تلفت ليه ودرت فيه واحد الإبتسامة ديال الاحتقار وجبدت سلاحي من تحت الكسوة بواحد البرودة تيريت فيه لراس لاخر بدا يجري بغا يهرب ولكن واش معايا أنا تيريت فيه لراس طاح دودة خليتهم مسرحين وكملت طريقي لمحطة الطاكسيات شديت طاكسي نيشان لواحد البواط مع الدخلة بغا يفتشوني الفيدورات يله بغا يقلب ليا واحد الساك هو يبان ليه صاحبو مدابز مع واحد 2 دراري سكرانين مشا لعندهم أنا ستغليت الفرصة ودخلت مشيت ريحت في واحد القنت وضومنضيت على كويس ديال ويسكي جابو ليا بديت كنجغم فيه . شوية دخل واحد خونا ومعاه رجال بزاف وشي بنات مشاو ريحو في أحسن بلاصة في ديك البواط وناضو شي وحدين في دوك الرجال كيشطحو . قصدت واحد الشخص منهم طويل وصحيح مفتل العضلات وعندو حقو في الزين نضت بديت كنشطح حداه و كنتقرب منو هو يدفعني حتا قربت نطيح ولكن رجعت عندو وحطيت ايديا على كتافو هاذ المرة .... تعاود تدفعني نقطع ليك ايديك سمع شنو أنقول ليك مبروك عليك نجاح المهمة ليوم ماخليتي ليا مانقول عجبني كيفاش قدرتي تأمن خطة الهروب تبارك الله عليك أولدي يا أشرف أشرف : شكون نتا ولا نتي _ أنا 308 شوف فيا مزيان مقدرتيش تعرف عليا ولا تميزني واخا دوزتي معايا هاذ السنين كاملة أشرف : 308 مايمكنش _ وقف بقا كيشوف فيا وكيحقق ليا في وجهي أشرف : احترماتي شاف ولكن ... _ كمل شطيح ديالك ودير بحال لا ماكين والو كلم سناء بغيت نهدر معاها ... عيط سناء شافت فيه غمزها وتمات جاية عندو مع وصلات عندو قربت ليها وتكلمت معاها بصوت مخنت ... فاش كنشوفك كنحس بالمتعة والحماس كنحس أني كنتفرج فعرض ديال شي ساحر وسط سيرك ديما كتزيدي تبهرني ليا أني تاخدت أحسن قرار في حياتي فاش سيفطتك . عجبني العرض ديالك في الملعب سناء : شنو كيقول و شكون هو هاذ المخنث أشرف : هاهاها سيدي إلى مقدراتش هي تعرفك كيفاش بغيتي نعرفك أنا.... هاذا 308 أسناء سناء : 308 مايمكنش يكون بابا . بابا هاذا نتا اويلييييي اويلييييي علاش داير في راسك هاذ الحالة _ ضحكي وكملي الشطيح ديالك باش مايشكوش فينا ... جيت باش نقتل الزعيم ديالكم (مارتن) حيث صافي سلات مهمتكم هنا غادي ترجعو المغرب سناء : على صافي وصل الوقت _ اه كلشي موجود دابا بقا غير الفريق يرجع . سمعوني مباشرة مانقتل( مارتن) تخلصو ليا من الحراس لي في وسط البواط ونوصيكم وياكم تقربو جيهة الحيوط غادي نفجرهم مفهوم . أشرف حاول تلفث الإنتباه ديال (مارتن ) أشرف : واخا سيدي . كنحييك على التفكير ديالك عارف أن (مارتن) مثلي وعزاز عليه المثليين داكشي علاش جيتي بهاذ الحالة _ هانتا بديتي تفهم ...قربنا من بلاصة لي جالس فيها (مارتن) بدينا كنشطحو قدامو وهو يعيط مارتن على أشرف مارتن : أشرف اجي ريح حدايا ... ماكانش يحساب ليا عزيز عليك هاذ النوع ملي كيعجبك غير قولها ليا .ولكن حتا دابا مزال الحال جي دوز معايا هاذ الليلة وكلشي ديالك مايخصك خير بصراحة أشرف إلى حيدتي ديك اللحية و لبستي بحالو فين يبانو المريكانيات قدامك تبارك الله وليد غزال شهوة منك أشنو بان ليك أشرف : كيتكلم وكيشوف فيا بنظرات غاضبة . بوص شنو كتقول أنا ماشي ديال هاذشي راك عارف عزاز عليا غير البنات مارتن: غير ضاحك معاك أشرف نتا ايدي ليمنا وعزيز عليا نقشب معاك إلى مضحكتش معاك نتا معامن نضحك هاهاهاهاهاها أشرف : ولد العبد كيخشي ليا الهدرة كيحساب ليه كلشي مريض بحالو مكرهتش نوض نقتلو حيث ميكروب مليت منو ومن فعايلو مثلي جنسي قتال ماكيرحمش سواء اطفال نساء شيوخ أي واحد خالفو كيصفيها ليه بدون شفقة ولكن مابقا ليه والو وياخد الجزاء ديالو ملاك الموت جاي في الطريق دابا قاصدو مارتن: أشرف جيب ليا القطيطة لي كانت كتشطح معاك حشومة مانضايفوهاش أشرف : إييييه الهيبة ديال 308 مشات . ولا قطيطة شداتني الضحكة نضت عندو عيطت ليه وهو يجي ريح حدا البوص مارتن: هاذ الوريدة ليك القطيطة الغزالة _ اوه شكرا ليك شحال كيوت ورومانسي غزالة عندك كلمة قطيطة مارتن : الكلمة زوينة كتمشي عند لي تستاهل تبارك الله سبحان من خلقك منورة السهرة تقول غير نتي لي كاينة _ بدا كيتعنب عليا وانا غادي ليه على هواه تال واحد اللحظة قلت ليه نحتافلو بمناسبة لقائنا أنا وياك ووقفت باش نعمر ليه كاس ديال ويسكي وانا كنكب في الويسكي حليت الخاتم لي داير فيه واحد السم كيقتل في البلاصة خويتو في الكاس وعمرتو بويسكي ومديتو ليه ... هاذ الكويس لأحلى رجل في هاذ السهرة خود شرب السبع ديالي مارتن: بيما انك دخلتي ليا لخاطري غادي تشربي القطيطة ديالي نتي لولة _تفو على بلان يقدر متاقش فيا شديت منو الكاس وقربت ليه بديت كنتلمس ليه في وجهو وتلقت الكاس تخوا عليه ... اوبس سمح ليا السبع ديالي ماقصدتش . هزيت مشوار درت راسي غادي نمسح ليه خرجت برا من داك الخاتم ودگيتها ليه في فخضو غادي يكون حس بدگتها ولاكن سم لي في ديك البرا قوي بزاف لدرجة كيشل في البلاصة جميع أعضاء الجسم . من بعد 20 ثانية تقريبا مارتن مات ماجا فين يعيقو بيه حتا وركت على الساعة ديالي لي كانت عبارة عن جهاز تحكم لقنابل لي ركبوها رجالي الصباح في حيوط البار تفجرو الحيطان ناضت روينة في البواط جبدت سلاحي بديت كنتيري في رجال( مارتن) وأشرف وسناء معاونيني قتلناهم كاملين وقبل مانخرج فجرت غرفة الكاميرات وخرجنا من ديك البواط لي ولات مقبرة دابا . في الخرجة لقينا واحد مازيراتي كحلة كتسنانا فيها واحد من رجالي قصدناه طلعنا الطومبيل كسيرا نيشان لواحد الدار في وسط مدينة لوس انجلوس مع وصلنا ليها دخلت الدوش فكيت الحالة لي أنا فيها وخرجت لبيت لبست حوايجي لي كانو عبارة عن بدلة رسمية ( كومبلي في نوار ) توجهت لبيت لي فيه اشرف وسناء جات سناء عنقاتني وعينيها فيهم الدموع سناء : توحشتك أبابا الحبيب بزاف _ حتا أنا توحشتك ابنتي وفراقك صعيب عليا سناء : ملي فراقي صعيب علاش سيفطتني هنا هاذ المدة كاملة واش كاين شي أب كيدير في بنتو هاذشي _ كلشي في سبيل الوطن حنا في الميدان ديالنا مكنختاروش حياتنا وكيفاش غادي نعيشو كنضطرو نديرو شي حوايج ونتاخدو شي قرارات لي صعاب وضد الإرادة ديالنا ولكن كيف قلت في سبيل الوطن . عارف ابنتي انك قادرة تسيري راسك وأني قادر نعتامد عليك داكشي علاش مهازش هم كبير من جيهتك وفخور بيك.... نتا مالك كتشوف فيا وكضحك أشرف : موالف أسيدي نشوفك ديما مغوبش ومطمر و كتغوت يعني كنشوف غير شخصيتك القوية و ليوم كتبان ليا حنين وزيد التنكر ديالك فشلني هههه مياو مياو _ هنينا ولا رجع كي كنت جمع راسك معايا سناء : صافي متعصبش أبابا نتا عارف أشرف ضحوكي وزايدون رآه قال الصح ديك الحالة كضحك كون تشوفك ماما طلقك أشرف : هاني ساكت بغيت نسولك علاش جيتي تال عندنا وكان بإمكانك تواصل معانا نرجعو بلا ماتعذب وتغامر بحياتك _ نتي سكتي واياك تجبدي الهدرة لحكومة كلشي تال ماماك. وبالنسبة علاش جيت كان قاتلني الملل والفراغ عييت من الجو ديال المكتب والدار ديما قلت نتفكر أيام الشباب ديالي ومنها نشوف المهمات والجاهزية ديالكم عن قرب سناء : وبالنسبة لباقي الفريق واش رجعو ولا مزال و شنو المطلوب منا شرح لينا _ الهدرة ماشي هنا حتا ترجعو المغرب وتعرفو كلشي شوية غادي يجيو رجالنا يدوكم متمشو فين سناء : ونتا ابابا ماغديش ترجع _ ماشي دابا عندي شيحاجة نقضيها يله بسلامة . سلمت عليهم وهزيت واحد الكرطابل وخرجت من تما شديت طاكسي كنضن عارفيني فين غادي أيه المطار عوتاني دخلت ليه قطعت ورقة الرحلة وهاذ المرة الوجهة إلى مدينة الانوار باريس . مشيت عندهم يطبعو ليا البسبور مشيت عند البنت لي مكلفة طبعات ليا وقالت ليا بواحد الإبتسامة على وجها رحلة سعيدة شكرتها ومشيت ريحت في قاعة الانتظار من بعد ساعتين وصل موعد الرحلة ديالي قصدت الطائرة شديت بلاصتي ودرت واحد البانضة على عيني ونعست مافقت حتا وصلنا لباريس مع 12:00 نزلت من الطائرة وتميت خارج من المطار هوما يتلقاو ليا ...يتبع