حياة جديدة الجزء السابع 🔥🔥🔥🔥 ( التتمة من بعد 170 لايك طاكيو صحابكم يقراو وجمجمو باش نرجعو القمة تعاونو ترجعو الصفحة ديالكم حسن مما كانت ❤️💪) صوت شيماء تتشكر فبسمة و عصام مبتاسم شيماء:الله يعطيك صحة طيابك زوين من شحال هادي كنت مشهية دجاج محمر ولكن مكينش لي صوبو ليا والديا بعاد وانا مكنحملش ماكلتي بسمة( تبسمات ليها ):بصحتك الى تشهيتيه مرا اخرا اجي عندي نصوبو ليك مرحبا بيك عصام( تيشوف فيهم): اه شتكم تفهمتو شيماء(ضحكات ليه):اه بسمة انسانة زوينة بزاف وطيبة دخلات ليا خاطري بسمة(بإبتسامة خجولة حيت حشموها):شكرا ليك تانتي اختي منير بقا غير تيشوف فصاحبو او مرتو اشنو شافو فيها من اول مرة جاو ماشفوش هو تغداو فجو ضاحك بهاد مجيا لي جا عصام او مرتو قدرو اخرجو منير من ديك دوامة لي كان عيش فيها حتى بسمة فرحات بمجيا ديالهم حينت تتشوف منير نسا شويا هم ديالو تغاداو او ناضدت بسمة جمعات طبلة بغات شيماء تعونها ولكن مخلاتهاش بحكم هي حاملة كلسو شويا اووناضو باش امشيو عصام:او خلينا لكم راحة الله يجيب الشيفاء منير:كلس اصاحبي باقي لحال عصام:لا هذا هو الوقت شيماء يلاه نمشيو منير:صافي على خاطركم مرحبا بيك توادعو معاه اخرجو باش امشيو مشات معهم بسمة حتى لباب عصام: بسلامة بسمة:بسلامة رجعو عدنا مرا اخرا عصام:ان شاء الله أكيد غادي نجيو سلمات على شيماء او مشاو دخلت لدار و مشات حدا منير بقات كلسا حتى هضرات كاسرة داك الصمت بسمة:عصام او شيماء ضريفين بزاف منير:اه عصام ولد ناس تنعرفو من زمان بسمة:مزيان انا نوض نجمع الروينة ديال الغدا ونتا نعس باش ترتاح عطاها الموافقة براسو اوهي مشات باقا تيشوف فيها حتى غبرات من قدامو و نعس منير حتى 18:00عشية لي فاق لقا بسمة كلسا حداه وجدات كسكروط تتاكل و تشوف فيه وفنفس الوقت تتفكر تفكرات هضرت طبيب بلي يقدر امشي على رجليه من جديد مقدرتش تجبد معاه موضوع كلاو غير شويا او ناضدت جمعات دار او باقات حدا منير ما بقات حتى قرارات تجبد معاه موضوع وخا عرفة غادي ارفض او غوت عليها ولكن اللهم تدوي معاه بسمة: منير منير:نعام بسمة (بتردد و ولات نطقات):شوف خاصك تشوف طبيب ترويض باش تقدر تمشي على رجليك مرة أخرى كيف سمعها منير كاع اعصاب دنيا ودين تجمعو فيه باقا تيشوف فيها دور راسو معصب من كلامها صافي دغيا ملات منو اصلا كان عارف هذه الشي غيجي النهار لي عتمل منو و تمشي بحالها منير:ونتي مالك اه عرفتك ملتي يمكن ليك تمشي فحالك الى بغتي انا ممحتاج ليك سيري لدار باك عيشي حياتك و خليني عليك ماعندي مندير بيك سيري عطيني التيساع بسمة بقا فيها لحال من هضرتو هي مقصداتش هادشي عينيها دمعو هذه المرة فعلا ضرها بكلامو من الداخل و هذه المرة نفتجرات ليه في وجهو بسمة:علاش تتفهم غير لي بغتي انا مقصدش هادشي انا غير بغيتك ترجع كيف كنتي واقف على رجليك و كتمشى من جديد بغيتك تنوض بيخير مشي قصدي هذه الشي علاش دائما مستقصد تجرحني بكلامك و تردني وحدة مكنسواش انا مشي هكدا و معمري تربيت هكدا انا عارفة و متفهمة انك تزوج وحدة مكتعرفهاش شنو دنبي أنا فكرتي فيا انا انا جاية لدار غريب بين ليلة و نهار وليت مراتو عايشة معاه كيف ماعيشة مع شي واحد غريب معارفة عليك والو ولا فين كتمشي معمري ما شكيت ولا غوت عليك ولاطلبت منك تهتم بيا عرفتي علاش حيت انت راجلي و انا تربيت نحتارمو و منهزش عيني فيه مشي خوف انما احترام ليه طيحتك هذه ما هي غير اختبار من عند الله باش تفكرو و تشكرو معرفتي انه نجاك من موصيبة اكبر كانت توقع ليك و انني كنعاونك و نبزز عليك الحاجة ديرها حيت أنت راجلي بغيتي ولا كرهتي مشي شفقة مني لاااا بالعكس حيت واااجب ديالي هذا و كون كنت مزوجة واحد أخر و وقع ليه نفس الشي مكنتش نتردد باش نعاونو حتى هو واش فهمتي علاش ديما أنا لي كيوقع ليا هكذا منستاهلش هاذشي باقا كيشوف فيها معمرو شافها بحال هكا خلاتو او مشات كوزينة هو باقا بوحدو تيفكر فيها عندها حق مقالتش شي حاجة لي فيها عيب هي بغاتو غير يمشي على رجليه صافي حك لحيتو و تنهد دور راسو التلفازة و شعلها يتفرج . دازو ساعتين مشافش فيها بسمة مدخلاتش عندو حيت فعلا تقلقات منو و هذه الشي فهمو بتصرفها حيت موالف كتجي عندو و يدور فيها كتمشي و هاكداك كترجع عندو من بعد 5 الدقائق المهم متخليهش بوحدو و يحس بالفراغ . غير هي لي بقات معاه و وقفات معاه و من صحابو كاملين عصام لي جا طل عليه حتى من صحابو لخرين ما جاو اما مرات باه غير داز البيع و قلبات وجها و مولاتش صونات ولا طمنات عليه فكر مزيان و لقا ان بسمة مراتو و حلالو و هي كدير واجبها مشي شفقة منها وأنها بنت الناس تنهد و غمض عينيه منين تفكر منضر نيروز و هي في يدين واحد اخر معنقها و كي بوسها مبغاش يحيد من بالو و تفكر كلام بسمة الله كيبغيه و بغاه يشوفو هكدا ولا يتخدع في وحدة أخرى كلشي من الخير بسمة تعطلات في الكوزينة و هو حل عينيه و بدا كي تجبد و كي طل عليها من الكوزينة يشوفها واش جاية لكن والو ما تهنا حتى بانت ليه جاية و هازة في يديها طبسيل جات بسمة جابت ليه عشا وخا مقلقة من هضرة لي قال ولكن منساتش واجبها كزوجة جابت ليه ليباط عطاتو تعشا ديالو و زيدان ليه الدواء حتى هو صمت و هو كي شوف فيها عرفها تقلقات بالمعقول هذه الخطرة و كلشي باين مقدرش يدوي معاها سكت تعشات حتى هي حداه في خالي من احديث او جمعات طبلة عطاتو دوا ديالو و مشات تنعس بلا ما دور عندو حيت بلاصتو مقادة و راه ناعس مرتاح منير بقا تفكر ولقا انو عندها حق فهضرتها خاصو يتعالج باش تقدر امشي على رجليه او هكا قرر منير انو خاصو اشوف طبيب ترويض نعس على انو غدا اقول بسمة قرارا ديالو وفي نفس الوقت يصالحها ويطلب منها السماحة...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM