💫💜 قصة_المحلل 💜💫 #الجزء 11 : 💥💕 #دار_صفاء... زهور:زيدي ابنتي الله ارضي عليك باش نرجعو دغيا ...اسماء:هانا ا ماما راه واجدة قادي نقابك بعدا(قاداتوليها) . .صفاء:ماما غير بشوية عليكم لاش غتزربي الغدا انا نطيبو والخبز راني مقابلاه بقات وحدة راني طرحتها بشوية عليك ...زهور:الله ارضي عليك ولكن نطلقو روسنا حسن رمضان مبقالو والو غير 3 ايام وباقي موجدنا تا حاجة ...صفاء:غنتعاونو بحال كل عام ا ماما وغنلحقو نتي ديما كديري هاكا(باست راسها)تكايسي على راسك ...زهور(بابتسامة):الله ارضي عليك اكبيدتي ...اسماء:انا لقيتوني حدا جامع واقيلة ...زهور:ههه زيدي المغيارة زيدي نتي راك هي العنقود الصغير الله اخليكم لينا ...خرجو وسدات وراهم صفاء الباب ومشات للكوزينة ردات الغدا بزربة عاد طلعات للسطح فين دايرين الفران جمعات داك الخبز وتمات هابطة حتى بانلها هيثم طالع ...صفاء:خويا جيتي بكري ...هيثم:كان عندي شي شغل على برا وقلت نجي نتغدا هنا عاد نرجع للخدمة واش مكاين حد ...صفاء(مشات للكوزينة):لا بابا خارج وماما و اسماء مشاو يتقداو تقدية رمضان ...هيثم:وعلاش عدبات راسها كون تسناتني حتى نجي ونديها تاخد لي بغات مالها مشات فهاد الشموش ...صفاء(خرجات عندو):راك عارف ماما مكتبغي تخلي تا حاجة ولا تأجلها سير تكا شوية بينما جاو وحطينا الغدا ...هيثم(تم غادي ورجع وقف):احم شنو قررتي ...صفاء:فاش؟! ...هيثم:فقضية الزواج ...صفاء(بدات تتلعب بيديها وهي حشمانة منو):امم والو صافي قلت لبابا موافقة ...هيثم:كيفاااش موافقة علااااش وافقتي ...صفاء(باستغراب):علاش شنو المشكل اخويا واش درت شي حاجة عيب ولا حرام ...هيثم(بدا كيسوط):بفففف ماشي هكاك ولكن هداك السيد لا انا مكنرتاحلوش ومكنحملوش وفوق هدشي واحد جاهل ما قاري ما والو ...صفاء:وشنو المشكل اخويا الا مقاريش المهم انه انسان معقول جا لدارنا مباشرة وعاد القراية حتى انا راه معنديش شي مستوى لي نفتاخر بيه راني وصلت للباك وجيت جلست ...هيثم:ولو بيناتكم فرق نتي درويشة وهو(سكت)منعرف داااك خينا مكيدوزليش ...صفاء(قربات عندو وهي مبتاسمة):ههه كنعرف الاب لي كيغير على بنتو ونتا دابا درتي العكس ...هيثم(عنقها عندو):كنت باغيلك شي واحد حسن قاري ومثقف خدام خدمة زوينة تعيشي فدارك معززة مكرمة ماشي تمشي تسكني مع دارهم ...صفاء:هدشي غير هضرة كتقولها اول حاجة الزواج هو قدر ماشي حنا لي كنقررو بيمن نتزوجو ولا ايمتى ربي لي كيأذن بهدشي و ثانيا العيشة مع دارهم ماشي مشكل خصوصا انه هو مسؤول على مو وختو هو راجل الدار بطبيعة الحال مغيخليهمش بوحدهم وعاد الدار كبيرة علاش يخرج يكري ولا يعزل وثالثا انا درويشة اه ولكن لي قلب عليا يلقاني نتا عارف مزيان بلي مكنسمحش فحقي ومكنسكتش الا شي حاجة ضراتني دكشي علاش غير هني بالك من جيهتي ههه ...خلاتو ومشات كضحك وتحمد الله على نعمة الاخوة ديما كتحس براسها عندها سند فضهرها باها وخوها دايرينها هي كلشي فالدار وكيعاملوها احسن معاملة وحتى اسماء نفس الشيء مكاينش تمييز بينهم....... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM