💫💜 قصة_المحلل 💜💫 #الجزء 62 : 💥💕 دازت الجنازة فجو الحزن و الالم و الحسرة؛حسرة ام على كبدتها والندامة كتاكل فيها ولكن شنو يفيد الندم دابا من بعد ما مشا..جالسة فبيتو وشادة فوقيتو لي كان لابس آخر مرة معنقاها وتتبكي وتنين بلاصتها ودموعها دايزين حاسة براسها فقدات كلشي..صورتو قدام عينيها كيفاش كان حاسة براسها عندها دور كبير فلي طرا ليه ...فوزية(دخلات عندها وهي متحسرة على حالة ختها):فتيحة ختي نوضي خرجي الناس راه جاو(بغصة)جاو يعزيوك ...فتيحة(شافت فيها وعينيها عامرين دموع):كلامك خرج فولدي اهىء انا سبابو علاش مفيقيتينش شحال هادي علاش خليتيني حتى خسرتو ...فوزية(جلسات حداها وعنقاتها):مكتاب الله اختي تقادا العمر(مسحات دموعها بشالها)خرجي عند الناس برا وخودي عزا ولدك راه كاينين شي ناس برا بغاو يعزيوك ...فتيحة(ضورات راسها وهضرات بصوت باكي):مبغيت نشوف حد خليني غير هنا خليني نشم ريحة وليدي ...فوزية:احم اختي راه جات مرت الفقيه وبنتها و ...فتيحة(شافت فيها بزربة):صفاء؟! ...فوزية:اه جات غير تعزيك وت ...فتيحة:دخليها عندي ...فوزية:علاش خرجي عندهم نتي اختي عطيهم صوابهم ويمشيو فحالهم ...فتيحة:دخليها ا فوزية ...بقات فوزية تتشوف فيها خالتها دير شي حاجة عاوتاني وتنوضها معاهم ملقات مدير مشات ورجعات هي وصفاء بقات واقفة فالباب وصفاء تضور عينيها فالبيت بدون شعور تفكرات يامها معاه وشنو دوزات فهاد الدار غمضات عينيها محاولة تنسى وشافت ففتيحة لقاتها كتشوف فيها وهادي اول مرة تشوفها مكسورة ودموعها فعينيها ديما كانت كتشوفها ديك المرا لي متجبرة ومكدير الحساب لحد حنات راسها وتقدمات عندها ناسية شنو دارت فيها ولا فعائلتها قلبها صافي من جيهتها وابدا مكاين حتى شعور من غير الشفقة و العطف جيهتها قربات عندها وحنات سلمات عليها من وجها ...صفاء(بصوت ضعيف):البركة فراسك اخالتي الله يبدل محبتو بالصبر ...بقات تتشوف فيها فتيحة وهي تترمش عينيها حتى وقفات وعنقاتها وهي تتبكي بصوت عالي وما كان من صفاء اسم على مسمى صافية القلب والنية الا ان ضماتها واستقبلاتها بحضنها ليها وهي تتواسيها وتمرر يدها بلطف على ضهرها ...فتيحة:مشااااا وليدي ا صفااااء مشاااااا كبدتي اهىء اهىء ترزيت فيه وربي عاقبني بيه اهىء اهىء(رجعات تقابلات معاه)كلشي بسبابي ابنتي سمحيليه اهىء سمحيليه وخليه يرتاح فقبرو اهىء اهىء كان كيبغيك انا لي فرقتكم انا السباب(مسحات دموعها بهستيرية وشدات فكتافها)دعي معاه ابنتي وطلبي ليه الرحمة وليدي كان مزيان و ...صفاء(قبطات يدها بين يديها):انا مسامحاه وكندعي معاه الله يرحمو ويغفر ليه فعلا كان انسان مزيان وعمري سمعت منو كلمة العيب وتا الناس كيشهدو بهدشي معرفتش شنو وقع ليه فالفترة لخرة(شافتها حدرات راسها)لي فات مات ربي بغاه وربي داه دعي معاه اخالتي ورضاي عليه الحمد لله باقة عندك بنتك عوضيها على لي فات اي حاجة كتوقع فحياتنا كتكون فيها حكمة يمكن ربي بغاك تفيقي وتردي البال لشي حوايج نتي غافلة عليهم ويمكن مكنتيش غتفيقي الا بهاد الطريقة(بحزن)واخا صعيبة انا عارفة ولكن الا متجرحناش مكنتعلموش ...فتيحة كتسمع كلامها ودموعها عاد مكيزيدو فعلا ولدها كان ضريف ومزيان ديما ضاحك وعمرو يخرج معاك العيب ولكن نهار ركبات راسها وحلفات باش تحرر عيشة صفاء مكانت كتحرر غير عيشة ولدها وصلات للسحر هايا خسراتو شنو ربحات والو خسرات ولدها وخسرات نفسها قدام الله وهي لي انسانة ماشية لبيت الله وكلشي كيحتارمها ويعيطلها الحاجة اللقب لي متستاهلوش رجعات جلسات بلاصتها ورجعات لوضعيتها...حز فقلب صفاء تشوفها فهاد الحالة مسحات دموعها وضارت باش تمشي لقات فوزية واقفة تتشوف فختها حنات راسها باش تخرج وهي توقف على كلام ...فوزية:عاد عرفتو علاش كان كيبغيك ...خرجات صفاء بلا متجاوبها لقات مها جالسة حدا فدوى كتواسيها شافتها وناضت عندها قبطات فيها وخرجو........ #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM