى: عمري حسيت بالرعب بحال البارح _ كانت أصعب مهمة ندوزو وملي نجحنا فيها غادي نجحو في جميع المهمات جايين مصطفى: علاش قلتي ليا غادر الذئاب _ حيث نتا بغيتي هاذشي ومكاين لاش تبقا من بعدي هنا ، موهيم رتاح شوية نمشي حتا أنا نعس شوية مصطفى: مالك في إيدك _ تيراو فيا في إيدي ذنوب ديك ختنا هههه مصطفى: الله يجيب الشفاء _ ليك حتا نتا اخويا ، مشيت لبيتي نعست ومع العيا مافقت حتال وقت الأذان ديال المغرب وبزز مزال حيث سلوى مخلاتنيش نكمل نعاسي ، فقت أول حاجة درت هي غسلت وجهي وإيدي وتوجهت الكافيتيريا لقيت الدنيا عامرة رجالنا مجموعين كيفطرو شافوني وقفو عطاوني التحية درت ليهم بالاشارة جلسو ومشيت جلست مع سلوى ومصطفى ونمرود والمربية على طابلة الفطور لي فيها جميع أنواع الماكلة عندها واحد الشاف تبارك الله عليه وخلاص نمرود : الله يقبل كولو واشربو هنيئا ليكم _ بدينا كناكلو وحنا كنهدرو وكنضحكو في واحد الجو زوين مصطفى : الأجواء الرمضانية رائعة سلوى : بصح ليها طعم خاص _ سالينا ماكلتنا توجهت لبيتي كملت نعاسي وهكذا دازت 10 ايام من حياتي مملة حيث مادرنا فيها والو المقر والصيام والنعاس مصطفى ستاعد قوتو وأنا ايدي ولات بيخير مابقاتش كضرني ... كيف كل نهار من بعد أذان المغرب كنتجمعو على الفطور نمرود : وأخيرا عندي مهمة جديدة الرئيس كلفني بيها بوحدي ولكن أيوسف اتمشي معايا سلوى : فين تاني هاذ المهمة نمرود : ماشي شيحاجة الرئيس باغي يشري أرض ضروري من أجل واحد المشروع وديك الأرض عبارة عن كاريان وساكنين فيه شي قماقم راسهم قاصح مابغاوش يبيعو ولا يتنازلو على أرضهم واخا عطاهم ثمن زوين داكشي علاش الرئيس أمرنا ناخذوها منهم بزز غادي نمشيو نخلعوهم _ صافي مشات أخويا ايمتا المهمة أنمرود وفين نمرود : اليوم مدينة الجديدة راني تعلمت بيها البارح ونسيت ماقلتها ليكم حيث ماشي شيحاجة _ صافي اليوم يكونو عندو أوراق البيع كيف ديما نمرود : يوسف بلا ماتدي رجالك معاك غادي يمشيو معايا رجالي أنا ، هاذ المهمة ماشي خطيرة ماكين لاش نتماو غاديين بكترة الجنود انخلعو دوك الناس وناخدو التوقيعات ونرجعو _ دير لي بغيتي ولكن ضروري يمشيو معانا شي وحدين سوكور وحتا من سلوى اتبقا هنا ماغديش ندوها سلوى : سلوى اتمشي معاكم ولابد _ لا ماعندك فين تمشي من اليوم ماكاين غير الراحة حتا تولدي عاد يمكن ليك ترجعي سلوى : واش من نيتك ضروري من خدمتي _ اه من نيتي وآلى قدر الله مشيتي معانا شي مهمة وتضربتي بشي قرطاسة في كرشك غادي يموت الجنين ياك نتي لي بغيتي هاذشي قدي بيه و الله يخليك متعاوديش معايا الهدرة نمرود : عندو الحق دابا مابقاو مهمات تهلاي في راسك حتا تولدي ديك الساعة يمكن ترجعي سلوى : حگارة نتوما _ مشات مقلقة لبيتنا ... شنو الخطة ديال المهمة نمرود : ماكين لاخطة لا والو غادي نشدو الأهالي ديال الكريان نخلعوهم شوية باش يسينيو لينا على ورقة البيع ونرجعو بحالنا _ بلاتي نمشي نبدل حوايجي نلبس حوايج المهمات نمرود : بلاش اصحبي غادي نمشيو نهدرو وصافي ماكين لاش غير يله هكذا _ دخلت عند سلوى لقيتها كاعية وهازة تسنيم في ايديها .... الحلوة زعلانة مالك احبيبتي سلوى : شوف نتا _ هاذشي لمصلحتك باش تحافظي على ولدنا ولا بنتنا لي جايين احبي بستها في حناكها بجوج وبديت كنلبس السيرفيط كحلة وسبادري ونظاظر كحلين أنا من عشاق الأسود جميع حوايجي والممتلكات ديولي في الأسود توادعت مع سلوى وبديت كلعب مع الملاك الصغير تسنيم شوية ودعتهم وخرجت أنا مصطفى و 6 من الفرقة الخاصة ركبنا طومبيلات من نوع مرسيديس وخرجنا في واحد الموكب مهيب بحال المافيا الروسية توجهنا لجديدة طريق كاملة دوزتها جماعة مع مصطفى الصديق ديالنا باش نتلفو الوقت تاوصلنا الجديدة مع 1:30 ديال الليل بديت كنشوف في الكاريان وكندقق الرؤيا ولأول مرة نفكر فشي حد حتا فكرت في هاذ الناس كنشوف الحالة ضعيفة وملي غادي يحيدو ليهم الأراضي ديالهم بالقوة غادي تكفس عليهم كثر ويتشردو نمرود : بدينا ايوسف _ كيفاش بدينا شتك اكتخربق في هاذ المهمة شنو هي الخطة بعدا نمرود : خطة بسيطة غادي نفرعو البيبان ونجمعو الناس في ديك الوسيعة نخلعوهم كيف قلت ليك _ عرفتي شنو غادي دير تكلف نتا أنا غادي نبقا هنا حتا تسالي نمرود : مالك هاذ النهار شتك ماشي على طبيعتك _ غير سير أنمرود معاك رجالك نفد الأمر حتا تجمعهم ونجي عندكم ، مشا هو ورجالو وأنا بقيت حدا الطوموبيلات أنا ومصطفى ورجالي تكيت على طومبيلتي وبديت كنتفرج مصطفى : غريب امر نمرود قال ليك مهمة بسيطة وجايب معاه 50 شخص من رجالو _ هاذشي لي كنشوف بقينا حاضيين وكنشوفو في رجال نمرود كيفاش كيفرعو البيبان وكيخرجوو الناس من ديورهم وهوما مخلوعين وكيغوتو ولاد صغار وكبار شيوخ ونساء جميع الفئات ديال الناس مجموعين في هاذ الكاريان كيخرجوهم وكيدوهم واحد الوسعة كبيرة وجمعو عدد كبير ديال الناس مايقارب 60 عائلة في الكاريان فاش جمعهم مشيت عندو أنا ومصطفى نمرود : يوسف شوف كيفاش ولاو كيغوتو بحال فراكس ديال درهم شنو نديرو معاهم _ قضي غراضك خود توقيعات ويله نمشيو من هنا وماتأذي حد نمرود : السكات مابغيت نسمع صوت حتا حد ماتعصبونيش .... علاش عزيز عليكم توصلونا لهاذ الماصل جاو المسؤولين ديالنا هدرو معاكم بالخاطر مابغيتوش تبيعوو هددوكم ومابغيتوش تبيعو و تصنتو ليهم شنو يحساب ليكم راسكم ماغديش نفدو كلامنا دابا يا غادي تسنيو لينا على أوراق البيع ولا نقتلوكم شخص كبير في العمر : غادي نسينيو ليكم غير خلونا بحالنا _ من بعد الرعب لي دار فيهم نمرود قنعهم يسنيو ليه خليتو كياخد توقيع ديال أصحاب المنازل وكيبصموو وانا بديت كندور مع مصطفى في الكاريان وكنستكشف المنطقة مصطفى: فين غادي يمشيو هاذ الناس أيوسف _ حتا انا لقيتيني كنفكر ولكن ماشي شغلنا ماعلينا غير نفدو الأوامر وهوما يمشيو فينما عجبهم وحنا كنهدرو بعدنا ب 200 ميترو حت بدينا كنسمعو القرطاس رجعنا كنجريو تجاه نمرود وفي طريقنا كتبان لينا بنت صغيرة في عمرها 11عام تقريبا جاية كتجري تجاهنا بكل جهدها شافتني بدات كتغوت بنت صغيرة : عمي و عميييييييي عفاك عاوني بغاو يقتلوني شفت في مصطفى وشاف فيا نظرة استغراب مصطفى: دراها نمرود _ تحركت بسرعة تجاهها بغيت نشدها نحميها كيف ووقفات قدامي كنسولها مالك تلفتات لور تنعت ليا في شي حد خرج واحد من رجال نمرود كان تابعها تيرا فيها 2 طلقات لظهرها طاحت ليا عند رجلي في واحد المنظر دمرني وضرني في خاطري هزيتها من الأرض لقيتها مزال كتنفس ودموعها هابطين والدم خارج ليها من نيفها وودنيها وكانت كتلفظ أنفاسها الأخيرة في إيدي وقالت ليا بالحرف ماعونتينيش اعمي ولكن أنا مسامحاك حيث حاولتي كملاتها و ماتت ليا في ايدي ضراتني خاطري و شداتني البكية بديت كنغوت لاااااا ...يتبع ( التتمة من بعد 370 لايك طاكيو صحابكم يقراو وجمجمو باش يكمل التفاعل ونزدكم جزء آخر ♥️) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM