💫💜 قصة_المحلل 💜💫 #الجزء 74 : 💥💕 الدار عمرات والخبر انتشر فالحومة تكلفو الدراري وجابو دارو الخزانة برا سبحان الله البارح كان عرس و اليوم جنازة..ولكن كاع لي عرفوه كيفاش مات كيقول سعداتو الله اعطينا موتة مستورة...الدار عمرات بالعزاية و كاع جارات دخلو عند زهور يعاونوها اما الفوق البنات جالسين مع صفاء واسماء لي ملي طلعوها وهي متكية بلاصتها مقداتش تحرك غير تتبكي وصفاء جالسة فالقنت معنقة ريم عندها ودموعها دايزين ...قمر:صفاء بكي فشي قلبك مديريش هاكا ...صفاء(دارت اشارة براسها ونطقات بصوت مبحوح):لا بابا كان كيقولنا ممزيانش نبكيو على الميت حيت غير غنعدبوه ...فرح(بأسف):الله ارحمو يا ربي كان ضريف بزاااف ...شيماء(جالسة حدا اسماء):اميين ربي بغاه حيت راجل مزيان ...بقاو كيهضرو حتى دخلات عليهم بشرى والصدمة باينة عليها بلا دموعها مشات عنقات صفاء ومشات عند اسماء وبداو يبكيو ...قمر:بشرى عاد جيتو ...بشرى(كتمسح دموعها):اه كيف عيطلنا صهيب صباح شدينا الطريق هيثم حالتو حالة ...صفاء تفكراتو وناضت خرجات من البيت تاهوما خلاوها على خاطرها تمات هابطة لتحت وهي تتسمع القرآن والهضرة كتيرة وصلات للمصلى بانوليها عاطيين بالضهر دخلات وسطهم مواعياش حتى بانلها هيثم محني على باه وكيبوس فراسو ...صهيب(شدها من كتافها):صفاء ...هيثم هز راسو بزربة شاف فيها وناض عندها عنقها مزير عليها اول مرة تشوف خوها كيبكي..زيرات عليه وهي تتردد كلمة #مشا كلهم بقاو فيهم وتأثرو بموتو انسان مخلي بصمتو فهاد الدنيا كلشي كيقولها فيه زوينة ومكانوش متوقعين ليه خاتمة حسن من هادي لان الكل عارف علاقتو بالله وبدينو لي زرعو فولادو وفعدد كبير من الدراري فالحومة لي تلفتو لصلاتهم على يديه وبعدو على البلية على يديه عمرو بخل عليهم بنصائحو لي حتاجو كيلقاه...طلع هيثم ختو الفوق ونفس الشيء فاش شافتو اسماء تلاحت عليه وهو ضامهم بجوج عندو حتى دخلات عليهم زهور لي كانت لابسة الابيض وهادي النقطة في جابتلهم التمام خلاوهم البنات تم وخرجو ...زهور(معنقة ولادها عندها):متبكيوش ترحمو عليه ومتبكيوش راه ميبغيش دعيو ليه بالرحمة الله يرضي عليكم ....بقا كيتسمع غير صوت البكا بيناتهم تا حد مهضر اصلا فين هو جهد باش يهضرو...دخلات ريحانة عندهم بعد ما دقات وطلبات من زهور باش تخرج عند الناس لي جاو يعزيوها ودكشي لي كان خرجات هي وهيثم هبط لتحت عند الرجال وخرجات هي عند العيالات كل مرة كتجي تسلم عليها وحدة وهي مكتشوف كاع شكون ولا معامن كتهضر ...فتيحة:الله يرحمو ا زهور والله يصبركم ...زهور(طلعات فيها راسها):اميين ...فتيحة(مسحات دموعها):مطلبت منو تا السماحة الله يسمحليا منو ...زهور:عمرو حقد على شي حد مسامح كلشي ...عاودات سلمات عليها فتيحة ومشات جلسات حدا العيالات كتشوف فيها كيفاش محكمة فراسها ومكتغوتش وتعدد بصح الانسان يكون مؤمن وواعي بمشيئة الله ماشي هي انسان جاهل ...وصل الليل الناس تعشاو تم وبقاو معاهم حتى طلع النهار وجابو سيارة نقل الاموات لي غتديه باش يدفنوه وقفو البنات فالدروج وهما كيشوفوهم مخرجينو مكفن مدرق من راسو تا لرجلو هادي خاتمتنا كلنا واش درنا شي حاجة لي نقابلو بيها الله؟واش غاديين وحنا واجدين ولا غير كنقولو وقتما جات الموت مرحبا بيها...الانسان كيخلاق ضعيف وكيقوا فالحياة ولكن كيمشي منها وهو ضعيف مرة خرا ملوي فتوب بيض كفن...تعالا صوت التوحيد كلشي كيردد لا اله الا الله و اسماء مقدارتش تصبر بدات تبكي بصوت عالي وتغوت وصفاء حداها غير تتشوف بعينيها متبعاهم مخرجينو مع الباب حتى طاحت على طولتها والحمد لله كانت واقفة حدا البنات دغيا شدوها..صهيب كان خارج معاهم سمع الغوات ضار بزربة شافها طايحة ورجع كيجري هزها من وسطهم وطلعها لفوق لبيتها كيضرب فوجها ويحاول يفيقها ولكن والو مغيبة ...ريحانة:ولدي غير سير نتا معاهم للدفين دابا تفيق ...صهيب(بخوف):شفتها مكتحركش ...فرح(رشات ريحة فيديها ودارتها علة نيفها):هايا بدات تتحرك ...بقا حاضيها حتى بدات كترمش عينيها ولكن محلاتهمش دموعها هابطين معاها قطعولو قلبو معرف ميدير تا حاجة مغتهون عليها حرقتها خصوصا انه عارف علاقتهم كيف كانت..قرب باس راسها وناض خارج وكيتلفت حتى هبط لتحت لقاهم كيتسناوه ركب فطموبيلتو وتحركو للمقبرة........ #يتبع.......♥️💫 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM