الأَسْوَد 🖤 الجزء 28 🔥🔥🔥🔥🔥🔥🔥🔥🔥 ( التتمة من بعد 410 لايك الجزء الماجي شاخض غادي تحبوه ❤️🤤) _ ماعرفتش ولكن قادر نعرف بسهولة كنت داير حساب لهاذشي ، عطيني الطابليت الخاصة بالجهاز ديالنا أكرم : دقيقة نمشي نجيبها من الطومبيل _خديت منو الطابليت ودخلت لواحد السيت خاص بجهاز المخبارات جبدت الاحداثيات ديال واحد GPS ملصقها تحت سباط دامي قدرت نحدد بلاصتها كنت ديجا تافقت مع دامي ومهدي على هاذ المسألة ديال GPS، بالليل من بعد ماودعت الولد لي جيت معاه وعائلتو تاجهت مع رجالي لعين المكان لي كيتواجد وسط واحد الغابة كبيرة بهدف نرجع دامي ، دابا من بعد ماعرفتو السبب تواجودي في هاذ المكان كملو معايا القصة باش تعرفو شنو غادي يطرا ، خديت المنظار بديت كراقب البلاصة عن بعد وكنشوف تحرك رجال العصابة لي كانو منتاشرين في واحد المنطقة على شكل قرية سكنية وورا ديك القرية كاين عمارة كبيرة وحارسينها رجال لابسين لباس موحد في لون الرمادي الغامق والأسود ووجاهم مغطيين وكان على لباسهم لوغو الذئب وهازين أسلحة من نوع AK أكرم : الشاف كيف انديرو ندخلو لهاذ البلاصة وهي محروسة مزيان والعدد ديالنا غير 21 شخص _ حاليا ماعرفتش ولكن خلينا نراقبو الوضع ونشوفو نقط ضعف المنطقة وديك الساعة انخطط كيفاش ندخلو ، دابا قسم الرجال على 2 مجموعات نص ينعس ونص يتكلف بالحراسة بعد 8 سوايع يتبدلو غدا تابعنا نهار طويل خاص كلشي يرتاح أكرم : أمرك سيدي أنا نبقا معاك ؟ _ غير سير نعس رتاح شوية اتكون عيان من لبارح مانعستي أكرم : أمرك سيدي خليت ليك الراحة _ مشا نفذ كلامي وقسم الرجال لمجموعتين وأنا كملت المراقبة وعرفت بيلا أسهل طريقة لوصول القرية وبلا مايشوفونا العصابة هي عن طريق واحد الحقل لي الربيع ديالو كبير نقدرو نتوغلو منو بدون مانتكشفو حتا يلقاونا قدامهم ولكن مع ذالك خاصني خطة أحسن باش نضمن نجاح المهمة ، وأنا مراقب المنطقة شفت رموك خارج ومعاه 3 طومبيلات من نوع بيجو وعلى ظهر كل طومبيل سلاح رشاش و كل طومبيل راكبينها 2 رجال لور و2 القدام ، واحد سايق وواحد حداه يعني مجموع 4 رجال في كل طومبيل . وكل أربع ساعات كايمشيو شي بلاصة يجيبو شيحاجة ويرجعو يفرغوها لداخل ، لاحظت قضية أخرى أن في كل خرجة كيتبدلو الرجال ماكيبقاوش نفس الرجال لي مشاو قبل ، دورت الخطة في راسي بيما دازت 8 سوايع صبح الحال ووصل وقت التغيير ديال الدراري في نعاس فاق أكرم تكلمت معاه شوية بيما وجدو وحدين من رجالنا الفطور مع وجد تقسمنا شي مراقب شي كياكل من بعد دخلت طومبيل نرتاح شوية مع غمضت عيني دغيا دازت8 سوايع ماحسيتش بالوقت مع العيا فيقني أكرم جمعت الرجال كاملين وبديت كندوي معاهم على الخطة ولي غادي نبداو التنفيذ ديالها مع 2:00 ديال الليل أكرم : علاش بالضبط 2 أسيدي _ حيث في هاذ الوقت عدد الحراس لي كانو كيبقاو يدورو في القرية أصبح العدد ديالهم قليل يعني باينة كيمشيو ينعسو وخاصنا نستغلو هاذ البلان شرحت ليهم بقية التفاصيل أكرم : خطة زوينة هاذا هو القائد لي كنعرفو ديما الخطط الناضيين تبارك الله عليك _ تفرقو رجالي على الحراسة وأنا وأكرم بقينا مدوزين الوقت بالهدرة ، ومنكذبش عليكم مليت ماكرهتش نرجع المغرب وفي نفس الوقت خايف واش تنجح المهمة أو لا وصلات 1:50 بدينا في التنفيذ مشيت لpيست لي كيدخل الغابة ونعست على جنبي بقيت كنتسنا الطومبيلات والرموك يقربو ليا ، من بعد 5 دقائق وصلو للمكان فين ناعس شافوني مسرح في الطريق وقفو نزلو 2 من الحراس وتماو جايين جيهتي بشوية وهوما هازين سلاحهم وصلو لعندي حركني واحد فيهم برجلو مع الدورة مع تيريت فيهم لراس ورجالي كانو محاصرين الدخلة ديال الغابة قدرنا نزربو عليهم دغيا قتلناهم حيث ماعرفو باش تبلاو حتا جا فيهم القراطاس في لحظة بحال الشتا و بدون مايطلقو هوما حتا رصاصة وحدة ، كنا دايرين كاتم صوت للأسلحة يعني صحابهم لي في القرية ماغدي يسمعو والو ،من بعد ماقتلنا الحراس خلينا غير الشيفور لي كاين سايق طومبيل لولة باش يدخلنا القرية لبست أنا و 13 من رجالي ملابس الحراس لي قتلنا وركبت حدا الشيفور وأنا هاز عليه السلاح جيهة كرشو والبقية تفرقو على طومبيلات والرموك ، درنا ديبار وبقا أكرم مع 6 دراري غادي يدخلو من الحقل ولي غايكونو دابا تحركو وهوما لابسين واحد لبسة على شكل الربيع باش ميبانوش كنظن كتعرفوها جميع ، وصلنا لعند البراج لي دايرين في بداية القرية مد ليهم الشيفور واحد البادج شافوه خلاونا ندخلو وحنا شادين طريق ديبو لي كيتواجد تحت من ديك العمارة ، كتاشفت من الشيفور أن الرموك فيه الأسلحة كيجبوهم من المقر ديالهم القديم وكيفرغوها في لاكاب ديال العمامرة ، مع وصلنا حدا العمارة بدينا كنسمعو صوت إطلاق النار في دخلة ديال القرية يعني الحراس كتاشفو اختراق أكرم ، قبل مانزلو من طومبيلات خرج عدد كبير من الحراس من واحد ديبو جنبنا بداو كييجريو تجاه دخلة القرية عطييت لأوامر رجالي يتريو فيهم ، وجهو الرشاشات لي في طومبيل تجاههم وبداو كيتريو فيهم كيطيحو بحال الدبان ، قتلت خونا لي حدايا وهبطت عطيت إشارة ل 7 يدخلو معايا لعمارة والبقية يتكلفو بالحراسة والمواجهة مع الحراس لي على برا بدينا داخلين وحنا كنتيريو في الحراس لي في الدخلة ديال العمارة و كنخويو طبقة بطبقة حتا وصلنا الكولوار ديال طبقة 3 خرجو لينا شي وحدين من واحد شومبر قتلو 2 من رجالي لحت عليهم قنبلة يدوية ماتو فيهم شي وحدين ولي بقا كملنا فيهم تير حتا صفيناها ليهم طلعنا الطبق الرابع كانو فيه غير 6 من الحراس دغيا زربنا عليهم تاهوما قتلناهم وصلت الطابق الخامس كنسمع صوت هيليكوبتير وشي رجال نزلو منها بالحبل ضربو في زاج ودخلو لعندنا بقاو كيتيرو فينا ، تخبينا ورا الحيطان لي تما قدرو يقتلو واحد آخر من رجالي حقدت لحت ليهم غاز مسيل لدموع باش نحجب عليهم الرؤية وبديت كنتيري فيهم طيحت البعض منهم رماو جيهتي قنبلة ومع الغاز لي حاجب الرؤية شفتها تال آخر لحظة قدرت نقز ونهرب بحياتي ولكن تعطلت شوية ومع الجهد والقرب ديال القنبلة وصلني الصهد ديالها ترميت وضربت مع الأرض غيبت لحظات ( معلومة ليكم القنابل اليدوية مكتفجرش المكان كامل عندها تأتير في متر مربع واحد بوطة صغيرة عندها الجهد عليها 🤣 ) جرني واحد من رجالي لعندو وبدا كيحاول يفيقني حتا ستاعدت الوعي ديالي ولكن راسي كان كولو دمايات ورجلي كضرني مع الطيحة جمعت قوتي وبقيت كنتيري فيهم حتا قدرنا نقتلوهم وكملنا إطلاق النار على الهليكوبتر لي كانت كدور بينا وكانو فيها بعض الحراس كيتريو فينا ، سببت فيها عطب وضطر القبطان يبعد عن المنطقة حيث كانت اطيح بيهم ملي سالينا منهم كملنا طريقنا لطابق السادس وأنا كنعرج وفي هاذ الطبق كاينة دامي مع وصلنا كيبان ليا واحد الباب كبير مدرع ديال واحد القاعة مصنوع من الحديد الصلب ، قلت الدراري في اللاسلكي غير نعطيكم للإشارة لوحو كاع القنابل لي بقاو عندكم على الباب وأنا كملت طريقي للطابق السابع كان خاوي قصدت واحد الباركو تبت معاه الحبل الخاص بالتسلق وعطيت الأوامر باش يفجرو الباب غير سمعت صوت الانفجار هبطت من الباركو ديال الطابق السابع لباركو ديال الطابق السادس أمرت رجالي يلوحو الغاز يغطيو الرؤية ويبداو يتيريو على الحراس لي لداخل ، بدا التير ضربت باب الباركو برجلي تحل وبديت كنتيري في الحراس من لور لي كانو كاملين مركزين في تجاه الباب لي فيه رجالي قدرنا نقتلوهم كاملين دورت عيني بان ليا بيت صغير توجهت ليه لقيت دامي مربوطة مع الكرسي ودايرين ليها سكوتش على فمها فرحت فاش لقيتها حية مشيت فكيتها وعنقتها دامي : كنت عارفة ماغديش تسمح فيا _ وعلى أنا نقدر نسمح في صدقتي ، كيبان ليا وليتي مزيان بديتي تستاعدي صحتك دامي : الحمد لله كانو كيعالجوني ، كانو ناويين يستاجوبوني حتا جيتو _ عندك الزهر وصلنا في الوقت المناسب ، عطيتها السلاح وتمينا خارجين ولي كيجي قدامنا كنقتلوه خرجنا برا ليقيناهم مزال ماسلاو مع الحراس عاوناهم و دامي كتقتل فيهم وباغة طير بالفرحة دامي : حتا كنت غادي نودع ونزور عزرائيل ساعة دابا كنوصل في وحدين آخرين لعندو _ ايوا قلت ليك مايوقع ليك والو نتي بحال المشة عندها 7 رواح دامي : سكت سكت اتقوص عليا _من بعد شوية ديال الوقت قدرنا نقتلوهم كاملين لكن للأسف خسرنا 9 الأشخاص من رجالنا جمعنا الجثت ديالهم في الطومبيلات وفجرت القرية والعمارة وخرجنا من هاذ البلاصة المنحوسة وتاجهنا لواحد الخلا فين كاينة الطائرة ديالنا ركبنا والقبطان قلع من تونس بعد 6 سوايع كنا في الرباط نزلنا في مقر المخابرات تلاقا ليا سعد شخصيا سلمت عليه سعد : سلكتي منها هاذ المرة ولكن واش اتبقا غير تخلق ليا المشاكل بزز حتا سلكتها مع السلطات التونسية _ هاذا هو الدور ديالك أسعد تقدم ليا الدعم الوقت لي نحتاجك ياك قلتي ليا عينيك تعطيهم ليا أبسط حاجة دير معايا هي هاذي سعد : ولكن ماشي بهاذ الطريقة على قبل بنت _ ماشي غير بنت هاذي إنسانة وهاذي مواطنة مغربية مفروض علينا نعاونوها وكون كانت ياسمين هي لي في هاذ الموقف ماغديش نتردد نمشي نعاونها حتا هي ديرها في بالك سعد : بركة من الفلسفة ديالك سير تعالج في العيادة من بعد اتمشي معايا للدار ترتاح تما .... دامي بنتي على سلامتك تخلعت عليك كيف بقيتي دامي: الله يسلمك عمي هانتا كيف كتشوف راني بيخير دابا سعد : غادي تمشي معاهم للمستشفى العسكري يشوفو الحالة ديالك والعشية انجي نطمأن عليك _ أمر رجالو يصيفطوو على عائلات شهداء الواجب الوطني باش يشوفو ولادهم وأنا دخلت لعيادة لي في المقر عالجو ليا الضربة لي في راسي وكنت مفدوع في رجلي مع حيدت البرودكال شفت الرجل منفوخة دواوها ليا ودارو ليا بانضة وخرجت مشيت مع سعد لفيلا ديال سعد دخلنا سلمت على لافاطمة بست ليها راسها وريحنا كنهدرو وشادين الجماعة بواحد الكاس ديال أتاي سولاتني على دامي طمأنتها عليها حيث كانت مخلوعة عليها ولات كتعتبرها بحال بنتها الحقيقية ساليت كلامي معاها ومشيت ضربتها بنعسة حلوة مافقت تال 15:30 تغديت وبديت كندوي مع لا فاطمة تاني عاودت لي جميع التفاصيل لي وقعو في تونس ، حتا دخل علينا سعد قال ليا انمشيو نصليو العصر على الشهداء توضيت وبدلت حوايجي وخرجنا للجامع لي غادي نصليو فيه من بعد الصلاة ديناهم الروضة وحطوهم في واحد القنت وانا كنشوف فيهم و متأثر دموعي نزلو على رجالي لي ماتو بقيت كندور عليهم واحد بواحد بست ليهم جبهتهم كاملين ووقفت وقفة عسكرية وأنا داير ليهم التحية و كنقول ... نتوما شهداء الوطن بلاصتكم الجنة إن شاء الله قدرتو قبل ماتموتو تدمرو مافيا لي كانت مركبة الرعب في كلشي الله يرحمكم خوتي راكم في القلب . بقيت كندور عينيا وبقيت حاضي أكرم رئيس الفرقة عيا مايقصح قلبو ولكن في الأخير بدا كيبكي مشيت عندو حطيت ايدي على كتفو عنقني مسكين و كيبكي ليا على صدري وأنا كنحاول نواسي فيه ... صافي أخويا صبر خوتنا بلاصتهم الجنة أكرم: كانو بمتابة خوتي _ الله يرزقنا الصبر وصافي ماشي ساهل نخسر رجال بحالهم ولكن هاذي هي الدنيا وهاذي هي خدمتنا أخويا ... من بعد الدفن سلمنا على عائلاتهم عزيناهم وشدينا طريق المقر ديالنا دخلنا لقاعة الإجتماعات مع دراري لي كانو في المهمة وكانو مدمرين ولقيت دامي شادة بلاصتها قصدتها سلمت عليها دامي : قلبني الطبيب قال ليا كلشي مزيان وبيلا ختنا لي خيطات ليا الجرح محتارفة عالج ليا الجرح وخرج ليا شي دوا وقال ليا مانخاف من والو وعطاني شهادة طبية باش نريح 4 شهور ياسلام الراحة والسياحة وباش منساش شكرا بزاف حيث وقفتي معايا بسبابك أنا مزال حية لدابا _ نتي لي شكرا حيث ماسمحتيش فيا فاش كنت في المطار وبقيتي معايا ونعمة الصديقة ، نتي ب 100 راجل الله يخليك ليا دامي : وليا نتا أعز ماعندي ماعمري نتخلا عليك وحنا كنهدرو دخل سعد ومعاه واحد الجنرال عسكري سعد : أول حاجة نقول ليكم هي الحمد لله على سلامتكم والبركة في راسكم من جيهة صحابكم تا أنا مقلق بحالكم حيث خسرت ولاد من ولدي الله يرحمهم . وكنشكركم بزاف وكنحييكم على المهمة ديالكم لي كانت ناجحة وكجزاء ليكم غادي ترقاو كلشي غادي يتگرادا _ دراري رجعات في وجهم الإبتسامة من بعد مافقدوها في المهمة ديال تونس بدا سعد والجنرال كيعيطو بالسميات و كيفرقو الگراد على دراري وصل لعند دامي خدات الرتبة لي كانت عندي ضابطة ممتازة وانا وليت نائب رئيس المخابرات فرحنا بالترقية عرفتي شناهيا نائب الرئيس شيحاجة لي كنت كنتمناها هاذا شحال ماشي غير جي وولي نائب خاصك تكون سيدي ومولاي باش تاخد هاذ الرتبة دامي : بصراحة فرحت بالترقية _ تا أنا واخا مجاتش في وقتها كون جات في وقت أخر تكون أحسن قولي ليا ادامي شفت الأستاذ ماكينش دامي : عندو واحد الندوة داكشي علاش مجاش أمين واش انرجعو ليوم لأسفي ؟ _ لا حتال غدا إن شاء الله عارض علينا سعد العشا أنا وياك ( في أسفي وبالضبط في مرجان ماركت ) حسناء (أم سناء) : بنتي كترتي علينا التقدية تعطلنا واش هاذشي كاع اتحتاجوه سناء : اه أماما كناخذ غير لي غادي نحتاجو مريم : خالتي الى عييتي يمكن تريحي في طومبيل حسناء ( أم سناء) : غادي نصبر ماعندي ماندير مهدي : هاكي اخالتي كرسي ريحي حسناء ( أم سناء): الله يرضي عليك أولدي مريم : وحنا كناخذو فشي أغراض كتبان لينا واحد البنت وقفات على مهدي لي لاعب دور أمين دابا ، بنت ماطويلة ماقصيرة سمرة وشعرها بني وجمعاه ولابسة كسوة طويلة في الرمادي وفوق منها مونطو وطالون بنت لي زوينة وعاطية العين هدى : سلام أمين لاباس عليك مهدي : اهلا هدى اش خبارك لباس عليك ماماك وباباك أش كيعاودو ومول الدار بيخير هدى : كلشي بيخير مالين دار لباس بالحق راجلي مابقيتش معاه تطلقنا أسبوع هاذا مريم : شوفي أسناء هاذ أمين شحال زوين سناء : إلى كان زوين رآه زوين لراسو ماشي ليا أنا مريم : ياك كان عاجبك شحال هاذي سناء : كان ولكن كلشي تبدل مع مهدي مريم :( كنحاول نحبب مهدي ليها حيث عندو نفس الوجه ديال أمين كنمهد ليها الطريق مع أمين قبل مايرجع ) ناري شحال تطير بالفرحة إلى عرفاتو باقي حي مهدي : علاش تطلقتو ياك لباس ماشي بزاف باش سمعت تزوجتي هدى : بصراحة ماقدرتش نتأقلم معاه مالقيتش فيه داكشي لي كان فيك نتا توحشت داك الاهتمام ديالك ليا كيفاش كنتي كتحسسني أني مهمة توحشتك أمين توحشت علاقتنا كنت كنتسنا غير الفرصة لي نشوفك فيها حتا لقانا القدر اليوم مهدي : ولد العبد هاذ أمين عندو الزهر 2 بنات رجعو مطلقين وياسمين من الفوق شكون بحالو وأنا محگور ( علاش اسكفاندري الفرزيات علاش مهلي في خويا وأنا لا حشومة عليك الظلم وشوف نقول ليك إلى مالاقيتينيش بشي بياسة غادي نحرمها راني كنهدر معاك ).... سمحي ليا أختي هدى تعطلتي بزاف ساعة سعيدة بسلامة عليك تميت قاصد سناء ومها وهي تبعني شداتني من إيدي وقفت ودرت لعندها هدى : عفاك أمين راني ندمانة سمح ليا عطيني فرصة عارفة راسي مني لافوت سامحني مهدي : ختي ماعندي ماندير ليك دابا أنا خاطب هاهي خطيبتي ( نعت ليها تجاه سناء ) غادي نبدا حياة جديدة من بعد مابديتيها تانتي فاش سمحتي فيا اوا تحملي مسؤوليتك دابا سيري بحالك أختي غادي تشري ليا الصداع مع المدام ... مشات وهي ماعجبهاش الحال واحد لحظة تلفتات وقالت بكل ثقة . هدى : عارفة بيلا أنا مزال في قلبك دور وترجع ليا سناء : أمين شكون هاذي مهدي : هاذي لي كنت خاطب قبل ماندخل الحبس سمحات فيا وتزوجات دابا قالت ليا طلقات وبغات ترجع ليا مريم : باز ماعندها علاش تحشم كنكره هاذ النوع سناء : احسن حاجة دارت جاب ليك الله ياسمين زوينة عليها وظريفة ربي كبير ... صافي أماما سالينا يله نمشيو دابا مريم : سناء ماغديش نمشي معاكم دار دايرة مع منير نخرجو راك عارفة سناء : سيري احبيبة وتهلاي في راسك ( الرباط منزل سعد) _ من بعد ماسالا الاجتماع رجعنا دار أنا ودامي شافتها لا فاطمة عنقاتها وفرحات بيها حيث ولات معتبراها بنتها الحقيقية وكمية الحب لي ولات كتبغيها مايمكنش . فاش وصل الوقت ديال العشا تجمعنا حنا ب 4 عليه سعد ومراتو وأنا ودامي سعد : لي كنت بغيت نقول ليك هو ترفع الحجز على الممتلكات ديولك دابا يمكن ترجع لدارك إلى بغيتي الكونط بونكير جميع الفلوس لي فيه ولاو متاحين تقدر تخرجهم الوقت لي بغيتي وحتا من الطومبيل ديالك راها في الگراج ديالك _ سير الله يفرحك كيف فرحتيني نيت الفلوس لي كنت جامع كانو قريب يتسلاو وطومبيلتي كنت غادي نحماق فاش حجزو عليها دامي : أشمن طومبيل عندك _ واخد رولز رويس جوست واش عرفتي شحال ساوية سعد : شتي غير ملي عاونتيني حتا وليت رئيس المخابرات ماعمر اتخصك شيحاجة _ تا أنا ديما غادي تلقاني جنبك أسي سعد لافاطمة: دامي كولي ابنتي ماكتكلي والو دامي : راني كناكل اخالتي لافاطمة: شوفي كيف ضعافيتي قربي لعندي دامي : تخيلو معايا بيلا بدات كتوكلني بيديها بحال شي بنت صغيرة وكنت فرحانة حيث أنا واخا جندية كنبقا بنت وأي بنت عزيز عليها الدلع _سالينا ماكلتنا ووصيت سعد يصيفط شي واحد يجيب ليا طومبيلتي باش نسافر بيها الصباح ودعتهم ومشيت لبيت لي كنبات فيه وتكيت بلاصتي حتا دخلات عليا دامي جلسات حدايا دامي : ماكرهتش شي تسافيرة نبدلو الجو ديال هاذشي لي داز علينا نرتاحو شوية _ حتا نرجع لأسفي ونخططو ليها وزايدون نتي مكترتاحي حتا كاتفرشخي بنادم محال تسافيرة تخليك ترتاحي خاص نديك لشي مهمة دامي : ياك تمرگن بيا راني بصح عييت بالخدمة بغيت نرتاح ... قول ليا شنو غادي دير دابا سناء رجعات وكاينة ياسمين حتا هي _ مع غادي نرجع لأسفي أ نعرف سناء بحقيقتي وبالنسبة لياسمين راها عارفة لي كاين وبيلا أنا كنبغي سناء دامي : كيبان ليا باقة عندك القضية مخربقة وماشي بهاذ السهولة كيف كتوقع عقل على كلامي _ بصح شوفي 2 سيمانات باش تشاورت معاك باش نخطب ياسمين جاب الله ماتسرعتش كون فضيحة دامي : كان غادي يتخربق ليك الآلي مع الرتور عييت بسلامة عليك و تصبح على خير البوگوص _ مشات وأنا تلاحيت بلاصتي وماحشيتش براسي حتا نعست الصباح مافقت تال 10 دخلت دوشت وريحت كنفطر غير ساليت ماكلتي وقف عليا سعد سعد : لا فاطمة بغات تمشي معاكم لأسفي ولفاتكم مبغاتش تبقا بوحدها رد ليها البال وغادي نسيفط معاك الفرقة الخاصة يبقاو معاك _ مرحبا بيها لافاطمة على راسي وعيني ولكن علاش الفرقة الخاصة يمشيو معايا ماكين لاش ياكما كاينة شيحاجة خطيرة سعد : ماكين والو ولكن غير من أجل الحماية و بلا ماتجادلني تاني بالنسبة لمبيت ديالهم ووقت العمل عارفو أكرم هو يتكلف وحاجة أخرى دامي هي لي غادي تولي القائدة ديال الفرقة الخاصة ونتا حتا ترجع من كونجي ونعرفك على خدمتك الجديدة _ مفهوم السي سعد . مشيت البيت بدلت حوايجي وخرجت الجردة بيما وجدو دامي ولافاطمة ريوسهم نتوما عارفين العيالات ديما معطلين . لقيت دراري ديولي واقفين كيتسناو وأكرم مريح في القنت ديال جردة وكاملين لابسين كومبليات في الأسود وگرفاط في الأزرق كيبانو مفركسين شافني أكرم جا لعندي سلمت عليه هو وباقي دراري وكانو شي وحدين جداد عوضو دراري لي ماتو بديت كنتعرف عليهم أكرم : السي أمين نعرفك على دراري جداد _ تعرفت عليهم واحد بواحد وبقينا كنهدرو حتا كتبان ليا لا فاطمة جاية هازة واحد الباليزة مشيت كنجري خديتها منها وحطيتها في طومبيلتي خليتها ركبات لور شوية تبعاتها دامي ركبات لقدام جا سعد عندنا سعد : رد البال لراسك ولعائلتي راهم أمانة عندك _ تعانقنا وكانت لي اول مرة نعنقو حيث طلع راجل ووقف معايا في الوقت لي كنت بوحدي ركبت الطومبيل توكلت على الله حلو ليا الحراس الباب خرجت من الجردة تبعوني رجال الفرقة الخاصة من لور وكسيراتون واحد لأسفي خرجنا من الرباط مع 11:30 و 16:00 كنا في آسفي وصلنا قدام دارنا كيبانو ليا عدد كبير ديال الحراس منتاشرين في الدرب وواحد جالس حدا الباب شافوني عطاوني السلام دقيت حل علينا الواليد الباب تعانقنا الواليد : على سلامتك فراسك الوحيد لي مكنتش خايف عليك عارفك اترجع بيخير وعلى خير داير بحال الجن ديما كتفكها بنتي دامي نتي علامن تخلعت كي بقيتي دامي : الحمد لله عمي أنا بيخير كيف كتشوف الواليد : دخلو دخلو ماتبقاوش في الباب شكون هاذ السيدة اولدي _ هاذي الام ديال ياسمين جات دوز عندنا شي يامات الواليد : مرحبا بيها تفضلي ألآلة مرحبا وألف مرخبا لا فاطمة : ترحب بيك الجنة سيدي عبد القادر الواليد : مالك في راسك وكتعرج _ كليتها في عضامي ولكن ماشي شيحاجة شفت ماكين حد فين مشاو كاملين الواليد : مشاوو لواحد الحفلة دايرينها على ود روجوع سناء مشاو كاملين شي ساعة ونص دابا بلاتي نصوني لماماك نقول ليها رجعتي دامي :أمين يله نمشيو عندهم عمي عارف فين كاينين؟ وعفاك متصونيش بغيت نديرو ليهم مفاجئة ...يتبع ( جمعت ليكم 2 اجزاء في جزء واحد باش نعوضكم كمية الحماس في الجزء الماجي مايمكنش 🔥🔥🔥🔥) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM