💫💜 قصة_المحلل 💜💫 #الجزء 68 : 💥💕 وصل نهار العرس وهيثم واقف فباب الدار كل ساعة كيعيطلهم باش يطلقو راسهم ويشوف فمكانتو حتى جات عندو اسماء لابسة قفيطين ودايرة زيفها ومكياجها هي وصفاء كالعادة كحل وعكر ديال 24 ساعة مكيعرفو فالمكياج والو ...اسماء:صبر اخويا هاوما جايين ...هيثم:راه تعطلنا واش صفاء وصهبب غيسبقونا لتم ولا غيجيو هنا ...اسماء:لا غنتلاقاو تم(شافت الطموبيل مزوقة)اووه جات زوينة اجي واش غتسافرو نيشان ولا ...هيثم:اه من تم نشدو الطريق ...اسماء:ان شاء الله اخويا الله يكمل عليكم بالخير بشرى بنت الناس ...هيثم(بابتسامة):عارف دكشي علاش اختاريتها ...مع هاد الكلمة قاطعهم صوت خلاهم يتلفتو بجوج فدقة ...فدوى(عينيها مدمعين):غتزوج؟ ...هيثم(شاف فيها وجمع الضحكة):اش كديري هنا ...فدوى:جاوبني غتزوج ...اسماء(بحدة):ممنحقكش تسولي ...فدوى(شافت فيها ورجعات شافت فيه وقربات عندهم كطلع وتهبط فيه لابس الكوستيم ومقاد جا زوين كالعادة):نتوما كتشوفو ماشي من حقي ولكن انا من حقي ...اسماء:واش حمقة ...فدوى(تجاهلاتها وكملات كلامها مركزة فيه فقط):اه حمقة بيك حيت كنبغيك بزااف علاش مبغيتينيش انا(مسحات دمعة طاحت من عينيها بزربة)واش حيت غليضة ياك ولكن انا مستاعدة من غدا نحبس الماكلة نموت بجوع كاع اهىء(طلعات منها تنخصيصة وصوتها تخنق وتحول كلامها لترجي)متزوجش ا هيثم عافاك ...يلاه جات تهضر اسماء وهو يشوف فيها باش تسكت ...هيثم(بجدية):فدوى سمعيني مزيان شنو غنقولك عمر الشكل كان مهم حيت كلها كيدي لي فرزقو غليض رقيق خايب زوين يعني ارزاق نتي مكتبغينيش نتي عندك هوس وصافي حطيتي حاجة فبالك وبغيتي توصلي ليها بأي طريقة ونتي عارفة الدناءة لي خلاك شيطانك توصلي ليها شنو استفدتي انا وياك ممكتابينش من لول حيت نتي دخلتي وسطنا بزز شنو استافد خوك باش تستافدي نتي حياتو مشات(شافها كتبكي وتمسح دموعها بحال شي بنت صغيرة حس براسو فعلا بقات فيه)غنصحك فسبيل ا فدوى سيري شوفي حياتك ديري شي حاجة لراسك لي تنفعك اما هدشي لي تابعة مغتوصلي لوالو غير الهلاك واش باغا آخرتك تكون بحال خوك؟سيري قراي خدمي لاهي وقتك وديري حاجة زوينة وانا متأكد نهار غيكتاب غيجببلك الله انسان يبغيك وتبغيه ...فدوى:لا انا ...هيثم(قاطعها):لا انا لا نتي عالمين الغيب انا من قبل ميوقع المشكل فديك الليلة بيني وبينك كان قلبي عند وحدة خرا يعني عمر شي حاجة كانت غتكون بيناتنا بجوج ...فدوى(مسحات دموعها بيديها بجوج وشافت فيه كتهز راسها):فهمت الله يكمل عليك بالخير مبروك ...هيثم:شكرا ...عطاتهم بالضهر ومشات وهوما كيشوفو فيها حتى دخلات لدارهم ...هيثم:كنتمنى دير عقلها ...اسماء:ان شاء الله... بقاو ساكتين حتى خرج غبد الغفور وزهور ركبو وتحركو من تم لدار بشرى وصلو لقاو الطموبيلات واقفين وصوت الامداح جايين من البنية لي كانت قدام باب الدار هبطو وجا عندهم خالد وصهيب لي كانو واقفين تم سلمو عليهم ...زهور:ولدي فين ماماك ...خالد:راها فالبنية الحاجة سيرو دخلو ...زهور:واخا يلاه ا اسماء ...مشاو هوما وضارو الدراري شادين فهيثم ...صهيب:مبروك العريس ...هيثم:الله يبارك فيك(شاف فالساعة)معاياش خاصني نجيبها من الصالون ...خالد:ياك غتعيط ليك ...هيثم:اه نسيت هه ...خالد:ههه الخلعة هديك ...هيثم:اشمن خلعة اصحبي ...صهيب:غير الستريس وصافي(ضرب على كتفو) ...هيثم:شوية المهم اجيو معايا نجيب دكشي من الكوفر ...خالد:اول دفوع نشوفو جاي فالكوفر ههه ...هيثم:راك عارف دكشي ديال الدقايقية ة الطيافر مكتفهمش ليه كاملين الصراحة ...خالد:اودي ماشي مشكل(حل الكوفر)اش هاد الصنادق ههه ...هيثم:والله اخاي معرفت صفاء وبشرى لي ختاروهم قالك بلاصة الطيافر كاينين هادو قادو فيهم المسائل ...خالد(جا يحل واحد وهو يسدو هيثم):ريح اصحبي نشوفو شنو فيه ...هيثم(خنزر فيه):اش غتشوف شغل العروسة عندك مرتك ...بداو الدراري كيضحكو وتعاونو على دكشي وجبدو شي وحدين كانو فالكراسة لور ودخلوهم للدار لقاو صفاء و قمر تم خداوهم دخلوهم لبيت بشرى ورجعو عندهم ...هيثم(موجه كلامو لصفاء):واش نتي عارفة فين كاين هاد الصالون ...صفاء(هازة ريم عندها):لا معرفتش ولكن ملي تبغي تجي تنعت ليك هي ...قمر:راه داهم نبيل عيطلو سولو ...هيثم:اه صافي ...صهيب(قرب عند صفاء):محتاجة شي حاجة ...صفاء(بابتسامة):لا الحمد لله واش بابا وماما لتحت ...صهيب:ماماك وختك دخلو لعند العيالات وباباك راه فالدار لتحت مع الرجال ...صفاء:الرجال قلال ياك ...صهيب:اه حيت غير جيران لي هنا وماشي كلشي جا اما العيالات راك عارفة الدنيا عامرة ...صفاء:اوا ماشي مشكل كلشي فايت ...صهيب(قرب لودنها):جيتي زوينة ...صفاء(بخجل):حتى نتا جا معاك حبدور ...صهيب:هه جاني فشكل اول مرة نلبس شي حاجة هاكا ...صفاء(بإعجاب):والله جاك زوين ...صهيب(قرب باس ريم وباسها فحنكها دغيا):حتى مراتي الحبيبة ديالي زوينة ما شاء الله صفاء(كتشوف فجنابها):غيشوفونا ...صهيب:راك مرتي حيدي منك هاد الحشمة(كيهضر معاها ويشوف فريم لي معنقاها)شفت هاد البنت غتاخدك مني ...صفاء(زيراتها عندها وباستها):بنتي هادي ...صهيب:ياك الالة علاش انا مكتعنقينيش هاك ...صفاء:ههه صهيب ...صهيب:هاوا غادي ...مشا خرج وخلاها متبعاه كضحك ومشات عند البنات حطات ريم فالارض وبدات كضور حداهم وتنبش وهوما كيقادو حويجها فالباليزة حيت مجمعاتهمش حتى سالاو وهبطو لتحت مشات صفاء سلمات على مها وختها ورجعات عيطات لصهيب كلم ليها باباها عنقاتو وتتبوس فيه موحشاه ...عبد الغفور(بابتسامة):غير البارح كنت معاك ابنتي ...صفاء(هزات كتافها بطفولية):واخا توحشتك ...صهيب(هاز ريم وكيشوف فيها):وملي نسافرو شنو غديري ...صفاء:منسافروش ...عبد الغفور:هه سافري ابنتي فوجي مع راسك شوية وبدلي الجو ...صفاء(باست يدو):ان شاء الله ا بابا ...بقاو واقفين مجمعين تا سمعو الكلاكصون خرجو برا كان هيثم جايب بشرى وراكبة معاهم فرح وتابعهم نبيل هو وشيماء كيكلاصونيو وشيماء كتشوف عاجبها هاد الجو كانت لابسة حتى هي لباس تقليدي وهادي اول مرة ليها نزلو وخرجو عندهم زهور و اسماء وريحانة وقمر كاع العائلة خرجو استقبلوها كيباركو ليها ويسلمو عليها وهي بلبستها الخضرة من السلام دخلوها النكافات للبنية بالصلاة و السلام على رسول الله ودخلو الدراري للدار لتحت جلسوها بلاصتها وبدات كتنقش والبنات ضايرين بيها ومرة مرة يجيو جارات والبنات يسلمو عليها ويباركو....... #يتبع......♥️🔥 #ياااااله تصبحوااااا على خير 👋👋♥️🥀🥀 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM