💫💜 قصة_المحلل 💜💫 #الجزء 55 : 💥💕 هيثم(بابتسامة):علاش متقوليش القدر لعب دورو ...صفاء(حنيكاتها تزنكو كالعادة):اش دخل القدر ...هيثم:واش كيبانلك طبيعي ان صهيب يبان فهاد الظروف ويصدق ولد عم خالد صاحبي الروح بالروح وولد عم خطيبتي هدشي كوم وانه يكون هو بالضبط الشخص لي بسبب كلاخ داك الشماتة بان فحياتنا كوم آخر لانه كان فقط سبب باش صهيب يبان فحياتك نتي بالضبط ...صفاء:انا؟! ...هيثم:اه نتي لأنه مصر عليك وباغي يتزوج بيك ...صفاء(بتلعثم):وا واش عاود هضر معاك فالموضوع ...هيثم:ههه لا مهضرش غير معتابرنا شركاء و نساب منكرش عجبني داك السيد ...صفاء(حسات بالصهدة):شنو نفهم من كلامك ...هيثم(بجدية):منقدرش ندخل فأمور بحال هادو حيت صراحة جاني عادي و صريح عكس داك(كان غيسب وهو يسكت)بفف هداك من لول محملتوش كان باين فيه ماشي هو هداك عاد دوك الاشكال انا مكنتيقش فيهم ...صفاء(وقفات):احم دابا دكشي فات مكاين لاش نهضرو فيه ...هيثم(وقف حتى هو):عندك الحق كلشي كيجي فوقتو(باس راسها)الا كان من نصيبك غنكون فرحان ليك ...ابتاسم ليها وخرج خلاها مخرجة فيه عينيها وهادي مقارنة خرا لحالة هيثم كيف كان هايج على حميد وكيف كيهضر على صهيب..جلسات وبدات تتسوط بيديها على وجها ...صفاء:غير حيت بشرى بنت عمو معندها حتى تفسير آخر ...ناضت من تم وهبطات لتحت طلات فالصالة لقات زهور متكية ناعسة واسماء شادة كتاب كتقرا فيه خلاتهم ومشات للمصلى هزات كتاب من تم وجلسات كتقراه ومنغامسة فقراءتو وفقصة من قصص الرسول على الصلاة و السلام...داز وقت طويل حتى شافت باها خارج هزات راسها فالساعة لقات وقت صلاة العصر مشات توضات ورجعات فيقات مها على مسالا الاذان صلاو صلاتهم وبقات هي آخر وحدة تم كالعادة حتى سمعات السونيط خرجات باش تحل ولقات زهور سبقات وبدات كترحب تقدمات عندهم بابتسامة ...زهور(بفرحة):نهار كبييير هدا مرحبا والف مرحبا ...ريحانة:ترحب بيك الجنة لهلا يخطيك(سلمات على صفاء)بنتي كيدايرة لباس عليك ...صفاء:الحمد لله اخالتي زيدي مرحبا بيك(شافت فبشرى)مرحبا بمرات خويا ...بشرى(بخجل):ترحب بيك الجنة اختي لهلا يخطيك ...زهور:زيدو دخلو دخلو مرحبا بيكم ولاهيلا درتوها زوينة ملي جيتو ...ريحانة:اوا مجيتوش نتوما جينا حنا ههه ..اسماء(دخلات عليهم):سلاام ...سلمات عليهم وجلسات حدا ختها وريحانة كضحك من قلبها وفرحانة بهاد القرابة معاهم..بقاو مجمعين وهضرة كتجبد هضرة ناضو البنات عمرو اتاي وحطو دكشي لي عندهم مبخلو عليهم بوالو بالعكس فرحو بيهم حتى من عبد الغفور لي جا لقا عليهم السلام ورحب بيهم بكل صدر رحب وطلعا لبيتو مخليهم على راحتهم ...ريحانة:اوا واقيلة تعرفتو على ولد عم بشرى(شافت فصفاء لي شافت فيها بزربة) ...زهور:ولد عمها!! ...ريحانة:هه اه هو صهيب الولد لي جا عندكم ...صفاء(شافت فمها لي مفهماتش):احم ماما السيد لي جا ديك النهار هو وبنتو ...زهور:اااااه واش لي جا يخطبك(شافت فبشرى)واش ولد عمك سبحان الله ...ريحانة:ربي ملي كيبغي يجمع ولاد الناس ...زهور:انا صراحة مشفتوش ولكن الحاج شكرو ...ريحانة:وتا انا هدشي علاش جيت عرفت بلي بغا يتزوج صفاء وهي قاتلو بلي سدات موضوع الزواج... ريحانة:وتا انا هدشي علاش جيت عرفت بلي بغا يتزوج صفاء وهي قاتلو بلي سدات موضوع الزواج ...زهور:ماشي لخاطرها اختي ريحانة راك عارفة كلشي ...ريحانة:وحيت عارفة كلشي عارفة بلي هي تستاهل تعطي لراسها فرصة مرة خرا ومغتلقاش حسن من صهيب ماشي كنشكرو حيت ولد لوسي ولكن فعلا ميتخيرش على خالد راجل وديال الزمان غيحطها فعينيه ويكون ليها راجل ...صفاء:خالتي انا ...ريحانة:بنتي كلنا كنمرو بتجارب حيت هادي هي الدنيا الا مجربتيش متعلميش وماشي كل تجربة هي فين نوقفو نحبسو حياتنا بالعكس دائما التجارب كيكونو نقطة البداية ...صفاء(بابتسامة):كلامك نفسو لي قال حتى هو ...ريحانة:حيت هدشي لي كاين علاش هو من بعد تجربتو الفاشلة فالزواج مقالش لا صافي منتزوجش ونربي بنتي راسي لا بالعكس هو عندو يقين انه مزال ملقى الانسان لي غيكمل معاها حياتو خدا رزقو وربي مكتبلو ديك البنية هايا معاه مها خلاتها لحمة ومعقلاتش عليها يمكن ربي دار الطريق باش نتي تعوضيها على الحنان لي تحرمات منو ...زهور:احياني معرت كيفاش كيفرطو فكبدتهم ...ريحانة:كلها وقلبو اختي زهور(شافت فصفاء)بنتي فكري مزيان ومتسرعيش ديري صلاة الاستخارة وربي غيديرلك لي فيها الخير ...زهور:ان شاء الله ...صفاء(تفكرات الحلمة):احم خالتي ريحانة شنو سميت اب صهيب ...ريحانة(باستغراب):يحيى علاش ...طرطقات فيها صفاء عينيها وبدات تترمش بزربة ...صفاء:ها لالا والو ...ريحانة:ان شاء الله تعرفي على خوتو حتى هوما كاينة فرح ونبيل ومراتو شيماء غتفاهمو مزيان ههه الله يرضي عليك ديري بوجهي وفكري فالموضوع ...صفاء(بابتسامة):ان شاء الله اخالتي يكون خير ...ريحانة:دكشي لي بغينا ...كملو معاهم العشية حتى دخل هيثم علمهم بلي جا معاه خالد وصهيب ناضو البنات لبسو حويجهم وغطاو روسهم ورجعو للصالة عاد دخلو الدراري قالو السلام ومشا صهيب باس راس زهور وريحانة وسلم على بشرى من وجها وهدشي لي خلا هيثم يصعر مخرج عينيه فيها وهي غير تتبلع فريقها ضار صهيب جيهتو شافو هكاك وفهم البلان واخا مقصد والو ومردش البال اصلا هو كابر برا وهدشي عندو عادي وهدشي عارفو هيثم ولكن محملش الموقف خنزر فيها وقلب وجهو وهي حاضياه حتى وقف خالد باش يمشيو توادعو وصهيب منزلش عينو على صفاء لي طول الجلسة وهي حادرة راسها كان باغي يهضر مع هيثم ولكن فضل يخليه من بعد وعارفو بلي غير زطم على راسو ومدارش شي فضيحة قدامهم خرجو وجلسات صفاء ساهية فقضية الاسم والحلمة..اما هيثم غير خرجو طلع لبيتو وسيفط ميساج لبشرى{توصلي للدار علميني}غير قرات الميساج وتزايد معاها الزايد غير وصلات للدار طلعات نيشان لبيتها سدات عليها وسيفطاتلو ميساج وديك الساعة صوناليها ...بشرى(بصوت منخفض):الو ...هيثم(بالغوات):من ايييييمتاااااا كتخليييييه يسلمممممم علييييييييييك هكاااااااك ...بشرى:احم هيثم هو ...هيثم(قاطعها):سوووووولتك ...بشرى:ملي كنا صغار راه مقصدهاش هوما مولفين هاكا معانا من الصغر ...هيثم(صعر بالمعقول):اهاااااه هي حتى خووووه هكاااااك ...بشرى:بففف هيثم كبرتي الموضوع ...هيثم:كبرررررت الموضوووووع ياااااك بالنسبة لييييك الموضوووووع تااافه لا الاااااالة دييييري فباااااالك بلييييي نتييييي دابااااا مراااااات الرااااااجل ماااااشيييي ديااااال راااااسك مع ان هدشيييييي مخااااصووووش اصلااااا يكووووون تعلميييييي غييييير من خوتااااااتي من صغرررررهم جااااامعييين راسهم وعااااارفين حدوووووودهم ...بشرى(قاطعاتو):بغيتي تقول انا ممربياش بحال خوتاتك ياك ايه اسيدي شكرا بزاااف ...هيثم(صعراتو):متحرفيييييش كلااااااامي ...بشرى:محرفتش بالعكس فهمتك مزيان تصبح على خير ...قطعات عليه وخلاتو صاعر قلبات عليه كلشي من بعد ما كان كيعاتبها ولا باغي يشرحليها كلامو ....هيثم(صونا عليها وقطعات):جااااااوبيييييي....... #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM