💫💜 قصة_المحلل 💜💫 #الجزء 63 : 💥💕 وصلو للدار لقاو هيثم واقف تم معاه صهيب وخالد ...زهور:السلام عليكم كيدايرين اولدي لباس عليكم ...صهيب(باس راسها وعينيه على صفاء):الحمد لله الحاجة ...خالد:الواليدة راها لداخل اخالتي ...زهور:بصح انا ندخل عندها ...مشات داخلة وصفاء تابعاها حتى وقف قدامها شافوه الدراري وبعدو عليهم شوية ...صهيب:صفاء كيبقيتي مزيان ...صفاء(هزات راسها فيه وهي سادة عويناتها على الشمش لي ضاربة فيهم شي لي خلاهم يبريو وهوما مدمعين ونيفها حمر):الحمد لله مشيتي معاهم للدفن ...صهيب:ضروري هدا واجب الله ارحمو ...صفاء(بتنهيدة):اميين يا رب الله يصبر ميمتو ...صهيب:شفتيها؟ ...صفاء:اه بقات فيا بزاف صعيب الانسان يفقد ولدو ولا بنتو طرف من لحمو وخصوصا بطريقة بحال هادي(غمضات عينيها ملي تفكرات المنظر كيفاش مات) ...صهيب:متبقايش تفكري فدكشي دعي معاه بالرحمة دخلي ترتاحي دابا ...صفاء:واخا(تمات داخلة وهي توقف)اه واش جبتي معاك ريم؟ ...صهيب(عجبو الحال ملي سولات عليها):لا خليتها معاهم فالدار ميسحابليش بغيتي تشوفيها ...صفاء:ماشي مشكل مرة خرا ...صهيب:الا بغيتي نجيبهالك دابا ...صفاء(بابتسامة):مكرهتش ...صهيب:واخا هي لولة ...ابتاسمات ليه ودخلات حسات براسها باغا تشوف ريم يمكن حيت شافت فتيحة كيف تشوات على ولدها وتفكرات ريم لي صغيرة ومحرومة من مها لي ممسوقاش ليها معرفاتش شنو داك الاحساس لي جاها عليها ولكن بغات تشوفها وتعنقها..دخلات جلسات معاهم شوية وطلعات لبيتها ترتاح حتى دخلات عليها اسماء وهي جارة ريم فيديها غير شافتها وهي تنوض عندها بزربة وحتى ريم مكانتش قل منها فرحة دغيا عنقاتها وبقات كضحك معاها وتمخشش فيها ...صفاء(بحب):حبيبة ديالي ...اسماء(كتشوف فيها مبسمة):تجي معاك تكوني أم ...صفاء(شافت فيها وهي معنقة ريم لي حاجة راسها على صدرها):معرفتش ولكن شي حاجة كتجدبني ليها ...اسماء:عادي كلنا كيجدبونا الوايدات الصغار وخصوصا الا كانو كتاكيت بحال هاد الفنكوشة ...ناضت تتهرها وتلعب معاها وهي تتخبى فصفاء حتى دخلات عندهم زهور وعلماتهم بلي غترجع لدار العزو باش تعاون جارات فالطياب ديال العشا ديال الليلة...بقاو جالسين تم حتى جا عبد الغفور طل عليهم وطمأن عليهم..عيات ريم باللعب ونعسات وتكاو حداها البنات حتى داتهم عينيهم...مفاقت صفاء غير على الحس فالبيت كان الظلام ...هيثم:جيت نهبط ريم لصهيب ...صفاء:اه مسكينة باقة ناعسة ...هيثم:قتلو يخليها تبات ولكن خافها تنوض كتبكي ...صفاء(ناضت كتلبس اسدالها):انا نهضر معاه بلا ميديها دابا ويخسر فيها النعاس..ودكشي لي دارت نزلات عندو وطلبات منو باش يخليها تبات معاها وحتى هو مرفضش شافها فرصة باش ريم تولفها من دابا وصاها عليها واخا هو عارف غديرها فعينيها ودعهم ومشا..دخلات للصالة لقات باها ومها جالسين تما ...زهور:بنتي اجي تعشاي فوزية حلفات حتى نجيبلك نتي وختك حقك ...صفاء:لا ا ماما مافيا لي ياكل شي حاجة دابا غير كولو نتوما ...زهور:مكاينش لي ياكل ابنتي خوك وباك وصهيب دخلوهم رجال معاهم وتا انا شداتني فوزية ...صفاء:معليش ا ماما خليه تال غدا اسماء كيعجبها تغدا بيه(باست راس باها ومها)تصبحو على خير ...خلاتهم وطلعات لبيتها من بعد ما صلات العشا لي مسمعاتوش وهي ناعسة ومشات تخشات حدا ريم معنقاها عندها........ #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM