💫💜 قصة_المحلل 💜💫 #الجزء 70 : 💥💕 صفاء(بدلات حويجها وجالسة كتنعس ريم حتى دخل عندها صهيب وهضرات معاه بشوية):ششت بشوية ...صهيب(بصوت منخفض):مزال منعسات ...صفاء(شافت فيها وحيدات يديها بشوية غطاتها وبعدات خرجو وخلاو الباب والضو مشعول):لعبات اليوم بزاف بحالا تشطنات مبغاتش تنعس ...صهيب:مموالفاش ليها دغيا كتحط الراس ...صفاء(بابتسامة):يمكن لقات الوناسة هه ...صهيب(جرها لعندو وباس راسها):تا انا باغي الوناسة(بعد شعرها على وجها) ...صفاء(حاطة يدها على صدرو وكتشوف فيه):علاش انا ممونساكش ...صهيب(حط جبهتو على جبهتها وهو مغمض عينو):نتي هي كلشي عاد عرفت علاش ربي جابنا لهنا مع انني عمري فكرت باش ندخل نستقر فالمغرب ...صفاء:تا واحد مكيعرف شنو مخبيليه من هنا لقدام كلشي بيد الله دكشي علاش اي حاجة كتجي من عندو كتكون زوينة ...صهيب(بتنهيدة كيشوف فعويناتها لي كيبريو وسط عتمة الليل):زوينة بزااف ...صفاء(حشمات من كلامو حدرات راسها وهي تترجع شعرها مور ودنيها ورجعات شافت باغا تبدل الموضوع):احم امتى غنسافرو ...صهيب:غدا ان شاء الله ...صفاء:اممم يعني غدا خاصني نمشي نشوف بابا وماما وختي باش نودعهم حيت غنتوحشهم اول مرة نسافر ونبعد عليهم ...صهيب:اهاه علاش لا غدا نديك ...صفاء:شكرا ...قبل متكمل كلامها جرها معاه للبيت وهو غيموت على لطافتها وطريقتها فالهضرة وتصرفاتها لي غير مزال مكتجدبو ليه وحتى لا تقل عليه انجذابا لرجولتو وملامحو العفوية لي كتشوفهم غير معاها وكيفاش كتحسو شي مرات ولد صغير كيبغي يتفشش عليها ويدير راسو من راس ريم وهدشي مزاد الا حببها فعائلتها الصغيرة وخلاها تشكر الله على نعمتو....اما هيثم و بشرى مزال شادين الطريق وهو قابط يدها وكل مرة يبوسها اخيرا تحيدو الحدود وولات حلالو من حقو انه يقيسها كيف بغا وحتى هي الطريق كاملة وهي كتشوف فيه مرة تهضر معاه مرة تسكت وهي كتشوف فوجهو اول مرة شافتو عجبها بخجلو و احترامو كيفاش مكيهزش العين فالمرا ويركز فيها ولا يتبسل بالعكس جاها راجل تقيل مرزن عكس شباب اليوم لي كيشوف البنت ومينزلش عينو عليها كيعبرها من راسها حتى لرجليها وهادي اكتر حاجة جدباتها ليه اول مرة حيت من الشوفة لولة حدر راسو عمرها كانت متخيلة انها ممكن تعجبو حتى لنهار وقفها وطلب منها انه يهضر معاها كان اسعد نهار فحياتها...تفكرات ديك الليلة وكيفاش منعساتش بدات كضحك خلاتو يشوف فيها باستفراب ...هيثم(شاف فيها ورجع شاف الطريق):مالك ...بشرى:هه والو تفكرت شي حاجة ...هيثم:كتخصني ...بشرى:ههه اكيد ولكن بلا منقولهالك خليها تكون السر ديالي نبثى نتفكرو غير انا ونضحك هههه ...هيثم(بابتسامة):بيناتنا الاسرار دابا .. بشرى:بالعكس ولكن هادي حاجة خاصة ممكن تقول شعور مزال كنحس بيه لدابا بحالا ممتيقاش اننا تزوجنا ...هيثم(باس يدها وعينو على الطريق):لا حبيبة غير تيقي تزوجنا وغنبقاو بجوج حتى نشرفو ...بشرى:ان شاء الله يا رب واش باقي مغنوصلو ...هيثم:مزال الا عييتي نعسي ...بشرى:لاء بغيت نبقى نشوف فيك ...ابتاسم بلا ميجاوبها وخلاها على راحتها ونيت تسكت باش يديها النعاس ودكشي لي كان شافها نعسات وقف جنب الطريق نزليها الكرسي وقادها جمع عليها التريكو لي كانت لابسة مزيان وبقا كيشوف فيها حتى نزل باسها ورجع كمل طريقو وفرحتو مالية قلبو...:.... #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM