الأسود 🖤 الجزء 17 🔥🔥🔥🔥🔥🔥 ( التتمة من بعد 340 لايك طاكيو صحابكم يقراو القصة 🔥❤️) _شدات ليا في أيدي حتا ركبت طوبيل حيث كانو الكلكية حاضييني عند سناء ❌❌❌❌ سناء : اهئ اهئ شوفو البنات ماكيحشمش هاهو غادي راكب معاها في طومبيل فدوى : صدق ماسهلش كيعرف يمثل مريم : بيب هو لي خاسر مايستاهلكش سناء : أنا لي حمارة وقفت ضد بابا في هاذ زواج لي مابغيتوش على ودو ، كنت مستعدة نهرب معاه وندير أي حاجة غير باش نبقا معاه ولكن هو شنو عمل رجع مع مسخة ديال الخلا وكيخوني معاها ، كي صدرني مع 18:30 كيقول ليا انمشي لدار وهو كيمشي يريح في القهوة معاها فدوى : ماتوقعتش مهدي يكدب ويخون كون ماشفتهمش بعيني مع بعضياتهم مانتيقش مريم : وتاهي حاطة ايدها فوق ايديو عايشين الرومانسية بربي ماكيمرگو غير عما وطلع منو هاذشي كامل ،الخيانة ماخطات حتا نوع من البشر ... من نهار عاونتنا في هاذ البلاصة وسلخات البراهش دخلني الشك أنها كتعرفو حيث مايمكنش تكون غير صدفة تعاونا شحال من مرة زائد شوفاتها ليه باينة كيبغيو بعضياتهم سناء : اهئ اهئ أهئ كان كيقول ليا نسيت خطيبتي وكنبغيك غير نتي ، مدلول رجع ليها من بعد ماخلاتو وسمحات فيه مافيه نفس زبل كيقلب على الزبل ، ندمت على النهار لي عرفتو فيه ولكن هو لي غادي يندم عليا اهئ اهئ مريم : صافي ماتبكيش احبيبتي حنا معاك فدوى : بيب تستاهلي حسن منو عفاك غير ماتبكيش سناء : كيفاش مانبكيش وأنا حياتي كاملة جامعة راسي ونهار بغيت من قلبي حبيت الشخص الخطأ ، لي كنت كنقول مختالف ومايقدرش يخون طلع كداب ومنافق كيف بقية الرجال كاملين بحال بحال مريم : هاذا بضبط شيطان بصفة إنسان صبنتو مزيان ، الحمار لاخر يلعب ليا بصحبتي مزيان تبارك الله ولكن ايندم عليك غير بلاتي فدوى : يهديك الله بحال هاذ النوع ماعندوش مصطلح الندم ياك شتي بعينيك خطيبتو جات تال عندو داتو ، باين كاين داير سناء رويضة سوكور أو يمكن كان طامع فيها و باغي ينصب عليها سناء : واقيلا هاذا هو الهدف ديالو من الاول مريم : يحساب ليه ماغديش نعيقو بيه ماعرفش أنا صحاب الحسنات ماخطاو حتا قنت توصل توصل فدوى : لي كيمرضني هو علاش بحال هاذ نوع ماكيقنعش بوحدة ملي باغي يرجع مع خطيبتو علاش مطمعك نتي وخلاك تعشيني الأوهام سناء : اهئ اهئ الله يلگيها ليه شماتة كيف اندير نساه ولا هو حياتي كنفيق بيه وكنعس بيه علاش ماعندي زهر سناء : ماكرهتش نسلخو نبردد فيه غدايدي ، اويلي كنا مقولبين فيه هاذ المدة كاملة بغيت ليه مايشوفش بدوك العينين ويتزادوه حتا رجلين يتقطعو ليه سناء : هئ هئ عفاك بلا دعاوي إلى طلع هو ممزيانش مخاصش نكونو بحالو ختارها هي الله يسهل عليه مريم : مزال كتحني فيه الله يعطينا وجهك بقا ليك غير دلي راسك وتمشي تقولي ليه سيدي مهدي أنا قابلة بيك واخا كتخوني ، نوضي الله يجيبك على خير فدوى : صافي أصحبتي بلا ماتزيدي عليها خلينا نمشيو نريحو مع الكليكة شوية ومسحي دموعك اسناء كوني قوية دامي : امين نبقا معاك _ غير سيري بحالك ماعندي كانة نهدر مع حتا واحد ... دخلت لدار لا سلام لا كلام نيشان لبيتي وخليت باب محلول ريحت قدام البيسي بديت كنشوف في صور ديالي مع سناء لي مصورين بجوج وكنتأمل في صورتها وكنبتاسم ، فجأة جمعت غوباشتي بديت كنضرب في بيسي مع الحيط و كنهرس في بيتي كنخرج فيه الغضب ديالي ، لي لقيتها قدامي كنهرسها وكنبكي وكنغوت بحرقة لا لا لا ... أنا تخليني أنا تخوني أنا ديرني قنطرة أنا ماشي دري صغير تفلا عليا برهوشة أنا نتفلا بمليون وحدة بحالها أنا أمين لي غير كتجبد سميتي لبنادم كيدا يقفقف من الخلعة ديرها بيا برهوشة ديال الخلا لا لا مايمكنش تبيدقني الواليد : اش هاذ الصداع اش كدير نتا _ الواليد كتقول ليا البنات ماشي بحال بحال راك غالط كاملين مسخات أبا كاملين عملة وحدة ، طمعات ومستغلات كيشوفو حسن منك ولا فيك شي عايب كيخلوك في توش بلا مايحسو بيك صدقات بحالهم أبا ، كلبة مسخة مشات عند واحد اخر عند بالها حسن مني حيث هو يمكن عندو الفلوس وانا كنبقا بالنسبة ليها غير عما ... كملت تهراسي الواليدة : والصگع مالك اش واقع ليك _ ديك المسخة ديال سناء لي قلتي مزيانة وبغاها ليا صدقات ممثلة واعرة أمي نامبر وان في الكذوب لعبات بيا بحال شي مونيكة خلاتني نبغيها ومشات تزوج بواحد اخر وأنا كي الحمار تيقتها أنها كتبغيني وفي الاخير رماتني بحال شي سيجارة سالا دور ديالها ، أمين دارتها بيه برهوشة خايبة حتا في المعاودة الواليدة: صافي ماديرش في بالك الله يسهل عليها هي لي خاسرة نتا قلبك زوين ايعوضك الله بيما حسن 1000 وحدة تمناك _ شنو غادي ندير بلي حسن دابا خشاتها ليا بنت العمراني ، بقيت كنضرب في واحد زاجة بيدي حتا تهرسات ولات ايدي كلها دم الواليدة : عفاك أولدي رجوع الله ماتستاهلش دير على ودها هادشي _ شتي قلبي أمي ولا كتر من هاذ اليد دمراتني أمي قتلاتني وأنا حي كنتألم من لداخل حتا واحد ماغدي يحس بيا قلبي شاعلة فيه العافية علاششششش دارت ليا هكذا علاش ، عرفتو شحال وليت كنبغيها كتر من راسي في الأخير تجازيني هكذا ، كون غير دخلت الحبس وتعدمت أهون ليا من هاذ الشعور، كان كيحساب ليا البنت مزيانة ونسيت أنها من عائلة المخلوض أكيد غادي تطلع بحالو الواليدة : صافي تهدن أولدي حتا وحدة ماتستاهل تعصب عليها راسك الواليدة: سي عبد القادر وقفو عفاك غادي يدير شيحاجة في راسو _هزيت سلاحي فيدي لي كنت مخبي تحت الكاتري ... غادي نقتلها هي وخطيبها وكاع عائلتها والله مايعيشو بيخير غادي نتاقم منها هي وعائلتها وجدر ديال تاصيلتها غادي نفنيه كامل والله حتا نقتلها مايمكنش هي ترتاح وتفرح في حياتها وانا ندمر غادي نوريها شكون أمين ، جمعها معايا الواليد بواحد طرشة حتا ضربني الضو ، يله بغيت نضربو وحكمت راسي و قلبت البيرو بداك الحر لي فيا .... وبعدوووووووو مني خرجووووو عليا خلوني عييتتتت مابقيتش قادر نستحمل ... كنضرب في راسي وكنغوت ، علاش غيرر أنا لي واقع ليا هاذشي علاش أسيدي ربي أنا ماشي بحال الناس علاش عمري فرحت كيف الناس ، سير بعد مني الواليد خرج الواليد : زيد ضربني هاذشي لي بقا ربيتك وكبرتك باش تكون شخصية كبيرة في المجتمع ساعة بغيتي ترد راسك حتالة المجتع شوف حالتك كيف ولات و فين وصلتي وليتي بحال دري صغير كيبكي على لعبة حيدوها نتا لي خليتي الأساس وتبعتي الخوا الخاوي هاذا الجزاء ديالك _ ماشي لعبة الواليد هادا قلبي ودمراتو بنت الزنقة وماغاديش نخليها فيها غادي ندمرها كيف دمراتني ماشي أنا لي ديرها بيا بنت ، غادي ندمها على النهار لي فكرات تلعب بيا وهانتوما غادي تسمعو خبارها الواليد : خرج عليا برا أنا مانقدرش نخلي مجرم في داري يله برا ودير لي بغيتي ودنوب خوك عليك خشيت سلاحي في وسط الجاكيط وتيليفوني ضربتو مع الأرض وخرجت كنبكي والواليدة كتعيط ليا باش نرجع ماتسوقتهاش ، لقيت دامي حدا باب دار سمعات كلشي ركبت معاها غير فتنا الدار شوية و بدات كداوي ليا الجرح لي في إيدي وأنا كنتنهد ودموعي بحال الشلال دامي : واش الحب صعيب لهاذ الدرجة _ حطماتني ادامي كانت كتبان ملاك ولكن صدقات شيطانة علاش طمعاتني الى كانت كتبغي واحد اخر علاش طلعات أنانية ولعبات بيا وبقلبي حرام عليها فكرات غير في راسها دامي : ماعنديش شي جواب محدد !! قول شنو غادي دير _ غادي نقلب دنيا سفاها على علاها ، خاصني نغبر على الأنضار وتشوفي شنو غادي نعمل بالجميع ، تاصلي بالأستاذ قولي ليه يزور موتي بكسيدة دامي : لاش كتخطط تاني _ قلت ليك تجبدات الحرب على كلشي نعست ليهم بزاف ودابا بهاذ النار لي شاعلة ليا في قلبي غادي نحرق بيها كلشي ، كنت بغيت الأمور تمشي بشكل قانوني ساعة غادي نخدم البلطجية غادي يعرفو امين شكون هو الضرافة مخدماش ، ديري لي قلت ليك دامي : صافي جاتك بقا غير على خاطرك _ مشينا دار دامي هي دخلات بيتها وانا جلست فوق واحد الفوتاي كنفكر في مستقبلي وشنو غادي ندير وقررت أول حاجة غادي نبدا بيها هي نخرج خويا من الحبس دامي : تاصل الاستاذ دابا قال ليا بيلا لقاو جتة مشوهة بواحد الكسيدة وجامعينها في صندوق وغادي يعطيوها لداركم على أساس نتا ... واحد الكوميسر ديالنا ايدير لازم _داكشي لي كان مع قرابة 6 صباح مشاو البوليس ومعاهم دامي قالو لمالين دار ولدكم مات بكسيدة , كتعاود ليا دامي ان الواليدة سخفات ليهم وضطرو يدوها سبيطار وكتغوت ناري ميمتي ولادي ب 2 مشاو حيث عند بالها اني إلى أنا مت خويا ماكينش لي عاونو وغادي يتعدم ولكن هيهات مهاكي الحياة تايخرج خويا والى بغات تجي الموت تجي ماعلينا ، قدرت دامي تدخل لدارنا قبل كلشي حيدات كاع دوك المذكرات والخطط لي كنت ملسق في دار وبقات مع مالين دار ووهماتهم أنها المساعدة ديالي وكانت كتخطط معايا وهي الوحيدة لي تقدر تنقد خويا مهدي من الحبس، بقات معاهم والعزاية كيجيو يعزو مالين دار فيا ودامي كانت مخدمة واحد الميكرو كنسمع كاع لي كيتقال في العزو ، في العشية من بعد الدفن ديال الجتة جاو الكليكة ديالي ومعاهم سناء سمعت الواليدة كتغوت على سناء الواليدة: جيتي المسخة من بعد ماقتلتيه بسبابك ولدي مات سناء : اهئ هئ كيفاش اشنو درت أنا اخالتي الواليدة : اشنو درتي قولي شنو لي مادرتيش اجي معايا تشوفي هاهو بيتو شوفي شنو دار قبل مايموت بسبابك خرج واحد اخر من هنا ، وبسبابك خرج بلا عقل حتا دار كسيدة حرام عليك اش بغيتي عندنا علاش درتي فينا هكذا ابنتي ربي ماغديش يسمح ليك على هاذشي لي درتي فينا منير : قولي ليا اختي( دامي ) واش نتي خطيبة مهدي دامي : أويلي لا أنا غير دكتورة نفسانية ديالو منير : بصح حيث سمعت كان كيتلقا بيك بزاف يحساب ليا خطيبتو دامي : لا ماشي خطيبتو , لي خاصك تعرف هو أنا مهدي الله يرحمو كان عندو مرض نفسي من ورا موت الاخ ديالو و مأخرا تحسن بزاف من ورا ماعرفكم قدر يتغلب على داك المرض ولكن واخا تحسن ماحبستش معاه الحصص العلاجية ديالو باش يبقا متحمس ويتبع علاج عينيه ديالو ساعة مسكين ربي داه صغير منير : ولكن العلاج في القهوة كي درتو ليها دامي : اه حيث أنا صديقة العائلة وكان كيتهرب مني مأخرا مابقاش كيبغي يجي عندي العيادة داكشي علاش كيسيفطوني واليديه عندو فهمتي ( بقيت طالقاها عليه حيث أمين معاود ليا كلشي ) سناء : اهئ اهئ خالتي أنا مقصدت والو الواليدة: دابا غير سيري بحالك بركة من دموع التماسيح خرجي عليا مابغيتش نشوف وجهك دامي : تجمعوو الكليكة ديال أمين وتماو خارجين من دار العزو والبنات متأطرين كيبكيو هوما وداك الدري سامي ماسكتوش من البكا فدوى : اهئ أهئ الله يصبرك اختي سناء مريم : واخا هكاك بقا فيا ندمت علاش دويت معاه هكاك اهئ اهئ ... شوفو ديك خطيبتو حتا دمعة مانزلاتها عليه ماعرفتش اش كان كيبغي فيها سامي : صافي سكتي دري مات الله يرحمو ماكين لاش ندويو في الماضي منير : الإخوان ماكين مايتخبا هدرت مع ديك البنت دابا ، هي ماشي خاطيبو كنتو ضالمين الدري جبتو الخبار مقلوبة هاشنو قالت ليا بالحرف .... طبيبة نفسانية ديالو .....إلخ مريم : ولكن السرباي قال لينا خاطيبتوو وديما كيجيو يريحو مع بعضياتكم أيمن : وباش عرفتو أنها كانت خطيبتو واش ط عندكم شي دليل أو السرباي عندو شي دليل كيأكد أنها خطيبتو ماشي غير حيث كيريح معاها راهم في علاقة ، غير لي قال ليكم سيحاجة تمشيو تيقوها مهدي مكنظنش أنهو من نوع لي خلاط ولبارح كان مدمر من كلامكم ، ردة الفعل ديالو ماشي ديال واحد كان كيكدب على سناء حمزة : كون هدرتو معاه وتأكدتو كان غادي يكون أحسن الله يرحمو سامي : الله يرحمو كان درويش فين غادي لقاو بحالو ، وكنت متأكد أنهو كاين شي غلط مهدي ماكيكدبش سناء : أنا سباب أنا لي قتلو اهئ اهئ مريم : بيب ماتقوليش هاذشي نتي ماليك والو المكتاب ربي بغاه سناء : بسبابي مات عفاكم قتلوني بغيت نموت معاه منقدرش نستحمل الحياة بلا بيه علاش درت هكذا علاش علاش سامي : وهي كتدوي سخفات شديتها فدوى : سناء سناء عفاك فيقي جيبو قرعة الما دامي : أمين واخيرا رجعت عييت مكنحملش العزو العيلات دارو ليا الضجيج _ شحال ديال النفاق كيكون في العزو فجأة كلشي كيولي يبغيك دامي : هاذي حاجة باينة _الحاجة لي فرحاتني هي الواليدة صبنات ديك الميكروبة جاية بوجهها حمر باز ليها دامي : بقاو فيا داركم وصاحبك سامي تاهو ... أمين مال دوك دموع بغاو ينزلو توحشتيها عارفك مزال كتبغيها غير من داك الخاتم لي مزال لابس _ اه كنبغيها وكنكرها على هاذشي لي دارت وبالنسبة لسمامي هاذاك الولد هو احسن حاجة ربحت من هاذ الروينة ، ماعليناا بقات 3 يام على اعدام خويا غدا انبداو في الخطة و الضحية الأولى غادي يكون العمراني دامي : وليت كنفهمك خديت ليك معلومات على العمراني من عند الاستاذ هو حاليا في دار مراتو التانية في كازا _ غدا غادي نمشيو نشربو شي كاس ديال اتاي ونتعرفو على عائلتو التانية شحال وأنا كنتسنا هاذ لحضة دامي : موهيم اجي تعشا بعدا جبت ليك كسكسو ديال عزاك بنين ههه _ بدات كتحاول ضحك فيا ولكن الله لي عالم بيا المورال طايح كليت ومشيت نعست فقنا صباح بكري مع 4:30 كنا كنفطرو ، بدلنا حوايجنا وشدينا طريق كازا مع الدخلة ديال المدينة وقفنا لواحد الشخص من طرف الاستاذ ديناه معانا ، قصدنا الفيلا ديالي العمراني (الأب ديال سناء) وقفنا قريب من لفيلا لبسنا لباس المهمات والأقنعة غطينا وجاها وبقينا كنتسناو فام دميناج لي كتنضف الفيلا تجي بقينا كنتسناو قرابة ساعة دامي : أمين هاهي فام دميناج جاية ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM