💫💜 قصة_المحلل 💜💫 #الجزء 59 : 💥💕 وسط الفرحة واللمة كان هيثم حاضي بشرى باغيها غير تشوف فيه ووالو مهزاتش عينها فيه واخا غير بالخطأ كان جالس وبحالا جالس على العافية عكس الكل لي فرحان و البنات لي تجمعو فجهة بوحدهم ...شيماء:الاجواء عندكم زوينة بزااف والله عائلية ...صفاء(بابتسامة):هادو هوما المغاربة قليل فين كتلقاي عائلة مفرقة وشي ميجلس مع شي ...قمر:بصح اغلبية كيكونو ملاهيين مع مشاغلهم ولا واحد مكيتفاهم مع لاخر ...صفاء:بالعكس العائلة هي كلشي وخصوصا بالنسبة ليا(شافت فباها وابتاسمات)هادي اكتر نعمة كنحمد الله عليها ...فرح:سعدات خويا بيك والله مكدبش فعلا اخلاقك باينين عليك ...اسماء:اوا شتو خوكم راه دا الجوهرة ديالنا ...شيماء:هه دابا ولات ديالنا ...فرح:اسماء واش تا نتي عندك العام لول فلافاك ...اسماء:ان شاء الله الا كتاب ...فرح:الصراحة انا معارفاش شنو ندير ممكن تنصحيني ونيت نبداو بجوج ...اسماء(كتجاوبها واخا مضامناش راسها):اهاه ان شاء الله علاش لا ...فرح(بابتسامة):شكرا بزاف ...صفاء(ابتاسمات ليهم صفاء وشافت فبشرى لي غير كتسمع ليهم وساكتة):مرات خويا مسمعناش صوتك ...بشرى:هه غير كنسمع ليكم دغيا تفاهمتو بحالا كتعرفو بعضكم من شحال هادي ...صفاء:عادي ملي كيرتاحو القلوب هاكا تيكون(ناضت جلسات حداها)ولكن نتي لي بنتيليا قلبك عامر ...بشرى(حنات راسها):قالك شنو دار ...صفاء:اه وهضرت معاه كنضن عرف بغلطو مع انك خاصك تعذريه فلحظة غضب خرجات ديك الهضرة ونتي دابا غتولي مزوجة يعني ...بشرى(قاطعاتها):والله مدرتها بلعاني راه حنا من الصغر هكاك ومجاتش ديك النهار نحرجو ولكن تا هو راه عرف شنو كاين واعتادر منو ولكن الهضرة لي قالي جرحاتني بزاف ...صفاء(عنقاتها جنب وشافت فهيثم لي كان حاضيهم):الخطأ كيوقع احبيبتي وهو دابا عرف راسو شنو دار مستحيل مرة خرا يعاودها ...بشرى(بتنهيدة):احم ممكن توريني فين جا الحمام بغيت نغسل وجهي كنحس براسي صهدت ...صفاء:ههه راك مزنكة الحنيكات حمرين(وقفات)اجي معايا ...خرجاتها وراتها الطواليط فين جات دخلات ورجعات للصالة لقات هيثم فالباب ...صفاء:فين غادي ...هيثم:غنهضر معاها ...صفاء:هيثم راك غير غتكبر الموضوع بانتليا باقة هازة فقلبها من جيهتك ...هيثم:غير سيري غنهضر معاها ونجيو نحلو هاد المشكل ...صفاء(باستغراب):كيفاش ...هيثم:شوية وتفهمي ...خلاها ومشا وقف حدا باب الطواليط غادي جاي حتى شاف الباب تحل بقا واقف تا خرجات عير شافتو وهي تعقد غوباشتها بغات تجاوزو ووقف قدامها ...هيثم:وقفي نهضر معاك ...بشرى:معندنا فاش نهضرو حيد من قدامي ...هيثم(بغا يشد يدها وهو يجمعها قلبو كيملي عليه فعل وعقلو كينهيه لانه معندوش الحق يقيسها مدام مزال مولات مراتو حلالو):لا غتسمعيني مكنتش عارفك قاسحة هاكا ...بشرى(ربعات يدها ودارت ابتسامة):اه بصح عندك الحق حيت انا لي جرحتك وقارنت بينك وبين خويا ...هيثم:راه ماشي دكشي لي فهمتي(قلب وجهو كيسوط ورجع شاف فيها)سمحيليا ا بشرى كنعتادر على دكشي لي قلت خذلني كلامي لانه ابدا عمري شككت فتربيتك ولا اخلاقك ونتي عارفة بلي انا منويت معاك المعقول الا وانا عارفك شنو كتسواي(شافها عاقدة غوباشتها)ومبغيتش نبقاو هاكا بغيت نتزوجو وفأقرب وقت ...بشرى:هيثم ياك هضرنا اشمن زواج دابا انا باغا نكمل ...هيثم:وانا مغنحبسكش على قرايتك كيف غتقراي ونتي خطيبتي غتقراي ونتي مراتي وانا غنكون معاك ونساعدك حتى توصلي لدكشي لي باغة ...بشرى:لالا الزواج مسؤولية مغنكونش مسالية ...هيثم(بابتسامة):وانا غنكون معاك فهاد المسؤولية غنكونو هازينها بجوج الوليدات هوما لي غنأجلوهم حتى تاخدي الاجازة ديالك ...بشرى(بقات كتشوف فيه):علاش بدلتي رأيك ماشي هدا هو كلامك ...هيثم:حيت مبقيتش باغي نطولو مزال انا خدام وواجد عائلاتنا مفاهمين وها حنا زدنا تقربنا كتر علاش غنأجلو عمر الزواج كان عقبة فتحقيق الطموح خصوصا الا بنادم باغي يوصل اما لي طموحو محدود هو لي كيدير السبة ...بشرى:بفففف خربقتيني ...هيثم:ديري بكلامي الله يرضي عليك شوفي من حالي طالعين ف 5 شهور ديال الخطوبة الله اجعل البركة خلينا ندخلو عندهم ونخليو الفرحة فرحتين ...بشرى(خرجات فيه عينيها):دابا تسطيتي ...مجاوبهاش سبقها كيضحك تبعاتو كتجري وتعيط ليه حتى وقفات حداه فباب الصالة وهو كيعلمهم بلي السيمانة الماجية غيكون ضريب الصداق كلشي ناض كيضحك ويبارك ورجعو الزغاريت تاني ...ريحانة:الله يا ولدي امتى غنوجدو ...خالد:هي ناوية تعرسب ليها ...ريحانة:بنية وحدة لي عندي اكيد غنفرح بيها ...زهور:من حقك اختي ماشي مشكل نتعاونو على كلشي وربي يسهل ...ريحانة:ان شاء الله الله يكمل عليكم بالخير كاملين ...الكل:امييييين....... #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM