حياة جديدة الجزء الثامن 🔥🔥🔥🔥🔥🔥 ( التتمة من بعد 180 لايك طاكيو صحابكم يقراو وجمجمو 💪) انو غدا اقول بسمة قرارا ديالو وفي نفس الوقت يصالحها ويطلب منها السماحة صبح صباح جديد ناض البطل ديالنا من نعاس لقا بسمة موجدة الفطور وكلاتو وعطاتو دواه بلا متكلم معاه شاف منير في بسمة منير: بغيت نقول ليك واحد الحاجة بسمة متسوقاتش ليه بقات غير ساكتة فاش شاف منير بسمة تصرفات هكاك قرر منير يبقا ساكت ويدير بناقص وكملو نهار كامل بديك الطريقة .صباح جديد من بعد أسبوع فاق منير على صوت تقرقيب في الكوزينة ناض من تما كي تجبد حتى وصل الكرسي المتحرك الاليكتروني جلس عليه و خرج من البيت توجه الكوزينة و طل عليها كيف العادة كانت كدير شهيوة من الشهيوات لي ولفها عليهم منير(ببتسامة):صباح الخير بسمة(مرداتش عليه) منير:بسمة واش مزالة مقلقة مني بسمة(دارت عندو و هي مخنزرة هزات طبسيل الكيكة و مشات الصالة و خلاتو بوحدو) منير(تبعها و دخل الصالة و وقف حدا الطبلة):أجي عاونيني نجلس فوق السداري بنفخة ناضت عاوناتو حتى جلس و هو كي شوف فيها تقليقتها شحال زوينة جاتو كبات ليه القهوة و خداها كي شرب منها و هي صمت مكتشوفش فيه دايرة مسلسل تركي في تلفاز كتفرج فيه منير(كي ياكل في كيكة):التواركة خرجو عليكم بسمة(مرداتش عليه حيت حالفة ما تدوي معاه) منير(شاف فيها):واش مزالة مقلقة مني ياك بسمة(صمت) منير(تنهد):غير دوي و بززي عليا الحاجة هذه سيمانة ما سمعت صوتك يهديك الله عيقتي بسمة(مداتهاش فيه) منير:صافي واخا سمحي ليا الالة انا مني لافوت حتى انت عذريني راه مشي ساهلة عليا انا لي خسرت رجليا بسمة(هزات كتافها) منير:واخا و الا قلت ليك هذه السمانة قلبت على افضل اطباء مروضين في فاس و من لهنا ساعة عيكون هنا باش نبدا معاه تفرحي كيف قالها ترسمات واحد الابتسامة على وجها ابتسامة فرح شي لي كانت كتنتاضرو هذه سيمانة تسمعو ها هي سمعاتو شافت فيه لقاتو كي شوف فيها شوفات ما مفهومينش و هي تولي تجمعها و هزات كتافها منير:دابا واش فرحانة ولا مزال مقلقة مني بسمة(هزات كتافها و كتاكل) منير(حط يديه على سداري وقرب عندها خدا يديها بحب و باسها):معندي حتى واحد في هذه الدنيا من غيرك انت ا بسمة ولفتك و ولفت معاملتك ليا و راسك القاصح سمحي ليا اخر مرة نقلقك كنواعدك نبدل معاملتي معاك بسمة(من بعد اسبوع عاد تكرمات عليه و نطقات):متبقاش تجري عليا كل ما رشقات ليك وتجرحني بكلامك منير(ضحك):واخا اخر مرة وعد معمرها تعاود بسمة (بتاسمات بفرح):لبارح في ليل درت ليك قراشل بلديين مكناسيين كان عمي الله يرحمو قال لبابا كي عجبوك و انا سمعتو بالصدفة نجيبهم ليك منير (كي شوف فيها مصدوم):ليا انا بسمة:اه ليك و لمن بلاتي انا جاية ناضت و هو بقا كي شوف فيها تبسم بخفوت ز القرار لي خداه تأكد انه في محلو عض شفايفو و حك راسو و كي تسناها تجي حتى كي ولي يتفكر كلام باه الله يرحمو *الحاج:تيقني اولدي هذه الشي لي كندير راه لمصلاحتك* منير:الحمد لله على نعمة الاب اللهم لك الحمد على هذه نعمة هز راسو و بانت ليه جايبة القراشل حطاتهم ببتسامة و مدات ليه و هو كي شوف فيها اول مرة يلاحظ جمالها الطبيعي ولا شعرها لي جامعاه و عالم الله طولو كيف داير وجها طبيعي مفيه حتى نبشة الماكياج و زيد عليها الأخلاق الحميدة لي فيها حسها بنت نقية خصوصا صلاة و العبادة و قران مطلوق دائما في الدار عندو كي جيب الطمأنينة والراحة النفسية وحتى البخور لي مطلقو في الدار كترتاح فيهم و فوق هذه الشي كامل هو طيابها البينين و الحداگة محمرة ليه وجهو دائما بقات ليه حاجة وحدة لي مقدرش يسولها عليها هي القراية و معمرو يسول حيت عندو فكرة انه الا حظر العقل و الزين و العبادة و الحداكة معندو ما يدير بشي قراية ها هي وحدة استادة جامعية و معندها لا حداگة ولا عقل ولا عبادة اما زين المكياج راه مغطي كلشي هذا كان تفكيرو و صراع ديالو الداخل اما هي كتشوف في المسلسل و هي قربات تبكي على جاد و سنم مسلسل الطائر المبكر كملو أبطالنا فطور او ناضدت بسمة جمعات دار او ردات لغدا اما منير بقا كي شوف في تلفازة و عينيه كتجي على بسمة لي جمعات السدادر و جبداتهم مزيان و مسحات الغبرة و تنات الزربية و شطبات مشات الحمام عمرات سطل و رجعات كتجفف و منين كتحني البيجامة كتطلع ليها و رجيلاتها البيضين كي بانو ليها بتاسم و عض على شفايفو و قلب عينيه التلفازة كي ستغفر الله حتى كي سمع زدحة في العرض دور راسو لقاها طايحة منير(تخلع عليها):مالك بسمة(هزات راسو ببتسامة):واش هذه الجزليج محرشو عليا منير:مفهمتش كيفاش بسمة:فين ما نجي نجفف كنزلق دائما منير:راه رطب و معمري جففت انا بسمة(وقفات كتحك الضربة لي جاتها في جنبها):عارفة عارفة ما شاء الله كيف كانت تقول طران داز من لهنا منير(مد يديه تجي تجلس حداه):أجي أجي رتاحي أجي بسمة(كتشوف في حالتها):لا لا عنكمل تجفاف و نمشي ندوش من ريحة العرق منير:انت بيخير بعدة بسمة:مولفة مولفة ماشي أول مرة مشات جابت الكراطة و كملات تجفاف و هو حاضيها حتى غبرات في الكوزينة منين سلات مشات البيت لي كتنعس فيه هزات من الماريو بيجامة و فوطة و ملابس داخلية و دازت من قدامو نيشان الحمام دخلات ليه و سدات الباب دوشات و رتاحت و خرجات من تما كتنشف شعرها شمات ريحة الطاجين عاطية في الدار عرفاتو بدأ يدخلو الطياب خدات الفوطة و طلقات شعرها كتنشف فيه بالفوطة و مشات عندو الصالة بسمة:منير منير(هز راسو فيها):نعام بسمة:تبغي شي حاجة مع طاجين منير(تبسم و هو كي شوف شعرها حداش واصل حد الخصر):شلاضة بسمة:واخا انا نديرها و نخليها تبرد خلاتو و مشات و هو حك راسو مبقاش كي تصور حياتو بلا بيها في الدار من قبل كان كي جلس كيف الصمك بوحدو و دابا بجودها عاد ولات دارو كتسمى دار سمع صوني غوت منير:بسمة وبسمة بسمة(خرجات عندو و شعرها مطلوق فازگ):نعام منير:الباب شوفي شكون عفاك بسمة:اه واخا منير(خنزر شايفها غادا تحل الباب بتيشورت و سروال ديالو و شعرها مطلوق معجبوش الحال):ببسسسممممة وبنادم بسمة(شافت فيه):مالك منير:تستري متخرجيش هكدا زعما راك مرات الراجل بسمة(طلات على راسها):اويلي واخا واخا دخلات دارت على راسها بيجامة طويلة مستورة و غطات شعرها و خرجات تشوف شكون وعرفتو شكون كان ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM