قصة سكفاندري الجزء الثالث ماقبل الأخير ( تتمة من بعد 95 لايك طاكيو صحابكم يقراو قصة ناضية ) أخيرا الدنيا بدات كضحك ليا من بعد ماكانت شادة معايا الضد دابا ولات عندي بنت كنبغيها وتبغيني وتحركات عندي الدعوة شوية ولا عندي منين نجيب مصيريف شديت الباك الحياة السعيدة ياسلام وعايشها بيخير حتا دازو شي يامات كنا ديك الساعة يله كملنا عام وقعات بيناتنا خصومة وتفارقنا لمدة شهر تقريبا دوزت شهر ديال العداب النفسي مقدرتش نتقبل فراقها كانت بالنسبة ليا إنسانة ماكينش بحالها ومكتعوضش وحتا أنا كنت معاها راجل معاها و غادي بنيتي باش منخسرهاش لدرجة اني كنحاول نبعد على أي بلاصة تقدر تخليني نزيغ أو نوصل لشيحاجة خايبة واخا جاوني فرص بزاف في ديك المدة لي دوزت معاها أني نخونها وأني نتاجه لبنات الزنقة باالاخص فديك الفطرة ولات عندي شوية الفلوس كيبداو عليك دراري يله نمشيو هنا كاين ... حبها كان بعدني على داكشي وهاذي أحسن حاجة نحمد الله عليها ماتبليتش بديك الطريق الله ينجي أي واحد منها . دازو أيام حتا قربات لمدة لشهر وكتاب لينا مرة أخرى نرجعو وفرحت بزاف من بعد ماضنيت اني خسرتها تزاد تاني حبنا كتر من لول ومن بعد شي يامات ديبلاصيت لعندها باش نشوفها تلاقينا داز نهار واعر معاها تسركلنا ضحكنا نهار لي ميتنساش كنت فرحان بزاف بت ديك ليلة في اوطيل في مدينتها والغد ليه مشيت كازا دوزت نهار عند العائلة الغد ليه مع صباح بكري كنت معول نرجع لأسفي حتا بدلت البروغرام درت معاها نتلاقاو أنا وياها وأمينة لي عاودت ليكم عليها في لول جات لكازا بالحكم ان مدينتها قريبة لكازا مشيت تلقيت ليها ومن بعد تلاقينا بأمينة لي كان أول لقاء مباشر ليا معاها دوزنا ديك العشية مجموعين زهينا وضحكنا مع بعضنا حتا وصل لوقت لي خاص تمشي فيه (البنت لي كنبغي) لمدينتها مشيت معاها أنا وأمينة حتا ركبات ودعناها وانا وأمينة بقينا مريحين في واحد الجردة كنهدرو وفي نفس الوقت مطلعاها عليا كتقول ليا مالك غادي تبكي . حيث بنت ليها كاعي ديال بصح مابقيتش غاي نشوفها على مدة تاني دازت واحد نص ساعة تفرقنا ورجعت بحالي دار ديال الناس لي جيت عندهم من بعد يوماين رجعت لأسفي .دازو ايام بدا عام جديد قررت فيه أني نخرج من ليتيا وحتا من لافاك لي دفعت ليها عمري وصلتها مزال وقررت نكمل ونتبع تجارتي تبعت الحاجة لي كنبغي وخرجت من واحد الحاجة لي مكنتش كنحمل وكنصح الشباب انكم الى معندكمش مع القراية حاول تشوف شيحاجة في الويب عطا الله مايدار غير قلب غادي تلقا تعلم شي مهارة قلب على التجارة ماشي ديما الفلوس غادي تجيك من القراية أو الوضيفة هدرة الناس القدام خووها من بالكم ومتعمروش بيها راسكم غير حيث خايفين من كلام والديكم أيه إلى كنتي عارف راسك كتقرا مزيان كمل في قرايتك وفي نفس الوقت قلب في الويب أما إلى كنتي غير دفع دفع غيرها وسير تعلم ليك شي مهارة كيف قلت ليك الويب بحر عطا الله منين تخرج منو الفلوس . ماعلينا من بعد ماخرجت من القراية تاجهت التجارة بديت في دارنا وخدام باغ انترنت والحمد الله تحركت مزيان وقدرت نغيرها من الدار لواحد المحل لي شوية وهاذ المدة لي دازت حبي ماكيزيد تجاه البنت لي أنا معاها كنت عطيها وعد اني غير نجمع شوية الفلوس لي تخليني قادر اني نوفر ليها معيشة مزيانة نخطبها وعرفت الواليدة عليها وعجباتها كيف قلت ليك كدخل الخاطر الصواب والآداب مقبولة وبالأخص فاش عاودت لواليدة عليها مزيان وكيفاش دايرة معمالتها معايا بغاتها ليا حيث أي أم كتبغي ولدها يكون فرحان . دازو أيام مرة مخاصمين مرة مصاليحين مرة محابين الأهم علاقتنا غادية مزيان لدرجة فاش سافرت لمدينة لي فيها الواليدة مع عندي صحابي تما لاحضو الفرق في شخصيتي بصراحة كنت قبيح في فطرة المراهقة دابا تكالميت تصورو دراري كيوقولو دور تشوف ديك ختنا ولا اجي نمشيو نوقفو على هاذي كنقول ليهم قيلوني عليكم ومنهم داك الجن ديال حسام كيبغي يفسد ليا اخلاقي 🤣مبقيتيش كنحمل دوك التجمعات والخريج بزاف حتا ولاو كيقولو غير المعقد ولكن ماكيهمش تكون معقد حسن ماتبدا تفلا على البنت لي دارت فيك التيقة . نصيحة أخرى ماعمرك تخدل انسان تاق فيك مقادش على واحد المسؤولية أو واحد العلاقة جي فاص داك الشخص وقول شنو كاين شنو معنى انك نتا ولا نتي مع واحد إنسان وتلعب على الحبلين إلى كنتي غادي تبدا تعلب على الحبلين فراك مامقتانعش بشخص لي نتا أو نتي معاه لهما كون قوي وصارح داك الإنسان حيث كيقول واحد المثل الكاس لي شربتي منو غيرك غادي دوز الوقت وتشرب منو حتا نتا . نرجعو لقصتي بديت غادي في تجارتي مزيان الحمد الله تحولت من المحل الأول لمحل اخر حسن منو الآيام كيدوزو وحبنا كيزيد تجاه بعضياتنا كنت كنشوف فيها ديك البنت الحنينة لي ماكينش بحالها البنت لي بغيت نعيش معاها باقي ايام حياتي وغادية العلاقة مزيان ومرة مرة كنتلاقاو وهاذ المدة كاملة كنت هملت فيها صفحة القصص نهائيا حيث كنت كتبت 2 قصص يمكن في ضرف عامين ولكن هانتوما كتشوفو شنو كان مغبرني ومنعاودش ليكم هاذ الفطرة تعلمت نكتب رسائل رومانسية وليت شخص رومانسي دور ليا في الخوا نقلبها ليكم رسائل رومانسية بلاصة القصص 🤣 ماعلينا دازو شهور والعلاقة غادية مزيان مرة مفارقين مرة مصالحين ومستمرة واخا البعد ولكن بالنسبة ليا كانت قريبة ليا كتر كاع من العلاقات لي دوزت في نفس مدينتي . فاش كتكون مفاهم مع واحد الاسنان واخا يكون في اخر دنية عمرك تحس بيه بعيد عليك والعكس صحيح . وصلات المدة لي كملنا عامين أو كنضن العلاقة سلات قبل ماتكمل عامين بشي 15 يوم كانت هاذ الفطرة صعيبة بالنسبة ليا كان وقع بلان لي عصبني وخلاني نحقد ديال بصح وبلوكيتها كنت كنحاول نسا أو غير كنكدب على راسي وكنقول بغيت نسا كيفاش غادي نسا وانا ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM