الحياة الغامضة الجزء 26 🔥🔥🔥🔥🔥 ( التتمة من بعد 370 لايك طاكيو صحابكم يقراو ) كيبانو ليا شي وحدين من فرقة التدخل السريع شادين ملاك وضاربين ليها المينوط الرئيس : طرتي حتا عيتي وفي الأخير طحتي بين ايدي _ شفت في الرئيس وبديت كنضحك ... نتا لي طحتي دابا ماشي أنا شوف شنو عندي في ايدي ... لحت داكشي لي جبت معايا من المخبزة وشديت في الساعة ديالي شافها عرفها أنها ساعة ديال التحكم في القنابل لي كنستعملوهم في المهمات وقادرين يفجرو الدار . اشنو بان ليك ضارب الحساب لكلشي شفتك البارح مراقبني نتا ورجالك وكنت عارف بيلا ماغديش تحاول تشدني ديك الساعة حيث تعلمت منك واحد الحاجة وهي ما ندير واحد الخطوة حتا نكون متأكد 90% على الأقل في النجاح ديالها ونتا عارف بيلا لا حاولتي في السوق نقدر نهرب ليك داكشي علاش ماغدي تبغي ديرها حتا تكون ضمنتي الطريقة لي تحكمني بيها داكشي علاش درت بحساب كلشي وقبيلة فاش خرجت من الدار شفت كيفاش دخلتو حيث مركب كاميرا صغيرة في الطومبيل ... أمر رجالك يطلقو ملاك وخلينا نهدرو بالعقل رئيس : زريقة طلقوها وسدو عليها في البيت مع لآخرين ... دابا شفتي كيف وليتي ساهل يحكمك الواحد كنتي حر ديال راسك ديقتيها عليك _ شوف الواليد ... عفوا السي الرئيس ولات عندي نقطة ضعف اه ولكن على الأقل عايش مع ناس كيبغوني وغادي نعيش معاهم فرحان واش بحالك نتا شوف كيف عايش شنو ستافدتي من الحياة ديالك أو هاذ الفلوس والسلطة ديالك واش خلاتك فرحان واش نتا عايش بحال الناس بعيد على مراتك وولادك رئيس : حنا تولدنا باش نخدمو الدولة ونحميو الناس السعادة نسيناها من ورى ماختارينا هاذ الطريق والغلط ديالي الوحيد هو أني ورطت مك وختك في واحد الحاجة لي معندهم حتى علاقة _ اشمن خدمة ديال الدولة كدوي عليها نتا كتخدم راسك ماشي الدولة تبعتي الفلوس والانتقام حتا مابقيتي كتشوف والو مزال عندك الوقت فين دارك الوضع وغادي نعطيك 2 اختيارات بلاصة ماتشد الضد معايا دير ايدك في ايدي وخلينا نتاقمو من حمد ونرجعو الواليدة وختي وديك الساعة غادي تعيش حياة زوينة مع مراتك وولادك وحفيدك أو غادي نوقف في جنب حمد وأول حاجة غادي نديرها هو نرسل ليه الصور ديال المستندات حيث فاش مشيت لجزيرة صورتهم وديك الساعة شوف كيف تفكها يله غير اختار الرئيس : كتشبه ليا بزاف داك الشبل من داك الأسد ورثي مني العناد _ دابا بغيتك تطلق باقي أفراد فرقة ( ) الرئيس : غادي نطلقهم حيث غادي يمشيو معاك لواحد المهمة غادي نكلفك بيها _ فين كاينة هاذ المهمة الرئيس : كلشي غادي يوصلك في الوقت المناسب _ الرئيس بغا ينوض هو يمد ليا ريان وسبحان الله مبغاش يجي عندي عجبو الحال الرئيس : دغيا ولف جدو _ باسو وبقا هازو قصد البيت لي شادين فيه لينا ونرجس وملاك وخالها دخل عليهم ... اهلا نرجس مدة طويلة ماتشاوفنا نرجس : واخا مدة طويلة أعبد الله نتا هو نتا في الشكل غير هو المعاملة ماشي نتا عبد الله لي كنت كنعرف الرئيس : الزمان كيبدل انرجس ... زريقة طلقو ضباط فرقة nala وكلفوهم بالحراسة ديال أمين وخلي شي وحدين من رجالنا بينما جاو زريقة : واخا مون شاف الرئيس : أمين هز عليا ريان غير هو هاذا غادي نكبرو على الطاعة من صغرو ... زريقة تاصل بالمكتب يصيفطو رجاء وعطوها إجازة تريح مع ولدها شوية ... كنظن مستغربين تسمعو مني هاذشي ولكن فاش هزيت حفيدي حسيت بالحنين الماضي تفكرت فاش كنت كنهز ولادي _ ولدي غادي يكبر بعيد على هاذ الضومين بدا كيبتاسم و عطاني ريان وخرج خلا 4 من رجالو ومشاو لينا : اوف الحمد الله تخلعت يحساب ليا غادي يديك معاه _ بعدا أول مسمار طرقناه غادي يبقا لينا غير باك ... حسيت بالشهية تفتحات ليا جاني الجوع مشا خال ملاك كيوجد في الفطور وأنا ناشط غادي نرجع نشوف صحابي وعاد زيد نص الموشكل تحل ريحنا كنفطرو ملاك : أمين واش نيت نتا ولد الرئيس _ اه ولدو بديت كنعاود ليها سباب المشكل سالينا الماكلة وأنا ندخل البيت بغيت نبدل حوايجي وهي تبعني لينا : أمين كتبان ليا فرحان ياكما بسباب أن مراتك القديمة جاية _ هاهي بدات النكد ديالها الله يهديك مفرحانش بسباب داكشي غير حيث حليت مشاكلي مع الرئيس هاذا مكاين لينا : ايه باينة وزايدون علاش يصيفطها _ عادي تشوف ولدها فين كاين الموشكيل ... مشات خرجات من البيت وخلاتني غير كنشوف هاذي مالها بدلت حوايجي وخرجت بغيت نطل عليها كانت في البيت لاخر وهي تخرج عندي نرجس نرجس : ولدي سير تسخر ليا الحانوت _ ايه شنو نجيب ليك اخالتي ... بدات تشوف فيا وهي تسكت نرجس : صافي غير سير نمشي أنا _ تاشمن غادي تمشي نتي واش كاين راجل في الدار وتمشي حشومة اخالتي ... كتبان ليا حشمانة خرجاتها بزز نرجس : سير جيب اولويز لينا وجي _ اه داكشي علاش كتبان ليا السيدة ماهياش قول القضية فيها إن ... خرجت جبت داكشي ورجعت عندها البيت كتبان ليا مسكينة مريضة وشادة في كرشها فيها الوجع مشيت دخلت الكوزينة خويت واحد القرعة ديال جاڤيل اتشي غسلتها وعمرتها بلما سخون ومشيت لعندها حطيتها ليها على كرشها وعنقتها وهي تكا عليا وبديت كلعب ليها بشعرها لينا : كنبغيك بزاف اأمين حيث كتعامل معايا هكذا واش غادي تبقا ديما تعاملي هكذا ماغديش تمل مع الوقت _ مايمكنش نمل منك حيث كنبغيك بنيتي وكنشوفك نتي هي كلشي في حياتي احبيبتي وغادي نبقا معاك في السراء والضراء ... بقات كتبتاسم وسادة عينيها شوية وهي تنعس غطيتها وبستها من جبهتها وخرجت ريحت في الصالون بقيت مجمع أنا وملاك وخالها كيعاودو على طفولة ملاك وخالتي كتوجد في الغدا سلات حطاتو لينا بغيت نوض لينا قالت ليا غير خليها ناعسة ودرت داكشي لي قالت ليا وبديت كناكل خال ملاك : تبارك الله عليك ألا نرجس لي داق طيابك كعما يقول أنك قليل فين كطيبي نرجس : راني كنت كنطيب قبل مانتزوج غير فاش تزوجت ولاو عندنا الخدامات ومن تما عكزت زعما ماكلتي بنينة ملاك : الله يعطيك الصحة أخالتي نرجس : بصحتكم _ لي كيعحبني فيك اخالتي هو انك واحد الإنسانة ظريفة ومتواضعة بزاف مافيكش داك البخ الخاوي نتي من بين أحسن الناس لي عرفت كون غير كانت عندي أم بحالك نرجس : شكرا ليك عرفتي اأمين كنت أنا وماماك صحبات تاهي إنسانة متواضعة ومتخلقة من أطيب خلق الله إن شاء الله تلقاها وغادي تأكد من كلامي وغادي يولي عندك 2 أمهات _ إن شاء الله يكون خير ... مشيت بلاصتي ضربتها بنعسة حتا كنفيق على صوت لينا كتعيط عليا خرجت لعندها سلمت عليها ومشينا لصالون درنا كاسكروط شوية جا عندي واحد من الحراس ديال فرقة تدخل السريع حارس : الشاف فرقة nala وصلو راهم قدام الدار شنو الأوامر ديالك _ دخلهم كاملين بغيت نهدر معاهم ... مشا عيط ليهم وهوما يتماو داخلين شفتهم وأنا نوقف جات أمينة عنقاتني وسميرة سلمت عليها باليد وسلمت على باقي أعضاء الفرقة ....فين حسام مبانش ليا سميرة : ها هو جاي مشا مع رجاء تشري شيحاجة شوية ويجيو _ بغيت نسولكم ياكما عذبوكم فاش كانو شادينكم وفين كانو شادينكم أمينة : لا معذبوناش كانو شادينا في المقر حدهم حققو معانا هاذا مكاين . ملاك مالك أختي ملاك : غير ضربت فاش كانو هاجمين علينا رجال حمد _ خالي اجي معايا واحد الدقيقة ... مشيت أنا وياه الكوزينة باش نعمرو ليهم اتاي عطاني واحد المقراج كبير لي كيعمرو بيه اتاي في العراسات والمناسبات وأنا كنوجد فيه جات عندي لينا لينا : علاش معذب راسك هاذا شغل العيلات ديك الساعة قولها ليا نوض نوجدو أو ماما تنوض _ علاه غير العيلات لي كيوجدو هاذشي وزايدون هاذو ضيوفي و نتي مريضة ملاك مضروبة ماماك مسكينة في الكوزينة من الصباح لينا : بصراحة سعداتي بيك ملي عندك هاذ التفكير غير هو نقول ليك واحد الحاجة مابقيتيش تسلم على شي وحدة من الحنك لحنك _ عادي هاذيك أمينة بمثابة ختي وزايدون رآها مزوجة وراجلها هو الأستاذ سماعيل لينا : حتا تكون ولداها مك وديك الساعة قول ليا ختي المهم دويت معاك _ واخا ألالة يكون غير خاطرك ردي البال لأتاي نخرج المخبزة ونجي ... مشيت جبت البرزيان والكرواصة وشي حلاوي يقدو هاذ القوم كامل ورجعت لدار بدينا كنقادو داكشي في التباصل شوية وهوما يدخلو حسام ورجاء جا حسام بدا كيعنق فيا حسام : توحشتك اصحبي _ حتا أنا توحشتك الساط وتوحشت صداعك ... رجاء يله مدات حناكها تسلم عليا ماعرفت كيفاش حتا لينا دخلات وجها بيناتنا لينا : أهلا ختي لباس عليك _ شفت الديكور جاتني الضحكة ورجاء بقات غير كتشوف ولكن فهمات البلان ومدات ليا ايديها سلمت عليها وقلت ليها بيلا ريان في الصالون مشات ليه وحسام بقا معانا لينا : كون جا وجهك على وجها كون قتلتك حسام : الله يعز الحكام إلى دارها أنا نعطيك السلاح تيري فيه أختي لينا _ سير هنينا اصحبي نتا معايا ولا معاها حسام : أنا مع الحق ... بغيت ندوي معاك واحد الدقيقة في موضوع مهم _ بلاتي نحط ليهم الكسكروط ونهدرو ... مشينا حطينا ليهم مياكلو وخرجنا وسط الدار كنهدرو ... ياك لباس حسام : عندي خبار خايبة فاش كنت في التحقيق سمعت الرئيس كيدوي من ورى الباب مع شيواحد وكيقول ليه بيلا سماعيل تكتاشف وراه شادينو حمد والرئيس عطا الأوامر باش يشطبو عليه قبل مايقول داكشي لي عارف _ مايمكنش هاذشي لي كتقول واش متأكد وايمتا سمعتي هاذشي حسام : هاذشي نهار لي كان فيه العرس بليل داكشي لي سمعت قلتو ليك ومابغيت نقولها لحتى واعد غيرك شنو المعمول دابا _ بديت كنفكر شنو ندير الدنيا دارت بيا ديك الساعة معرفتش شنو ندير مانقدر ندير شيحاجة تجبد عليا المشاكل مع الواليد وتاني سماعيل صاحبي منقدرش نخليه واحل بلا مانعاونو حسام : أمين مابغيتش نشوف امينة أرملة غادي ندير أي حاجة باش يرجع سالم _ حتا أنا معاك هذاك خونا وماغديش نسمحو فيه وجد راسك بالليل أنا وياك غادي نهجمو على الفيلا ديال حمد ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM