الأسود 🖤 الجزء 13 🔥🔥🔥🔥🔥 ( التتمة من بعد 330 لايك طايكو صحابكم يقراو القصة الرائعة ❤️🥰 ) سناء : ماتقولش هاذشي نتا سيد رجال ومناقصك والو ، عينيك غادي تشوف بيهم في القريب العاجل إن شاء الله ، لي كيهمنا هو قلبك بيض وتصرفاتك زوينين معانا _ زيدي كملي كيعجبني الحال فاش كتمدحيني سناء : احم احم عندك واحد الهيبة فشكل مقبول فينما مشيتي كتخلق جو زوين _ حتا نتي مختالفة على جميع الناس أحسن انسانة عرفت وعزيزة عليا بزاف فرحان حيث عندي صديقة بحالك سناء : شنو صديقة _واقيلا زبلتها ماعجبهاش الحال حيث قلت ليها صديقة جمعات غوباشتها وخنزات فيا وهي تزول ايديها من فوق إيدي وقلبات وجهها لي جيهة لاخرة كدوي مع البنات ، شوية تفرقو لي جاو معانا في الرحلة شي دخل الخيام كاين لي تجمع هو وصحابو في ركنة أخرى ، بقيت أنا وصحابي والكليكة لي تعارفنا عليهم لي من ضمنهم ريم قربنا حدا العافية و درنا دائرة صغيرة ناض واحد خونا من ديك كليكة سميتو جاد وقف وسط الدائرة جاد : هاذ الخرجات ماكتحلا معاهم غير قصص رعب شنو بان ليكم نعاود ليكم قصص رعب حقيقيين وقعو في هاذ المنطقة _ دراري وافقو وبدا كيعاود لينا كيفاش انهو فايت ليه جا لهاذ المنطقة عدة مرات مع شي صحابو وبداو يتسركلو بليل و خرجو ليهم الجن ، بقا كيعاود لينا قصص بزاف ديال الرعب وقعو ليه وكيعرف يعاود ويلعب بملامح وجهو حتا خلع لينا البنات ، سناء تخشات فيا بحال شي دري صغير فرحت وعحبني الحال دورت ايدي ورا ضهرها وحطيتها على كتفها وقلت ليها في ودنها ... متخافيش أنا معاك مريم : قلبو هاذشي بغينا نعسو ليلة منير : هاذشي غير كدوب طالقها علينا وصافي سامي : لا يمكن يكون كلامو بصح معروف بحال هاذ البلايص الخاويين كيكيونو مسكونين فدوى : اعوذ بالله من الشيطان الرجيم مالقيتو ماتجبدو ، غيرو الموضوع خليونا غير مع الغنا أش قربنا لقصص الرعب _ دراري نكملو سهرة على طريقتنا خديت الگيتار كنقاد فيه سامي : مهدي شد لينا الاقاع ديال اغنية ليالي فاتو أيمن : بلاتي حتا أنا نقاد الگيتار ونغنيوها جميع _ بديت كنعزف على الگيتار أنا وأيمن وكنغني ليهم ( حبيبي أنا ، ليالي فاتو ، قلبي حياته ، لسة معاك ، ياويلي أنا تعال تاني ، حرام تنساني وأنا عشقاك ) ×2 مريم : الله ياسلام على اغنية أيمن : (افتكرت ليالي عشتها أنا وياك ، كلمة قالوها لي ليوم ماجيت على بالي ، جابو سيرتك افتكرت هواك ) ×2 _ويفكروني ليه ذنب قلب ايه ، يحن يحن تاني هي ناقصة جراح ، عيوني مابتنام بالايام والغرام ،كنت أنا وكان قلبي مرتاح. tout le monde الجميع : حبيبي أنا ليالي فاتو قلبي حياته لسة معاك ياويلي أنا تعال تاني حرام تنساني وأنا عشقاك... _ كملنا ديسك وبداو كاملين كيسفقو هاذ الاغنية بذات عزيز علينا كاملين غادي نحطها ليكم في أول كومنطير اكيد اتعجبكم حتا نتوما ... زهيناها ليهم بالگيتار ، غير سالينا شعلو البنات باف جايبينو معاهم خدمو الشعبي ونضنا كنشطحو بلبناها ، من بعد ماحيدنا الهوايش ريحنا كنهدرو كل واحد كيعاود على راسو سناء متكية عليا ، ومريم على منير وسامي خشا راسو في ريم و كيف العادة داير بلاصتي وفارض شخصيتي عليهم ، كنعاود ليهم قصص خيالية وعاجبهم الحال حيث كذاب بروفيسيونيل والكذاب كيكون محبوب عند الناس بشرط تكون كذاب وحاضي راسك باش متنساش الكذبة وتفرش تولي برهوش مريم : مهدي شنو هي اخر مغامرة درتي _ اخر مغامرة درت هي سلخت الأفارقة لي خطفو البنات لبارح وعتقت البنات حمزة : اه عرفناك درتيها وبالامارة فاش كنتي ناعس هههه فدوى : خيال عندك واسع تبارك الله سناء : عارفينك شجاع كون كنتي كتشوف ماترددش تساعدهم _ شتو باش زوينة القضية دابا واخا نقول ليهم الحقيقة ماغديش يتيقوني كيتيقو غير الكذوب ديالي ، داز شوية الوقت حطو لينا لي شاف ديال لوطيل البيفي نضنا تعشينا ورجعنا بلايصنا كنجمعو تال 2 ديال ليل عاد تفرقنا كل واحد قصد الخيمة في غادي يبات إلا أنا دخلت جاني الملل ومكانش فيا النعاس ، هزيت گيتار وخرجت فين كنا جالسين قبيلة لقيت الموضفين طفاو العافية و أغلبية القناديل لي مضويين على المكان كانت الاضائة قليلة بزاف والبرد كيقطع غير جلست هو يتبعني سامي سامي : كاين البرد بزاف هاك باش تغطا _ خديت منو مانطة صغيرة وهزيت الگيتار سامي : حتا أنا مافياش النعاس قلت نتوانسو أنا وياك _ جابك الله مزيان تونسني يحساب ليا نعستي داكشي علاش ماقلتهاش ليك سامي : لا كنت غير متكي ماننعستش، مهدي بغيت غير نعرف كيفاش جيتي لهنا والضلام بعض المرات والله كنشك أنك كتشوف ماعرفت كيف كدير تاكتعرف الطريق والأماكن _ماشي نتا لول لي تقولها ولكن أنا ذكي كنميز الاماكن بالأصوات وكنحسب الخطوات مثلا من هنا الخيمة ديالنا غادي تلقا 95 خطوة ومقسمهم على 4 مراحل ، ماعلينا مافيا لي يبقا يشرح ليك هاذ الموضوع السخيف سامي : هو الذكاء عندك هاذي ماكدبتيش فيها _ خلينا من هاذ الموضوع سمع هاذ ديسك وقول ليا باش كيفكرك ، بديت كنعزف لحن ديال الأغنية الشهيرة ديال شاروخان لي في فيلم ديلوالي دولهانيا لي جايينجي سامي : ذكريات اعشيري هاذ لحن ديال العشاق فكرني في فيلم شاروخان فاش بدا كيغنيه لكاجول في لحضة لي كانت باغية طلع لقطار وكيستناها تلفت باش يعرف واش كتبغيه أو لا لا وبالأمارة كانت لابسة الاصفر _ ماعليكش جبدتيه ، فراسك هاذ لحن هو لي حببني نتعلم لجيتار سمع سمع واش كنصرعو سامي : لحن زوين اعشيري ، شتك دابا كتعزفو ياكما كتسنا سناء تخرج _مع قالها طلات من الخيمة لي بايتة فيها ، قلت في خاطري كون غير طلبتي شي مليار سامي : عمرها طويل اذكرناها خرجات هاهي جاية عندنا سناء : مزال ماغتنعسو نتوما _ مزال مجاناش النعاس شوية وندخلو ونتي لاش خرجتي سناء : سمعت گيتار عرفت غادي تكون غير نتا لي كتعزف ، هاذ لحن لي عزفتي زوين بزاف سامي : لحن العشاق ... غمزتها وهي تبدا ضحك 😜 سناء : دخلو بحالكم راه برد الحال ايصدق ضاريكم البرد _ هانيا وفين كاين الموشكيل إلى ضربنا البرد ، تقع هذه الأمور الصغيرة في هاذا العالم الكبير سينيوريتا ، قلدت ليها شاروخان بدات كضحك سناء : هاني مشيت ليلة سعيدة _وهي غادة بديت كنعزف لحن شاروخان وكنشوف في جيهتها وهي غادية وكتلفت وكتبتاسم سامي : ساط سناء طايحة فيك باينة لعما _ تاريح اشمن طايحة فيا شكون لي غادي تسوق لمكفوف سامي : مالك حاگر راسك كون كنتي كتشوف داكشي لي كنشوفو حنا اتعرف بيلا كتبغيك نضراتها ليك اهتمامها كيفاش كتعامل وهي معاك ابتسامتها لي كتكون على وجها وهي حداك غيرتها وخوفها عليك كلشي هاذشي عندو تفسير واحد هي البنت طايحة فيك ووكلاهم عليك بالمزيان _ كنضن هاذشي طبيعي تقدر ديرو مع أي واحد فينا حيث حنا صحابها سامي : لا ماكديرش معانا كاملين هكذا غير نتا ، شوف الساط أنا متأكد من الكلام لي كنقول ليك كون تشوف دابا كيفاش كانت كدير فيك وهي غادية غادي تيق بيا ، 100% كتبغيك غير هو واش نتا طايح فيها ولا لا وكنضن حتا نتا آه _ بقيت ساكت وكنفكر في كلاموو لي على حق تصرفاتها كيدلو على أنها طايحة فيا أما بالنسبة ليا أنا راني غارق في حبها سامي : كتبتاسم العفريت هي كتبغيها غير قول ليا أنا خوك عاود ليا _تبقا بيناتنا الساط كنبغيها وكنحماق عليها كيفاش مانبغيهاش وهي كتعطيني قيمة ومهتمة بيا واخا عما سامي : أحياني عليك الجن اتكون احسن حاجة تشوف ملي يرجع ليك البصر ديالك ، سناء اية في الجمال واي واحد يتمناها وعلى ضمانتي الى كانت ليك هاذ البنت فرآه اتاخد بنت مربية وماشي شياطة الالفا فاهم شنو بغيت نقصد نتا لول في حياتها وعمر بغات ولا قاصها شيواحد _ عارف الساط ولكن مزال الحال على هاذشي خلي الوقت تحكم وتبين لينا شنو كاين ... يله نمشيو نعسو قبل مانجيبوها في عضامنا ، دخلنا بلايصنا لقينا حمزة نعس شربت السيرو و ضربتها بنعسة الصباح فيقونا المؤطرين مع 8 كيف العادة تجمعنا فطرنا مجموعين وخرجنا ركبنا الجمال داونا المرشدين السياحيين واحد البلاصة كيقولو ليها حمام الرمال كيدفنوك في رملة مزيانة لعضام ، كل واحد فينا حنا دراري دوز نوبتو أما البنات رفضو قالو ليك مافيهم لي يدوشو من ورا حمام رمال ، من بعد ماسلينا من حمام الرمال ودوشنا قصدنا مدينة اترية قديمة ستكشفناها وتصورنا فيها وتمينا غاديين لبلاصة كتسما شلال رمال دايرة بحال جبل كبير ديال رملة ومع الحبل عالي كيبان منو بزاف ديال مناطق مرزوگة ومنضر منو واعر كيف وصفوه لينا المرشدين ، وقبل مانوصلو وقفنا في منطقة الاستراحة تغدينا فيها ، ومنها الجمال يستارحو شوية ريحنا كنتغداو في واحد الركنة شوية ناض أيمن كيغوت أيمن : إيدي إيدي أيييييييي عضاتني شي حاجة _ بقينا مستغربين من ردة الفعل ديالو والألم لي كيحس بيه حتا شفنا حنش ، البنات قفزو وبداو كيغوتوو حنش حنش وكيبكيو .... قتلوه شي وحدين من دوك الناس لي معانا في الرحلة بعصيات وأيمن كيتوجع ربي لي عالم بيه مريم : ديرو شيحاجة عفاكم عاونوه أيمن : عتقوني انموت _ متخافش ماغدي يوقع ليه والو سناء : ديوه طبيب دغيا إيدو دغيا زراقت _ أنا شفت الحنش كيف داير طمأنيت هاذ النوع حالو ساهل .... بديت كنمثل عليهم باش مايعيقوش بيا ، وصفو ليا لون الحنش كيف داير سامي : خضر لونو خضر هناء : ناري ايموت ادراري دوه شي طبيب المؤطرين : غير صبرو دابا أيجيو يديوه بطومبيل تاصلنا بيهم _ هاذ نوع من الافاعي فايت عاضني ودابا تعرفو قصتو .... سامي شوف واحد العشبة لونها حمر ضروري كتكون في البلاصة لي فيها هاذ نوع من التعابين كيتغدا عليها وهي في نفس الوقت ترياق لسم .... بدا كيدور سامي في عينيه حتا بانت ليه مشا جابها سامي : هاهي شنو دابا _ ارو ليا البلاصة لي تعض فيها أيمن منير : ها إيدو تعض في ايدو _بديت كنمص ليه بلاصة العضة وكندفل السم في الأرض وايدو دغيا بدات تزراق حيث سم ديال هاذ الافعى دغيا كينتاشر في الجسم ، بديت كندمغ في ديك العشبة حتا ولات بحال المسكة ودرتها ليه على البلاصة لي تعض فيها وقلت ليهم يعگدوها ليه بشي زيف وهكذا قدرت نوقف ليه تأتير السم هناء :متأكد من هاذشي لي كدير غاينجح _ نوض على سلامتك الساط ماعندك مناش تخاف دابا حمزة : واش متأكد من هاذ طريقة ناجحة _ واش كلعبو هنا طريقة مجربة 100% أيمن : شكرا بزاف خويا الله يخليك لينا المؤطر : واخا هكاك خاص يشوف الطبيب هو من مسؤوليتنا ومحسوب علينا _ جات واحد الجيب داتو بالخف وحنا كملنا طريق مريم : واش غايكون بيخير _ ماعندو مايوقع ليه حتا طبيب ماكين باش ايفيدو حيث السم خرج من الجسم ديالو سناء : منين تعلمتي هاذشي _ من العروبية واحد خالي كان كيصيد الافاعي هو لي علمي ( كدبت عليهم حيث تعلمت في فطرة تكوين ديالي في المخبرات ، حطوني في الصحراء وخلاو نفس النوع ديال هاذ الافعى يعضني وقالو ليا ضبر في الحل لراسك وعطاوني 15 دقيقة وهي الفترة لي يقدر يقتلك فيها السم ، في المرة الأولى مانجحتش ماعرفتش نعالج راسي في دقيقة 13 تخنقت بديت كنحس بروحي كتخرج ضربو ليا برا ديال ترياق ولكن المرة تانية جربت بلان العشبة ونجحات وهكذا عرفت العلاج ) . كملنا طريق لشلال الرمال فاش وصلنا لقينا أنشطة ترفيهية ومن بينها التزلج على الرمال منير : مريم يله نجربوها أنا وياك مريم : لا لا إلى هبطنا شكون ايطلعني منير : هانيا ايطلعونا رجلينا ماكيناش المسافة بزاف غير شي 25 متر لي كاينة _ خدينا لوح التزلج و بدينا كاملين كنجربو التزلج الرملي ، لعبنا شوية في الرملة وكنا مستمتعين بوقتنا وبجمالية المكان واخا كانو الكلكية مزال مشطونين على أيمن ، دازت ساعتين من وصولنا لشلال الرمال رجع عندنا أيمن رفقة واحد من المؤطرين وكان بيخير وعلى خير والضحكة على وجهو تجمعنا عليه وبقينا كنسولوه شنو قال طبيب أيمن : قال ليا أن السم لي كان داخل الجسم ديالي متصاتو النبتة وبيلا ماعندي مناش نخاف منير : ايه وشنو تاني أيمن : خرج ليا شي دوا صافي هاذشي لي كاين فدوى : على سلامتك اخويا أيمن : شكرا بزاف مهدي عتقتي ليا حياتي اجي عنقني اخويا _ نتا خويا هاذا واحب ديالي تجاه خويا غير ملي نتا بيخير هاذ هي الدنيا ومافيها سناء : تبارك الله عليك امهدي وخلاص المؤطرين : سمعوني مزيان قبل مارجعو لخيام انديوكم لأخر بلاصة مريم: قبل مانمشيو من هنا أجيو ناخدو تصويرة جماعية _ مشينا لحافة ديال الجبل الرملي شدات فدوى السيلفي بتيليفونها وبدينا كنتصورو مريم : عاودي شي تصويرة أخرى فدوى : اندير ليكم فيديو باش يبقا ذكرى _ واحد لحضة مريم ومنير وملاك بداو في المزاح الخاوي ديالهم كيدافعوو بيناتهم ومع حنا في الحافة مزال كنتسناو يكملو تصوير الفيديو ، دفع منير مريم زلقات وهي تلاح على سناء بغات تكالي بيديها صدقات دفعاها بالغلاط والموشكيلة هي سناء وزنها خفيف ومكان بينها وبين الحافة والو ، رجعات 2 خطوات لور زلقو ليها رجليها ، مع غاطيخ شدات ليا في أيدي من لور جراتني معاها حاولت نشدها ولكن مع الجهد لي جراتني بيه وكنت غافل ماقدرتش نتحكم في راسي ،مع الجرة تلاحيت فوق منها وبدينا مهودين مع الجبل الرملي بعد 2 دورات في الرمال جبدت ايدي لقدام بحال الى غادي ندرع في الما شديتها من خصرها جريتها حتا جيت فوق منها وفي دورة التالية جات فوق مني عنقتها ودرت ايدي ورا ضهرها كاليتها وحكمتها وهي خشات وجها في صدري وبقينا مدردبين أنا وياها بطريقة رومانسية حتا وصلنا لتحت ، كانت تاني احسن طيحة بالنسبة ليا من بعد طيحة في حب سناء واخا كليت الرملة ولكن هانية في سبيل الحب ماعليش ناكلو حتا التبن سناء : ههههه زوينة هاذ الطيحة _ ياكما وقعات ليك شيحاجة سناء بنضرات رومانسية : لا ماوقع ليا والو نتا بيخير _ حتا أنا بيخير ايوا على سلامتنا يله نطلعو لفوق سناء : نطلعو ونعاودها ياك هههه _ كيبان ليا عجبك مداق الرملة سناء : في خاطري ( عجباتني التعنيقة ♥️🥰) سامي من الحافة : و بصحة الربحة فدوى : فيديو جا ناضي ، طلعو طلعو _ سسنا حوايجنا من الرملة وتمينا طالعين لعندهم وحنا مشادين في بعضياتنا وكنضحكو حتا طلعنا مريم : هاي هاي على طيحة شحال زوينة ديال شي عشاق فيلم تركي رومانسي...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM