حياة جديدة الجزء الثالث 🔥🔥🔥🔥 ( التتمة من بعد 140 لايك قراو وطاكيو صحابكم يقراو معاكم ) نيروز بلاتي بغيت نقول لك واحد الحاجة نيروز : قول كنسمعلك احبيبي منير كان باغي يقول ليها الحقيقة ولكن في اخر لحضة تردد نيروز بغيت غير نعنقك حيث كلقا راحتي معاك اجي قربي ليا نيروز : احا احا واخا حبيبي قربات ليه نيروز وتقاست عليه بجهدها كامل عنقاتو وبداو عايشين لحضات رومانسية بلا مانتعمق في التفاصيل بقاو على ديك الحال لمدة 10 دقائق وودعات نيروز منير ودخلات دارها وامير نطالق لدارو . ساعة تشير الى 00:15 لي جا أمير لدارو حل باب بسوارت او دخل تيشوف طبلة باقا عامرة عشا محطوط فوقها اوداك ملاك نائم على طبلة بقا ساهي فيها لي دقائق تيشوف دوك رموش لكبار اوداك شعر لي بين منو غير نص نص لخر مغطي بفورلار فاق من سهوتو لي دامت دقائق مشى دخل البيتو و بقا كي شم ويشوف ريحة النقا عاطية منو مشا البلاكار كان مرتب مزيان و رجع خرج الكوزينة و قلب في المجورة كذلك خرج لصالون و سرح عينيه حس الغبرة مكايناش غسل وجهو حك سنانو و دخل البيتو ينعس بلا مايدر حتا ردة فعل اتجاة بسمة فاق صباح على صوت تيليفون دور راسو و هزو جاوب و هو عينيه مغمضين حتى سمع صوت باه ناض تقاد في الجلسة منير :الوليد اش هذه الوقت موسى:نتا لي خامر تال دابا وزايدون الاب ماليه وقت كيف داير مع ديك بنت الناس منير:راها عايشة بيخير شنو بغات موسى:العمر كي دوز و بغيت حفايد أولدي منير :الوليد يالله تزوجت هذه 3 ايام موسى:صافي صافي بغيت غير نفكرك و صافي منير:بسلامة الواليد تهلا في راسك وسلم على الواليدة شاف في الساعة و ناض من تما دخل الحمام دوش قاد الحالة و خرج من البيت لقا الطبلة موجدة و محطوطة مع 7 الصباح و ريحة البخور كتعطي ريحة العنبر و المسك و سورة البقرة مطلوقة في الدار مع انها كتبغي تسمع القران في الصباح و هي كتصايب الفطور و تعطر الدنيا دور راسو شافها خارجة و هازة طبسيل ديال المسمن حطاتو فوق الطبلة و دارت عندو بسمة:صباح الخير سي منير منير:صباح النور بسمة:أجي جلس تفطر منير(مقدرش يقاوم ريحة ديال المسمن مشا جلس):شكرا لك بدا ياكل و هي كبات ليه القهوة خداها و ناض من تما بلا ما يدوي معاها مشا شربها في بيتو و هي كملات فطورها و ناضت جمعات الطبلة من بعد نصف ساعة منير خرج لعمل ديالو. دازو ايام و ايام نفس الروتين نفس كلشي منير و بسمة علاقتهم مزادت ما نقصات و الهضرة بيناتهم غير صباح الخير صافي حيت مكي رجع حتى يلقاها نعسات في ليل تتشخر اليوم يوم السبت مكاين خدمة بسمة في الكوزينة جالسة و ومنير في البيت دايرين كيف دوك الاغراب على بعضياتهم شي ما كي عرف على التاني شي كل واحد و راسو فاش كي فكر حتى سمعو الدقان ناضت بسمة خرجات من الكوزينة ضنات انها وحدة من الجارات فتحاتو هي تلقا 3 الرجال واقفين في الباب شافوها ستغربو حيت منير مكي جيبش البنات عندو الدار بسمة:سلام محمد:سلام منير كاين بسمة:اه كاين عمران:واخا حيدي دازو فيها و دخلو و هي مستغربة دخلو الصالة و تمرحو و هي مشات البيتو تخبرو ولكن ترددات في الاخير دقات هو كان كي دوي مع نيروز حتى ناض حل الباب و شاف فيها منير ؛شنو بغيتي راني ممساليش بسمة(مهبطة راسها):شي 3 الولاد جاو و دخلو سولو عليك و *** منير(قاطعها و خنزر):علاش فتحتي الباب لوحدين مكتعرفيهمش معلموكش داركم هاذشي بسمة(شدات في البيجامة و زيرات عليها): سمح ليا مكنتش عارفة منير :دخلي الكوزينة متخرجيش منها هزات براسها و مشات الكوزينة بلا حتا كلمة سدات عليها الباب و كتفكر في كلامو عندو الحق في هذه الشي مخاصش تحل وحدين مكتعرفهمش بقات شوية و دخل عندها منير كي حك جبهتو منير؛ااا ا سميتك هذو صحابي و جاو يدوزو معايا العشية واش كاينة شي حاجة تحط ولا نصيفط لي يجيب الكسكروط بسمة(ببتسامة مشرقة):مكاين لاش 15 الدقيقة و يكون الكسكروط واجد كون هاني منير ؛واخا شوية و نرجع خرج لعندهم و جلس و هي دارت القهوة و اتاي و جبدات لي عندها توجد ليه اما هو مشا الصالة و جلس مع صحابو كيكركر عمران:شكون هذيك لي عندك في الدار مابقيتيش ساهل محمد:هذا كلام ا صاحبي اكيد جابها تخمل ليه الدار مشفتيناش كيفاش دايرة اولا العشير ولكن بروجولة زوينة بياسة منير(سكت شحال عاد دوا):واه بصح غير سكتنا عمران:عندك الحق حتى انا كنسول عصام:كيف غادي مع نيروز قررتو تزوجو ولا مزال منير (كي حك شفايفو و يشوف في الساعة):لا مزال ما دوينا و مزال الحال عصام:خاصك تزرب محمد:مديش عليه هذا تزوج و باغي كلشي يدير بحالو زواج غادي تصيد فيه عصام:لعنادك ا منير البنت لي ختاروها ليا واليديا انا مكنتش باغيها ولكن مع الوقت عرفت قيمتها والله تصور كنت غير عايش معاها وليت كنوض نلقا حوايجي مصبنين و مقادين و الفطور واجد الغدا العشا كتاكل غير الشهيوات من يديها والله حتى ندمت على عيشة تازوفريت عمران:دابا نيروز معمري حتى شفتها جايبة الماكلة لافاك بقا غير طيب ليه الله يهديك هاذيك كتعرف غير تهلا في راسها كلشي باين كوراه اتاي ماتعرف ليه بنت فشوش بقاو كي دويو حتى ناض منير و لقا الكسكروط واجد خداه و حطو و هما كي دويو و بسمة في الكوزينة ما خرجاتش نهائيا حتى مشاو و دخل عندها شكرها و دخل البيت يرتاح حتى نص ليل كي جيه اتصال مكانش في البال...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM