💫💜 قصة_المحلل 💜💫 #الجزء 75 : 💥💕 فاتت 40 يوم ودار العزو خوات كلتوم كانت جالسة مع ختها وبناتها فهاد الفترة مشات وحتى صفاء لي جلسات فدارهم هاد المدة كاملة مع مها وختها كان صهيب كل نهار كيجي عندهم يبقى معاهم حتى يبغي ينعس ويمشي واخا كانت كطلب منو زهور يبقى ولكن كتجيه حشومة واخا هو مكرهش يبقى حدا مرتو وبنتو ولكن مقدرش..اما ريحانة مقسراتش تا هي من جهدها كانت كتجي وتبقى معاهم وطيب ليهم حيت حسات بيهم فعلا عائلتها مبيناتهمش الحسابات ولا داك التخربيق حتى شحال من مرة باتت عندهم..وهدشي خلاها تكبر فعينيهم خصوصا هيثم لي حشم منها تا هو باقة تا مفرحات ببنتها ولكن كلشي ديال الله #الحمد_لله...اليوم كالعادة ضايرين بالطبلة كيفطرو واخا كلشي كيبزز على راسو ولكن الا بغا بنادم يعيش ضروري ميتخطى...سمعو السونيط مشا هيثم حل الباب ودخل هو وصهيب وخالد سلمو عليهم وزادو للطبلة ريم غير شافت باباها طارت لعندو هزها كيبوسها وعينيه على صفاء لي ساهية..وقف عيطلها وسبقها لبرا تا تبعاتو قبطها من يدها وطلعو لفوق دخلو لبيت وسد الباب جلس حداها معنقها ومجلس ريم فوق ركبتو ...صفاء(حطات راسها على صدرو):عارفة بلي عييتي سم ...صهيب(عقد غوباشتو):تكمليها نخسر معاك اش هاد الهضرة ...صفاء(تقابلات معاه):عادي عارفة بلي ماشي بزاف باش تزوجنا خليتك و ...صهيب:وشنو كنتي باغة تخلي ماماك وختك بوحدهم؟عارفك كتحسي براسك عندك مسؤولية حيت مزوجة وعندك دارك ووو ولكن عائلتك هوما لولين وانا معاك حيت عائلتي حتى انا وعارف علاقتك بيهم كيف دايرة وانا ماشي اناني لي غنتقلق منك ونحاسبك حيت شحال ونتي برا دارك وحتى يلا باغا تزيدي تبقاي معنديش مانع ...صفاء(بصوت هادىء):لا اليوم فليل ان شاء الله غنمشيو شفتي الدار خوات مبقى كيجي حد ماما الحمد لله هايا مزيانة ومعاها اسماء هيثم وبشرى حتى هي يعني ماشي بوحدها ...صهيب:لي ريحاتك انا معاك ووقتما بغيتي تجي نجيبك ...صفاء:ان شاء الله ...رجهات راسها على صدرو وهو عنقها..بقاو ساكتين حتى نوضها هبطو عندهم جلسو مجموعين وكيهضرو وهي غير ساهية بدون شعور عينيها كتمشي لبلاصة باها لي تا واحد مكيجلس فيها بلاصتو بقات واخا هو مكاينش بقات ليه قلبها كيتزير عليها ملي كتشوفو غايب على لمتهم..كل مرة كتخرج تنهيدة طويلة من قلبها كتخلي صهيب قلبو يتعصر من جيهتها ولكن واخا داك الحزن ونظرة الانكسار لي كيشوف فيها الا انه عارفها غتجاوز هاد المرحلة وتعايش معاها لانها سنة الحياة وكلنا عابرون فهاد الدنيا...ولي استغرب ليه نهار جا وعرف بخبر موتو كيفاش كانو ساكتين كيبكيو بلا غوات متحكمين فروسهم واخا اسماء غوتات وبكات ولكن كنبقى صغيرة ويمكن هي الاقرب لباها ولا هي اكتر وحدة معاشتش معاه فترة طويلة...بقا حاضيها حتى ناضو الدراري باش يمشيو لخدمتهم وناض معاهم وصلات معاه للباب عطاها ريم وباسها ...صفاء:غترجع للغدا ...صهيب:بغيتيني نرجع؟ ...صفاء(شافت فيه وشبه ابتسامة على فمها):اه ...صهيب(باس راسها):تهلاي فراسك واخا ...دارتلو اشارة براسها ومشا وريم كديرلو بسلامة وضحك..سدات الباب ودخلات جلسات معاهم ومجلسة ريم قدامها لي كدير يديها على عويناتها وتحيدهم وصفاء دايرالها الخاطر حتى حسات بمعدتها تقلبات حطاتها فالارض بزربة ومشات كتجري دخلات للحمام كلشي ناض تبعها وهي تترد تا كملات على خاطرها غسلات وحلات الباب لقاتهم كلهم واقفين مخلوعين ...زهور:شواقع مالكي ...صفاء:مماليش ا ماما!!نتوما لي مالكم ...ريحانة:وا بنتي خلعتينا بديك النوضة لي درتي قلنا غير منعرف شنو وقع ...قمر:اجي نتي راك من البارح مدقتي النعمة غير المياهات ...صفاء:اه دكشي علاش يمكن ضراتني المعدة تا فاش جيت نرد حاشاكم مرديت والو غير كنتعصر ...جراتها زهور معاها للبيت وجلساتها تفطر وحتى هي حسات براسها فيها جوع بزااف بدات كتاكل وريحانة حاضياها...... #يتبع.......♥️💫 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM