حياة جديدة الجزء السادس 🔥🔥🔥🔥 ( التتمة من بعد 160 لايك طاكيو صحابكم يقراو وجمجمو باش نرجعو لقمة 💪❤️) في نيتها غير تعطيه ياكل باش اشرب دوا ديالو بسمة من ناس لي عارفين بينهم او بين الله و تربية تربية حسنة مغاديش تنقص من شي حد باقات فلبيت غير بوحدها بقا فيها لحال من لكلام لي قال رسين باكت او دعات الله سبحانه بسمة:ياربي تعونو ياربي تعطية قوة باش اتقبل هادشي ياااربي توقف معاه ياااربي ترجع ليه صحيحتو دعات بسمة مع منير او قرارات انو مغاديش تخلا عليه وخا مغديش يبغي او خدتها عزيمة باش أوقع لي وقع متخلاش عليه بقات كلسا فلبيت مخرجاتش منو حتى دازو 4 ساعات لي خرجات لقات منير ناعس مشات جمعات دوك المعان لي كانو حداه او وجدات ليه ماكلا خرا باش منين افيق تعطيه ياكل وخا عارفة غادي يغوت عليها رجعات صايبات ليه صوبة و قطعات ليه التفاح و البنان و الفريز عصرات عليه اليمون و حطاتو في الصينية و دخلات عندو البيت لقاتو متكي و كي شوف في السقف و هي تمشي تجلس على السرير بلا ما دوي معاه و خدات المعلقة حركات السوبة و هو كي شوف فيها منير:قل** بسمة(خشات ليه المعلقة في فمو) منير(صدماتو صرطها و ولا دوا):مد*** بسمة(خشات ليه المعلقة في فمو) منير(صرطها):بس*** خشات ليه المعلقة في فمو من جديد في الاخير سكت و بدا كي شرب عادي من عندها و كي شوف فيها ساكتة و مكتشوفش فيه نهائيا حيت اصلا مقلقة من كلامو علاش قال ليها ديك الهضرة كلشي وقع ليه من الخير و هو كي جري عليها من الدار في خطرة علاش هي مشي مراتو واجب عليها توقف معاه حتى يوقف على رجليه منين كملات ليه الديسير حتى هو مسحات ليه فمو و جبدات ليه الدوا قرات شنو خاصو ياخد و مدات ليه شرب دواه و جمعات الدنيا و خرجات من عندو من البيت و سدات الباب و هو بقا كي شوف فيها مصدوم بقاو على هاذ الحال كتوكلو ومكيهدرهوش مع بعضهم حتا دازت 4 ايام ليوم الاحد مكاينة خدامة في دار عصام صديقو الوفي قرر انو يجي يزورو هو امراتو عصام(كي لبس جاكيت):ليوم غادي نمشي عند منير نشوفوه شيماء(شافت فيه):واش حتى انا نمشي معاك عصام:اه حتى نتي باش الا حتاج شي حاجة تقاديها ليه عارفك حاملة ولكن معندو حد في هذه الدنيا من غير الله و انا مبغيتش نخليه بوحدو شيماء(كتلبس جاكيت فوق الكيطمة):وخا ولكن ياك قلتي ليا بلي عندو حبيبتو عصام(تنهد):غير سكتي بلا متفكريني فهاديك دبا راه من نهار عرفات منير هو لور وبسبابها دار كسيدة و انه معيبقاش يمشي مبقات مشات عندو شيماء(بصدمة):مالها هذه حماقت عصام:هذه الشي لي كاين شيماء(كي عاونها عصام تلبس صباطها):اوا لي سمع الهضرة ديالكم اقول هادي معمرها تخليه عصام:صافي نساي يلاه سليت باش نمشيو شيماء:وخا الحبيب ديالي فدار عند منير او بسمة لي كل نهار تيبقا تغوت عليها ولكن هي مستسلماتش باقات معاه وجدات فطور كما عادة متنوع بسمة من ناس تعلمو خاص كلشي تقاد فدار هادشي علاش اي حاجة بغتها ولا تشهتها تطيبها فدار ليوم قدات فطور بلدي كلشي فيه صحي قدات مسمن وحرشة او حطات زيت الزيتون والزبدة بلدية الى اخره وجدات كلشي او هزاتو او مشات عندو وخا عارفة غادي غوت عليها ولكن ما مفاكاش حتى ياكل كما عادة ولفات تخلي ليه مكلة حتى اجيه جوع وياكل ولكن ليوم قرارات تفطر هي وياه جابت فطور اوكلسات بقا كيشوف فيها متسمعش هضرة وخا يعيا اهضركبات القهوة و صايبات الملوية فيها العسل و الزبدة و شافت فيه بسمة:يلاه ها فطور هاك تفطر منير(خنزر): اناااا بسمة:راه عرفت مابغيتش شافقة او زيد ازيد هاديك هضرة حفضتها قول شي حاجة جديدة هاك شد تاكل باش يكون عندك الجهد باش تغوت عليا من بعد منير بقا كيشوف فهاد انسانة ماكتستلمش خدا من عندها كي فطرو انضدت بسمة جمعات طبلة او عدلات غداء او جمعات دار هادشي كامل داز من تحت عينين منير حتى سمعو دقان فباب منير باقا كيشوف فبسمة او بسمة كذالك حينت منهار خرج منير من مشفى مجا عندو حد هادشي علاش ستغرب مشات بسمة حلات باب او لقات عصام او مراتو باقا كيشوف فيها بإبتسامة عصام:سلام ختي بسمة:وعليكم سلام عصام:كاين منير بسمة(شاف في شيماء و بتاسمات ليهم فرحانة بزااف):اه كاين تفضلو مرحبا بكم دخل عصام و شيماء عند منير لقاوه جالس على السداري لابس كيطمة جديدة و شعرو فازك بسمة عاوناتو في الدوش بلهلا يطيره ليه عصام:سلام اصحبي منير(شاف فيه):سلام عصام لباس عصام(سلم عليه): لباس حمد لله انت كيف بقتي منير:لباس هنتا تتشوف مبقيتش غادي نمشي على رجليا عصام:صافي اصحبي نسا لي بغا ربي وهو لي غادي يكون منير:ان شاء الله بقا كيشوف فلبنت لي معاه عصام يلاه رد بال بلي راه نسا معرفش على شيماء عصام:شيماء مراتي منير: متشرفين ختي شيماء حتى هي عندها حقها فزين بنت بسيطة بشرة سمراء عنين كحلين او حتى هي تدير فولار بحال بسمة شيماء:متشرفين اخويا دخلات بسمة هزا صنية حطتها او مشات تجيب مقبلات جبتهم و كترحب بيهم المهم عمرات الطبلة مخلات لشيماء و عصام ما يقولو حتى من منير عجبو الحال حيت بنت بدراعها جلسات معاهم و كبات ليهم و كتدوي مع شيماء مبتاسمة و عصام مصدوم بقا كيشوف فيها كفاش خدامة جلسات معهم فطبلة منير شافو فين تيشوف اهو اهضر معندو لاش يبقا مخبي الموضوع منير:بغيت نعرفكم بسمة مراتي عصام(شاف فيه بصدمة): مراتك شنو كتقول عصام كان مصدوم كيفاش تزوج بلا خبار شي حد لا و نهار لي سولو شكون هذي مجاوبهم خدامة كيفاش هذه الشي مفهم حتى زفتة عصام(بصدمة):مراتك منير(خدا القهوة و شرب منها): اه مراتي شيماء باقات غير تتشوف فبسمة لي حتى هي اخرا مفهمة والو عصام:على نتا امتى تزوجتي منير(قاطعو): صافي اعصام حتى من بعد انشرح ليك عصام:صافي واخا لي عجبك سكت و نيت مابغاش يحكر بقاو تهضرو بناتهم حتى من بسمة تفهمات مع شيماء او دخلات ليها خطرها بقاو موضوع اجبد موضوع حتى وصل وقت لغدا اصلا بسمة كانت مشرملة الدجاج و خابزة الخبز تاضت توجدو او مشات معها شيماء حتى بحكم بغات تعونها بقا غير منير او عصام فصالة عصام:دبا شرحلي اصحبي هاد زواج كدرتي ليه راه مبغاش ادخل ليا عقلي و نهار لي جينا عندك قلتي لينا خدامة كيفاش هذه الشي منير( عود عصام كلشي من نهار بزز عليه باه باش تزوج بسمة حتى يوم):هذه الشي لي كاين عصام: هادشي كامل امخبي عليا اصحبي مابلانش احسابلي بلي راني صاحبك نيت ساعة نتا غير ** قطعو منير: والله اصاحبي ملقت كندير نقولها ليكم انا درت غير خاطر واليد الله يرحمو او كنت غادي نطلقها حتى وقع لي وقع عصام: صافي نسا ماشي مشكل اسيدي ها انا عرفت دبا او حتى بسمة باينة عليها بنت ناس غير عطيها فرصة راه مغاديش تندم سكتو منين شافو لبنات داخلين حطو غدا لي وجدات بسمة كانت وجدات دجاج محمر مع لي صلاد او موناد كلشي على حقو وطريقو مخلات منير ميقول حمرات ليه وجهو قدام صاحبو اومرتو حداگة بسمة كل نهار كتبين عليها من نهار تزوج بيها منير هز عينيه في بسمة باقا ساهي فيها هاد ملاك لي عطاه الله مافيقو من سهوتو غير صوت شيماء تتشكر فبسمة و عصام مبتاسم ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM