💫💜 قصة_المحلل 💜💫 #الجزء 73 : 💥💕 صفاء(حطات يدها على ضهرو وتتحركو بشوية وعينيها عمرو بالدموع):بابا؟بابا ...اسماء(بصوت باكي):بابا نوووض عفاك اهىء اهىء باقة مشبعت منك ا بابا ماشي بهاد الزربة عفاك ...صفاء:اسماء سكتي متغوتيش ومتبكيش قاديه معايا(مسحات دموعها بزربة)سربييي ...اسماء بدات كتقادو معاه تكاوه على ضهرو وسرحو ليه رجليه اسماء طلعات تتشوف فيه وحطات يديها على وجهو وهي تتشهق بالبكا ...اسماء:بابا حبيبي الله استر اهىء اهىء عفاك نوض انا بغيتك تنوض عفاك اهىء اهىء بابااااا وا بابااا نووووض ...صفاء(جلسات جنبو غير كتشوف فيه كتبوس يدو وراسو وتمسح دموعها تا شافت ختها بدات كتغوت):اسماء قتلك متغوتيششش ...اسماء(شافت فيها):باباااااا مشا ا صفااااء مشاااا اهىء اهىء باباااا بابااااا نوض نوض الله اخليك ...صفاء(بالغوات):قتليييييك سكتيييي(حطات يدو بشوية وناضت جراتها وهي تتنتر خرجاتها لبرا ووقفاتها)وااااش بغيتي تعدبيييه علاااااش مكتسمعييييش(شادة راسها لأقصى درجة باش متنهارش وهي قلبها كتحسو تقطع)متنسايش شنو كان كيوصينا بكي عليه محبستكش ولكن متغوتيش ومتخليهش يدي الغوات فودنيه كتسمعي ...تلفتو بجوج للباب لي تحل ودخلات زهور كتسوط ...زهور:اه يا ربي السلامة تقول واش لقيت شي خضرة(شافت فيهم وهي تخرج عينيها)مالكم اش واقع(سكتات وهي طلق دكشي لي فيديها)فين باكم ...متسناتش جوابهم ومشات باغا طلع حتى بانلها مسطح فالارض فالمصلى خرجو عينيها ودموعها طاحو طاحت على ركابيها جراو عندها البنات يوقفوها وهي عينيها غير عليه بدات كتحبو على ركابيها وهوما تابعينها ريم جالسة مفاهمة والو كضور فعويناتها وحابسة البكية...جلسات زهور بجنبو وهزات يديه باستها ...زهور:مديرهاش الحاج متقولش غتمشي وتخليني ...اسماء:مشا ا مامااااا مشاااااا اهىء اهىء ...زهور(بحدة):متغوتيييش حدا راسووو سكتييي ...قطعات اسماء الحس دايرة يديها على فمها كاتمة شهقتها وشافت فختها لي جالسة فالارض وعينيها عليه كتبكي بلا صوت...مشا السند مشا الحنين لي كان حاضنهم بيديه وعمرو غزت عليهم وغضب عليهم...الاب شي حاجة لي مقدسة بالنسبة للبنت بزاااااف علاقة البنت بالاب ديما علاقة وطيدة علاش لا وهو اول رجل فحياتها لي كيبغيها ويحميها ويخاف عليها وميخلي حتى حاجة تآذيها...ولكن عبد الغفور بالنسبة لبناتو كان شي حاجة لي كبيرة بزاااااف هو الركيزة الاساسية فهاد الدار هو لي رباهم احسن تربية هو لي عمرو خلاهم يبكيو ولا يحسو بنقص من اي حاجة..انسان كبير وواعي قريب بزااف من الله حتى فاش ربي بغاه خداه بأحسن طريقة علاش لا وديما كان كيدعي ويقول الله ارزقني حسن الخاتمة و شكون كره يموت وهو ساجد وهو كيقرا القرآن وهو كيشهد اكيد تا واحد ميكره موتة بحال هادي...تحنات عليه زهور باست راسو وغمضات عينيها ودموعها كيطيحو عليه عاد ناضت حطات يدو بشوية على صدرو وشافت فبناتها بحدة ...زهور:منسمع تا وحدة كتبكي ولا تغوت سمعتوني سيرو جمعو الدار وقادو كل حاجة بلاصتها ...خرجات بزربة وخلاتهم جامدين بزز باش تحركات صفاء مشات جابت يزار وجات غطاتو بيه وصلات لراسو وبدات كتنخصص تحنات كتبوس فيه وتعاود وحطات ليزار بزربة زاد تنخصيص اسماء لي مشات عندها بزربة وعرات على وجهو وحطات يدها على حناكو ...اسماء(بصوت مخنوق):واش حماقيتي غتخنقيه ...بقات تتشوف فيها صفاء وناضت هزات ريم وخرجات خلاتها معاه ...بقات جالسة اسماء حداه تتبكي بلا صوت وتهضر معاه بشوية ممتيقاش بلي فقدات باها وهو لي لبارح كان معاها كيهضر ويوصي فيها تفكرات فاش رضا عليها هي وخوتها وكلامو لخر بحالا كان حاس بلي ساعتو قربات وغيمشي عند مولاه ...داز وقت طويل مناضتش من بلاصتها وزهور ملي دخلات للكوزينة مخرجات كتبكي وتفكر يامها معاه وكيفاش كان داك السيد معاها ومع ولادو..اما صفاء طلعات لفوق حطات ريم للارض وبدات تتجمع الدار وطوي كل حاجة بلاصتها وهي حاسبة براسها الا وقفات شنو كدير غطيح للارض دكشي علاش كتحرك من بلاصة لبلاصة وهي كتنخصص كتبكي بلا صوت غير الدموع لي نازلين والشهقة كطلع...سمعات السونيط هزات ريم وهبطات دارت اسدالها عاد حلات الباب لقاتو صهيب لي غير شافها خرجو عينيه دخل بزربة سد الباب وشدها عندو مخلوع ...صهيب:صفاء شنووو كااااين ماااالك كتبكي(غير كتشوف عصباتو)هضرررررررري مااااالك كتبكيييي(تلفت لزهور لي خرجات من الكوزينة وتا هي كتر منها مفهم والو)خالتي!!اش واقع ...زهور:ولدي عيط لهيثم قولو يجي الله ارضي عليك عندنا جنازة(مسحات دموعها لي فاضو مع هاد الكلمة) ...صهيب(بصدمة):جنازة!!فهموني شنو واااقع الله اخليكم(شاف فمرتو)صفاء؟ ...صفاء(بصوت باكي):باباا هىء ...الصدمة نزلات عليه بحالا تخوا عليه سطل د الما بارد مقدر لا يتحرك ولا يهضر لسانو تسرط لي قدر يدير هو يعنقها وهي كيشوفها كتهز بالبكا..خلاتهم زهور ورجعات للكوزينة اما هو مهضرش تم غادي بيها تا سمع انين من المصلى مشا بيها لتم وشافو مغطي حس بلحمو تشوك والصدمة فشلاتو عاد صباح شافو وضحك معاه ودابا؟دخل جلس حدا راسو وهو كيردد الله ارحمو...... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM