الوحش وزوجته الجريئة #الجزء 30 : تعشاو و جرو سناء وسط منهم و دخلوها للبيت اللي غادي ينعسو فيه ، قمر:معامن كنتي في هاد الليل . عبير:و أشمن موعد هادا ورمانسي و لا ديال العمل . قمر شافت فيها :إنا عمل الله يهديك . سناء :و جلسو باش نعاود ليكم و سكتو حتا نسالي عاد هضرو . قمر:يلاه بداي . سناء بابتسامة:كنت في موعد مع رضوان . قمر:هاه وليتي دوري ليا بولد خالتي الكاريثة ، كنت عارفاك ديريها ، شوفي كلمة وحدة نقولها ليك غادي تفرقي عليك الدري و لا غادي نبجلخ مك . سناء: . قمر:هيهيهي غير كنضحك معاك كملي . سناء:إيوا أصلا حنا في علاقة شي سيمانة دابا . قمر:كملي كملي كتقوليها بوجهك حمر . سناء:و اليوم عرض عليا العشاء و طلب من الزواج . قمر:المكبوت لاخر مزروب الله يعطيه شي مصيبة . سناء:الله يحفظو تي مالك غير صاعرة . عبير:و كملي لينا . سناء:و قاليا داكشي اللي نديروه دابا من الأحسن يكون في الحلال و الله راضي علينا ، و أنا وافقت . قمر:الله خطير و الله باين كيبغيك غير منين باغي الحلال . سناء:شتي نتي عندك انفصام في الشخصية . يلاه غادي تجاوبها و هو يصوني تيليفون سناء لقاتو رضوان و هي تبدا تضحك و مشات باش تجاوبو . قمر:سيري سيري انا اللي ما عندي زهر . عبير:ههه نتي راه زهر كيجي حتال عندك و تجري عليه بعصا ديال كراطة . قمر:كنت غانوض نفلقك غير درت بوجه العريس تمشي ليه غدا مفلقة من راس و يزيد يفلقك تاهو و تكمل (فهمتووني ). عبير:الله يمسخك . صونا تليفونها حتا هي و كان أيوب و مشات تهضر معاه ، قمر:غير سيري سيري كيتي أنا اللي سليباطير و ولا عندي جَفَافْ عاطفي شكون فحالي . و هي تفكر مروان و مشات تنعس ، سالاو البنات الهضرة مع رجالهم ( ) و مشاو تخشاو حداها و هي وسط منهم و نعسو حتى هوما........ #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM