💫💜 قصة_المحلل 💜💫 #الجزء 13 : 💥💕 فتيحة:ومالكم على هاد الزربة ياك لباس ...حميد:خير البر عاجله ...فدوى:اوا خاصنا نوجدو شنو نديو ياك ا حميد ...فتيحة(خنزرات فيها):اش غنوجدو جوج قوالب سكر وكارطونة د الحليب ونوضو فحالنا ياك غير هضرة ...فدوى(كتاكل وتهضر):ههه اويلي على قوالب السكر بغيتي ضحكيهم فينا ...فتيحة(بعصبية):لهلا يحييهم تا يضحكو عليناااا ...حميد(ببرود):هدشي خليوه ليا انا غنتكلف بشنو غنديو للخطبة(هز كاس د الما شرب ووقف)الحمد لله انا غنطلع نعس تصبحو على خير ...فتيحة(تسناتو تا مشا وجرات بنتها من شعرها بجهد):وااااش كديريها ليا بلعاني ولا شنووو اش داك تجبدي شي توجااااد اش دخلك نتي فهادشي ...فدوى(كتحاول تفك يدها):ااااي طلقي ا ماما طلقي راك قسحتيني اااح ...فتيحة(دفعاتها بجهد وناضت):انا غنخرج دابا نقدي شي غراض ونرجع وتهزي نتي جمعي هاد الطبلة ...فدوى(تتحك شعرها):اويلي واش غتخرجي فهاد الليل فين باغا تمشي ...فتيحة(لبسات جلابتها وقادات لتامها على وجها):راه والله وشديتك لخليت فيك عضم صحيح ...خلاتها وخرجات تتبركم هزات السوارت وهبطات مع الدروج حلات الباب غير بالحس وسداتو بنفس الطريقة وزادت كتزرب فخطاويها حتى وصلات لدار خاها لي بينهم غير جوج زنقات بدات كدق وتشوف فجنابها حتى تحل الباب ودخلات تتحيد لتامها ...فوزية:اش جابك فهاد الوقت ياك لباس ...فتيحة(بهمس):كاين راجلك ...فوزية:لا مسافر عند خوه ...فتيحة(سبقاتها للبيت وجلسات تترد النفس):جيبي ليا كاس د الما شحفت ...فوزية(مشات جابتها الما وجات مداتليها الكاس وجلسات قبالتها):اوا مبارك مسعود مدرتي لولدك ياكما جيتي فهاد الليل باش تعلمينا ...فتيحة(حطات الكاس):وصلاتك الخبار ...فوزية:وصلاتني اختي وصلاتني وملي نتي ناوية تمشي تخطبي لولدك لاش طمعتي ليا البنت وخليتيها ليا هنا لي جا نردوه ونوقفو فرزقها ...فتيحة:مالي لخاطري راه لواليا دراعي بشوفتو ...فوزية:اوا فين هي ولدي ميطيحش بكلامي ولدي كيسمع ليا فلخر هزيتي البنت وطلقتيها ...فتيحة:راني باقة عند كلمتي عليا باليمين حتى كريمة غتجي لداري عروسة ومرت ولدي ...كريمة(وقفات عليهم):ههه ياك ا خالتي وشكون قالك انا قابلة نكون ضرة انا درت بكلامك وقلت ولد خالتي حسن من البراني ولكن راه مكدبوش ملي قالو بعد من دمك ليطليك ...فتيحة:اييه ا جحمومة تحليك الفم اوا سمعيني مزيان انا مغندخلكش لداري ضرة انا غندخلك عروستي ومرت ولدك غتجي لدارك بشانك وبعزك وهدشي لاش جيت(شافت فختها)بغيتك فواحد الغرض غتحلي ودنيك معايا مزيان وديري دكشي لي غنقولك بالحرف ...فوزية:الله اسمعنا خبار الخير ...كريمة(وقفات):انا غنمشي نعس ونتوما خططو على راحتكم ...مشات لبيتها وخلاتهم بجوج كيهضرو ويخططو وخصوصا فتيحة لي حافضة خطتها ودارساها مزيان..قرات فوزية وفهماتها على شنو باغا دير وختها غير كتسمع وتركز معاها حتى تفاهمو على كلشي ...فتيحة:اوا منوصيكش تا حاجة متزكليها ...فوزية:يختي باز فتيني لهيه ...فتيحة:مالي ساهلة ليها وا سيري جيبي ليا دكشي باش نمشي فحالي ...فوزية:واخا تسناي(مشات فوزية لبيتها ورجعات هازة صاك كحل صغير ملوي مزيان مداتو ليها)هاكي وخبيه فشي بلاصة عنداك تلقاه فدوى وتهزو ...فتيحة:كوني هانية مكتقربش لبيتي(قادات لتامها)يلاه تصبحو على خير(تمات غادة ووقفات)شوفي متقولي والو لكريمة بلا متعرف هدشي عارفاها هي وفدوى ممكن تقوليها شي حاجة وبنتي تبارك الله مع كتسكت ...فوزية:هههه راه باقة صغيرة دابا دير عقلها ...فتيحة:ان شاء الله يلاه خليتك على خير بسلامة ...فوزية:بسلامة ....رجعات فتيحة للدار حلات الباب بالحس وطلعات فالدروج كتسلت حتى دخلات لبيتها وخبات دكشي فالبلاكار سداتو بالساروت وخشاتو فصدرها..جلسات فوق الناموسية وهي تترد النفس بزربة وعقلها ساهي مدة كتفكر فهدشي لي ناوية دير حتى ناضت بدلات عليها وتخشات ففراشها........ #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM