💫💜 قصة_المحلل 💜💫 #الجزء 67 : 💥💕 صهيب(وقف):يلاه الا فطرتي ا صفاء نوضي باش نديك لداركم ...صفاء:واخا ولكن نجمع الطبلة ونغسل الماعن ...فرح:حماقيتي نتي تغسلي الماعن نوضي نوضي ...صهيب(جرها من يدها دخلها للبيت وهوما كيضحكو):سيري لبسي عليك ...صفاء:جاتني حشومة نخليلهم الطبلة ونمشي ...صهيب(بجدية):سمعيني ا صفاء هنا كلنا بحال بحال مكاينش بيناتنا حشومة فرح راها بحال اسماء ختك وشيماء حتى هي ضريفة بزااف ديريها ختك ومديريش بيناتكم الحسابات ...صفاء:بالعكس مكنديرش الحسابات وفعلا معتابراهم خوتاتي وربي شاهد عليا ولكن ...صهيب(قاطعها وجرها عندو باس راسها):عارف وعارف قلبك شحال بيض وحنين دابا سيري باش نديك لداركم حيت منضمنشلك الا زدت شوية واش نخليك تمشي ...صفاء(بابتسامة):هه واخا ...مشات بزربة كضحك وعاجبها الحال من طريقتو فالهضرة لبسات حويجها وهو حاضيها وكيلبس ضارت من بعد ما قادات زيفها مع المراية لقاتو كيشوف فيها ...صفاء:انا كملت ...صهيب(بتنهيدة مشا تال حداها هز ريحتو رشها وشدها من يدها):يلاه ...خرجو بجوج وودعوهم هبط للكراج هزو الطموبيل ومن تم لدارهم..دقائق معدودة كانو عندهم فرحو بيهم ورحبو بيهم صهيب جلس معاهم غير شوية ومشا تا يرجع يديها ...صفاء(طلعات لبيتها بدلات حويجها لبسات بيجامة من عند ختها وهبطات لتحت):ماما شنو درتو فبيت هيثم ...زهور:مقسناهش قلتي نتي تكلفي بيه راهو عندك دكشي لي شرا خوك ولي شرينا حنا راه كلو تما طلعي نتي و اسماء باش تعاونو عليه الماريو القدام خرجوه للكولوار فالدروج تا يجي هيثم ويعاونا نطلعوه لفوق ...صفاء:واخا انا نشوف ...اسماء:انجي معاك ...طلعو لبيت هيثم وبدات تتشوف صفاء مع دكشي البيت عامر شي فوق شي شراو المانطات وكوفرليات وماريو بالكوافوزات ديالو والمراية ديال الكوافوز الكبير ...اسماء:بففف هدشي كلو غنقادوه ...صفاء:كيفاش نعس فوسط هاد الروينة ...اسماء:هدشي راه عاد جابو صباح قبل ميمشي لخدمتو مكانش هدشي هاكا ...صفاء:معليش زيدي نخرجو هدشي لبرا نخويو البيت نسيقوه عاد نقادو كل حاجة بلاصتها ...اسماء:واخا نتوما تزوجو وانا نضرب تمارة معاكم ...صفاء:هه عقبال نوقفو فتمارتك تا نتي ...اسماء:لالا اختي انا دعي معايا غير بابا يقبل باش نكمل قرايتي راه مبقى والو ويبدا التسجيل فالسيت ديال لافاك ...صفاء:اوا هضري معاه اش كتسناي كون مكنت عارفة بابا نهضرلك معاه ولكن نتي عارفة هو كيبغي كل واحد يهضر على راسو باش ميكونش بينا وبينو شي حدود ...اسماء:يدوز عرس هيثم ونهضر معاه ...صفاء:ان شاء الله يكون خير ...اسماء:ان شاء الله يا ربي ...بداو كيخرجو دكشي لي فالبيت وهوما كيهضرو حتى خواوه سيقاتو صفاء مزيان ومسحات الحيوط ونشفاتو عاد بداو كيدخلو ويقادو كل حاجة بلاصتها وصل عليهم الظهر خلاو لي فيديهم ومشاو توضاو صلاو رجعو يكملو شغلهم تا جا عبد الغفور جا عنق بنتو ووهو كيشوف فالبيت لي تغير وتغرش بقا تيشوف فولادو لي كل واحد كيبني حياتو ويأسس اسرتو وهو فرحان ليهم..خلاهم ملهيين وخرج من تم قبل متعيطلهم زهور الغدا كانو كملو كلشي وهبطو وفديك الوقيتة جا هيثم وصهيب نيت ضارو بالطبلة وهوما كيهضرو ويضحكو ...هيثم:هي قاديتوليا البيت ...صفاء:اه اخويا راه كلشي هو هداك ...هيثم:لهلا يخطيكم عليا ...صهيب(كيشوف فيهم وفعلاقتهم ببعضهم شحال زوينة):احم ان شاء الله انا وصفاء غنسافرو مور العرس ديال هيثم ...اسماء:بصح فين ...صهيب(بابتسامة):للشمال يلاه معانا ...اسماء:ههه مرة خرا دابا غير بصحتكم ...صهيب:بالعكس غاديين غاديين يلاه تبدلي الجو ...اسماء(بمزاح):لالا غير سيرو انا خاصني نكون هنا باش نونس عروستنا جديدة ...هيثم:ههه عروستكم راه تا هي غتسافر ...اسماء:اممم اوا اسيدي بصحة مرة خرا ديرو شي سفرية مجموعين باش تا فرح تكون ...صهيب:ههه صافي تصاحبتو ...اسماء:اه ختك غزالة ودغيا كدخل للقلب ...صهيب(بابتسامة):الحمد لله بعدا لي لقاتك هنا هي شوية حدودية فطبعها قليل فاش كدخل الناس لحياتها ...عبد الغفور:و اسماء من النوع لي دغيا كيزعم على الواحد ومتخليهش يتغدا فخاطرو ...زهور:هاكا ديما فالماكلة عاد كتجيها الهضرة ...اسماء:واراني غير كنهضر ماشي قابطالو يدو ...صهيب:ههه لالا كليت الحمد لله الله اخلف ويديمها ...زهور:مكليتي والو اش كليتي ...صهيب:كليت الحاجة مغنحشمش راه دارنا هادي تا انا(شاف فصفاء وغمزها دغيا حدرات راسها) ...عبد الغفور:بصحتك اولدي ...صهيب:صفاء تبغي نمشيو تقداي شي حاجة ...صفاء(باستغراب):بحالاش ...صهيب:اي حاجة خصاتك ولا شي قفطان للعرس ولا ...اسماء(قاطعاتو):ههه صفاء مكتلبسش دكشي غير هني راسك ...صهيب(بابتسامة عجبو الحال):من الاحسن غتجيب غير العين ...خرجات فيه صفاء عينيها وحناكها غيطرطقو ومها تتشوف فيها كضحك اما عبد الغفور وهيثم دارو راسهم بحالا مسمعوش وهو كيتغزل بمرتو قدامهم ...اسماء:ههه هي كتآمن بلي كاينة العين ...صهيب:بطبيعة الحال العين مذكورة فالقرآن....... #يتبع......♥️🔥 #تصبحوااااا على خير 👋👋♥️🥀🥀 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM