💫💜 قصة_المحلل 💜💫 #الجزء 61 : 💥💕 فتيحة:يااااك اختي هدا هو المضمون فيك زوجتيها وعاد جاية تقوليها ليا لا كنتي تسناااي تا تولد نيت وجي عرضيني للسبوع هدا يلا تفكرتيني ...فوزية:سمعيني ا فتيحة ولدك ميليقش لبنتي ولدك راه باغي بنت الفقيه مباغيش غيرها وراك شفتي كاع دكشي لي درتي مصورتي منو والو غير الشرك بالله وصافي وتانا كنت معاك الله يسمح ليا ....فتيحة:هايهاي على رابعة العدوية هاي منين طاح عليك هاد الايمان كامل ...فوزية:اختي دكشي لي سمعت على السحر خلاني نراجع راسي ونحبس قبل ميعاقبني الله فالظنيا قبل لاخرة وراه العقاب ديما كيجي فالكبدة وانا بنت وحدة لي عندي مباغاش نترزا فيها ...فتيحة:ايييه على مني كنتي تسحري لراجلك باش تخليه يسمع لكلامك ويبقى كي الضبع موراك مكنتيش خايفة عليها ...فوزية(محملاتش راسها):وا صافي انا ندمت وبغيت نتوب وحتى نتي ديري بحالي وبعدي على ديك الطريق راك شفتي كلشي ممنو ووالو كلشي بمشيئة الله غير حنا ربي كيضللنا وصافي ولكن اختي ملي الهداية جات انا باغة نمشي صافية لقبري تا راجلي نهار يجي غنحيدليه كلشي الا بغا يبقى مرحبا مبغاش الله يعرض ليه الخير وكيف كيقول المثل لي مجابتو محبة متجيبو حزارة البنت تسترات ولقات ولد الناس ومشات لدارها صافي ممكتاباش لولدك خليه اختي خليه يختار لي بغا ...فتيحة(بدات ضرب ففخاضها):اويلي معااااامن انااااا وااااش بااغاااا تحمقييييني(وقفات)بالحق انا لي حماااارة دااااايراااك ختيييييي وتاااايقة فيييك ...مشات هابطة مع الدروج وتبعاتها فوزية كتعيط ليها ...فوزية:فتيحة تسنااااي الله استر عليك(شافتها منخلاها)بعديييي على ديييك الطريييق اختي راااااه عاقبتهااااا خااااايبة ونتيييي عندك جووووووووج ولااااد فتييييحة ...خلاتها تتغوت وهي مفقوسة زدحات باب الدار ومشات فحالها كتهضر غير بوحدها حتى وصلات للحومة بانليها بنادم كتير وجوقة بدات تتزرب تا جات فودنها كلام الدراري الصغار وهوما كيشوفو فيها ...:ناري ها مو مسكينة جات ...قلبها تخطف وحسات بركابيها فشلو مشاااات كتجري وهي كتسمع صوت الغوات وصوت مغريبش عليها دخلات وسط الناس لي غير كيشوفوها كيخويو الطريق حتى بانليها ولدها مجبد فوسط الشانطي وكلو دمايات وحداه فدوى كتغوت وتجدب خرجات عينيها فيهم ممتيقاش طاحت على وقفتها وبدات تتحبو على ركابيها جيهتو ...فتيحة:الله يا ربي الله(وصلات عندو وهزات راسو لي كلو عامر دم حطاتو على ركبتها)الله يا ربي على ولدي الله الله يااااااااا ربي على ولييييييدي الله(بدات تتحركو)حميد حل عينيك اولدي حل حل هانا جيت اولدي نديرلك لي بغيييتي نوض(تتهضر وصوتها مخنوق ودموعها نازلين بغزارة)نووووض اولدي(هزات راسها شافت ففدوى وشافت وراها هيثم لي شاد راسو والتيليفون فودنو ورجعات جنات عندو)نوض بغيتي صفاء نوض دابا نمشيو عندهم ونبوس ليها رجليها باش ترجع ليك غير نوض ياك بغيتيها والله ميحيدها ليك حد نوض الله يرضي عليك(بدات تتحل ليه عينيه)لاش ساد عينيك اولدي نوض اهىء(مسحات دموعها لي ضببو ليها الشوفة)والله منغوت عليها ولا نعايرها غير نوض غنرجعها ليك حميد اهىء اهىء نوض اكبيدتي نوض(فلحظة جا كلام ختها فودنيها)لالا مغنتعاقبش بيك عمري نقرب لدكشي صافي اهىء اهىء لا منتعاقبش بيك(بدات كتغوت وضرب وجها)واااااا لااااااااااا نووووووووض احميييييد نوووووووض متخلييييييش مييييييمتك ولدييييييي ...قربو عندها العيالات كيبعدوها عليه وهي غير كتجبد ليه وتبوس راسو حتى سخفات ليهم طلعاوها لدارها جات الاسعاف لي عيطلهم هيثم هزوه وجاو حتى البوليس داو مول الكاميو لي شدوه الدراري د الحومة وكلشي كيتأسف على هدشي لي وقع..تا فدوى نوضوها بزز ومشات مع خوها حيت قالولهم باقي عندو النبض طلعات معاه ومشاو للسبيطار وتبعوه الرجال ديال الحومة ومعاهم هيثم وصهيب........ #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM