💫💜 قصة_المحلل 💜💫 #الجزء 56 : 💥💕 هيثم(صونا عليها وقطعات):جااااااوبييييييي ...صفاء(كانت داخلة لبيتها سمعاتو صوتو ومشات عندو بزربة حلات الباب ودخلات):هيثم مالك شنو كاين ...هيثم(جلس فوق الناموسية وهو تيحاول يهضر معاها):والو والو ...صفاء:كيفاش والو(جلسات حداه)والو ونتا حالتك شوف وجهك كي حمر بالعصاب ...هيثم(وقف):حيت غتصعرررررررنييييي ...صغاء(باستغراب):شكون؟!!بشرى؟؟ ...هيثم(داير التيلي على ودنو غادي جاي كيصوني وتقطع ويعاود):وشكوووون من غيييرها ...صفاء:علاش شنو وقع ياك عاد مشات من عندنا وكنتو مزيانين ...هيثم(رجع جلس ولاح التيلي بجنبو):يمكن قسحت معاها الهضرة(بالغوات)ولكن مغلطتش من حقييييي ...صفاء:ممكن تفهمني شنو وقع نقدر نعاونك ...هيثم(شاف فيها وقالها شنو ضار بيناتهم):واش من حقي ولالا ...صفاء:واش حماقيتي ا هيثم هديك هضرة مكتقالش اه من حقك ولكن ماشي لدرجة انك تجرحها وطعن فأخلاقها هوما بيناتهم معتابرين روسهم خوت وفوق هدشي بشرى ماشي عاد غتعرفها اليوم حيت نتا لي اختاريتيها ومدرتي هاد الخطوة الا ونتا عارف اخلاقها وكيفاش دايرة ...هيثم:وحيت عارفها كيف دايرة هضرت هكاك ...صفاء:لا معارفش ملي درتي مقارنة بينها وبين خوتاتك راك معارفهاش حنا تربينا على هدشي من صغرنا وزيادة على ذلك معندناش ولاد العائلة عكسها هي علاش ديما كتخلي عصبيتك تسبقك ...هيثم:دابا انا لي وليت غالط ...صفاء:اه نتا حيت كون كنتي موصيها ولا شي حاجة ودارت العكس غنقولك هي لي غالطة ولكن هي تصرفات بعفوية كيف مولفة كون كتمتي الغضب ديالك وجيتيها بالتي هي احسن وبالخاطر انا متأكدة كانت غتفهمك وتقبلها عادي جدا ولكن هاد التصرف لي درتي دابا راك غلطتي فيها وجرحتيها حنا حاجة وهي حاجة عمرك دير مقارنة بينا وبينها كلها وتربيتو وشخصيتو وتفكيرو نتمنى تكون آخر مرة تصرف معاها هاكا حيت ممكن متكونش عندها طاقة انها تصبر لبحال هاد التصرفات وتختار تبعد ...خرجات وخلاتو كيضور كلامها فراسو وكلمة البعد حس بيها بحال ناقوس الخطر خلات قلبو يضرب هو بزز باش خرج معاها من المشكل لول..زفر بعصبية وعاود هز تليفونو دوز نمرتها قطعات عليه ومشا كتب ليها ميساج بداه بكلمة حبيبة لي كيحسها من قلبو ولكن رجع مسحها حيت عارف راسو مزال مولات مراتو وحلالو باش يوصل معاها لهاد الهضرة وهو حتى يدها عمرها جات فيدو السلام بيناتهم وكتكون غير بالفم فقط وهدشي لي عصبو ملي شافها سلمات على صهيب رجع كيكتب الميساج وعندو امل انها تجاوبو{جاوبيني نهضر معاك الله اخليك فهمتي كلامي غلط راك عارفة راسك شنو بالنسبة ليا وابدا مقصدتش دكشي لي قلتي غنصونيلك وجاوبيني}سيفط الميساج وبقا كيشوف حتى بانتلو دخلات قراتو وديك الساعة صونا ليها ولكن والو عاودات قطعات عليه ...قمر:وا لواه زدتي فيه ...بشرى:قمر حتى كلمة خليه باش مرة خرا يتعلم يعرف شنو كيخرج من فمو عاد يهضر ...قمر:وراه كان معصب اصحبتي ...بشرى(بملل):نوضي عند راجلك هالعار راه مغنجاوبوش .. يلاه جات تهضر قمر وهو يدخل ...خالد:واش مغتنوضيش نتي تنعسي ضروري نجي نجيبك(شاف فبشرى)اه بشرى هضر معايا صهيب دابا وقاليا فاش سلم عليك ...قمر(نقزات كتهضر):ههه اوا ها صهيب عرف بالغلط صافي جاوبي السيد وسمحيليه ...خالد(طلع حاجبو):تخاصمتو واش ضار فيك ...بشرى(خنزرات فيها):غير تعصب عليا ومعجبنيش كيفاش غوت عليا ...خالد:كنضن من حقو واي واحد راه ميقبلش وخصوصا هيثم راك عارفاه جاوبيه وقولو تا صهيب راه كيعتارد منو ...بشرى(بضحكة صفرا):واخا اخويا ...خلاوها ومشاو وهي تتحلف على قمر سمعات تليفونها كيصوني هزاتو وبدات كتشوف فيه ...بشرى:والله لجاوبتك نوريك كيفاش شوفي خوتاتي(قطعات عليه وطفات التيلي)مزيان تبارك الله... يوم جديد فاقت صفاء مبتاسمة من بعد ما عاوداع صلاة الاستخارة وتعاود نفس الحلم لدرجة دخلها إحساس الامومة قبل متجربو جلسات كتفطر مع والديها و الابتسامة على شفايفها ...عبد الغفور(بابتسامة):الله يديمها ابنتي ...صفاء(باستغراب):شنو هي ...عبد الغفور:ابتسامتك ابنتي ...صفاء:امين ا بابا هه ...اسماء(كتاكل وتهضر):وشنو سر هاد الابتسامة ...صفاء:والو غير راشقة ليا وصافي ...هيثم(دخل مغوبش وباينة فيه مناعسش):سلام ...زهور:ها واحد مراشقاش ليه مالك ...هيثم:والو الواليدة غير منعستش مزيان وصافي ...صفاء:شي حاجة فالخدمة؟ ...هيثم(شاف فيها):بحال دكشي ...صفاء:اممم ...زهور:الحاج راه نسيبتنا البارح جات وهضرات تاني فموضوع صهيب ...عبد الغفور:القرار كيبقى لصفاء ...زهور:وا هي مقسحة راسها قاتلك سدات موضوع الزواج ...عبد الغفور:الا مبغات معندنا منديرو مغنبززش عليها مع انني انا موافق ...زهور:تانا موافقة ...اسماء(هزات يدها كضحك):وحتى انا ههه ...صفاء:هه بقا هيثم ...هيثم(كاعي غير بوحدو):هداك هو سبابي اصلا ...صفاء:ههه يعني مموافقش شفتو ...هيثم:مقلتش هكاك ...صفاء:تحاميتو عليا ...عبد الغفور:فالخير ابنتي ...زهور:وتدي أجر فديك البنيتة ...صفاء:احم صراحة انا درت صلات الاستخارة وجوج مرات ...عبد الغفور:ايه وشنو بينلك الله ابنتي ...صفاء:درتها جوج مرات وربي عطاني نفس الرؤيا ...زهور:خبار الخير ...صفاء(بخجل):بالمختصر حلمت بولدي هه ...اسماء:يحيى!!........ #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM