الوحش وزوجته الجريئة #الجزء 10 : عبير:حمااار كاتفكر غير فداكشي وطلعات معصبة وهو طلع كايضحك وكسيرا متجه للمطعم لي حاجز فيه وصلو وغير دخلات عبير تصدمات من المنظر الورد والشمع فالارض وعاد الطبلة حتى هي كانت فيها شمع والورد على شكل قلب وموسيقى هادئة(هادي الخطة ديال ايوب الى عقلتو على الاتصال اللي جاه فالشركة وجاوب بطريقة غامضة ،شكون كانت متوقع المفاجئة ) ايوب:كيف جاتك المفاجأة احبيبة عبير تلاحت عليه عنقاتو وعينيها مغرغرين:اجمل مفاجاة في حياتي،كانبغيك ايوب:وانا كانموت عليك ياله اجي نجلسو ،جر الكرسي وجلسات،وحتى هو جلس مقابل ليها ايوب مدليها يديه:تسمحي ليا بهاد الرقصة انسة عبير عبير مدات يديها وهي حشمانة،مدة وهما كايرقصو حتى جا سرباي وحط ليهم العشا،ومشاو كلسو يتعشاو منين سالاو جاب ليهم قهوة وعبير كانت متوترة وكتقول فخاطرها(أوف امتى غايطلب مني الزواج ) ايوب جبد واحد البواطة من جيبو وقال:حبيبة.. باقي ماكملش هزات عبير البواطة وقالت ليه وهي فرحانة:قابلة احياتي قابلة.حلات البواطة وهي تصدم وغوتاات:ااااش هاادشي ايوب حابس ضحكة:حلقات عجبوك احياتي عبير ناضت من بلاصتها ولاحتهم ليه على وجهو عبير:شفتي هادو ديرهم فودنيك عامين وحنا مخطوبين فاللخر جايبليا حلاقات وانا كيف الهبيلة مسبق الفرحة بيومين قبل وباركة كانقول هدا غادي يطلب مني زواج وجالسة نوجد فراسي خرجات من المطعم وجلسات فكرسي كان على برا وهي كاتنخصص جا عندها كايضحك وركع على رجل وحدة وهي جالسة وجبد بواطة اخرى وهو كايبتاسم ايوب:حبيبتي وعمري ومامات ولادي انشاء الله تقبلي تزوجي بيا عبير دارت يدها على فمها كاتنخصص باقي مصدومة ايوب:هه غادي تخلي حبيبك فالأرض حركات راسها بأه وهي كاتبكي وهو خشا ليها الخاتم فيدها وناض عنقها كيضحك عبير كاتمسح فدموعها:مالك كاتضحك؟! ايوب:اليوم وريتيني وجهك الحقيقي صدمتيني فيك والله ههه عبير:وصاافي سكووت اصلا كفاش قضية هاد الحلقات ايوب:فكرة ديال قمر،اه بعد غدا العقد والسيمانة جايا العرس عبير:كنت عارفاها هي مولاتها.اشنو كيفاااش بعد غدا العقد؟؟ ايوب:ماماك والحاج راه فخبارهم.ودابا ياله نمشيو عبير:ولكن كيفاش انا ماعنديش الرأي زعما الرأي ديالي هو الاهم و… باقي ماكملاتهاش حتى كايقاطع كلامها بقبلة عنيفة بقى مدة عاد بعد باش ياخذو انفاسهم ايوب:ولات فيك الهدرة بزاف هاباش نسكتك عبير:حماار منحرف جرها من يديها وطلعو الطوموبيل ورجعها لدارهم***عند قمر دخلات لقات خوها واقف على راسها هي بتاسمات بتوتر بدر:هادي هي من صبح وانا نوصي فيك ترجعي بكري واقيلا غادي نرجع الاسلوب القديم معاك قمر:واصافي حتى نتى راه ياله سالينا وزايدون كنت مع البنات ماشي بوحدي بدر:اااخر مرة.ياله اجي تعشاي.دخلات هي وياه وكان باباها كالس كياكل قمر:باباتي خرجتي تفكني بكري سي رضا:اوا ابنتي هادشي بنين ماقديتش نوض قمر كاتشوف فبدر:عليا انا باين قلتيليه يبقا كالس ياك بدر:ومنين عارف لاش كاتسولي قمر خنزرات فيه وكملو ماكلتهم ومشاو ينعسو ***عند مروان كان جالس فواحد البار البنات كايتغامزو عليه وهو مامسوقش ليهم مع الدورة لي غايدور كايتصدم بقا كايشوف ساهي فيها ولى وجهو كل حمر وخرج معصب للدار،لقاهم كاملين نعسو ونشا ينعس حتى هو وهو كايفكر فأشنو شاف...... #يتبع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM