💫💜 قصة_المحلل 💜💫 #الجزء 65 : 💥💕 اسماء:اوا مبروك عليك ا لطيفة واخا خبيتي علينا مع اننا مغنحسدوكش بالعطس غنفرحو ليك ...لطيفة:عارفة لي كاين ولكن كلشي جا على غفلة ...اسماء:امممم سبحان الله ...زهور(كتقرصها تسكت):الله يكمل عليك بالخير ابنتي ...كلتوم:مخبيناش ابنتي غير الولد مكانش عندو الوقت بزاف وخاصو يصاوبلها وريقاتها باش تبعو ...اسماء:اه بصح اخالتي كلشي كيجي مزروب لدرجة بنادم مكيلقاش تا الوقت فين يهز التيليفون ...زهور(قرصاتها عاوتاني وقربات عندها):واش تسكتي ولالا ...اسماء:اش قلت ...فرح(كانت جالسة حداها وحابسة الضحكة):ههه مدرتي والو ندمتيهم لاش جاو ...اسماء:كون كانو يفهمو مكانوش يجيو بحالا حنا غنحسدوها ولا نغيرو منها الزواج ارزاق بيد الله ...فرح:خليك منها كل واحد كيدير بنيتو وربي عارف لي كاين ...اسماء:دكشي لي كاين(شافت صفاء وصهيب رجعو عندهم)ها عرسانا جاو ...ريحانة:مرحبا بيهم تبارك الله ما شاء الله واتيتو بعضياتكم ...قمر:بزاااف تقول غير خالقين لبعضياتهم ههه ...بقاو مجمعين وكيضحكو حتى دخلو فالهضرة على عرس بشرى وهيثم لي كان تقريبا كلشي واجد وريحانة اختارت باش ديرو لبنتها فدارها نيت حيت بشرى مبغاتش دير فالقاعة خصوصا ان الناس لي معروضين قلال غير جيران وشي عائلة صافي...كملات السهرة وناضو باش يمشيو فحالهم طلعات صفاء مع صهيب لبيتها هزلها باليزتها ونزلو بدات تتسلم على ختها وهي كضحك ونفس الشيء لمها ولكن غير وصلات عند عبد الغفور وشافت دموعو عينيها عمرو دموع لا إراديا وترمات عليه عنقاتو وهو حاضنها ...عبد الغفور:الله يرضي عليك ابنتي والله اجعل نصيبك حسن من الاول يا رب تهلاي فراسك وفراجلك وفريم ديريها بنتك ماشي بحال وصلاتك عمرك متفرطي فيها خلي علاقتك مع الله ديما زوينة وربيها فولادك كيف ربيتها فيكم صوني راجلك ودارك ...صفاء(بعدات عليه تتمسح دموعها وباست يدو):كون هاني ا بابا انا كلامك وتوصياتك عمري نسيتهم ديما فبالي الله يخليك ليا ...رجعات عنقاتو وباستو وصهيب كيشوف فيهم عرف بلي علاقتهم قوية بزااف شاف فبنتو لي ناعسة على كتفو وباسها ضامها لعندو وهو كيتمنى تكون ليه بحال صفاء طبعا هي بنتو الاولى ومعزتها خاصة خصوصا انها كانت كتبقى فيه ملي كيتفكر انها واحد الوقت غتحتاج ام...شاف صفاء جاية جيهتو مدلها يدو وعنقها عندو جنب وهي يديها على خصرو وكتمسح دموعها ...عبد الغفور:تهلى فيها اولدي هي امانة عندك ...صهيب(غمض عينيه بحالا كيطمنو):متوصينيش ا الحاج فعينيا ...توادعو معاهم كاملين وخرجو كل واحد ركب فطموبيلتو ومشاو ...زهور(جلسات وهي كتنهد):هايا خوات عليا الدار تاني ...اسماء(عنقاتها):هي انا ممعمرالكش الدار ياك ...كلتوم:كل وحدة ومعزتها ابنتي ...اسماء:امم هي لطيفة غتخوي عليك الدار اجي درتو العرس؟ ...زهور(ضار عندها):نوضي جمعي هاد الطبلة الله يرضي عليك ...ناضت اسماء وهي تتشوف فلطيفة ومريم جمعات الطبلة وطلعات كاس د الما لباها عاد هبطات باش تغسل الماعن لقاتهم غاديين وهيثم لابس توني ديالو وغادي باش يوصلهم........ #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM