💫💜 قصة_المحلل 💜💫 #الجزء 69 : 💥💕 داز العرس فأجواء زوينة وكلها فرح خصوصا البنات لي عجبهم الحال بزاف اول حاجة فرحانين لخوهم وثاني حاجة انهم اول مرة يحضرو لعرس بحال هاكا خصوصا فاش بدلات بشرى لبيسات وهزوها فالعمارية عجبهم الجو بزاف خصوصا كلشي نيتو صافية وفمدة قليلة تعلقو ببعضهم ولاو عائلة كبيرة..من بعد ما سالا العرس كل واحد مشا لدارو خوات الدنيا دخلو هوما للدار تجمعو تم وبقاو كيتصورو مكملين فرحتهم كانت 10 د الليل بحكم العرس بدا مع 2 د العشية بدلات بشرى حويجها وطلع معاها هيثم هبطو باليزتها داها للكوفر وخرجو معاه الدراري خلاوهم يتوادعو على خاطرهم وقفات بشرى قدام مها لي كتبكي من فرحتها وبشرى الضحكة واصلة حتى لودنيها ...بشرى:وا صافي ا ماما انا راني معاك غير فالمغرب ههه ...ريحانة(عنقاتها وباستها):هانتي غديري ولادك وتعرفي بحق الكبدة ...زهور:الله يسمحلنا من الوالدين الا خايفة عليها مني راني غنديرها بحال بناتي وكتر ...ريحانة(شافت فيها):اش هاد الهضرة ا زهور واش انا نخاف على بنتي منك هادي اكثر حاجة مرتاحة من جيهتها هي انها غتكون معاكم ومنحتاجش كاع نوصيك عارفة لي كاين(ضارت عند بنتها)تهلاي ابنتي فراجلك وفراسك وفعائلتك هاد الناس دابا ولاو عائلتك وياك تقلقيهم ولا .. بشرى(قاطعاتها):غير هني راسك ا ماما من هاد الناحية بالعكس انا خالتي زهور و عمي عبد الغفور وحتى البنات من النهار لول حماقيت عليهم وعزو عليا معتابراهم عائلتي التانية(عنقاتها)وراني كل مرة نجي نقز عندك هنا تا نطلعليك فراسك هه ...قمر:بيتك غتولي بيت ولادي ...بشرى:ههههه نتي غير سكتي ...بقاو ميضحكو تسالمو معاها وخرجو معاها برا ركبات مع هيثم لي بقا كيوصيه خالد على ختو ومشاو شادين الطريق لإفران...الباقي حتى هوما توادعو ومشاو مع نبيل وصهيب وصلو عبد الغفور وعائلتو للدار عاد مشاو..غير دخلات اسماء وهي توقف قدام باها ...اسماء:احم بابا ...عبد الغفور:نعام ابنتي مالك ...اسماء:بغيت نهضر معاك ...زهور:تال الصباح وهضرو خليه يطلع يشرب دواه باش ينعس يرتاح ...عبد الغفور:معليش غير خليها(عنقها عندو ودخلو للصالة)غير طلعي نتي تنعسي ...طلعات زهور وخلاتهم على خاطرهم..جلسات اسماء قدامو كتشوف فيه وتفرك يديها بتوتر وهو حاضيها ...اسماء:احم بابا كتشرب دواك ياك ...عبد الغفور:كنشربو ابنتي متشغليش بالك باباك شرف وعيا هه عشت لي كتب الله 79 عام عشت بزااف ...اسماء(خطفات يدو دغيا):الله يطول فعمرك ابابا ويخليك لينا متقولش هاكا معرفتش علاش حبستي انك تبقى تأذن فجامع و ...عبد الغفور:نخلي الفرصة لناس خرين ابنتي وانا مبقاش عندي جهد لي نأذن بصوت عالي ونوصل الآذان للناس وهانتي كتشوفي صوتي كيهبط شوية بشوية ...اسماء(جلسات جنبو وباست راسو):راحتك هي لولة ا بابا صافي طلع نعس ترتاح ...عبد الغفور:باقي مهضرناش ياك بغيتيني ....اسماء:صافي تال من بعد غير ...عبد الغفور(خدا يديها بين يدو):بغيتي تكمل قرايتك ...اسماء(وسعات عينيها فيه):ها امم لا زعما باش عرفتي ...عبد الغفور(بابتسامة):سمعتك كتهضري نتي وختك سمعي ابنتي انا كنت كنخاف عليكم بزاف ومزال كنخاف ومحد ربي مطول فعمري غنبقى نخاف عليكم نتوما ولادي ملقيتكمش فالزنقة يمكن درت غلط مع ختك وحبستها على قرايتها ولكن الحمد لله ربي عوضها بصهيب ولد الناس وعمرو غيخليها بوحدها ولا يخليكم حتى نتوما وانا تايق فيكم حيت انا لي مربيكم انا معنديش مشكل تكملي قرايتك مغنزيدش نحبسك ونوقف فطريقك حيت معرفتش ربي شنو مكتبلك شحال ما حضيتك وخفت عليك مغنحضيكش ونرعاك بحال رعاية الله سبحانه تقدر ختك تاخد على خاطرها مني حيت خليتك تكملي ...اسماء(فرحانة وعينيها مدمعين):بالعكس ا بابا صفاء عمرها تقلق منك نتا عارف شحال كنبغيوك وكنحماقو عليك بحال لي كتبغينا نتا وكتر وحنا كنآمنو بالقدر ياك نتا علمتينا بلي كلشي بإرادة الله ياك كون ربي كان مكتبلها تقرا كانت غتكمل بأي طريقة ولكن هي ربي كان دايرلها طريق باش تلاقى مع داك الانسان وتكون ام لريم لي تا هي محتاجة ليها كيف كتقولنا ربي مكيدوزنا باختبار الا باش نوصلو للنهاية لي ديما كتكون زوينة وكتفرحنا ...عبد الغفور:اهم حاجة ابنتي هي النية وحسن الظن بالخالق هدشي كلو لي قلتي فرحني حيت سمعتو منك ...اسماء:هي نتا راضي عليا ا بابا ياك ...عبد الغفور(بابتسامة):انا ديما راضي عليكم ابنتي ...عنقاتو بكل قوتها وهي تتبوس راسو وحتى هو نوضها وطلعو كل وحد دخل لبيتو بدلات حويجها وتخشات بلاصتها غتموت بالفرحة وكتحمد الله على نعمة الوالدين لي عندها والتربية لي تربات و العيشة لي عاشت تفكرات بلي باقي ليها الشفع و الوتر مصلاتهمش فدار ريحانة ناضت ديك الساعة مشات توضات وصلات ورجعات تخشات بلاصتها وهي تتفكر كيفاش تبني طريقها فالحياة مستقبلا...... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM