إنتقام عشاق الجزء 53 ماقبل الأخير 🔥🔥🔥🏃 ( التتمة من بعد 420 لايك طاكيو صحابكم يعاونوكم عليها ) تحركنا مع وصلنا لقينا القضية مرونة بالمخزن تمينا داخيلن أنا وياه وداكشي لي شفت قدامي فاش دخلت ضرني في خاطري . كيبانو ليا الجثت ديول الفرقة ديالنا مستفين في واحد القنت وكاملين كاتبين ليهم في جبهتهم L زعما ليدن والغرفة ديال الإحداثيات والمراقبة مفجرة . مشا الواليد جيهة الجثة ديال خويا سيف عنقو وبدا كيبكي عليه مشيت عندو حطيت إيدي على كتف الواليد . إنشاء الله غادي نتاقمو ليه وروحو ماغديش تمشي هبائا منثورا وبصراحة سيف الله يرحمو عاش راجل لأخر لحظة في حياتو موحال تلقا شيواحد بالشجاعة ولا التضحية ديالو باش يفضل يموت مع صحابو ولا يهرب تحية ليه الواليد : هاذشي علاش دربناهم النهار لول وسيف كانت عندو شخصية القائد المثالي . الجوكير أجي هنا الجوكير : أمر أسيدي الواليد : نقلو الجثت لرباط غادي ندفنوهم في مقبرة الشهداء وقول لمنير غير يبقاو في المقر غادي نمشيو عندهم الجوكير : واخا أسيدي .... صافي أسيدي علمتو . يوسف خويا البركة في راسك _ما مشا معاك باس على الأقل نتا مكنتيش هنا أما كون تا نتا ميت دابا الجوكير : تمنيت كون غير كنت معاهم ونموت مع صحابي لي كبرت معاهم واش عرفتي باش كنحس دابا كتشوف جثة 25 واحد دوزتي معاهم الحلوة والمرة صعيبة أخويا _ عارف أخويا ولكن غادي نتاقمو ليهم دوينا شوية بيما هزو الجثت وتماو غاديين بيهم نيشان الرباط وأنا والواليد والجوكير مشينا الفيلا لي فيها خويا وبنتي شفناهم وتسلمنا معاهم وهزينا معانا ريم وقصدنا الرباط مع وصلنا مشينا لواحد المقبرة ممعروفاش حيث كيدفنو فيها غير الناس ديول المخابرات فاش وصلنا لقينا الدنيا عامرة برجال المخابرات وناس ديال الدولة وحاطين الجثت ديال خويا ورجالو الله يرحمهم في الصنادق . جا منير عند الواليد سلم عليه وسلم عليا منير : مرحبا سيدي البركة في راسك من جيهة الدراري ديولنا الواليد : مامشا معاك باس امنير الواليد : حتا نمشيو المقر بغيت ندوي معاك في واحد الموضوع _ بقاو كيهدرو حتا جا واحد الفقيه مشينا تيممنا وصلينا عليهم ودفناهم من بعد ما قرينا عليهم شوية القرءان مشينا لطومبيلات و قصدنا المقر ديال المخابرات لي جا في واحد المبنا كبير في وسط المدينة دخلنا لبيرو ديال الواليد أنا والجوكير ومنير وبدينا كنهدرو والواليد كيشرح لمنير علاش تهاجم المقر ديالنا وشكون هاجمنا منير : دابا أسيدي شنو المطلوب مني الواليد : بغيتك تبحث ليا على الأماكن لي فيهم أسيل ولينا باش نمشيو نقدوهم وعرف ليا شنو العمل ديال الأب ديال لينا منير : واخا أسيدي في أقرب وقت دابا نيت نبدا الخدمة وشكرا ليك أسيدي على وضع ثيقتك فيا مرة أخرى الواليد : كنتمنا تكون تبدلتي ودرتي عقلك _ الواليد وبالنسبة لفرقة ليدن ماغديش نتاقمو منها شتك كعما قلتي شيحاجة الواليد : حاليا ماعندنا مانديرو أولدي _ فاش خرج تبعتو . بس بس منير بغيت نهدر معاك منير : مرحبا شنو خصك . فراسك طلعتي نيت كيما عاودو ليا عليك كعما ضنيت أنك غادي تكون نسخة طبق الأصل على الشخص لي مكنحملوش _ علاش واش ماكنتيش كتحمل خويا سيف منير : وشنو فيه مايتحمل هو سبابي حتا أنا مريح هنا عاميين احسن حاجة دارها هي فاش مات ورجعت لعمل ديالي _ ماكرهتش نشدو نقصمو على ود هاذ الهدرة ديالو ولكن محتاجو . الموهيم بغيتك تعرف ليا المكان ديال فرقة ليدن بغيت نتاقم منهم على هاذشي لي دار لهم منير : سمح ليا مكلف غير بالبحث على مكان ديال لينا وأسيل مابغيتش نتعاقب مرة أخرى _ زاد وخلاني بلاكة ومشيت عند الجوكير . الساط خاصنا نعرفو القاعدة ديال فرقة ليدن دويت مع منير ومبغاش يعاوني الجوكير : غادي نحاول نعرف ولكن ضروري خاصنا المساعدة حيث واخا نعرفو ضروري غادي يخص يكون معانا حيث الفرقة ديالو ماغديش تسمع الأوامر من شي حد من غيرو هو ولا باك _ زعما غادي يبغي يعاونا نتاقمو الجوكير : ماكنظنش حيث هو ماكيحملناش حيث ماكناش كنتصنتو ليه فاش كيبغي ينفد بينا شي عملية غير قانونية ولكن غادي نحاول معاه _ مشيت قصيت و دخلت لواحد الشومبر باش نعس حيث كانت ديك الساعة 21:00 ديال ليل شديت بلاصتي وبديت كنفكر في لينا وهاذشي لي وقع حتا داني النعاس الغد ليه فقت في الصباح فطرت ومشيت عند الواليد البيرو. مالك الواليد كتبان ليا ماشي هو هذاك الواليد : صعيب عليا هاذشي لي وقع ماشي ساهل تخسر المرا لي كتبغي اولدك في ظرف عام _ ماديرش في بالك الواليدة وخويا إنشاء الله غادي يكونو فرحانين عند ربي أنا معاك دابا أبابا عنقتو بيما دخل منير منير : سيدي حددنا بلاصة أسيل ولينا وقدرنا نعرفو شكون هو الأب ديال لينا . طلع هو اللواء هارون رئيس المخابرات العامة السرية وهو مؤسس فرقة ليدن السرية _ تاشنو كتقول باها سميتو إبراهيم ماشي هارون منير : غير إسم مستعار هاذاك دايرو باش حتا واحد مايتعرف عليه الواليد : 5 الدقايق في غرفة الندوات نتا وباقي الفرقة ديالك وجمع ليا كاع المعلومات الجوكير : واخا سيدي _ مشا وأنا بقيت في حيرة من أمري كيفاش داك السيد طلع رئيس مخابرات كعما باينة عليه بقيت كنفكر حتا قال ليا الواليد نوض دخلنا لواحد الغرفة كبيرة دايرة بحال شي لومفي ومريحين فيها فرقة منير وحتا هوما مخلطين دراري وبنات وهاذو كتار على الفرقة لاخرة العدد ديالهم 46 واحد ريحنا وبدا منير كيورينا في داتاشوب الأماكن ديولهم ( لينا في واحد الفيلا في الإسماعيلية وأسيل في مقر المخابرات في القاهرة ) من بعد ماعرفنا الأماكن ديولهم قال لينا الخطة كيفاش غادي ندخلو لمصر وعرفتو طريقة الدخول لمصر كيفاش غير سمعتها فشلت قبل مانمشي خاصنا نقزو من الطيارة الله أودي شنو قربنا لشي براشيت ومشكلة صافي من بعد ماشرح منير الخطة ناض الواليد بدا كيهدر معانا وفاجئني بواحد القرار الواليد : ليوم بليل غادي تمشيو لمهمة ديالكم و القائد ديال هاذ المهمة هو يوسف ونبغيكم تصنتو لأوامر ديالو ونتمنا ليكم النجاح ومانبغيش تخيبوني سالا كلامو خرج وتبعو منير وتبعتهم تا أنا منير : سيدي واش دابا يوسف غادي يعرف حسن مني الواليد : على الأقل ماغديش يكون متهور بحالك دابا متناقش معايا غير نفذ وصافي _ منير بغيت نهدر معاك . جا عندي وأنا نقول ليه قول ليا واش فرقة ليدن كاينة في داك المقر لي فيه أسيل منير : لا ماكنظنش _ ايوا سير بحث ليا دابا أنا هو القائد ديالك نفد الأوامر ديولي . قال ليا واخا ومشيت عند الواليد دخلت ريحت . الواليد بغيت نعرف مالك مبغيتيش تنتاقم لداري واش لهاذ الدرجة جاتك ساهلة موت 25 واحد بيما فيهم ولدك الواليد : ماشي لخاطري ولكن واش كتسحاب بيلا ساهلة جي وهجم على قاعدة ليدن مالك كيسحاب ليك غادي دخل لحمام راه من بين أصعب البلايص لي تقدر تشوف _ أنا غادي ندخل ليها وهانتا غادي تشوف بعينيك وغادي ندير ليهم مادارو فينا اوا عقل على هاذشي الواليد : مستعد تموت في سبيل الإنتقام _ اه مستعد الواليد غير عاوني الواليد : واخا يله أجي معايا وعيط على الجوكير ومنير _ دخلنا لواحد الغرفة وجبد واحد الكلي فيها المعلومات ديك القاعدة وعطانا الخطة وتاصل مع واحد خونا جاسوس معاهم يقدر يعاونا. كنظن بغيتو تعرفو الخطة الموهيم غادي نتقسمو على 3 الفرق لولة كتكون من 20 واحد غادي تمشي تجيب لينا والتانية حتا هي كتكون من 20 واحد تجيب أسيل والثالثة لي غادي نكون فيها أنا ومنير والجوكير وريم و 5 من فرقة منير غادي نهجمو على مقر ليدن وبقية الخطة غادي تعيشوها معانا . من بعد ماسلينا هدرتنا مشينا رتاحينا حتا وصل الليل ولبسنا حوايج المهمات سلمت على الواليد وقصدنا المطار العسكري وتاصلت بواحد السيد هو لي غادي يوجد لينا الطومبيلات في البلاصة لي غادي نزلو فيها من بعد ماهدرت معاه طلعنا في واحد الطيارة عسكرية ريحت حدا البيلوط وتمينا قاصدين مصر دزنا على ليبيا فاش قربنا لحدود لي بين مصر وليبيا دخلنا لحدود المصرية وبقينا غاديين تا قربنا لواحد المطار سميتو 6 أكتوبر وهو يقول ليا البيلوط البيلوط : وصلني إحداثيات من البرج وكيحذرونا باش نعرفو بالهوية ديالنا ولا يفجرو الطائرة _ كابتن شحال بقا بينا وبين البرج البيلوط 6 km أسيدي _ صافي غادي نهبطو هنا ورجع نتا حتا يوصلك ميساج مني يله فتح الباب . غير فتح الباب وبداو كينقزو الداري وتليت أنا ومنير لاخرين أنا بقيت واقف وكنترعد من الخلعة منير : نقز شنو كتسنا ياك علمناك كيفاش تحل الباراشيد قبل مانطلعو _ ماقدرتش خفت امنير رجليا واقف عليهم غير بزز منير : اجي نوريك واحد الطريقة ساهلة _ تا أنا ثقت فيه و قربت ليه وهو يدفعني حتا تقاسيت من الطيارة بديت كنغوت وكواك أعباد عاونوني . وأنا هابط ومخلوع كنقول صافي غادي نموت حيث كدور ليا في بالي ديك الفكرة ديال الباراشيد ماغديش تحل مارتاحيت شوية حتا تحلات ليا الباراشيد و فاش هبطت حسيت بروحي رجعات ليا هبط من ورايا منير بدا كيضحك منير : أودي أودي الراجل غير البراشيد وتخلعتي بقا غير فاش غادي ندخلو لقاعدة ليدن _ ماتسوقتش ليه وبدينا قاصدين لبلاصة لي دايرين فيه مع خونا تمشينا واحد 2 km تا وصلنا لبلاصة لي عندنا في الخريطة وتاصل بيه منير وجا عندنا هو وشي وحدين بالطومبيلات وتفرقنا كل فرقة مشات في طريق وحنا قصدنا بورسعيد تما فين كاينة قاعدة ليدن بقينا شادين الطريق لمدة 8 السوايع عاد وصلنا مع ديك 19:00 ديال العشية وبقينا في واحد القنت وتاصلت بالسيد لي غادي يعاونا وقلت ليه فين كاين أنا باش يجي عندنا وفي نفس الوقت قلت لمنير باش يعطي الأوامر لرجالو يبداو المهمة حيث كاملين وصلو لبلايص لي مسيفطينهم ليهم من بعد ما دوا معاهم بقينا كنتسناو في خونا حتا جا سميتو مهدي سلمت عليه وقلت ليه كيفاش يمكن ندخلو مهدي : ولكن أسيدي واش بغيتي تموتو واش متأكدين بيلا بي 7 بيكم غادي دخلو لقاعدة ليدن _ مالك حݣرتينا دابا غير قول لينا كيفاش غادي ندخلو مهدي : سيدي واش عارف شنو كتقول راه مستحيل تخرجو من تما عايشين وبهاذ العدد _ دابا مشغلكش واش غادي نعيشو ولا لا قول لينا كيفاش غادي ندخلو وتا نبغيو نخرجو ويحن الله مهدي : واخا الخطة كالتالي .... الموهيم مع 20:00 بداو عندكم ساعة يله بسلامة _ من بعد ما مشا بقينا كنتسناو . والوقت كيدوز تقيل الجوكير : زعما تنجح هاذ المهمة ولا غادي نموتو باطل ريم: لأول مرة نخاف من شي مهمة منير : ياك كاينة غير موت وحدة لي ليها ليها متخافو ما والو .بلاتي ها المسؤول على الفرقة 1 لي مشاو عند لينا كيصوني . ألو شنو درتو مسؤال على فرقة 1 : نجحنا أسيدي ولينا بين إيدينا حنا دابا قاصدين لبلاصة لي دايرين نتلقاو فيها منير : مزيان عرفتكم رجال ويتعول عليكم . يوسف مبروك عليك ها مراتك لينا بين إيدينا دابا _ مزيان أخويا فرحتيني الله يفرحك . يله نتحركو تا حنا الوقت هاذا . من بعد ماتحركنا من بلايصنا قربنا لمقر ليدن وبقا بينا وبينو 3km وتما لقيت واحد الكاميو خلاه لينا مهدي . بدل الجوكير حوايجو وطلع ليه وبدا كيتسنا . وحنا مراقبين بواحد المنضار غير خرجو واحد 2 طومبيلات ديال فرقة ليدن وقربو لجيهة الكميو درت ليه واحد الاشارة كسيرا الجوكير وخرج في وحدة فيهم حتا تقلبات هبطو واحد 4 من الطومبيل الثانية واحد تاصل بالاسعاف لي غادي تجي من قاعدة ليدن وواحد مشا خرج الجوكير من الكاميو ونعسو الارض وحنا بقينا مراقبين و كنتسناو الاسعاف تخرج من القاعدة . غير وصلو لمكان الحادتة ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM