الأسود 🖤 الجزء 18 🔥🔥🔥🔥🔥🔥 ( التتمة من بعد 360 لايك طاكيو صحابكم يقراو احسن ماكين في القصص ❤️) _ الفام دميناج كانت جاية كتمشا مابيها ما عليها حتا وقفات عليها دامي بحال شي جنية ماعرفات باش تبلات شداتها من القب ديال جلابتها حكماتها يله بغات تغوت سدات ليها فمها بيديها وجابتها عندنا لطومبيل وحطات ليها السلاح على راسها فام دميناج : اهئ اهئ ها العار أنا أنا مزاوگة ليكم في الميمة ندير لي بغيتو غير ماتأدونيش بغيتو الفلوس و التيليفون خدوهم غير خليوني نمشي بحالي دامي : حنا مابغيناش نسروقك تاصلي برئيس الخدم ديالكم قولي ليه ماغتجيش ليوم حيث مريضة وبيلا غادي ترومبلاسيك بنت عمتك فام دميناج : انقولها انقولها عفاك خليني غير نجبد رابوز ديالي تختقت فيا الديقة اوف اوف اوف دامي : جبديه ومتاخفيش منا ماغديش نأديوك إلى درتي لي كنقولو ليك _ دارت لي قالت ليها تاصلت بيه وقطعات ، خدات منها دامي حوايج الخدمة وقبل ماتلبسهم ضرباتها بيديها ضربة وحدة لراس غيباتها ( عندها حجرة ماشي يد ، دراري مانصحكمش تزعطو في دامي مخدامش ليكم 🤣 ) ، خدات دامي صاكها جبدات المكياج وبدات كتماكي بدلات شكل وجهها ولبسات فولار ولات كتبان في شكل دامي : كيف جيتكم _ جيتي قنبولة كتغوتي ، واش كنتي خدامة في صالون التجميل من قبل دامي : تقريبا قصة طويلة تال من بعد ونعاود ليك كيفاش تعلمت _ دامي متأكدة من أنك باغية دخلي بوحدك دامي : واش كلعبو هنا إلى ماشديتوش ليك ماتسمينيش دامي خاصني غير ندخل من باب الفيلا ونفرجك يله باي _ تمات غادية قاصدة الفيلا بكل تقة في نفس والإبتسامة المعهودة على وجهها وحنا مراقبينها من بعيد حتا وصلات باب الفيلا خرج عندها واحد لابس لباس ديال سيكريتي قلب ليها الصاك وجيوبها مالقا عندها والو دخلها حسن : دامي ماعريفة قديمة متخافش عليها اتنجح في المهمة _على الله اخويا ... بقيت كنتسنا وانا على اعصابي من بعد نصف ساعة بدينا كنسمعو القرطاس جاي من داخل الفيلا مشيت كنجري تخلعت على دامي حيث عند بالي ماعندها لا سلاح لا والو قلت ياكما تيراو فيها قلب كيضرب 190 ، مع نقزت الصور ديال الفيلا كلقا دامي سالات الحفلة قتلات الحراس كاملين وشادة العمراني ومرتو وولدو الصغير في واحد الركنة دامي : دوماج تعطلتي ماخليتش ليك فاش طلق إيدك العمراني : شكون نتوما شنو بغيتو عندنا خودوو الفلوس وسيرو بحالكم _ ماجيناش على ود الفلوس غير بلاتي دابا تعرف علاش جينا العمراني : شكون مسيفطكم ليا _ حنا لي غادي نسولوك ، قول ليا فين نقدرو نلقاو دليل البرائة ديال أمين الأصباحي العمراني : شكون هاذ أمين دامي : كتنكر خود لواليدك هاذ الكروشي تفكر مزيان دابا ، ضربتو لنيفو رعفتو العمراني : راني ماكنعرفوش وماكندبش عليكم ، شكون هاذ أمين ماكنعرف حتا واحد بهاذ السمية _ شديت سلاحي وحيطتو على راسو .... متأكد مكتعرفوش العمراني : لا لا كنعرفو ولكن ماعنديش دليل البراءة ديالو _ كيفاش ماعندكش دليل ونتا صاحب مشروع المنجم ونتا لي غرقتيه في الحبس ، كيبان ليا غادي تعطلنا وأنا ماعنديش الوقت لي نضيعو معاك اش بان ليك نقتل مرتك ونتبعك ليها ، وولدك يكبر في الخيرية وحيد ومكرفس اش بان ليك في هاذ السيناريو مزيان مناسبك قول دامي : وينو هاذ الوليد فنيون مشاء الله مزال صغير على انهو يعيش وحيد وبدون واليدين كنضن العمراني ماغديش تبغي ليه هاذ الحياة الكئيبة العمراني : والله ماعندي دليل البرائة أنا غير مبززين عليا سعد و بوزيان هاذ لافير كاملة ، مانكرش خديت فيها الفلوس صحيحة ولكن اي حاجة أخرى هوما لي خططو ليها وتكلفو بيها حتا من الكاميرات هوما لي محاوهم وذهب رآه خداوه هوما ماشي أنا والله حتا مضلوم حدي خويت المنجم من العمال ورفعت بيه شكاية على أن أمين ورجالو قتاحمو المنجم دامي : ماقلتيش لينا لحد الساعة شيحاجة تفيدنا باش نخلوكم عايشين العمراوي : كاين واحد الحاجة تقدر تفيدكم رجال لي مثلو أنهم تقتلو في المنجهم كانو صحاب بوزيان ماشي عمال وراه ومزال عايشين لدابا دامي : أيه دابا دويتي و فين نلقاوهم العمراني : ماعرفتش هاذشي ماكندخلش فيه ولكن نقدر نعطيكم عناوين سكن سعد و بوزيان سيرو شدوهم هوما غادي يفيدوكم دامي : الساط إلى ديناه المحكمة كشاهد عيان يقدر ينفع _ لا ماعندو باش ينفعنا بلا دليل العمراني : شكون نتوما واش مسيفطكم أمين _ماشي شغلك تعرف شكون مسيفطنا قول ليا العمراني فين مخبي المستندات ديولك العمراني : ماعندي حتا مستندات _ جمعتها معاه بطرشة لوجه، نتا كداب عارفك كتخبي جميع الأوراق المهمة ديالك هنا ( هاذ المعلومة عرفتها من سناء ) غادي نقتل مراتك إلى مجاوبتيش منصحكش تكدب عليا زوجة العمراني : عفاك أنا ماعندي حتا ذنب غادي نقول ليكم كلشي ، كيخبي فلوسو والأوراق المهمة في واحد الكوفر فور داخل الخزانة ديال بيت النعاس غير حيدو الحوايج ايبان ليكم _ شديتو من علبتوو وديتو جيهة الكوفر فور ، مع كتب الكود وتحل داك العجب تصدمت ، كانو فيه بزاف ديال الفلوس والمستندات والضواصا ، بديت كنقلب في جيهة المستندات حتا لقيت واحد الضوصي مگمح كنت فايت ليا شايفو عند بوزيان بهاذ الضوصي العمراني غادي يغرق في الحبس حياتو كاملة حيث فيه كاع تخلويض وجرائم ديالو كانو ديجا جامعينوو عليه رؤساء ديالي باش يهددوه بيهم الوقت لي بغاو ، دابا ملي عندو في دار غالبا عطاوه ليه كجائزة على داكشي لي دار ليا العمراني : عطيتك معلومات عفاك اخويا خلينا بحالنا دامي : سكتنا شوية مزال ماسلينا معاك _تلفت لمرتو وكانت معنقة ولدها و كيترعدو بالخلعة ... سمعي اختي متخافي ماوالو ماغديش نأديوك لا نتي لا ولدك ولكن راجلك مجرم ومخلوض كبير خاصو يتعاقب زوجة العمراني: ها عار الله ماتقتلوهش مابغيتش ولدي يكبر بلا أب _ حتا هاذا يقولو عليه الناس أب جا الوقت فين ينال الجزاء ديالو ... كتفنا العمراني بقنب بحال شي ضروبة وتمينا غاديين بيه لطومبيل دامي : شنو نديرو مع فام دميناج _ حطيها جنب الطريق وتاصلي بوكيل المالك لي قلت ليك عليه لبارح دامي : متأكد من هاذشي لي كدير ، والى دارها بينا الوكيل ونصب لينا فخ _ غير نفدي الأوامر ... تاصلت دامي بواحد وكيل الملك نازيه وكان باغيها في العمراني حاط عليه عارف مزيان التخلويض ديالو وديجا كان داير معاه زيادة قديمة وماكيتحاملوش هو وياه كان خاصو غير الدليل باش يسفطو لحبيبيس ياكل العدس ودابا ايفرح انعطوه دلائل كتار ... من بعد ماتصلت دامي بالوكيل عادوت ليه لافير كاملة وتافقت معاه على أنها غادي تجيبو ليه ونعتات ليه اشمن طومبيل انكونو فيها ، وصلنا حدا المحكمة شفنا الوكيل خارج كيتسنا مع واحد الشخص جنب الشانطي قربنا ليهم ونقسنا السرعة لحنا العمراني بضوصيه قدامهم ، في دقيقة دعوة تخلطات وبداو كيخرجو لينا البوليس من كاع البلايص ، حسن كسيرا كسيراتون وحدة تبعونا البوليس ولكن حسن كان هربان في سوگان في يبان شوماخار خلا ليهم غير البرد ، وصلنا لواحد القنت في كازا كانت فيه طومبيل أخرى موجدها لينا واحد من رجال الاستاذ ركبناها وسمحنا في طومبيل لولة حيث صافي تكتاشف الماتريكيل ديالها كون بقينا فيها نتشدو في البراجات دامي : ها لول تهنينا منو بقاو لآخرين فين غادي لقاوهم _ انمشيوو نشوفو العناوين لي عطانا العمراني واخا كنضن محال يكونو في بلايصهم دامي :نشوفو على الله _ شدينا طريق رباط كيف وصلنا تاجهنا العنوان ديال واحد الدار موجدها لينا الأستاذ دخلنا ليها كانت تلاجة عامرة بالتدقية وجدات لينا دامي طاجين شهوة منو كلينا عمرنا كرشنا وبقينا كنتحدتو وكنستارحو حسن : علاش ماهجمناش على الفيلا ديالهم دابا _ ماغديش يكونو تما دابا حيث الرؤساء ديولنا ماكيرجعو حتال من ورا 20:00 دامي : متأكد من كلامك _ ويلي على متأكد راني خدام معاهم لمدة 6 السنين حافض ليهم توقيتهم دامي: بغيت غير نعرف كيفاش رئيس المخابرات والنائب ديالهم حتا حد ماعارف العنوان ديالهم _ حيث مجرمين وعارفين عندهم أعداء كتار حاميين راسهم مزيان من هاذ الناحية تخيلي عندهم إكيب خاصة في المخبرات كتراقب غير واش تابعهم شي حد فاش كيكونو غاديين لدارهم فما بالك عدد الكبير ديال الحراس لي مرافقينهم دامي : هاذشي كامل واقع وسط المخبرات ومساقينش ليه خبار _ حيث نتوما مهمتكم تنفيد الأوامر فقط ومعارفنيش شنو كيوقع داخل الاجتماعات ، حنا القادة لي كاينين وسط المعماعة وعارفين كلشي دامي : كون ما هاذ المهمة كانت غادي تبقا مقلوبة عليا الگفة _بقينا كنتسناو حتا وصل ليل و قصدنا الفيلا ديال بوزيان هي لولة هجمنا عليها قتلنا الحراس لي كان العدد ديالهم قليل وقدرنا نعرفو من واحد منهم ان بوزيان مع جوايه 13:00 خوا الفيلا هو وعائلتو حيث ساق الخبار بيلا العمراني هجمو عليه شي وحدين وخاف على راسو دامي : كان عندك الحق يعني تا سعد ايكون خوا الفيلا ديالو موشكيلة صافي _ رجعنا لدار وشديت في راسي ماعرفت ماندير مابقاش عندي الوقت فين نلقا دليل البرائة ديالي و بعد غدا ايعدمو خويا شنو هاذ الوحلة أسيدي ربي حسيت بجميع البيبان تسدو في وجهي دامي : شنو غادي نديرو دابا رجعنا لنقطة الصفر _ بقا عندنا أخر حل أدامي ، هو لي غادي يقدر ينقد خويا من حبل المشنقة دامي : شنو هو هاذ الحل قول نسمعوه _غادي نديرو احمق وأصعب مهمة تقدري تنفدي طول حياتك دامي : شنو هي هاذ المهمة أشنو ناوي دير شوقتيني _غادي نهجمو على الحبس و نهربو مهدي دامي: اويلي كيف غادي دير ليها مايمكنش تهربو من وسط الحبس شبه مستحيل _ أمين ماكيعرفش معنى المستحيل نقدرو نخرجوه بطريقة وحدة وهي الاقتحام المباشر للسجن غادي نهجمو على الحراس دامي : واش نتا حمق مايمكنش نقتلو الحراس ديال الحبس ، رجال دولة خط أحمر ، لا أسي أمين راهم ناس ابرياء وجنود بحالنا منقدروش نقتلوهم ممتافقاش معاك _ ماغديش نقتلوهم غادي تقولي للأستاذ يعطينا سلاح رشاش B88 وحتا القناصة B88 هوما لي غانستعملو في هاذ المهمة وطلبي منو قنابل دخانية وقنابل حائطية وحنا قنابل يدوية دامي : حلفتي ترونها وكتنفد في كلامك _ تاصلت دامي بالاستاذ من بعد ساعتين وصلنا داكشي لي طلبت بالحرف ومعاه رسالة فيها (راكم غاديين لموت برجليكم فكرو مزيان) ماتسوقتش ليها وبديت كنراجع معاهم الخطة دامي : شنو هي الخطة _ خطة ساهلة غادي نفجرو الحائط الشمالي ديال السجن ونتي غادي تكلفي ليا بالحراس ديال برج المراقبة وتأمني ليا الخروج ونتا أحسن غادي تكلف لينا بالهروب مفهوم دامي : كدوي بحال الى ساهل وحافض جميع مناطق الحبس _ اه حافض المنطقة فايت ليا مراجع خريطة السجن دامي : مزيان ولكن تقدر تواجه كاع الحراس لي لداخل بوحدك مايمكنش على الاقل كاين 200 حارس لداخل _ متخافيش عليا قادر ونفوتها خاص غير السرعة أغلبيتهم كيكونو ممسلحينيش وغادي يخصهم وقت باش يتسعدو لهجوم غادي نفاجئهم ، غير هو خاص السرعة في التنفيد 10 دقايق هو الوقت لي ايوصلو فيه سيارات الشرطة من والولاية لسجن إلى فت هاذ الوقت ايحاصرونيو منقدرش نخرج من تما ( شحال وانا كنفكر في هاذ الخطة وكنت حاطها في راسي وخططت ليها ولكن ماضنيتش أني انضطر نفدها) دامي : غير الله يصاوب وصافي عمري توقعت ندير شي مهمة بحال هكذا ... و زوينة هاذي ضابطة في المخبرات غادي تهجم على الحبس ههه ولينا في اخر ياماتنا بحال الناس لي في الحبس _ حتا أنا ماشي لخاطري أو جيت وبغيت نعمل هكذا ، تا أنا كنت رابع أعلى رتبة في الجهاز ديالنا فوق مني غير الرئيس بوزيان والنائب سعد والمساعد الاول لي هو الاستاذ حياتي كانت بيخير وعلى خير كنحمي الناس وكندخل المجرمين الحبس أو كنسيفطهم القبر باش نحافض على استقرار البلاد ولكن ماخلاونيش المجرمين بغاوني نكون بلطجي كيف وليت دابا ، على الأقل بعدا أنا كندير عملتي على ود خويا حيث ماليه حتا ذنب دامي : غير كنت كنضحك معاك عنداك تقلق ، اكتر وحدة حاسة بيك هي أنا داكشي علاش غادي تلقاني جنبك طول ما أنا عيشة وحتا من الاستاذ عاطيني الصلاحية ندير لي بغيت في سبيل المساعدة ديالك وخا تكون بطريقة غير قانونية _ عرفتي شنو السبب الحقيقي حتا دارو ليا هكذا دامي : علاش _ حيث رفضت نكون حمار الطحونة عندهم دامي : كيفاش _ غير بلاتي هاني جايك لهدرة ... بوزيان وسعد بغاوني نكون قاتل مأجور عندهم نقتل ليهم جميع الأعداء لي كيوقفوو في طريقهم ، غراني بوزيان بفلوس ماكتعد ماكتحصا غير باش نكون واحد منهم ولكن رفضت حيث مابغيتش نكون سبب في موت ناس ابرياء نهار تكونت قسمت نحمي الناس ماشي نقتلهم ومتعطينيش خاطري نتطاول على القانون ، وباش زدت جبدت الصداع على راسي هي هددتهم بالحبس ساعة هوما لي زربو عليا حيث عندهم السلطة أما أنا عندي الله وراسي وشجاعتي يد وحدة ماكتسفقش حتا من الاستاذ لي واخا كيعاونا دابا ، ماكيقدر يدير والو قدامهم خايف منهم حيث عارف أيديهم واصلة لكاع البلايص دامي : كون أكيد ماحدك قلبك بيض وكتجري من ورا الخير الله ماغديش يخيبك _ موهيم غادي نخرج يضربني البرد شوية ونرجع دامي : نمشي معاك _ غير خليك ... خرجت من دار شديت تاكسي قصدت جيهة البحر بديت كنتمشا وسط الكورنيش كنفكر وكنحس براسي غادي ينفاجر بقوة التفكير والضغط لي عليا مابقيتش عارف شنو كندير أو حياتي باش غادي تسالي خليتها على الله .... مول الديطاي وقف مول الديطاي : ايه خويا مرحبا شي گارو _ عطيني شي 5 ماركيز وشي بريكة إلى عندك مول الديطاي: موجدين الله أودي _ خديت منو الگارو شعلتو ومشيت ريحت قدام البحر حاضي الماج وكنتكيف باش نخوي راسي ونتكالما ،عمري ضنيت نجرب هاذ الزبل حتا جربتو ليوم بقيت كنفكر في المرحلة لي وصلات ليها حياتي توحشت الواليدة والكليكة ديالي وحتا سناء واخا دمراتني مزال كنبغيها مابغاتش تحيد ليا من بالي كنتفكرها في كل لحضة و كنشوفها في أي بلاصة ، الصباح فاش كنت في دار العمراني دموعي نزلو واحد اللحضة ، جاب الله وجهي كان مغطي ، تمنيت كون كنت أن والعمراني حباب ، و كأيها الناس نساب مزيانين مع بعضياتنا ونحتارمو بعضيتنا ماكرهتش كون كانت حياتنا مختالفة بلاصة السلاح لي كنا حاطين ليه على راسو نبوس ليه راسو في كل مرة نشوفو فيها ونديرو بمتابة الأب ديالي لكن القدر مابغاش هاذشي هو مجريم ومخلويض وبنتو ممثلة ولعابة ... كيف أندير نحيدها من بالي ونساها ماكنقدرش كنبغي نفكر في حاجة أخرى حتا كلقا راسي رجعت كنفكر في سناء وقلبي كيتقبط عليا ، دوزت تقريبا ليل كامل برا ضليت نكمي ونفكر ونتحصر على حياتي المدمرة تا قرب صباح و رجعت لدار نعست ساعتين وفقت على صوت دامي . دامي : فيق خلاص الوقت وصل خاص نمشيو _ققت لقيت الفطور موجود جلسنا فطرنا لبسنا لباس خاص بالمهمات (غادي تشوفوه في الكومنطير ) وتوجهنا لسجن وقفنا حداه وبقينا مراقبين الوضع ، غير وصل الوقت المناسب عطيت لدامي الإشارة باش نبداو ، دامي مستعدة دامي : مستعدة على بركة _خرجنا من الطومبيل توجهات دامي لواحد دار مهجورة كتكون من 2طوابق مقابلة مع الابراج ، في حين أنا توجهت حدا الصور ديال الحبس بقيت كنتسلت حتا وصلت ليه ، لسقت قنبلة حائطية في الصور وعطيتها الإشارة بيدي ورجعت لور ، وداكشي داز بالخف مع تيرات في الحراس ديال الابراج بجوج ونفاجر السور ديال الحبس وخدم الاندار ... يتبع ( قريتي جمجم وطاكي اعز صديق عندك يقرا 🥰) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM