الأسود 🖤 الجزء 29 🔥🔥🔥🔥🔥🔥🔥🔥🔥 ( التتمة من بعد 410 لايك قرا وتفاعل وعطيني الرأي ديالك ❤️💪🏻) الواليد: اه عارف العنوان الولاد كراو قهوة المرزاقي لي في حي السعادة دامي : شكرا عمي ، أمين يله نمشيو عندهم _ إلى بغيتي تمشي غير سيري أنا ماغديش نمشي ، ودي معاك لافاطمة تاهي تشوف بنتها دامي : علاش مابغيتيش تمشي يله تشوف صحابك وماماك _ تال مرة أخرى مامستعدش دابا حتا نرتاح دامي : واخا لي عجبك أنا اندير ليهم مفاجئة واعرة .... خرجت أمرت رجالنا ديال الفرقة الخاصة لي وليت القائدة ديالهم يلبسو لباس المهمات وشرحت ليهم واحد الخطة جهنيمة ودخلت لدار _ أديك الجنية لاش كتخططي تاني دامي : بغيت نضحك معاهم شوية وبالأخص خوك مهدي ، دخلت لبيت لبست لباس المهمات لي كيتكون من سروال وجاكيط والسمطة وبرودكال في الاسود وسترة واقية من رصاص عليها اسم الفرقة ديالنا وبوشيط ديال الأسلحة وغطيت وجهي بقناع الوجه ولبست كاسك الرأس وعلقت الگراد الجديد درت ناضر كحلينين باش مايبانوش عينيا ( حيث زوينين تبارك الله بابنين ديال بنت ) خرجت من البيت بقاو كيشوفو فيا وهوما مصدومين _ شوفو هاذي شنو كتخربق والله ما عندها شي عقل ، من نيتك هاذي هي المفاجئة لي باغية ديري ليهم بربي حتا هارب ليك ، قلت ليك لبارح انك كترتاحي غير في هاذشي ديال المهمات مزال حتا مابريتي زربانة تلبسي حوايج المهمات دامي : هاذشي لي عطا الله ، يله اخالتي نمشيوو ونتا خليك ترتاح المعكس باي ( حي السعادة ) مهدي : في واحد القهوة في حي ساعدة مجموعين أنا والواليدة وياسمين وصحاب سناء ماماها وش دراري وبنات آخرين ماكنعرفهنش لأول مرة نشوفهم ، قبل مانخرجو من الدار وصيت الواليدة ماتقولش لسناء بيلا هي الأم ديالي أو كتعرفني مابغيتهاش تعرف الحقيقة ، ولكن مع دخلة ديال القهوة شافتنا جايين بجوج وقفات علينا سناء عنقات الواليدة وتسامحو حيث الواليدة كانت مقلقة منها ، دارت سناء لعندي سولاتني على الواليدة سناء : شنو كدير معاك الأم ديال مهدي مهدي : تدعقت وماعرفت مانقول هو يدخل سامي في الخط عطاها عذر زوين سامي : أنا لي عرضت على أم مهدي تبدل الجو معانا سناء : أحسن مادرتي مرحبا بيك خالتي مهدي : دخلنا جلسنا كانت حفلة ناضية ماكين غير الشطيح والرديح وتيتيز شاخضة القضية ياسمين : مهدي هاذ الذيب ياربي سلامة ماكيضحك ماكيبتاسم وجهو مشئوم مهدي : بحال هاذ نوع هكذا داير كيباتسم مرة وحدة في حياتو هي فاش شد سلاح اول مرة .... كندوي وكنشوف فيه وهو شاد واحد الطابلة ومريح مع 2 من الحراس كيكمي ودايرين بيه عدد كبير من الحراس تقريبا 17 واحد مفرقين على طابلات آخرين جالسين كيتقهواو والبقية واقفين على برا مكلفين بالحراسة الخارجية ، داز شوية الوقت نضنا شطحنا على اقاعات الشعبي أنا و الواليدة نوضتها غير بزز تشطح معايا جريت ياسمين حتا هي نوضتها من بلاصتها الكليكة تحمسو نضمو لينا شطحنا مجموعين ، من بعد الشطيح ريحنا في واحد الطابلة طويلة وكبيرة بداو كيغني لينا أيمن على گيتار واحد الأغنية قال ليك خرجها على رجوع سناء تصنتنا ليها كانت زوينة وسفقنا ليه سناء : اغنية زوينة موهوب كيف عادتك .... عطيني هاذ الگيتار توحشتو منير : أمممم توحشتي لي كان كيعزف على الگيتار ماشي الگيتار إسماعيل : الذيب جري دغيا تشوف ذيب : شنو كاين ياك لباس إسماعيل : سربي اصحبي دغيا تشوف مهدي : خرج ديب كيجري بسرعة والحارس لي سميتو إسماعيل كان متوتر هاذشي لي خلا كلشي خايف وكيتسأل شنو واقع من بعد دقيقة دخلو شي وحدين لابسين حوايج المهمات دارو 2 صفوفة بحال ممر شرفي ودايز واحد خونا من وسط داك الممر هاز مسدس في إيديه . شفت في الحراس ديولنا بانو ليا واقفين ماقدرو يديرو حتا حركة مع غادي نهز وجهي مرة أخرى في اتجاه خونا لي كان داخل وسط الممر الشرفي لقيتو حدايا وحاط ليا سلاح على راسي ، تخلعت بزاف كنت غادي نديرها في حوايجي بداو كيغوتو صحاب امين ... هزيت عيني فيه بخوف وقلت ليه ها العار ماتقتلنيش اخويا أنا مزاوگ أنا ماشي هو اكنشبه ليه الواليدة : عفاك مادير ليه والو خلي ليا ولدي مهدي : شاف في الواليدة ودار ليها بيديه ريحي الواليدة ريحات بلاصتها خونا رجع سلاحو لبوشيط لي في الحزام ورجع 2 خطوات لور ودار بالاشارة لرجالو يتراجعو شوية مهدي : تراجعو رجال لي معاه مشاو لزاوية ديال القهوة وهو دار عكسنا حيد ديك الخودة لي على راسو من بعد حيد غطاء الوجه كيبان ليا شعر طويل مدفگ وكانو ملامح بنت تلفتات لينا شفنا وجهها عد رجعات فينا الروح كانت ديك المسخوطة ديال دامي تصدمت فاش شفتها وفرحت في نفس الوقت دامي : متخافوش هاذي غير أنا كنت بغيت نفاجئكم ونضحك معاكم ماتوحشتينيش ؟ مهدي : الله يعطيك موصيبة خلعتيني الواليدة : الله ابنتي هاذا ضحك ياسمين : ختي دامييييي يايييي جيتي على سلامتك الحمد الله دامي : ناض مهدي عنقني وجات ياسمين بدات كتعنقني وتبوس فيا بقينا معانقين شحال الواليدة : دامي بنتي قولي ليا ولدي فين هو واش لباس عليه دامي : بيخير وعلى خير رآه في دار الواليدة: الحمد لله اجي أبنتي عنقيتي تخلعت عليكم بزاف ياك ماوقع ليكم والو دامي : تكرفسنا شوية ولكن كلشي داز بيخير اخالتي سلمت على البقية فرحت من ردة الفعل ديالهم اخيرا لقيت ناس يبغوني ويفرحو بيا ، ختي ياسمين عندي ليك مفاجئة ياسمين : اشمن مفاجئة دامي : خرجت جبت ليها خالتي فاطمة شافتها ناضت كتجري عندها عنقاتها من بعد عنقاتني تاني ياسمين : ماماتي توحشتك بزاف ختي دامي تخلعت عليك يحساب ليا ماغديش نشوفك مرة أخرى كنحس بالسعادة دابااااااا دامي : كنت انموت ساعة ربي مكتب ليا عمر جديد مزال مطولة معاكم وماغديش تهناو من صداعي ... درنا عناق جماعي نزلو ليا شوية الدميعات بالفرحة مهدي : ياك الذيب هاذي هي الرجلة ماقدرتي دير وآلو ... شاف فيا وبدا كيدير ليا إشارة تجاه الگراد قدرت نفهم أن دامي فيتاه في الرتبة ، داكشي علاش مايقدر يدير والو أو يتكلم قدامها سناء : على سلامتك اختي كنشكرك بزاف حيث عاونتيني في تونس دامي : هاذا واجب ديالي .... أكرم بلا ماتخرجو ريح نتا ودراري هنا شربو ليكم شيحاجة _ كنت متردد في الأول باش نشوف سناء ماقدرتش نواجهها ماعرفت شنو نقول ليها ولكن الواليد قنعني باش نمشي ليوم ونعاود ليها الحقيقية كاملة قتانعت بكلامو ومشيت طلعت لبيتي لبست سروال دجين زرق وقميجة بيضة وفيستا زرقة وموكسان زرق ورشيت شوية ريحة وبدلت العاصمة لي على راسي درت وحدة جديدة وخرجت تجاه الطومبيل مهدي : شنو وقع من بعد ماخليناكم في المطار وايمتا رجعتو دامي : انعاود ليكم ولكن تبقا بيناتنا الجميع : مفهوم دامي : من بعد مادخلتي نتا وسناء لساحة الاقلاع بقينا مدابزين مع وحدين من رجال أحمد بونيات سلخناهم خلينا الطايح كتر من النايض ولكن دخلو وحدين مسلحين وحنا مكانش عندنا السلاح بقاو كيتريو علينا في المطار ، قدرنا نهربو لكن لاحقونا بقينا كنجريو حتا عينا تال واحد لحضة خدينا موطور هربنا بيه ومتافكوش معانا بقاو ملاحقينا بطومبيلات وهيليكوبتر من بعد دقائق قدرنا نهربو من الطومبيلات ولكن الهليكوبتر بقات ملاحقانا بحال ضلنا والرجال لي فيها كيتيريو علينا من لفوق ، وتما فين تضربت أنا كنت انموت ولكن خوك أمهدي تخلص من الهليكوبتر وعاوني حتا وصلنا واحد القرية وتما تعالجت وكانت من أصعب لحضات حياتي حيث صعيب تحيد قرطاسة بلا بنج مهدي : لحمي بورش عليا كملي _من بعد فطرة خطفوني العصابة ، خوك تاني بمساعدة الفرقة الخاصة حرروني من الأسر وفقدنا رجال بزاف ورجعنا ول لبارح بليل مهدي : دوزتو العداب على سلامتكم سناء : سمحو ليا أنا سباب في هاذشي حسناء : الله يرضي عليكم ابنتي سمحو لينا بزاف على هاذشي لي طحتو فيه دامي : هاذا واجب اخالتي سامي : واتقول شي فيلم ديال الاكشن كون ماكنتش كنعرفكم مانتيقش سناء : ختي دامي بغيت نفهم واحد البلان كنتي قلتي انك دكتورة نفسانية ديال مهدي دابا وليتي ضابطة كيفاش البلان دخت شرحي ليا وقولي ليا صراحة شنو علاقتك بمهدي وشكون هاذ الشخص لي كان معاك حتا هو في تونس عاونك دامي : سكت ماعرفت مانقول بقيت كنتمتم سناء : مالك ساكتة ماقلتي والو بغيت نعرف راسي ضرني كيدورو بواف ديال الاسئلة في بالي دامي : بغيت نكدب عليها شي كدبة وماعرفت مانقول حصلت بديت كنفكر حتا جا الحارس كيجري ٱسماعيل : الذيب النائب العام هنا دامي : هزيت عيني كيبان ليا أمين داخل فرحت حيث تهنيت من هاذ المشاكل ديال سناء هو يشرح ليها ... بالكمممممممم مهدي : مع قالت دامي بالكم ناضو جميع الضباط والحراس لي تما عطاو لخويا السلام العسكري هو بدورو رد عليهم السلام وكان كيبان مهيب الواليدة : ولدييييييييي أمين ولدي على سلامتك واخيرا جيتي خلعتيني عليك _ مشيت كنتمشا جيهتها وأنا كنعرج عنقتها وهي كتبكي بقيت كنطمأن فيها ، الله يسلمك اميمتي أنا بيخير ماكين لاش تخلعي عليا الواليدة: علاش أولدي ديما خالعني عليك _ هاذي خدمتنا اميمتي ماكنديرش هاذشي غير حيث بغيت وانما مفروض علينا سناء : أمين كيفاش مامات مهدي كتقول لهاذا ولدي وهو قال لينا خوه مات ... بلاتي بلاتي كيشبه ليك بزاف هاذا توأم ديالك يعني هاذا هو خوك لي قال لينا عليه الذيب ، أمين كيفاش البلان وكيفاش الأم ديال مهدي كتقول ليه ولدي وفي نفس الوقت كتقول ليه امين شرح ليا راسي غادي يترطق مهدي : دابا تفهمي كلشي أسناء غير صبري ياسمين : أجي لهنا عنقني على سلامتك المسخوط تشطنا عليكم _ عنقاتني ياسمين من بعد خويا ودرت على كلشي كنسلم وكنعنق حتا دروني حناكي بالبوسان وايديا بتعناق مكيتقداوش ناض ليا مهدي من البلاصة في كان مريح حيث كان حدا سناء ريحت بلاصتو وبديت سارح في ملامح وجهها الملائكي وكنباتسم بحال شي جن عاشق سناء : مالك اخويا كتشوف وكتبتاسم ياك لباس _ بداو صحابنا كيضحكووووو سناء : مالكم كضحكوو أش واقع راسي أيضرني شكون هاذا لي كيشبه لأمين _سسسسسس كتباني زوينة ليوم سكتي خليني نبقا مركز في وجهك توحشتك أسناء سناء : وا سي شكون نتا وأش هاذ البسالة زعامة خايبة _ بقيت كنبتاسم ليها وكاملين كيضحكو مافهمات والو سناء : واش بغيتو تحمقوني مالكم اش جاكم فجأة كليتو شيحاجة _شفت في إيدها كانت دايرة الخاتم لي كنت عطيتها شديت ليها في الصبع لي دايرة فيه الخاتم وقلت ليها مزال محتافضة بيه من بعد هاذ المدة كاملة تبارك الله عليك ، جرات ايديها ودفعات ليا إيدي وخنزرات سناء : شنو لي محتافضة بيه واش نتا مريض كتشوف فيا بحال شي حمق شكون نتا اخويا _ أنا ماشي حمق ولكن بصح عاشق مجنون جبدت ليها الخاتم لي كانت عطاتني كادو وسنسلة لي فيها S.A لي هزيت من بيتها ، شفت فيها والإبتسامة على وجهي وهي مصدومة عرفتي هاذو سناء : هاذ الخاتم وسنسلة شنو كيديرو عندك وهاذ الصوت ديالك كيشبه لصوتو شنو هاذشي كيوقع أسيدي ربي شكون نتا قول ليا عفاككككك _ عقلتي على هاذ نضاضر حتا هوما ( جبدت ليها نضاضر المكفوفين لي كنت كندير ) عينها ولاو حمرين وتأطرات سناء : هاذشي كامل شنو كيدير عندك منين جبتيهم عفاك جاوبني شكون نتا رآه راسي باغي يترطق كيفاش حتا وصل ليك هاذشي ديال مهدي _ دموعها بداو يطيحو وهي شادة السنسلة والنضاضر لي عطيتها ، حطيت إيدي على ايديها وقلت ليها .... سناء أنا هو داك العما الغليض أنا هو مهدي لي كنتي كتبغي راني مزال عايش ، دفعات ليا إيدي سناء : كتفلا عليا لالا لا مايمكنش تكون نتا مهدي مستحيل _ علاش مستحيل أنا هو مهدي لي كنتي كتعرفي أسناء شكلي تبدل شوية عليك ولكن صوتي ماعرفتيهش زعما ؟ أنا هو داك الشخص العما لي حبيتي الواليدة : سناء هاذي هي الحقيقة ابنتي هاذا ولدي لي كنتي كتعرفي وراه ماماتش ومزال حي سامي : هاذا هو مهدي اختي حتا حنا ماتيقناهش في الأول ولكن رآه هو _ خاص الواليدة واقيلة حتا نغلاض ونطول شعري ولحية ولبس نضاضر العميين عاد باش تعرفني صافي نسيتي كيفاش تعارفنا من بعد مدابزة ديال الكيوسك ، ولحضات لي دوزنا في حديقة الدماء عيد ميلاد أيمن وبلان طبيب لي مشيت ليه أنا وياك في الواليدية ، رحلة مرزوگة كيفاش داويت أيمن ، مفاجأة سنسلة والخاتم في بحر البيدوزة كيفاش تعارفنا بحبنا في هاذ البلاصة بضبط ، صافي نستيني واقيلا كلشي نتي لي وليتي عمية دابا ركزي ليا في عينيا ... نزلو شلالات ديال الدموع من عينيها وبدات كضرب ليا فيا لصدري سناء : حرام علاش خليتيني علاش مشيتي عليا كنكرهك _ ماشي لخاطري تا أنا ماكنتش باغي نوصلو لهاذ المرحلة لي وصلنا ليه ولكن كانت ضروف فوق طاقتي سناء : هاذ الضروف زعما صعب من انك تخلي البنت لي كتبغيك تبغي تسطا عليك سير بعد مني نتا أناني كتفكر في راسك ومافكرتيش فيا حشومة عليك علاش تال دابا عاد جاي ، يله تفكرتيني مريم : أويلي أصحبتي اش هاذ الهدرة حتاهو الله لي كان عالم بيه وضروفو كانت اصعب ، وزايدون كنتي كطلبي يكون عايش ط باش تشوفيه هاهو حداك دابا حمدي الله وشكريه _ جريتها لعندي خشيتها بين صدري عنقتها وهي كتبكي .... توحشتك أسناء تا أنا تعدبت بزاف في فراقك ومدازش بساهل سناء : حتا أنا توحشتك عفاك عمرك مزال تخليني _ على أنا نقدر نخليك من نهار شفتك اخر مرة ونتي في بالي صباح وليل عمرك خرجتي من عقلي كنت انحماق بسباب العذاب ديال فراقك مهدي : تبارك الله على روميو و جولييت _ هنينا اصحبي سكت خلينا نكملو تعبي سناء : عاود ليا امهدي كلشي كيفاش وليتي كتشوف بغيت نعرف كلشي _ سمعو كاملين اصحابي القصة الحقيقية ديالي واخا اتقلقو مني ولكن نتمنا تفهموني علاش درت هاذشي ، أنا أسناء عمري كنت عما من ساعتي كنت كنشوف أنا هو الضابط أمين لي كتعرفي وماسميتيش مهدي كيف قلت ليك ، هاذا خويا توأم هو لي سميتو مهدي القصة بدات نهار الرئساء ديالي بغاو ينتاقمو مني حيث أنا ضابط نازيه كنت واقف ليهم في طريقهم وهوما مخلوضين وكانو كيخططو يدخلوني الحبس داكشي علاش قلت نزرب عليهم نوجد ليهم شي خطة نواجههم بيها ترينيت بخويا مهدي باش يضعاف من بعد ماكان غليض في الوقت لي كنت أنا كنشرب واحد سيرو باش نغلاض ونولي بحالو نجحت في الأمر وقلبنا الأدوار بيناتنا زورت تقارير بأن مهدي ولا عما ، وداكشي لي كنت متوقعو هو لي وقع الرئساء ديالي بمساعدة العمراني باك أسناء لي كان تاهو في صفهم وأي تخلويضة كتلقاه معاهم، لقاو الحل وطيحوني ببلان ديال المنجم لي داز في الاخبار داو خويا الحبس بلاصتي حيث كيحساب ليهم أنا وقلت نبدا الانتقام من العمراني هو الأول داكشي علاش خططت نوصل ليه عن طريقك نتي وصاحبك كنت بغيت نطيحكم في واحد السرقة أسناء نتي ودراري باش نهدد باك بيكم مقابل دليل البرائة ديالي داكشي علاش تعاشرت معاكم نهار لول ، أنا لي ضربتك في الكيوسك اول مرة وانا لي خديت ليك الشيشة أسامي ماشي طاحت ليك منير : شتي يعني نهار ضربناك ماضلمناكش أيمن : سكت اصحبي جاب الله ديك الساعة ماكنتش كتبان هاذ دامي كون دگدگاتنا عصا دامي : هههه لا منقيسكممش نتوما عزاز عليا _ من بعد ماستقبلتوني في الكليكية عزيتوو عليا وليتو صحابي وعمرتو الفراغ لي كان خاوي في قلبي مريم : اممم باينة _ والله حتا بصح حياتي كاملة كنت كنتجاهل بنادم وبالأخص فاش بديت الخدمة خلاو قلبي قاصح ماكنتش كنحمل البشار حدي خطبت واحد البنت سميتها هدى من بعد ماكانت الواليدة مصدعاني نتزوج وهي لي كنت قليل فاش كندوي معاها ولكن ملي عرفتكم اصحابي حبيتكم وليتو عزاز عليا وبغيت سناء من كل قلبي وقدرت نبدل الفكرة حيث عرفت بيلا ماعندكم حتا شي ذنب في الموضوع من تما بديت في خطط جداد وكانت المساعدة الوحيدة ديالي هي دامي لي سيفطها واحد الاستاذ ديالي باش تعاوني وتحميني و كانت ديما قريبة مني وراكم شفتو تدخلات ديولها كاملين ، فاش خديتو الموقف أسناء نتي البنات عليا وضنيتوها خطيبتي كنا كنتلقاو باش كنوجدو الخطط على ود لقاو دليل برائتي وهذا سباب لقائنا المتواصل في القهوة ومكانش بإمكاني نخبركم بالحقيقة لسرية المهمة فدوى : وفين غبرتي هاذ المدة كاملة _من بعد ماقالت ليا مريم ديك الهدرة حدا لافاك حقدت ديال بصح على سناء وكنت محتاج نبعد زورت موتي غبرت على كلشي حتا من دارنا يحساب ليهم بصح مت ومن تما بدا الانتقام من كلشي هربت خويا من الحبس ولكن ديك ليلة مزال تضربت بالقرطاس وكانت حالتي خطيرة دخلت في غيبوبة طويلة وكان عندي زهر ملي فقت ، مع الوقت ستعدت قوتي وبمساعدة واحد الشخص خديت البرائة ديالي ورجعت تلاقيت بدارنا و بصحابي لي هوما نتوما وعرفت قضيتك اسناء بأنك كنتي كتبغيني وبيلا تزوجتي بسيف عليك وقررت نرجعك وطلعت لتونس عتقتك ونتاقمت من الميكروب لي عذبك هاذي هي قصتي كاملة باختصار وكنتمنا تكونو مسامحيني وكنبغيكم كاملين نتوما احسن حاجة وقعات ليا ... خليتهم حالين فمهم فيا سامي : مسامحك على كلشي إلا ديك الشيشة اصحبي ملاك : حتا أنا مسمحاك بشرط تقول ليا السيرو لي كنتي كتشرب باش تغلاض واقفة عليه _ مالك اصحبي ياك عطيتك وحدة أخرى أش بغيتي كتر ونتي أملاك تال من بعد و فكريني نعطيك السمية سامي : غير كنضحك معاك اخويا عشرتك أعز ليا من هاذشي كامل نتا واحد الشخص ماكينش بحالو ونعمة الصديق _ ربي يخليك اعشيري حتا نتا وليتي بمتابة خويا وعزيز عليا بزاف وديما كنقولها في غيبتك سناء : وناري شحال كذاب مكتقداش كذبتي في سميتك و في مسألة خوك وأنك عما وخدمتك وبزاف ديال الحوايج أخرين عمري شفت بحالك في الكذوب كيجري ليك في دم نتا بروفيسيونيل شحال ديال سيناريوهات كنتي كتخرج من داك الراس وكتعطينا _ ولكن عمري كذبت عليك في حبي الزين سناء : ماكرهتش نقتلك بيدي _ياك ياك بغيتي تقتليني قبري موجود وكتعرفيه أنمشي ليه دابا نعس فيه الى بغيتي ... سرفقاتني بشوية لوجهي ودارت فيا واحد تخنزيرة بحال إلى بغات تاكلني سناء : سكت الباسل عمرك تفرق عليا ومابقيتش أنخليك تمشي شي بلاصة بمرة رجلي برجليك فهمتي أسي أمين _ مابقيت غادي نمشي فين من ليوم أنا معاك محتاجك جنبي وبالقرب مني غيابك هو اصعب حاجة دازت عليا في حياتي سناء : أمين كتبغيني لهاذ الدرجة _ كنبغيك كتر ماكتخيلي نتي روحي أسناء مابقات حتا حاجة غادي تفرقنا من غير الموت واخا نضل نعبر ليك مانقدرش نوصف داكشي لي قاسيت بسباب فراقك لدرجة وليت بحال إلى كنحماق كنتخيلك حدايا في كل لحضة حمزة : قايس وماقالش هاذ الجملة قويتي اعشيري مهدي : وناري على عنيبة فين كنتي مخبي هاذشي _ هنيونا الدراري هاذا رآه سميتو التعبير ماشي تعناب وزايدون مدة طويلة وانا كنتعلم باش إلى لقيت لي نبغي نسمعها هاذشي هناء : سعداتك ياختي الله يجيب لينا لي يسمعنا حتا حنا كلام زوين ويحماق على ودنا سارة : أمين ياختي مهدي : سمعتي اخالتي فاطمة لي قلتي عليه كيحشم هاهو بان على حقيقتو لافاطمة : مايحسابش ليا أولدي حتا أنا تفاجئت ههههه فدوى : عندك الزهر اسناء طلع الكراش لي كتكراشي عليه هو نفسو الشخص لي حبيتيه صدفة زوينة ، شتي كنت كنقول ليك كايجيب فيه سناء : اه عندك الحق احبيبتي احسن صدفة _ نسيت ماقلت ليك ورقة الطلاق ديالك من أحمد عندي في دار سناء : بصح مزيانة ملي تهنيت من داك الميكروب لهلا يرحم فيه شي عضم مريم: يستاهل ماوقع ليه ربي نتاقم منو _ سناء إلى بغيتي وبغات خالتي حسناء أنا بغيت نتزوج بيك على سنة الله ورسوله أش بان ليك اخالتي كنبغي بنتك وبغيتها حلالي حسناء ( أم سناء ) : أي أم كتبغي شي راجل يكون سند لبنتها ويوقف جنبها ويحميها وهاذشي كاملو فيك نتا ، أنا موافقة أولدي سناء : وحتا أنا بدون شك موافقة _ عنقتها بداو دراري كيسفقو لينا وكلشي فرحان من غير ياسمين لي كانو علامات الحزن والغيرة ضاهرين على وجهها حمزة : أمين هاك الگيتار شد لينا شي ديسك توحشنا دوك ليام زينة _ واخا غادي نغني ليكم الأغنية لي كتعجبكم ليالي فاتو....بديت كنغني ليهم وهوما عاجبهم الحال وكيغنيو معايا شوية غمزت سناء و جمعت الوقفة وشديت في إيديها و خرجنا تاجهنا لواحد الجردة مقابلة مع القهوة جلسنا في كرسي و تكيت على فخضها وهي كتلعب بشعري من الجيهة لي موصلاهاش الفاصمة ، وانا مركز عيني فيها ساهي في الجمال ديالها سناء : مهدي اوففف بغيت نقول أمين دابا غير السمية انتخربق معاها _ عادي دابا تولفي عليها الزين ديالي سناء : ممتيقاش بيلا الولد لي كنبغي رجع ومن لفوق كيشوف ربي كبير فجئة الجحيم لي كنت عايشة فيه ولا جنة كنحس براسي كنحلم _ ياكما نقرسك تأكدي من هاذشي حقيقي سناء : غير ديرها نيت _قرصتها في دراعها وهي تبدا تضحك سناء : هاهاها بعدا هاذشي حقيقي كنبغيك احبيبي عفاك عمرك تخليني مزال مابقيتش قادرة على فراقك توشحتك بزافففففف بسباب كدبة موتك فقدت الاحساس بالحياة عمرك نعاود دير هكذا واعدني _ وعد مني الكبيدة ديالي أني انبقا جنبك طول حياتي نتي روحي ونتي لي حسساتني بالحياة ، قبل مانعرفك كنت غير حي حتا دخلتي حياتي عاد عشت الحياة وعرفت من معنى السعادة والحب ... وانا كنعبر ليها وهي تجر ليا شعري بجهد حتا ضرني راسي عگراتني، وا الشريفة عاد كنا حباب شنو وقع سناء : عاد تفكرت ديك ختنا لي جبدتي قبيلة في القهوة خاطيبتك القديمة هدى _ مالها شنو جابها لهدرة دابا ؟ سناء : راها تطلقات وجات لبارح عند خوك حيث كيحساب ليها بيلا نتا هذاك بغات ترجع معاك هو رفضها وصبنها وصدرها ياكما نتا اترجع ليها وتخليني _ واش من نيتك نخلي الالماس على ود الجالوق واش لي عندو ملاك بحالك نتي يشوف في بنت أخرى وزايدون راني قمعتها قدامك نهار درنا العرس المزور إلى عقلتي سناء : أممم غير حيث كنت قدامك _ سناء الوريدة ديالي فاش كتكوني قدامي ماكتبقا تبان ليا حتا حاجة من غيرك كنبقا مركز معاك غير نتي حيث هاذ العينين ماكيشوفوش شيحاجة حسن منك نتي وفاش كنكون مريح بوحدي دغيا كنتوحشك و كنبقا نفكر فيك بوحدك سناء : امممممم زعما اشوف وكان _ لو كان يمكن ندخلك لقلبي تشوفي شنو كاين اتيقيني ، غادي تلقاي سميتك وواحد تصويرة ديالك مديور ليها كادر ومعلقها تما احم احم نتي لي كاينة وماكين ماحسن كنحماق عليك اروحي سناء : كلامك كولو حلو شحال زوين شكرا حيث كتخليني فرحانة وسمح ليا حيث كنتفشش عليك غير حيث فرحانة وصافي _ الكلام الحلو غير ليك نتي احبي حيث نتي حلوة و كلك عسل ، وخودي راحتك إلى ماتفششتيش عليا علامن اتفششي ولكن إلى كيحساب ليك هاذشي فابور راكي غالطة أري ليا بوسة في دوك الشنايف ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM