مع وصلنا كتبان ليا فيلا من داكشي دخلنا وبدات كتوريني فيها وانا غير خال فمي بحال هاذ الفيلات كنشوفهم غير في التلفازة ملاك : عحباتك الفيلا _ اه زوينة بزاف علاه شكون لي متعجبوش هاذ الفيلا وبالأخص ناس لي معندهمش بحالي ملاك : ايوا اسيدي غادي نعطيك الضوبل ديال الساروت أو ولي تجي الوقت لي بغيتي هنا ماكين لي يقول ليك شحال في الساعة _ تاكيفاش البلان هاذ الخير لي جاني في خطرة تاراه كاينة شيحاجة فينما كضحك ليا الدنيا وتعطيني شيحاجة كديها مضوبلة عارف راسي منحوس مي ماشي موشكيل نتبرع مع راسي ... اجي نتي لي قلتي ليا غادي تعطيني الطومبيل ونتي فاش غادي تركبي ملاك : الگراج فيه طومبيل اخرى ديال المدام مزال جديدة هي ومزال مركباتش عليها غادي نتشاور معاها باش نهزها وفي حالة مبغاتش نتا كاين على علاش مخدمينك _ الى حتاجيتني غير صوني عليا نبان عندك في البلاصة ملاك : صافي واخا سير صالون ريح نوجد ليك شيحاجة تاكلها _ مشيت ريحت وشديت تيليفوني وهي مشات الكوزينة دارت طاجين كيطيب وجات ريحات معايا وبدينا مجمعين شوية ... قولي ليا ليوم مخدماش ملاك : ليوم وغدا روبو عييت بغيت نرتاح شوية _ اه مزيان الآلة بقينا مجمعين وكنتعرفو على بعضياتنا كتر حتا طاب العشا كليت وسلمت عليها باش نمشي ملاك: امين هاك اڤونص وغدا نعطيك الفلوس كاملة ورد البال لراسك شديت الفلوس وركبت الطومبيل وكسيريت ليها وأنا فرحان تسركلت اسفي كاملة عاد مشيت لدار دخلت لقيت امينة مزال فايقة امينة : سي أمين شتك جيتي بكري ياك لباس _ والو باس غير بدلت الخدمة وعاودت ليها البلان بعجالة امينة : مبروك عليك قول ليا ياكما نوجد ليك شيحاجة ياكما فيك الجوع _ لا كليت شكرا يله تصبحي على خير دخلت لبيتي وبديت كنحاول نعس مي بغاش يجيني كنفكر في هاذشي لي وقع ليا كامل والموشكيلة هي مبغاتش تحيد ليا صورة لينا من دماغي بقيت كنفكر حتا معقلتش على راسي ونعست مافقت حتا بدأ يصوني تيليفون مع 9 فقت مرتاح مدة ماشبعت نعاس مشيت دوشت ولبست حوايجي لقيت امينة وخويا كيفطرو ريحت معاهم كليت وخرجت بحالي هزيت الطومبيل وكسيريت ليسي غير وصلت بلاصيت طومبيل عند ليسي والفتيات كيديرو فيا شي شوفات كان بإمكاني نديهم جملة ولكن ماتسوقت حد تميت غادي بغيت ندخل حتا كنسمع كلاكصون ديال مطور حسام كان جاي هو سميرة دار ليا بيدو تسنا . تسنيتهم ودخلنا ريحنا في الساحة وبديت كنعاود.ليه البلان ديال الخدمة الجديدة فرح ليا شوية ضرب الجرص ودخلنا عند أستاذ الفيزياء ريحنا في البياص الاخير وقدامنا لينا وصحباتها ... بروجولة فسرة غير هي متكبرة وهاذا عيبها بقيت حاضيها وحنا مريحين وهي تنطق سميرة وقالت لحسام سميرة : ناري هاذ الاستاذ شحال كيحمق بزين غزال ناري على طاي عندو كيف دايرة مفتل أنا طحت _ ماجات فين تكملها حتا جات ليها واحد الطرشة في وجهها حتا كلشي تلفت بديت كنضحك سميرة : ازمر مالك على هاذ الطرشة كاملة غير كنضحك بغيتك غير تغير وصافي مي طلعتي مغيار كنحبك أنا ههه الاستاذ : إيه نتوما اشنو كاين حسام : وآلو أستاذ الاستاذ : نتا وياها برا _ مازودش كلمة وخارجين كيضحكو غريب أمر هاذ الكوبل ماعلينا بقيت بوحدي في داك البياص بقيت متبع مع الاستاذ الدرس وعطانا الاستاذ سي تمارين خرجتهم دغيا مع خوكم دماغ غير بوحدي لي كنجاوب في كلاس المكلخين بقيت هكاك حتا وصل الوقت ضرب الجرس وتميت خارج هو يعيط عليا الأستاذ سماعيل ( الاستاذ ) : امين تبارك عليك كتبان ليا متفوق وعندك نسبة ذكاء عالية واصل بحال هكذا عزاز عليا الثلاميذ المتفوقين _ شكرا استاذ حتا نتا الشرح ديالك زوين وكتعرف توصل الفكرة سلمت عليه وخرجت بحالي ركبت طومبيل و مشيت لدار دخلت سلمت على خويا وأمينة وريحت كنتفرج ... امينة ختي قولي ليا واش الغدا واجد زربان خاصني نخرج بكري امينة : شوية غادي يطيب _ اه واخا وشوفي عزلي شوية بحساب ديك الطلابة لي حدا الباب امينة : صافي خويا كون هاني _ بقيت مريح مسركل في الانستغرام حتا كيطلع ليا الكونط ديال لينا بديت كنشوف تصاورها يله بغيت نتأبونا عندها وانا نتراجع في اخر لحظة امينة : امين خويا نوض الغدا واجد غادي نحطو _ نضت غسلت ايدي و لخويا وريحنا كنتغداو كليت ومشيت خرجت الماكلة لطلابة وهزيت دفتاري وقصدت ليسي كانت ديك العشية عامرة من 2 تال 6 وصلت ليسي لقيت سميرة قدام الباب وقفت معاها كنتسناو حسام حتا جا دخلنا عند واحد الاستاذة ديال الانجليزية عرفاتنا براسها وقالت لينا نوضو عرفو براسكم ونضنا بصف كل واحد عرف براسو من بعد قيدات لينا في السبورة شنو نجيبو وخلات لينا ديك الحصة نجمعو فيها تلفتو عندي سميرة وحسام وجبدو تيليفون بدينا مقصرين بارشيسي حتا وصل الوقت ضرب الجرس وخرجنا الاستراحة شدينا واحد القنت ... يله نجيبو شي تسركيلة واش نبقاو واقفين هنا سميرة : خلينا غير هنا _ ماكين والو هنا يله نغيروها زيدو تبعوني تمينا غاديين كنتمشاو شوية جبنا دورة ورا المدرسة وانا لقا سيف معنق لينا ومريحين شفتهم معجبنيش الحال بقيت حضيهم ومحيدتش عيني عليهم سيف : مالك كتخرج عينيك ياك لباس _ درت بحال إلى ماسمعت وآلو وكملت طريقي وطالع ليا الدم تفو اش هاذ الشعور أسيدي ربي كنحس بالعافية شاعلة ليا في قلبي حسام : امين مالك طالع ليك الدم _ والو اخويا ماكاعي ماوالو ... عاق بيا ايمكن غير من ملامح وجهي كملت طريقي كنتمشا وساكت بيما ضرب الجرس سميرة : الجرص ضرب خاص نمشيو عند استاذ رياضة كيعاودو عليه مكيبغيش الروطار _ قصدناه وجمعنا الاستاذ في واحد القنت ريحنا فيه أنا تقابلت مع لينا و الأستاذ حط كرسيه الوسط وبدا كيعرف براسو وكيدوي لينا على الرياضات لي غادي نمارسو هاذ العام وهو كيدوي وعقلي كعما هنا حاضي لينا يمكن شدات فيا الزعطة واحد الوقت نتابهات بيلا كنشوف فيها مع بدات كتشوف وأنا نحدر عيني وبقيت على ديك الحالة حتا ضرب الجرس ديال الساعة لولة وقال ليا غير سيرو ديوركم دابا واخا مزال عندنا معاه ساعة أخرى داكشي لي درنا تمينا قاصدين الباب حسام اشنو بان ليك نخرجو نبدلو الجو شوية نمشيو نريحو فشي قنت واخا بلاتي نتاصل بالسيدة لي خدام معاها نسولها ياكما باغية شيحاجة آلى ماعندها والو ماعندي موشكيل وداكشي لي درت تاصلت بيها ... سلام ملاك بغيت نخرج نسهر مع صحابي ياكما بغاني فشي حاجة ملاك : لا ماعندي والو ولكن يمكن ديوني معاكم اصلا مريحة في الدار قنت _ صافي واخا 9 كوني موجودة باش نطرگك قطعت لابيل ... حسام صافي 20:40 غادي نجي نطرگك نتحركو لبار لي كنت خدام فيه نمشيو بطومبيلتي حسن صافي حسام : صافي مزيانة يله تهلا _ سلمت عليهم وقصدت الدار دخلت ماكلقا حتا واحد تخلعت صونيت لأمينة ... امينة فينك امينة : غير أنا وريان قنطنا في دار وخرجنا يدربنا شوية البرد حنا في جردة النخلة دابا شوية نجيو _ صافي واخا من بعد ماطمنت عليهم دخلت الكوزينة نقلب على ماناكل وأول حاجة قصدت هو اتاي حيث هو البلية ديالي ساعة لقيت البراد خاوي ... بديت كنعمر فيه ومشيت ريحت كنتفرج فتلفازة شوية كيبان ليا الاشهار ديال تسجيل في مباريات الأمن الوطني وبديت كنقول مع راسي إن شاء الله العام الجاي نكون شديت الباك وندفع ليهم حيث عزيزة عليا هاذ الخدمة بقيت كنتفرج حتا بديت كنسمع اتاي كيتخوا مشيت دغيا طفيت اليوطة ودرت ليه السكر والنعناع ومسحت داكشي لي تخوا هزيت الصينية وسخنت واحد المسمنات كانو في التلاجة وريحت كنخالف في داك اتاي ويلي ويلي على دكة كيف طلعات تاراه كنصرع اتاي سخنو دوك المسمنات وريحت كناكل حتا كنسمع الباب كيتحل دخلات امينة وريان شافني جا كيجري باسني هزيتو ويتك ويتك على الفنون ديالي بدا كينعت ليا بيديه لتاي حتا هو خارج لخوه كبيت ليه شوية .... ختي امينة ريحي امينة : بلاتي ندخل نبدل حوايجي وسمح ليا بزاف حيث ماوجدت ليك والو راني مريضة شوية _ ماشي موشكيل نديباني راسي وشوفي الوقت لي ماترشقش ليك على الطياب ماديري والو خودي راحتك عتابري راسك بحال إلى عند خوك امينة : شكرا ليك بزاف _ العفو ختيتو ... أنا دريت البلان حيث شفت شيحاجة في الميكة طلعات لبيتها الواحد هو لي يتفهم الجنس لطيف وميكلفهومش فوق الطاقة ديالهم سوا الام ديالك ختك مراتك كتجيهم واحد الفطرة لي مكترشق ليهم على والو راكم فاهمين وخاص ديك الفطرة هي لي تكونو قراب منهم وتحسسوهم بالاهتمام ديالكم وتخليوهم يرتاحو .... ماعلينا كملت الكاسكروط ديالي وهي تهبط امينة ريحات حدايا ... امينة قولي ليا ياكما خاصك شيحاجة امينة : لا خويا كلشي عندي _ جبدت شي فلوس من جيبي مديتهم ليها باش تعاون بيهم رفضات في الاول مي شداتهم ... مشيت حدا التلفازة وريحت كنتفرج في برنامج امريكي ديال الجرائم بيما وصل الوقت طلعت بدلت حوايجي فاش كنقول ليكم نبدل كنطلع نبدل حوايجي عنداكم عنداكم بحساب ليكم عندي ستوك ديال الحوايج غير 4 لبسات كنصل لاصق فيهم هه ماعلينا بدلت ورشيت بارفان وخرجت شديت الطريق صونيت لحسام وقلت ليه يوجد راسو ويتسناني برا وداكشي لي دار وصلت عندو ركب حدايا سلم عليا وشدينا طريق لدار سميرة وصلنا لقيناها كتسنا قدام الباب كلكصونيت عليها طلعات وتمينا قاصدين الفيلا لي فيها ملاك وصلت حداها صونيت قالت ليا بيلا مزال كتلبس وقالت ليا دخل وداكشي لي درت قلت مع راسي نوري لعشراني الفيلا دخلنا وريتها ليهم عجباتهم وريحنا في الصالون كنتسناو بيما خرجات من البيت وعرفتو فاش خرجات مع بدلات الستيل ديال شعرها ولبسها وتاراه قنبولة بقيت حال فمي ملاك : امين كيف جيت _ الى حطيناك بلاصة القمر ضوي كتر منو غزالة تبارك الله ملاك : حشمتني ماعرفتينيش على صحابك _ هاذي حسام هاذي سميرة عرفتهم على بعضياتهم ... بدا كينغز فيا حسام حسام : ديك الساعة قول ليا مانحيبش سميرة _ بتاسمت ليه ... نتا لي شفتيها تزعط فيها زيد أبو البنات خرجنا ركبنا الطومبيل وقصدنا البار مع الدخلة شافني الباطرون الباطرون : امين شنو كدير هنا _ جاي نطب رزقي هنا كاين شي موشكيل الباطرون : لا مرحبا بيكم ... احمد وجد شي طبلة لأمين _ وجد لينا احمد الطبلة وريحنا وبدينا كنكونسوميو هاذو معولين على السكرة والنشاط غير من الويسكي والفودكا لي طالبين وأنا لي باغي غير عصير فاش جابهم لينا بداو كيضحكو عليا وأنا نقول ليهم مكنشربش في الخدمة ملاك : اشمن خدمة _ بديت كنضحك ههه نسيت راسي بحساب ليا راسي مزال خدام بصراحة مبغيتش نشرب غير توكلو على الله نتوما ماجيت فين نكمل كلامي حتا تما جاي الباطرون القديم وهاز معاه في ايدو La Vielle Bon-Secours الباطرون : هاذي ليكم _ كيفاش لينا راك غالط حنا مطالبينش هاذ القرعة الباطرون : هاذي من عند السيد لي مريح لور ليكم _ تلفتنا كاملين ورانا فاش شفنا شكون تصدمنا ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM