💫💜 قصة_المحلل 💜💫 #الجزء 78 : 💥💕 الطبيبة(بابتسامة):السبب الرئيسي هو البيبي لي غيشرفكم من هنا ل 8 شهور ان شاء الله ...بقات كتشوف فيهم مبتاسمة وهي تتشوف علامات الاستغراب على وجهم ويمكن الصدمة ...صهيب:بيبي!! ...شاف فصفاء لقاها كتشوف فالطبيبة ومكترمش قرب لعندها بكرسيه وشد يديها باسهم عاد وعات على راسها وشافت فيه عينيها مدمعين ...صفاء:انا حاملة؟! ...صهيب(بفرحة):اه احبيبتي(حط يدو على كرشها)ولدنا بجوج ههه ...شافت فيديه لي على كرشها وطاحو دموعها تتبكي بصوت مسموع حتى خلعاتهم الطبيبة مفاهمة والو وصهيب تخلع من ردة الفعل ديالها..وقفها عنقها وهمس فودنها ...صهيب:علاش تتبكي واش مباغاهش(دارتلو اشارة براسها بلا)وشنو؟!!! ...صفاء(بعدات عليه تتمسح دموعها):بابا كان باغي يشوف ولادي اهىء اهىء ...رجع ضمها لعندو بلا ميهضر كيحاول يسكتها شاف فالطبيبة دارلها اشارة فهماتو خرجات خلاتهم بوحدهم..بقا معاها شوية مخليها تبكي على خاطرها حتى بعدها عليه جلسها وجلس قبالتها ...صهيب:شكون قالك باباك مغيشوفهمش دابا ...صفاء:مغتفهمنيش اهىء ...صهيب:والله احبيبة حتى فاهمك ولطن كلشي بيد الله هو لي كيعطي وهو لي كياخد ماشي انا لي غنقولك هاد الهضرة نتي عارفة هدشي مزيان ونتي حسن مني فهاد الامور نتي لي ديما كتنصحيني وترشديني ونهار على نهار كتخليني نزيد نتقرب من الله ونحمدو ونشكرو فجميع الاحوال ولالا ...صفاء:الحمد لله اللهم لا اعتراض اهىء اهىء ...صهيب:وا صافي شوية غنتيق بلي مباغاش عبد الغفور صغيور ...صفاء(شافت فيه بزربة وحدرات عينيها حاطة يديها على كرشها):الصمت ...بقا كيشوف فيها ومستغرب شيئا ما من ردة فعلها ناض عيط للطبيبة دخلات عندهم عطاتها ورقة كاتبة فيها مجموعة من الفيتامينات ودارت معاها باش ترجع عندها مرة خرا باركات ليهم وودعاتهم وغير صهيب لي كيجاوب قبط صفاء من يدها وهبطو ركبها وطلع ديمارا الطموبيل ومرة مرة كيشوف فيها كيلقاها ساهية...وصل لواحد الكافي جنب البحر نزل حليها الباب شافت فيه وشافت فجنابها عاد هبطات دخلو شدو طابلتهم جا السرباي دوموندا صهيب الفطور عمر ليها الطبلة بكاع دكشي لي كيعجبها وهي مزال غير ساهية وساكتة حتى ضارت شافت فيه ...صفاء:كنت محتاجة لهاد البلاصة ...صهيب(قبط يدها):ممكن تهضري ا صفاء حيت ردة الفعل ديالك معجباتنيش واش معجبكش الحال حيت غيتزاد عندنا وليد ولا بنيتة ...صفاء:اش كتقول ...صهيب:هدشي لي بانليا حيت مشفتش نهائيا فرحتك بهاد الخبر ...صفاء(بابتسامة):ماشي بالضرورة تبان فرحتنا حيت ممكن تكون فالقلب ولكن نتا فرحان بحالا اول مرة غتولي اب ههه ...صهيب:لا ماشي اول مرة ولكن فرحتي بولدي ولا بنتي منك نتي فرحة خاصة اما ريم ديما فرحان بيها حيت بنتي لولة وفرحتي لولة على يدها تعلمت نكون اب وانسان مسؤول ...صفاء:حتى انا ريم بنتي لولة متنساش هدشي معاها اختبرت مشاعر الامومة وحتى انا حسيت بنسؤولية من جيهتها ...صهيب:عارف ومنساش خوفك عليها نهار مرضات وكيفاش سهرتي حدا راسها ونتي اصلا خاص لي يكون معاك ...صفاء(بتنهيدة):كلشي كيفوت(طبطبات على يدو)متقولش مفرحاناش بالعكس فرحانة بزاااف بولدي ...صهيب:هه اممم علاش ماشي بنتك ...صفاء(بابتسامة):لا متأكدة ولد وسميتو يحيى ...صهيب(باستغراب):يحيى!!؟......... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM