اففف اش هاد الملل واش حنا ديما غنبقاو هاكا ....:الصبر معندنا منديرو لا خدمة لا قراية لا خدمة كون غير جا شي واحد خطبني والله منزيد معاكم دقيقة .....:هههه باز عاد ديك النهار جا الولد مسكين بغاك وقلتي لا انا بغيت غير نفهم كيفاش زعم وجا دق فالدار الحمد لله مكان حد ....صفاء:دكشي لي كنشوف تا انا تصوري كون شافو بابا ا اسماء هدشي غير شادين تيقارنا وممضسرين علينا حد ....اسماء:عادي نتي عارفة بابا فهاد الموضوع مستحيل يبزز علينا شي واحد وخصوصا نتي مستحيل يزوجك بزز .....صفاء(تكات على كرشها يديها على حناكها وتتلعب برجليها):اودي حياتنا ضايعة كون غير خلاني نخرج نخدم شنو غيوقع ....اسماء(تكات حداها):نشوفو تا نعياو اختي ونقولو الحمد لله على اي حال ممخصوصين من والو ....صفاء(بتنهيدة):الحمد لله ولكن .....زهور(حلات عليهم الباب):البنات نوضو تعشاو .....صفاء:انا مبغيتش .....اسماء:تا انا ا ماما ....زهور:الله يرضي على بنياتي نوضو ديرو ليا خاطري راه باكم الا مشافكمش فالطبلة غيبدا يسول .....صفاء:عادي قوليليه مفيناش جوع ....اسماء:صافي اختي غير نوضي بلا منشغلوه علينا بابا يلا مشافناش مدوزش ليه(ضارت عند مها)ماما واش جا هيثم ؟ ....هيثم(طل عليهم معنق مو من كتافها):شكون سول عليا ....اسماء(مشات تتجري عندو):خويا حبيبي كتخوي علينا الدار كتخلي لينا القنط .....هيثم(عنكش ليها شعرها):هي نجلس حداكم فالدار منخدمش ....صفاء(وقفات حداهم):خويا متشوفليش شي خدمة معاك فديك الشركة ياك ديال صاحبك هضرل ....زهور(قاطعاتها):واش نتي حماقيتي ولا شنو عارفة باك يخليك تخرجي تخدمي ....صفاء(بالزعاف):ومال الخدمة عيب ا ماما والله تا حشومة عليكم كلشي لالالا ....هيثم(جرها عندو عنقها):صافي نتيا سدي عليا هاد الموضوع ماشي كل نهار نبداو نعاودوه واش خاصاك شي حاجة باش تخرجي تخدمي ....صفاء(علات فيه راسها وعنيها مدمعين):اه ناقصني نحس براسي حية وعندي وجود فهاد الحياة ماشي منبوذة .....هيثم(بتنهيدة باس على راسها معندو جهد ليها):دابا يفرجها الله اختي الحبيبة شنو بانليكم غدا نخرجكم شوية تساراو وتشريو شنو بغيتو .....اسماء(بفرحة):اواااااه حلف حلف عرفتي منيمتا مخرجتينا ....هيثم:اوا غدا كونو واجدين نجي ونخرجو(شاف فصفاء)تفاهمنا ....صفاء(حنيكاتها مزنكين وعنيها حومر):ان شاء الله .....زهور:اوا تا تقولوها لباكم دابا تحركو تعشاو قبل ميتعصب علينا ....سبقاتهم وتبعوها هيثم ضام خوتاتو تحت دراعو وتيضحك معاهم دخلو للبيت لقاو باهم جالس شاد التسبيح وكيستغفر هز راسو فيهم وبدا كيبتاسم ومد يديه ....عبد الغفور:على سلامة بنياتي واش ملي نجي ونتوما مخشيين فداك البيت متخرجوش تشوفو باكم زعما ....صفاء(مشات باستلو يديو و اسماء حتى هي):لا ا بابا غير مسمعناكش وصافي ....عبد الغفور:مكاين باس ابنتي(شاف فهيثم)اوا اولدي كيغادي مع الخدمة ....هيثم:الحمد لله ا الواليد اه قبل منسا غدا راه انخرج معايا البنات يتساراو شوية ..... عبد الغفور(شاف فيهم ورجع شاف فيه):اولدي لاش بغيتي تخرجهم اش عندهم ميديرو فالزنقة خليهم غير هنا ....هيثم:الله اهديك الواليد راهم معايا زعما ولا خايف عليهم وهوما معايا ....عبد الغفور(بتنهيدة):واخا اولدي غير متعطلوش الله ارضي عليك بلا منتشوش عليكم يلاه بداو بسم الله.....
ملاحظة: في حال لم تتمكنوا من العثور على أحد أجزاء القصة، فقد يكون فيسبوك قد قام بحذفه.
ليست هناك تعليقات:
إرسال تعليق