💫💜 قصة_المحلل 💜💫 #الجزء 16 : 💥💕 فتيحة(عوجات فمها):اممم ...حميد(ضار خنزر فيها ودارلها اشارة باش تهضر):الصمت ...فتيحة:على اي الحاج اليوم جينا باش نطلبو يد بنتك لولدي حميد على سنة الله ورسوله ونتا راك عارف ولدي سمعت سابقاه فالحومة اي واحد سولتيه عليه ميقولهاش فيه خايبة حنا ناس د الخير هانتا شوف غير شنو دخلنا فيدينا لبنت ...حميد(قاطعها):ههه تا حاجة متجي من قيمتك الحاج ولا قيمة لالة زهور ...عبد الغفور:احم الارزاق بيد الله اولدي هو لي كيرزق وهو لي كيغني مكنتيش تكلف راسك حنا شاريين راجل ماشي هدشي لي جبتو وكيف قالت الواليدة ديالك سمعتك سابقاك وواخا نتا ولد الحومة راني زدت سولت وسقسيت فالبلاصة فين عندك المحال وفعلا الناس دكروك غير بالخير ...حميد(بابتسامة):الحمد لله ...عبد الغفور:صفاء بنتي معزتها فقلبي كبيرة راني غنعطيك عوينة من عويناتي ديرها فوق راسك ...حميد(قاطعو):متحتاجش توصيني ا عمي بنتك بنت الدار الكبيرة هي غتكون مراتي ولي ضراتها غضرني غنديرها فعينيا مستحيل نعز فيها شي حاجة ولا نقلقها ...هيثم:اصلا الا مشيتي حتى قلقتيها ولا جاتني خبار بكيتيها غتلقانس فوجهك ...عبد الغفور(شاف فولدو ورجع شاف فحميد):لهلا يوصلنا لهدشي بما انك راجل فراك مستحيل دير شي حاجة لي تنقص من رجولتك ...حميد:بطبيعة الحال ...فتيحة(همسات لفدوى لي عينيها مزالين على هيثم):شفتي كيكيهضرو معاه(رجعات شافت فيهم) ...فتيحة:اوا عطينا جوابك الحاج راك متحتاجش توصي(دارت يدها على كتف حميد)ولدي راه راحل وسيد الرجال متخممش من ديك الناحية ...عبد الغفور:اوا منزيدكم غير مبارك و مسعود والله ايسر الامور ...حميد(بابتسامة عربضة شاف فصفاء لي حانية راسها):نقراو الفاتحة ...هزو يدهم كيقراو الفاتحة وفتيحة عينيها على صفاء...اما فدوى مكابناش فهاد العالم ملي شافت هيثم وهي تالفة هزات يدها كتقرا القرآن وبقات بنفس الوضعية حتى حسات بقرصة من مها ففخضها بزز باش كتمات الشهقة وشافت فيها ...فتيحة:كليتي الولد بعينيك ابنت الحرام جمعي راسك ولا والله حتى نبالي بيك ...ناضت زهور و اسماء كيحطو الطبلة ويقادوها وصفاء جالسة حدا باها لي قالها تجي حداها معنقها جنب وفرحان بيها حتى كملو وجلسو مجموعين ضايرين بالطبلة ...حميد:احم عمي بالنسبة للعقد امتى تبغيو ان شاء الله ...هيثم:مور رمضان ...حميد:بزاف احم زعما مكرهتش مرتي دوز رمضان فدارها ان شاء الله قلت انه ممكن يكون العقد من هنا لسيمانة ونديرو ليلة فيها القرآن نعرضو على جيرانا وحبابنا اش بانلك ا عمي ...عبد الغفور:نفس الهضرة لي قلت تا انا معنديش مشكل اولدي(شاف فصفاء)شنو بانلك نتي ابنتي ...صفاء(بصوت منخفض):لي بانلك ا بابا ...عبد الغفور:اوا على بركة الله اللهم يسر ...الكل(من غير هيثم لي ناض خرج بلا حتى كلمة):اميين ...فدوى(وقفات):احم ...فتيحة(خنزرات فيها):مالك ...فدوى:سمحوليا بغيت الطواليط ...زهور:هايا ابنتي طلعي مع الدروج هي لولة اتلقايها ...ابتاسمات ليها وخرجات بزربة طلعات فالدروج وهي تتسحب وشتوف موراها وصلات قدام الطواليط حلاتها وطلقات الما وسدات الباب ومشات تضور وتقلب بعينيها حتى بانلها صوت جاي من واحد البيت مشات على ريوس صباعها وحلات الباب كان هيثم كيهضر فالتيلي حتى ضار بزربة مخنزر ...هيثم:ااااش كدييييري نتييييي هناااا........ #يتبع........♥️🔥 اراءكم الحباااااااب متنساوش وقولولي شنو توقعاتكم ♥️♥️ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM