💫💜 قصة_المحلل 💜💫 #الجزء 66 : 💥💕 وصل صهيب للدار دخل الطموبيل للكراج كانت طموبيلة نبيل تم نزل سد الكراج من لداخل ورجع حل لصفاء هز ريم من لور كانت ناعسة عطاها ليها ومشا جبد باليزتها من الكوفر دارلها اشارة باش تمشي قدامو خرجو من الباب لي جا كيطلع للدار نيت فاتو الطبقة لولة وطلعو الفوق حل الباب دخلات هي لولة وبقات واقفة تا دخل حط الباليزة تم ...صهيب:اريها نديها لبيتها ...صفاء:مداتها ليه وبقات متبعاه شافتو دخل لواحد البيت ...فرح(خرجات من الدوش):صفاء مالك واقفة هنا ...صفاء(بابتسامة):والو كنتسنى صهيب دخل ريم لبيتها ...فرح:ونتي واقفة هنا بحال الضيفة اصحبتي اجي دخلي لبيتك ...جرات صفاء باليزتها ومشات عندها كانت واقفة قدام باب بيت مسدود ...فرح:هانتي ها بيتكم دخلي رتاحي وراه الدوش فين(نعتاتو ليها)هادي راه دارك تصرفي كيف بغيتي متحشميش ...باستها ومشات حلات صفاء الباب ودخلات حطات باليزتها حداها وبقات تتشوف فالبيت عجبها وجاها كبير ...صهيب(دخل وسد الباب ووقف موراها مبتاسم):مرحبا بيك واخا منحتاجش نرحب بيك هه هادي دارك ...صفاء(ضارت عندو وهي حشمانة):الصمت ...صهيب:احم هانتي ها البلاكار ديري فيه حويجك الا بغيتي ولكن من الاحسن خليهم تال صباح تكوني رتاحيتي وحتى الدوش نوريه ليك الا بغيتي دوشي ...صفاء(نطقات بصوت خافت):اه صباح ونقادهم ...صهيب(قرب عندها وحط يدو على كتافها قربها لعندو وهزليها راسها):مبغيتكش تبقاي حشمانة راك مع راجلك كنضن دابا خاصنا نصليو ياك ..صفاء(شافت فيه):اه ضروري ...خلاها سبقاتو مشات للدوش توضات وخرجات عاد مشا هو بعد دقائق رجع للبيت لقاها لابسة اسدالها وحاطة الصلايات كل واحد خدا مكانو وتوجهو للقبلة صلاو صلاتهم حتى ضار عندها حط يدو على راسها وهو كيردد الدعاء:{اللهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه} ...دارتلو اشارة براسها وهي مبتاسمة حتى شافتو كيقرب ليها وهي كيشوف فوجها وعلى عينيه نظرة اعجاب بدون شهور لقات راسها مغمضة عينيها وهي مستقبلة لمساتو وهديك كانت اول ليلة ليهم كزوج وزوجة...كانت متكية على صدرو ويدو على دراعها هزات راسها بشوية وهي مبتاسمة كتشوف فيه كيفاش ناعس ونفسو كضرب فيها كحزات عليه بشوية وحطات راسها على وسادتها وهي كتشوف فيه عجبها الحال كيفاش كان حنين معاها وكلمات الغزل لي سمعهم ليها وهوما فغمار علاقتهم الزوجية..مدات يدها بشوية وقبطات يدو عندها وهي كتمرر صباعها على صباعو وتشوف فخواتمهم عجبوها بزااف عاد حققات فخاتمها فالدار مخداتش وقتها باش تشوف فيه...بقات شحال حتى سمعات اذان الفجر ناضت فيقاتو ناضو صلاو عاد رجعو نعسو..#اصبح_الصبح_والملك_لله فاقت صفاء هي لولة كان صهيب باقي ناعس ناضت لبسات بيجامة مستورة ودارت شالها خرجات بشوية من البيت مشات للدوش غسلات وجها ومشات طلات على ريم لقاتها باقة ناعسة باستها ومشات تتقلب على الكوزينة دخلات وبدات تتوجد الفطور وهي تتكتاشف بلاصة كل حاجة وتقاد دكشي لي ممقادش بلاصتو عارفة البنات ماشي مدة كبيرة باش جاو يعني باقي مقادوش كلشي بلاصتو...عمرات اتاي ودارت حريشات صغارو رغيفات حتى هوما بدات كتقاد فالطبلة لي فالمرح حتى قادات كلشي ودخلات فيقات صهيب لي ناض راشقة ليه مشا دوش وعاد جا بدا كيفطر شوية ناضت فرح سلمان عليهم غسلات وجها وجات جلسات معاهم ...صفاء:واش نعيط على شيماء و نبيل ...فرح:غير خليك انا نعيطلهم ...مشات فرح وضار صهيب عند صفاء باس يدها ...صهيب:الله يعطيك الصحة مكنتيش تعدبي راسك ...صفاء:مكاين حتى عذاب ياك قلتي هادي داري ...صهيب:بطبيعة الحال خودي راحتك ...مجات فين تجاوبو حتى طلع نبيل ومرتو سلمو عليهم وجلسو كيفطرو مجمعين وكيضحكو ...صهيب:احم المهم ا نبيل نتا غتكمل الاجراءات مع خالد وهيثم حيت انا غنسافر انا وصفاء ...شيماء:شهر العسل ههه ...فرح:هي ريم غتبقى معايا ...صفاء:الا غنسافرو تمشي معانا علاش نخليوها ...صهيب(بابتسامة):لا منخليش بنتي ...نبيل:بصحتكم اسيدي فين غتسافرو ...صهيب(شاف فصغاء):اش بانلك الشمال ...صفاء(بفرحة):اه كنسمع بلي زوين😍 ...صهيب(غمزها):غيعجبك الحال ان شاء الله ...صفاء:ان شاء الله☺....... #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM