💫💜 قصة_المحلل 💜💫 #الجزء 9 : 💥💕 حميد:السلام عليكم ...عبد الغفور(بابتسامة):و عليكم اسلام اولدي لباس عليك ...حميد:الحمد لله الحاج بارك الله فيك سمحليا جيت عندك فهاد الوقت للدار مديرهاش مني قلة الصواب ...عبد الغفور:ماشي مشكل اولدي زيد دخل(سد الباب وسبقو للبيت لي قريب للباب)تفضل جلس ...حميد:يزيد فضلك الحاج غنعاود نعتادر منك حيت جيتك فهاد الوقت ولكن كيف كتعرف خير البر عاجله ...عبد الغفور:ايه اولدي مقلتي عيب ولكن كيف قتلك الشوار شوار البنت انا معليا غير نبارك ليكم وندعي معاكم ...حميد:احم ودكشي لي بغيت حتى انا مكرهتش ناخد الجواب باش نجيب الواليدة وختي ونديرو اللازم وكيف قتليك بنتك ميخصها معايا حتى خير ...عبد الغفور(بقا كيشوف فيه ووقف):تسناني هانا نرجع ...حميد:واخا خود راحتك ....خرج الحاج من البيت مشا للكوزينة لقاهم باقين جالسين جلس مقابل مع صفاء لي حانية راسها ...عبد الغفور:بنتي السيد جا بغا ياخد جوابنا واش فكرتي ...صفاء(دارت اشارة براسها):الصمت ...عبد الغفور:واخا شنو قررتي عطيني جوابك لخر وديري فبالك ابنتي اي قرار خديتيه انا معاك فيه تا حاجة مبزز ...صفاء:احم انا موافقة ا بابا ...عبد الغفور:شوفي فيا وقوليها ...صفاء(هزات راسها فيه ووجها حمر شافت فمها لي مبتاسمة ورجعات شافت فيه):موافقة ...عبد الغفور(بابتسامة وقف وقرب باس راسها):الله اكمل عليك بالخير ابنتي ويرزقك الذرية الصالحة والسعادة مع راجلك ...خرج مبتاسم وناضت مها وختها كيباركو ليها وفرحانين بيها ...زهور:و اخيرا غنشوفك عروسة ابنتي وبدارك وراجلك والله اطول فعمري حتى نشوف وليداتك ...صفاء(عنقاتها):ان شاء الله ا ماما الله يخليك ليا ...اسماء:اممم و اخيرا غيبقى البيت ليا بوحدي ...صفاء:يااك كنت متقلة عليك ...اسماء:ههه غير كنضحك معاك(رجعات عنقاتها)غتخلي بلاصتك كبيرة اختي بزااف زهور:تا نتي جاية نوبتك غير صبري وتخليوني انا وباكم هنا بوحدنا ...صفاء:وفين خليتي هيثم هه ...زهور:تا هو ابنتي غيجي نهار يلقى بنت الناس ويدير دارو ...اسماء:نتي عارفة هيثم ا ماما مستحيل يخليكم بوحدكم غيتزوج ويجيب مرتو لهنا ...زهور:اوا الله يسهل عليه وعليكم ...صفاء/اسماء:اميييين ...عبد الغفور(دخل عندهم):وجدو راسكم نهار الخميس غيجي الولد ويجيب مو وختو باش يخطبو ...زهور:غنديرو شي حاجة الحاج ولا شنو ...عبد الغفور:تا يجيو الناس ونشوفو المهم انا خرجت الله اعاونكم ...اسماء(ضارت عند مها):ماما واش غديرو العرس ...زهور:مكرهتش ابنتي ولكن باك ميبغيش انا قصدت واش نديرو شي ليلة بالطلبة ونعرضو فيها على العائلة ولا غير تعقد ختك وتمشي لدارها(شافت فيها)شنو بانلك ابنتي ...صفاء:معرفتش كيف قال بابا خلي حتى يجيو ونشوفو انا فكلتا الحالتين معنديش مشكل راك عارفة شوف غير مو شنو غتقول ...زهور:تا هوما ابنتي ناس ديانيين معزيزش عليهم قوة الهرج غالبا غتعقدي وتمشي لدارك ...صفاء(بتنهيدة):شوف ربي شنو مكتب ا ماما..... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM