الحياة الغامضة الجزء الأخير 🔥🔥🔥🔥🔥 ( دخلو جمجمو ورأيكم في القصة كيفما كان ) هزيت سلاحي بديت كنتيري فيهم ومرة مرة كانطيح شي واحد فيهم وحتا هوما قدرو يقتلو شحال من واحد من رجالنا شوية هو يبان ليا الواليد ضرب في ايدو بغيت نمشي عندو هو يدير ليا بيدو وقف بلاصتك بديت كنتسلت بين القبورة حتا تسلت لواحد القنت وقدرت نخرج من الروضة جيت من وراهم وتخبيت في واحد القنت وبديت كنتيري فيهم شوية حاصرناهم وبداو كيتراجعو دوك لي بقاو طلعو الطومبيل وهربو أنا مشيت كنجري عند الواليد بديت كنطمأن عليه ... الواليد بيخير خاص تمشي السبيطار الرئيس ( الواليد ) : أنا بيخير غير ضربة خفيفة خودو الجرحى السبيطار والموتى لمستودع الأموات _ دارو داكشي لي قال رجالنا جمعو الجرحى في الطومبيلات وتماو قاصدين السبيطار وركبت أنا والواليد طومبيلتو تبعناهم وخلينا بعض من رجالنا كيجمعو في الجثت غير وصلنا لقيت ملاك والأطباء كيتسناو دخلو الواليد لغرفة العمليات وأنا بقيت مريح مجمع مع ملاك ملاك : هاذشي غادي وكيتعقد إلى مصفيناهاش ليهم في أقرب وقت غادي يصفوها لينا كاملين - عندك الحق ولكن والله ماتبقا فيهم ... بقينا مريحين تما شي ساعة هو يخرج الطبيب : العملية دازت بيخير وعلى خير خاص غير يرتاح شوية ومن هنا 4 سوايع تقدر تشوفو _ واخا دكتور ...ملاك يله معايا ملاك : فين غادي نمشيو _ غير الدار نرتاحو شوية بيما قرب الوقت ... خرجنا من السبيطار وقصدنا الدار وصلنا لقيت الواليدة مريحة كتقرا واحد الكتاب الواليدة : ولدي على سلامتك - الله يسلمك الواليدة الواليدة : فين باك _ شفت فيها ماعرفت مانقول ليها توترت وانا نقول أه الواليد في الخدمة الواليدة :بيك شيحاجة اولدي واش باك واقعة ليه شيحاجة ومنين جاك هاذ الدم لي في التيشورت _ ناري على بلان ماديتهاش في الدم لي في تيشورت ... الواليدة ماكين مايتخبا الواليد في السبيطار مضروب في ايدو ولكن ماتخافي ماوالو ماعندو والو الواليدة : يله دييني بغيت نشوفو _ شوية نمشيو دابا مانعين الزيارة ماغديش يخليوك تشوفيه ... بقات متوترة وبقيت كنواسيها ونطمئن فيها حتى بردات ومشيت تكيت واحد ساعة دغيا دازت نضت خشيت في فمي وانا نقول الواليدة وملاك يله نمشيو دخلات الواليدة بدلات حوايجها وخرجنا قصدنا السبيطار دخلنا عندو الشومبر لقيناه فايق الرئيس : أمالك اصحبي قلتيها ليها _ اضطريت الواليد بقينا مجمعين شوية هو يقول لشيفور يدي الواليدة الدار وبقيت أنا وملاك وعيط على واحد الولد سميتو أكرم قائد فرقة التدخل السريع بدا كيعيطنا الواليد في الخطة الرئيس: الخطة غادي تبقا هي هي نتا وأكرم غادي تمشيو لجنوب افريقيا وملاك غادي تمشي لبلاصتي اليوم مع 21:00 غادي تحركو وجدو ريوسكم وكونو رجال نعول عليكم - كون هاني إن شاء الله يكون خير الواليد : يمكن ليكم تمشيو ... أمين خليك بغيتك ... أمين بغيت جاك حي نعول عليك ومنبغيش منك الزيادة دير داكشي لي غادي نوصيك بلا زيادة ولا نقصان كون راجل وخليني نفتاخر بيك أولدي _ كون هاني الواليد الرئيس : يمكن ليك تمشي حتا يقرب الوقت وسير المقر _ خرجت ومشيت بحالي للدار بقيت مريح مع الواليدة وولدي وانا متحمس لهاذ المهمة والوقت كيدوز ثقيل وصلات 7:30 حطات لينا الخدامة الكسكروط كليت ومشيت بدلت حوايجي وتميت خارج سلمت على الواليدة توادعت معاها وبست ولدي وخرجت قاصد المقر دخلت لقيت أكرم مريح كيقرا واحد الملف شافني ناض عطاني السلام ... شنو في داك الملف أكرم : معلومات على جاك وتصاورو بديت كنقرا في داك الملف شوية مشيت جبت قهوة ريحت كنشرب فيها بيما دخلات ملاك وهي لابسة حوايج المهمات ملاك : الوقت هاذا حنا غادي نمشيو بالتوفيق و رد البال لراسك _ حتا نتي ردي لبال راسك وفي حالة وقعات شيحاجة غير متوقعة حاولي تسلتي بأي طريقة مابغيتش نخسرك بحال باقي أصدقائنا ملاك : كون هاني متخافش عليا _ عنقاتني وخرجات وأنا دخلت البيرو كملت شريب القهوة بيما جا أكرم قال ليا نوجد راسي باش نمشيو ... بدلت حوايجي وهزيت الأسلحة لي غادي نحتاج وسينيت على شي وراق ومن بعد طلعنا في واحد الطائرة خاصة بتنقل الجنود ركبنا أنا و24 واحد من فرقة التدخل السريع شدينا الطريق ودرنا تقريبا 11 سوايع الطريق كانت طويلة قربنا البلاصة فين كاين المخبأ ديال جاك هو يقول ليك القبطان نوجدو ريوسنا باش نقزو لبسنا المحافظ ديال المظلات و تحل باب ديال الطائرة وبدينا كنقزو واحد بواحد نزلنا كاملين في واحد الغابة وبدينا قاصدين المكان المعلوم وكان عبارة عن واحد البناية مصممة على شكل حبس وكان صعيب الاختراق ديالها ولكن كنت دارس الخطة أنا والواليد بقيت واحد 200 ميترو ووقفنا أكرم : شاف شنو المعمول ديالها _ شوف القناصة غادي يتكلفو بالحراس لي في الأبراج وغادي تكلف الفرقة لي مختصة في تسلق الجدران ينقزو من وراء ديال البناية وحنا غادي نفجرو الباب وندخلو بدا أكرم كيفرق في رجالو وبقيت أنا وياه وشي وحدين كنتسناو حتا وصل الوقت المناسب ... أكرم دابا أكرم : بداو العملية _ عطا الاشارة لدراري بداو كيتيريو وحنا مشينا كنجريو جوايه الباب لحت واحد القنابل شرشمو داك الباب راب وتطلق الإنذار وهي تشبك بدينا كنتيريو فيهم وكنقتلو في الحراس وحتا هوما كيقتلو في رجالنا في لول جاتنا صعيبة ندخلو أكرم : وهاذ العوازة واعرين قتالة _ دابا نوريوهم شكون حنا بقينا معافرين معاهم و قدرت نحفر طريق بمعنى اني قدرت نتسلل داخل الفيلا دخلت أنا و أكرم و 2 من رجالنا بدينا كندورو فيها كبيرة بزاف خرج واحد خونا بدا كيتيري فيا وأنا نضربو ليدو طاح ليه السلاح وهو يمشي أكرم كيجري جمعو بنص بديت كنسول فيه فين جاك بلونغلي حيث هو گاوري نعت لينا في واحد البيت وانا نقتلو ومشيت كنجري لداك البيت الباب كان مسورت ضربت الباب برجلي كنتصدم بالغرفة خاوية أكرم : خونا تفلا علينا جاك ماكينش هنا _ لا كاين هنا الباب كانت مديورة ليه الساقطة من لداخل بديت كندور عيني في البيت تيريت في المرايا وراها غير الحيط وأنا نحل الماريو حيدت وجريت الحوايج ودفعت واحد اللوحة وهو يبان ليا وراها باب حليتو وانا نلقا نفق هبطنا معاه وبدينا كنجريو حتا وصلنا المخرج وهوما يبانو لينا واحد الجوج كيجريو بي حر جهدهم تبعناهم وبدينا كنتريو فيهم حتا هوما بقاو مبادلين معانا إطلاق النار واحد الوقت أكرم ضرب داك خونا لي مع جاك لراس قتلو وجاك كمل الجرا وتبعناه وقدرنا نحاصروه بديت كنقول ليه ينزل سلاحو وميخاف والو بدا كيتردد تيريت القرطاسة لولة في السما والتانية حدا رجليه ولاح سلاحو ومشيت كنجري مينطتو جاك : خليني نمشي ورجعك أغنى واحد لدرجة مايبقاش عندك فين تحط الفلوس _ فلوسك حرگها شوف باش غادي تنفعك دابا أكرم : شاف رجالنا قدرو ينظفو المنطقة _ قول ليهم يخويو المستودعات من الأسلحة والفلوس غادي نديوهم معانا وبالنسبة المخدرات يحرقوها ورجالنا لي ماتو يجيبوهم معاهم ... دارو داكشي لي قلت ليهم وركبنا طومبيلات ديالهم ومشينا لبلاصة لي غادي لقاو فيها القبطان وصلنا لمكان الطيارة جا عندي القبطان عطاني السلام وعلمني بيلا ملاك نجحات في المهمة سمعت هدرتو ضوبلات فرحتي اخيرا تهنينا من هاذو وقصة المافيا سلات .... طلعنا الطيارة وانا فرحان حيث نجحت في المهمة وما بقا فيا الحال حيث فقدت 9 ديال الشهداء الله يرحمهم بقيت كنفكر في لينا حتا داني النعاس واحد الوقت فقت على صوت القبطان كيقول لينا قربنا نوصلو تكسلت وبقيت مريح واحد نصف ساعة وحنا نزلو في المقر لقينا بعض من رجال المخبرات كيتسناونا مع نزلنا خداو جاك وديك الفلوس والأسلحة وجا عندي واحد عطاني تيليفون قال ليا دوي مع الرئيس الرئيس : مبروك عليك دابا أنا فخور بيك غير اجي للدار دابا وقول لأكرم ورجالو يمشيو يرتاحو دابا درت داكشي لي قال ليا علمت أكرم ومشيت لدار دخلت شافتني الواليدة عنقاتني والواليد حتا هو فرحان بيا سلمت على رجاء وبست ولدي ولي صدمني هو اني لقيت ختي تما وكانت حشمانة مني جريتها لعندي عنقتها تبارك الله علاه أنا عندي خت بهاذ الزين ... بدات كتبتاسم ومانطقات بحتى كلمة الرئيس : سير دوش و بدل حوايجك باش تعشا _ درت داكشي لي قال ليا وريحنا تجمعنا على العشا وبديت كنعاود ليهم شنو وقع الواليدة : تبارك الله ولدي خرج راجل كيشبه باه الرئيس : خارج مطور كثر مني وكنفتاخر بيه _ كنشكرك الواليد ساليت ماكلتي ونضت ... يله تصبحو على خير تال غدا بغيت نرتاح الواليد ايمتا غادي دير داكشي لي قلت ليك ... دار ليا بيدو شنو .... وداكشي اصحبي المكافئة الواليد : سير نعس مبقاش فيك النعاس و غدا 9:00 في المقر متافقين _ واخا السي راك ماغديش نتفاك معاك يله بسلامة مشيت بلاصتي ماعقلت على راسي حتا كنسمع الواليدة كدق فقت حليت ليها جات ريحات حدايا بدات كتلعب ليا في شعري وتا أنا تكيت عليها حسيت بحنان الأمومة لي كنت محروم منو عجبني الحال الواليدة : نوض اولدي تفطر باش متعطلش على خدمتك _ واخا الواليدة نضت كليت مكانش الواليد وبدلت حوايجي وهزيت سوارت الطومبيل قصدت المقر وصلت في الوقت المحدد مع دخلت جا عندي واحد سيكريتير قال ليا نمشي الساحة ديال المقر الرئيس غادي يقدم بعض الترقيات مشيت لقيت كاع رجال لي كانو في المهمة سوا ديال اسفي أو ديال جنوب افريقيا دايرين صفوفة مشيت مقادين وقفت في جنبهم شوية دخل الواليد ومعاه ضباط كبار هازين أوسمة بدا الواليد كيعطي في واحد الخطاب فرع لينا راسنا وباش نختاصر عليكم الهدرة قدم الترقية كاع لي كانو في المهمة من غيري أنا فاش جيت عندو بدا كيشوف فيا وكيخنزر الواليد : مالك كتشوف فيا هكذا ياكما بغيتي تولي الرئيس بلاصتي راك نائب _ تا لا بغيت غير لينا شنو دير معايا الواليد : كون هاني راني عند كلمتي راني عارض عليهم لغدا وغادي نهدرو في الموضوع ... ملاك امين تبعوني للتحقيق _ مشينا معاه دخل الواليد وملاك واحد الغرفة ديال التحقيق فيها جاك وحمد كريم بدا كيحقق معاهم الواليد وانا كنتصنتو ليهم من ورا جاج كريم : أنا كنعتارف بكلشي وكنعتارف انك حتا نتا شريك ديالنا نتا ماتقدرش تعتارف بهاذشي نتا بلاصتك حدانا وكون متأكد غادي تغرق معانا _ أنا مريح كنسمع في هدرتهم وعارف بيلا هدرة كريم صحيحة واحد الراس كيقول ليا خاص القانون يتطبق على كلشي وواحد الراس كيقول ليا هذاك باك واخيرا تجمعات العائلة علاش تخسرها وانا كنفكر سهيت حتا كنسمع صوت القرطاس كتبان ليا ملاك كتيري فيهم لراس قتلاتهم ب 4 بقيت غير كشنوف ومصدوم جاو رجال كيجريو هازين السلاح دخلت لغرفة التحقيق ... ملاك حطي سلاحك نزلو نتوما سلاحكم حتا واحد مايقرب ليها حطاتو وريحات فوق الكرسي علاش أملاك درتي هاذشي علاش ؟ ملاك : نتاقمت لراسي ولعائلتي من هاذ الوحوش شحال وأنا كنتسنا هاذ النهار كيفاش بغيتي مانديرش هاذشي وأنا شفتهم كيقتلو بابا قدام عيني وغتاصبو الواليدة وحتا أنا تغتاصبت من طرف الحيوان ديال الرئيس _ شنو كتقولي كيفاش عاودي ليا ملاك : حمد وباك وكريم كانو كيخطفو الولاد الصغار وكيقتلو واليدهم وكيجندوهم لمافيا وباك كان فينما كيبان ليه شي واحد مزيان كيديه المخبرات بلا مايعرفو شركاءو وبيما فيهم أنا وكان معدي عليا دوز عليا جميع انواع التعذيب من صغري وفاش كبرت شوية غتاصبني وفتض البكارة ديالي وكان ديما كيهدنني بالقتل ولي كان مصبرني هو الانتقام كيفاش بغيتي مانديرش هاذشي وهو دوز عليا هاذ العذاب كامل والى بغيتي تأكد من هاذشي لي قلت ليك سير لهاذ العنوان غادي تلقا فيه تسجيلات على كاع الأطفال لي تتخطاطفو _ سمعت كلامها وسيفطت واحد من رجالنا من بعد ساعة رجع بديت كنشوف تسجيلات شفتهم هدرتها كاملة بصح بقيت كنفكر فشنو ندير وأنا نقول لأكرم يكتب في التقرير أنا اثناء التحقيق خدا جاك سلاح من الرئيس وقتلو وملاك باش ضبط الأمور ضطارات باش تستعمل السلاح الوظيفي و تقتلهم ويسد القضية بقا كيشوف فيا ... دير داكشي لي قلت ليك وخود الجثت لمستودع الأموات ومانبغي حتا واحد يخرج هاذشي لي وقع هنا مفهوم ونتي من اليوم ماتبقا تجمعني بيك حتا علاقة حيث خبيتي عليا هاذشي تميت راجع للدار وأنا شداني الدوخة دخلت مع الجردة كتبان ليا لينا خرجت من الطومبيل جات عنقاتني وهي فرحانة لينا : أمين مالك ... مالك احبيبي شنو واقع ليك _ دابا تعرفي ألينا ... دخلت لداخل معرفت مانقول حدي سلمت عليهم . الواليدة : أمين حبيبي فين باك اولدي _ الواليد ماغديش يجي الواليدة الواليدة : علاش واش معطل في الخدمة _ لا مات الواليدة بابا مات هو وحمد ... سمعات الواليدة الهدرة وهي تسخف مشيت كنجري لعندها وجابت ليها الخدامة كاس ديال الما شربتو ليها ناضت بقات غير كتبمي وخالتي نرجس ولينا حتا هوما كيبكيو بديت كنحاول نواسي فيهم بقاو فيا مساكن وبقا فيا حتا راسي حيث شفت داك الفيلم قدام عيني نرجس : كيفاش حتا ماتو شنو وقع _ كان الواليد كيحقق معاهم كريم حيد السلاح للواليد وقتلو وبغاو يهربو وهوما يقتلوهم رجالنا مشيت عنقت لينا وبقات كتبكي عليا حتا تفشات وهكذا داز هاذ النهار كولو بكا الغد ليه جابو الجثت ديال الواليد وحمد وكريم في صنادق لفيلا من بعد ماغسلوهم وجاو العزاية كيعزيو فينا بيما فيهم ملاك بدات كتعزي فيهم واخا هي المسخوطة لي دايرة كلشي مكتحشمش حاضرة بحال لا ماكين والو من بعد ماشبعو العيلات بكا حدا الصنادق جا وقت دفين هزوهم في طومبيلات نقل الأموات وداوهم الروضة هوما وباقي رجال لي ماتو في المهمة مشيت معاهم حضرت لدفين وتميت خارج من الروضة وهي توقف عليا ملاك بغيت نتجاهلها وهي تجرني ملاك : ماديرش معايا هكذا أمين واخا باك كان خاصني ندير داكشي لي خاصو يدار حيث حتا هو بحالهم _ عارف ولكن ماعندكش الحق ديري هكاك كاين القانون حنا رآه كنمثلو القانون واش لا جينا نديرو هكذا شنو الفرق بينا وبينهم حيدي من طريقي حتارمتك على ود الصداقة ديالنا وحيث نتي اخر وحدة من صحابي مابغيتش نتاخد في حقك شي إجراء حيدي من طريقي مشيت وخليتها ورجعت بحالي للدار وهكذا دازت أسبوع من حياتي قدرو في دار يتناساو شوية موت الواليد وحمد وترقيت في خدمتي وليت أنا الرئيس ... وكيف العادة مريح في البيرو ديالي حتا كيجيني اتصال من المستشفى العسكري مشيت كنجري ... ايه تفكريكم صحيح حسام فاق من الغيبوبة دخلت لعندو شافني فرح عنقتو بديت مجمع معاه شوية دخلات ملاك فرح بيها وبدا كيسول فينا على أمينة وسميرة يله بغات دوي ملاك زربت وقلت ليه الرئيس سيفطهم في مهمة وغمزتها . بقينا مجمعين شوية وخرجنا وأنا نعلم ملاك ماتقول ليه والو وبقينا هكذا كنجيو عندو يوميا لمدة 4 يام وديما نفس السؤال حتا ضطريت نقول الصراحة وعاودت ليه كلشي سمع الهدرة بدا كيبكي عنقتو وعنقاتنا ملاك وبدينا كنبكيو ب 3 بينا بصراحة توحشتهم بقينا معاه شوية وخرجت أنا وملاك وهي توقف عليا ملاك :ماغديش تسمح ليا _ مسامحك أملاك جات عنقاتني وخرجنا من السبيطار وصلتها لدارها ومشيت قضيت واحد الغراض ورجعت لدار وقلت لواليدة وختي ولينا ونرجس يوجدو راسهم مع 8 نخرجو نبدلو الجو في الأول الواليدة رفضات بغات تبقا في دار بززت عليها حتا وافقات لينا : فين غادي نمشيو _ حتا يوصل الوقت وتعرفي بقيت متحمس غير ايمتا توصل 8 غير قرب لوقت تفركست و صونيت لملاك تجي حيث درت معاها جات هزات عائلتي في طومبيلتها وركبت أنا ولينا وختي في الطومبيل وقصدنا واحد الريسطو مع دخلة درت ل لينا بانضة على عينيها تخلاعات مي طمنءتها دخلنا لينا : واش نحيدها _ صبري باش متخسريش ليا المفاجئة ... صافي دابا حيديها مع حيدات البانضة من عينيها لقاتني محني على ركبتي وكنطلب منها الزواج بقات مصدومة وكتشوف داكشي وحتا أنا محلق على القضية كاري ريستو ماقدين زينة رومانسية على حقها وطريقها ... لينا غادي نباتو هنا رآه ضراتني ركبتي بدات كضحك لينا : موافقة اه موافقة _ نضت عنقتها وعائلتي والناس كيسفقو مشيت عنقتهم واحد واحد وريحنا تافقنا على موعد العرس لي غادي يكون من هنا شهر وتعشينا ورجعنا لفيلا وهكذا داز داك شهر ودرنا عراسية فاعلة تاركة ودابا رآه داز عام ونص على زواجي بلينا عايشين حياة مثالية مع عائلتنا وعندي منها بنت لي سميتها سارة وبالنسبة لحسام فرآه دابا ولا نائب ديالي في المخابرات و نسيبي في نفس الوقت تزوج الخوادرية وملاك سيليباطير رآها كادو لأحسن متابع يله تحية ليكم شكرا على المتابعة خوكم سكفكف . النهاية تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM