الوحش وزوجته الجريئة #الجزء 29 : فاقت قمر دوشات و نزلات لقاتهم كلهم جالسين كيفطرو ،جلسات ساكتة و طالع ليها الدم ما ناعساش الليل كامل و هي كتقلب ، بدر شاف فيها و هي شافت فيه و بتاسمات ، بدر:قمر غادي تبقاي هنا و لا تبغي تمشي للدار . هنا شافيها مروان و هي شافت فيه: لأ غادي نرجع للدار . مهى فرحات الفرحة انخرج ليها من عينيها حيتاش شافت مروان مهتم ب قمر بزاف، الحاجة:الله يبنيتي الله ، علاش غادي تمشي و يلاه جيتي غير البارح . قمر:عرس عبير غدا و يلاه نمشي نعاونها شوية . الحاجة:ايوا الى هكاك صافي و لكن بقاي تجي اودني منك. قمر:ههه . بدر :يلاه أقمر نمشيو ، طلعو الطموبيل قمر اللور و سي رضا القدام و بدر كيسوg ، حتى وصلات لقمر رسالة حلاتها و هي تبتسم كانت من مروان ، تهلاي في راسك و متبقايش تنقزي كيف القرد ، راكي يلاه دايرة عملية . وصلو للدار و قمر علمات خوها باللي غاتبقا مع عبير حتال نهار العرس ، طلعات لبيتها و جمعات حوايجها في فاليز صغيرة و جمعات مكياجها ، لبسات سروال أبيض و تيشيرت غوز ، دارت كلوز و رشات ريحتها و خرجات بقات واقفة كتسنى في طاكسي و هو يخرج ليها مروان من جنب حل الزاج ديال طموبيل:طلعي . طلعات و هي كتضحك . مروان:مالكي كضحكي . قمر:ههه غير شفت طموبيل و أنا نتفكر نهار اللي صبعتك . مروان:ههه مسخوطة هادشي اللي كتعقلي عليه . وصلو للدار عند عبير و يلاه غادي تنزل وقفها ، مروان:دابا الدار اتكون عامرة دراري كبار و صغار ،الصغار ما سوقيش....و لكن الكبار اودني منك و لبسي مستور أوك . قمر:و علاش هادشي كامل . مروان غمزها:نهار العرس و نقوليك . قمر خرجات مخنزرة صبعاتو و قالت:غير حلم أنا عزيز عليا ندير تعارف مع كلشي الكبار و الصغار .... و هربات كتجري ، و هو يصوني ليها معصب جاوباتو. مروان:بلاتي الحمارة يلاه هادي 16 يوم باش دايرة عملية و خارجة كتنقزي و لكن غير بلاتي حتى تولي في يدي و نربي مك مزيان . و قطع و مشا مكسيري و خلاها واقفة مصدومة ، دخلات سلمات على عائلة عبير ،باها و مها و خوها لكبير و ولاد و بنات خالتها و ولاد عمها ، و طلعات عندها كتجري ، دخلات لقاتها دايرة ماسك و دايرة جوج خيارات في عينيها و متكية مرخية ، مشات قمر و بدات كتدوز يديها على فخدها و هي تبتسم عبير و قالت:أيوب جيتي . قمر بدات كتضحك :جاك ملك الموت . عبير حيدات الخيار من عينيها :قماار . قمر جلسات حداها و قلداتها:أووه على أيوب جيتي ، لا لا نتوما مسبقين ليلة الدخلة ...غير دوزت يدي في فخدك قلتي أيوب ...يعني هادا كيدوز حتا هو يدو و الله يحفظ كوراه كيمشي لشي مناطق أخرى غير أستغفر الله و صافي عبير ضرباتها بمخدة غير للراس (مخدة ديال ريش ماشي فحال هديك اللي عندنا ديال لحجر ) و بقاو كيضحكو و كيهضرو و يديرو في الماسكات و هضرو مع سناء باش تجي قالت ليهم عندها موعد و ما بغاتش تقول ليهم معامن ، و قالت ليهم في الليل و تجي ، جا الليل و يلاه حطو العشاء و هي دق سناء ناضت قمر حلات ليها ، قمر:يخر و تقولي شميتي ريحت الماكلة و نتي تجي . سناء:مغاديش نجاوبك أنا فرحانة دابا ........ #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM