💫💜 قصة_المحلل 💜💫 #الجزء 8 : 💥💕 قبل آذان الفجر بساعة ناضت صفاء دخلات للدوش توضات ولبسات عباءتها ومشات للمصلى فرشات سجادتها وبدات كتصلي ركعات قيام الليل بكل خشوع كملات وهزات يدها كتدعي ...صفاء:يا ربي فرحني وديرليا لي فيه الخير فهاد الخطوة لي غندير باركليا فيها يا ربي ووقف معايا...كملات دعاءها وناضت هزات القرآن وجلسات تتقرا ما تيسر منه حتى سمعات التقرقيب عرفات باها ومها ناضو سدات القرآن وحطاتو بلاصتو مشات للكوزينة لقات مها واقفة تتعمر اتاي حيت عبد الغفور كيبغي يشرب اتاي ملي يرجع من جامع بغات تهضر معاها فالموضوع وتاخد رأيها ولكن حشمات وحتى زهور دايخة بالنعاس واخا عبد الغفور قالها شنو كاين فليل...توضى وخرج لبس حويجو ومشا للجامع وصفاء مشات فيقات خوتها كالعادة صلاو الفجر واسماء وهيثم رجعو نعسو وصفاء جلسات مع مها فالكوزينة بينما جا باها ...زهور:الله يذكرنا بالشهادة باك عاودليا البارح على ولد فتيحة جارتنا ...صفاء:اه ...زهور:شنو قررتي ابنتي شنو بانلك ...صفاء:احم باش تنصحيني نتي ...زهور(بابتسامة):وانا منصحك غير بالخير ابنتي نتي كبيرة وبعقلك قادرة تعرفي مصلاحتك ...صفاء:يعني نتوكل على الله ...زهور:لي ريحاتك ديريها وانا وباك معاك فلي بغيتي ولكن لي نقدر نقولك ابنتي ان هادي سنة الحياة كل بنت رزقها عند الله ووقتو محدد امتى يكون..اليوم ربي سيفطلك ولد الناس نتي شوفي واش قادرة تزوجي وديري دارك ووليداتك واش هاد السيد باغا تكملي حياتك معاه ولالا كيف قال باك القرار لول ولخر ديالك ...عبد الغفور(دخل عليهم):فكري ابنتي على خاطرك هدشي مفيهش الزربة خودي وقتك(باس راسها) ...صفاء(بابتسامة كيعجبها فاش كيبوس راسها باست يدو وجلسات):ان شاء الله ا بابا نكب ليك اتاي ...زهور:هاوا خويتو ليه اري نتي نعمرلك كاسك ...صفاء:لا ا ماما انا غنمشي نعس حتى نفيق ونفطر نيت ...زهور:واخا ابنتي ...مشات صفاء وهي واخدة قرارها ولكن متزربش وتقولو لباها دابا...دخلات لبيتها وتخشات بلاصتها نيشان ونعسات بحكم انها مشبعاتش نعاس فليل////بعد ساعات ناضت على صوت ختها تتفيقها دخلات غسلات وجها وخرجات لقاتهم كيفطرو من غير هيثم لي مكاينش ...زهور:اوا رمضان مبقالو والو الالياتي ...اسماء:ناري اماما متقوليش بغيتي تخملي عاوتاني ...زهور:الا بغيتي ...صفاء:ههه ان شاء الله ا ماما هي نصاوبو الشباكية والسفوف ...زهور:دكشي حلو ساهل ...اسماء:انا راه مبقا ليا والو للامتحانات ...عبد الغفور:ابنتي الله ايسرليك امورك ...زهور:قتلتيني بهاد الامتحانات ...اسماء:كون تشوفي انا(سمعات الدقان ووقفات)بابا واش نشوف شكون ...عبد الغفور:لا غير جلسي انا نشوف ...خلاهم وناض للباب حلو ....حميد:السلام وعليكم....... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM