الوحش وزوجته الجريئة #الجزء 28 : قمر:بقاي تشوفي فيا أنا....راه الماكلة قدامك . مهى ناضت معصبة و خرجات ل جردة و بقات كتمشي و كتجي و كتفكر و هي تبتاسم ابتسامة شريرة . الحاجة:هادي مالها ناضت . قمر:واقيلا ما عجباتهاش المالكة أخالتي . الحاجة حركات راسها و بدات تاكل. مروان بهدوء: تقتلي الميت و تمشي في جنازتو . قمر:باقي مقتلتش....نهار نقرر غادي نقتل بلاما نفكر مروان:مجرمة مع راسك . قمر:بالنسبة ليا ماشي إجرام... إلى كنت غير غادي نحمي اللي كنبغي . حسات براسها أش قالت و هي دير يديها على فمها .... و ناضت و قالت بتوتر:أ أنا شبعت يلاه تصبحو على خير . و مشات لبيتها و خلات مروان فرحان بهضرتها و قال في خاطرو: إعتراف غير مباشر خاصني المباشر أنا . ناض مروان ، و كلشي سالا الماكلة و ناضو بقاو مجمعين و دخلات عندهم حتى مهى و هي كتبتسم و قالت ليهم:تصبحو على خير ، و مشااات ،الحاجة مشات و ورات البيت ديال سي رضا و دخل ينعس و حتى هي مشات لبيتها و دخلات تنعس ، رضوان:يلاه تصبحو على خير . و مشا ينعس . كلشي مشا ينعس ، و هي تنوض إيناس:يلاه نوريك بيتك . ناض بدر كيبتاسم:واخا أحبيبة . إيناس خنزرات فيه:واش نتا مسطي و باغي تسطيني واقيلا . بدر:لا لا أنا منبغيش نسطي الحب ديالي . إيناس :ها بيتك bon8 . و مشات كتجري و هي كتقول :الله يستر . و كلشي مشا ينعس **** عند قمر كتمشي و تجي في بيتها و هي تهضر:أوف دابا عرفني كنبغيه و مالها أش فيها راه بصح كنبغيه ، و بقات واقفة و كتبتسم و هو يدخل عليها ، قفزات من بلاصتها :نتا مالك هاد المرة دق معرت لاش دايرين الباب الى مكنتيش غادي دق ....و أصلا لاش جاي الليل هادا راني عرفتك المكبوت لاخر سير خرج فحالك مروان بدا كيضحك: جيت باش نقوليك تصبحي على خير و لكن عجبني التفكير ديالك أحبيبة . قمر في خاطرها:راه أنا اللي مكبوتة و الله العظيم يخ . قمر:صافي راك قلتيها و تصبح على خير . مروان:و نقصي منك هاديك الغيرة ديالك شي نهار غادي تفضحك . قمر:أنا كنغير و علامن عليك نتا واقيلا تسطيتي . مروان بابتسامة:أنا قلت ليك غير نقصي الغيرة ....ما قلتش ليك واش كتغيري عليا احبيبة. خرج كيضحك و هي بقات مصدومة و شافت فمها في المراية و قالت:ديما مزبلها أولد الكلبة .و مشات تنعس معصبة........ #يتبع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM