🍷🌹الوحش وزوجته الجريئة🌹🍷 #الجزء 11 : 🍒 في الصباح و بالظبط عند قمر كانت جالسة فوق السرير، و هي كتفكر في مها خرجات دمعة من عينيها و مسحاتها بزربة و قالت: عمرني مغادي نسمحلك في حياتي كاملة أماما ، جا الوقت باش تعاقبي على أفعالك ، و أنا اللي غادي نعاقبك بنفسي 😢 . خرجات لقات الفطور كاين ، فطرات ، و مشات تلبس ،لبسات سورفيت في الأبيض و الأسود ، دارت كاسكيط سوداء و مشات البحر باش تجري ، كانت غادية كتجري حتا تساطحات مع شي حد هزات راسها تشوف و هي تغوت و حتا هو غوت في نفس الوقت:نتا / نتي . قمر:فينما ندور نلقاك حدايا ، امم ياكما كتبعني زعما نكون كنعجبك 😉. مروان: نتي تعجبيني أنا مستحيل حتى نفكر فيها و بالأخص وحدة فحالك 😏 . قمر:و علاش مستحيل 😱. مروان:ما زال ما نسيت أشنو درتي آخر مرة و كنتمنى تكون هادي آخر مرة نتلاقى بيها معاك . و مشا كيجري و خلاها و هي قالت: كون شتي أنا غي لاصقة فيك يخ . و رجعات للدار دوشات و دارت مكياج تقيل و لبسات كسوة قصيرة و خرجات ... ***** عند مروان رجع الدار و هو كيفكر في قمر و قال : حاس براسي كنعرفها و لكن فين ما عرفتش أوف غادي نحماق . مشا دوش و لبس ملابس و هاد المرة كنت مختلفة على اللي كيلبس (اللبسة في الصورة) حيتاش ما كانش غادي للشركة ، كان غادي لبلاصة أخرى ، طلع لطموبيلتو و مشا مكسيري للبلاصة اللي غادي **** عند قمر دخلات البار و كانت مقابلة معاها واحد المرا غي شافتها قمر ابتاسمات و بادلاتها المرا نفس الإبتسامة و جات لعندها . المرا:جيتي في الوقت اللي قلتيلي غادي تجي فيه معندي ما يتسالك. قمر بثقة:نتي عارفة الوقت عندي أهم حاجة ، و مكنحملش التأخير ، و البارح مني جيت نشوفك قلت ليك باللي عندي الوقت هو الوقت أمدام ليلى. ليلى:كيعجبوني البنات فحالك ، و أنا واثقة باللي غادي تدخلي أرباح بزاف لهاد البار ،سيري وجدي راسك الزبائن بداو يجيو . قمر دخلات البلاصة ديال اللبس و لبسات كسوة ديال الرقص و طلقات شعرها و عاودات المكياج و خرجات لبلاصة ديال الرقص بقات واقفة و الرجال كيشوفو فيها بكل شهوة من بعد ثواني ابتاسمات و بدات الموسيقى و بدات كترقص بكل احترافية و كانت هي اللي كتغني (أغنية : bilionera سمعوها أغنية واعرة ) بقات كتويركي و كتغني و البنات وراها كيشطحو متبعينها ، و الفلوس غير كتشاير، و النظرات غير متبعينها من كل جهة.......... #يتبع.......💫💟 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM