حياة جديدة الجزء الثاني 🔥🔥🔥🔥🔥 ( التتمة من بعد 140 لايك طاكيو صحابكم يقراو معاكم ❤️) تنهد و فكر في كلام مرات باه و لقا انه عندها الحق وضربها بنعسة .صباح جديد لبس البطل ديالنا حوايجو ضرب حطة كلاس ولا كيبان بحال أبطال مسلسلات تركية وتسنا عائلتو يوجدو وخرجو من الدار شادين طريق مولاي دريس نواحي ... ديالو هو حاط يديه على شفايفو و الحاج جالس حداه تنهد و شاف فيه بنضرة قوية الحاج:تيقني اولدي هذه الشي لي كندير راه لمصلاحتك غادي يجي نهار وتقول فيها خير منير:كون كان هامك مصلاحتي كون تشاورتي معايا مديرش لي فراسك الواليد الحاج:منير الله يهديك و سمع لكلامي غير هذه المرة تيق فيا تنهد و كمل طريق بعد جوج سوايع كان تما دخل بلوطو ديالو لدوار الدراري الصغار غير شافوها بداو كي جريو من موراها وكيغيوتو بالفرحة هو شافهم في المراية و زاد زير على يديه وقف قدام فين نعت ليه باه نزلو كانت دار على قد الحال نزلو سمع الترحاب سبق الحاج دخل و من موراه رجاء و عاد منير غمض عينيه و ولا فتحهم و زطم و داخل جلسو بصلاة على نبي و الجوج الناس جالسين الوسط باين عليهم انهم هما العدول شاف فيهم و قال عطيني كارط ناسيونال مدها ليه و بزز و خداو حتى ديال البنت سنا و دخلو عطاو البنت الداخل تسني حطو لي قسم الله كلاو حتى شبعو و ناضو خرجو كاملين تسناو حتى خرجات العروسة كتسلم عليهم بالبكا وزغاريت عارفين المشاعير كيف كتكون في ديك لحضة ركبات في لوطو مع منير بوحدهم و زاد عفطة وحدة لفاس اما الحاج و مراتو رجعو بحالهم المكناس طريق كلها العرسان ديالنا ساكتين سيد طريق كاملة وهو مطمر ومغوبش و هي كتشوف فيه و كدور تشوف في الطريق ما دوات ما تكلمات حتى هي مغلوبة على امرها ومزعماتش عليه حطات راسها على الكوسان و ستسلمات لنعاس حتى كتحس بصبع كي نغزها دورات راسها لقاتو حبس و نزل نزلات حتى هي تابعاه بعد ما جبد حوايجها من الكوفر هزهم و طلعو العمارة بجوج هو فتح الباب حيد الجاكيت و دخل لبيتو وزدح الباب و هي بقات غير كتشوف معرفتش شنو دير حيدات شالها من شعرها و جلابتها و مشات ديريكت الفوتاي حطات راسها على السداري و نعسات بالعياء . صبح الصبااح ناض منير دوش او لبس حوايجو خرج من البيييت غاادي حتى كيشوف شي حد فالكوزينة مشا لكوزينة او هو ناسي بلي مزوج غاادي كيتسلت حتا لقا دييك لي تزوج بيها البارح هي لي فالكوزينة عااد تفكر بلي جابها معاه او بااتت هنا اما هي بعد نعاس ليل كامل ناضت الكوزينة و وجدات الفطور و حطاتو دورات راسها و شافتو واقف كي شوف فيها حنات راسها و نطقات بواااحد الصوت رقيق وحنين ما شاء الله عليها بسمة:صباح الخير منير الفطور واجد منير(شاف فيها و تنهد):مخاصنيش خرج من تما و سمح فيها كتشوف فيه مفهمات والو هزات كتافها و جلسات تفطر على خاطرها حتى ناضت جمعات الطلبة و مشات الصالة جلسات كدور راسها هنا و هنا اما منير خرج بحالو و مشا لخدمتو كيف ديما قرأ الحصص لي عندو بعد يوم مليئ تلقا منير مع نيروز خرجو بجوج مشادين باليدين و كي فكر كيفاش يقولها ليها لكن خرج بقرار ما يقول ليها والو دابا خلي حتى يطلقها عاد يدوي معاها نيروز:منير حبيبي قالو ليا جتي ليوم كيف ديرين والديك منير(عنقها):لباس حمد لله احبيبتي نيروز:مزيان توحشتك منير :حتى انا كون تشوفي شحال توحشتك نيروز: اوا يلاه نتعشاو بجوج بغيت نبقا معاك شوية منير:وخا يكون غير خاطرك مشاو المطعم جلسو بجوج كي دويو و ناسيين العالم لي دايرين بيهم حتى شاف بيلا داز الوقت ناض يوصلها لدارهم نرجعو عند ديك لي خلا سي منير فدار منين فاقت فصباح جمعات دار كاملة رضتها تتشعل بنقا معلوم دار تكون مسخا راه منير زوفري عيش بحدو كان مرة كل أسبوع كي جيب مرأة تخمل ليه ولكن هاد اسبوع مجبهاش مهم سلات شقا ديلها درات لغدا تغدات جمعات طبلة او هضرات مع اب ديالها سولات في فيه اب:بسمة بنتي كيف راك دابا مزيانة بسمة(ببتسامة):الحمد لله ا با اب:الحمد لله كيف داير معاك راجلك مزيان بسمة(تنهدات بخفوت):ها انا كنعدي اب:عارف لي كاين ابنتي ولكن لمصلاحتك الزواج نعمة و انت قلبك بيض اكيد عتبغيه من بعد الزواج و يكون معاك نعمة الزوج حيث دري ولد الناس بسمة:ان شاء الله يالله بسلامة ابا اب:بسلامة ابنتي ردي البال لراسك قطعات و تنهدات حتى هي مكانتش باغيا هذه الزواج لمن قانون داك الدوار خاص البنت تزوج و هي 22 سنة كملاتها و عندهم البنت توصل 16 العام تزوج و هي منين متزوجاتش قالو فيها ديفو داكشي علاش حنات الرأس و سكتات على ما بيها على قبل وليديها ناضدت من بعد باش توجد عشا لسي منير لي اصلا نسا راه خلا مرة فدار كتسناه وجدات عشا على حقو وطريقو وجدات طاجين اللحم بالبرقوق او لصلاد او كلسات تتسنى منير مشى لحال او منير باقي مدخل بقات تتسنى حتى جها نعاس نعاست فوق طبلة نرجعو لمنير وصل حدا دار نيروز سلمات عليه و يله بغات تنزل هو يشدها بيدو نيروز بلاتي الحبيبة ديالي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM