🍷🌹الوحش وزوجته الجريئة🌹🍷 #الجزء 12 : 🍒 كلشي كان كايشوف فيها فرحان بي جسمها و برقصها ، من غير واحد اللي كان مصدوم و أكيد عرفتوه !! شكون من غير مروان ، سالات و كلشي بدا كيصفق و كيلوحو عليها الفلوس و هي كتبتاسم و مشات البلاصة ديال التبدال ، لبسات حوايجها و خرجات تلاقات بمدام ليلى . مدام ليلى:مبروك راكي تقبلتي ، شحال ديال الفلوس دخلنا ليوم غير بسبابك ، كنت متأكدة من النجاح ديالك أ أنسة سارة . قمر (سارة): شكرا و دابا بسلامة أمدام ليلى 😈. مدام ليلى بابتسامة:بسلامة . هاد الحوار كامل سمعو مروان و تصدم تاني خرجات قمر و هو تبعها حتا دخلات لدارهم و هو غير شاف الدار تصدم ، دار يدو في راسو و قال :أش هاد التخربيق هاد الدار هي ... و سكت و رجع فحالو و هو مخربق و مصدوم و في راسو بزاف ديال الأسئلة اللي ملقاش ليها حتى جواب... دخلات قمر ل بيتها لبسات بيجامة ديال الدار و بدات كتغني نفس الأغنية اللي غنات و هي كتفكر في مروان و قالت في خاطرها : أنا صافي دخت علاش كنفكر فيه و أنا ما عارفة حتا سميتو ، أوف حماقيت الله يستر . بقات كتفرج في تلفزة حتا دخل بدر وجهو حمر و معصب و وقف ليها حدا راسها و نزل عليها بتصرفيقة حتا عواج ليها الحنك و هو يدخل سي رضا و مشى يجري لعندهم **** عند مروان دخل لبيتو و جلس بقا كيفكر في هاد البنت اللي سميتها سارة و أشنو علاقتها ب ليلى و أشنو كدير في ديك دار ، ما لقى حتى جواب و هو يتفكر صاحبو خدام في البوليس و جبد نمرتو دغية و عيط عليه . مروان:ألو ياسر . ياسر:مروان كيف داير أصاحبي ، و أش هاد لغبور . مروان:غي مع الوقت أخويا، بغيتك في واحد المهمة ضروري . ياسر:مرحبا قول ليا أش كاين . مروان:بغيت نعرف كل صغيرة و كبيرة على هاد العنوان *** ،و جميع المعلومات على اللي ساكنين فيه و بالأخص البنت بغيت تقرير شامل عليها . ياسر :صافي غدا تكون عندك الخبار كاملة . مروان:شكرا بزاف أ ياسر . ياسر:هادا واجب يلاه نخليك دابا . مروان :بسلامة . و قطع الإتصال و قال بابتسامة:أحنا غادين نعرفو شكون نتي أ أنسة سارة و شنو علاقتك بهاديك ليلى و هاديك الدار . ***** عند قمر اللي نزلو دموعها هادي أول مرة يضربها خوها . قمر:مااالك 😢. بدر بالغوات : ما زال كتسولي ماالي ،كيفاش قدرتي كيييفاش ، واش حنا قلنا ليك تمشي باش تجيبي لخبار اللي خاصينا باش نشدوها و لا تمشي تشطحي ليا للزوا** 😡😡. قمر كتنخصص : و لكن راه😢 . مشى و خلاها كتبكي بوحدها و طلع معصب لبيتو ، قمر جا عنقها باباها و هي كتبكي فزgات ليه جاكيت اللي كان لابس و هو كيطبطب عليها . قمر:بابا واش أنا بصح غلطت بهاد التصرف 😭. سي رضا: بنتي شنو غادي نقول ليك أنا فهمت علاش درتي داكشي باش تاخدي الثقة ديالها و تقربي منها كثر و هكاك تعرفي المخططات ديالها ، غير سامحي خوك راه غير معصب ، حتا أنا تعصبت و لكن كمدتها في قلبي حيتاش هادشي كامل لصالحنا ، يلاه طلعي ترتاحي دبا ، غدا عندنا الخدمة بزاف 😘. قمر:واخا أبابا تصبح على خير . طلعات قمر و بقا سي رضا متبعها بعينيه و تنهد ، قمر وقفات قدام بيت خوها و شافتو ساهي و كيشوف في السقف تنهدات و دخلات تنعس ، كلشي مشى ينعس و كل واحد و تفكيرو فين كان....... #يتبع.... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM