💫💜 قصة_المحلل 💜💫 #الجزء 57 : 💥💕 عبد الغفور(من بعد ما سمع من صفاء الرؤيا لي عاوداتهالهم كيف هي):سبحان الله ...زهور:ابنتي انا كنقول داك حميد مدخل لحياتك غير باش يكون طريق لهاد الولد ...هيثم:هدشي لي بانليا حيت بانليا مكتاب ليها مكتاب كون متعرفاتش عليه فطريقو كنا غنتعرفو عليه فطريق خالد ...اسماء:سبحان الله قدر زوين بزاف ...عبد الغفور:شنو قررتي ابنتي ...صفاء(بتنهيدة):الله يدير لي فيها الخير ا بابا ...زهور:هي نقولو مبروك ههه ...هيثم(وقف):المهم نخليكم دابا غنمشي ...عبد الغفور:الله ارضي عليك اولدي ...خرج هيثم من الدار ركب فطموبيلتو ودوز نمرة بشرى لقاه مزال طافي رماه بجنبو وهو معصب وتحرك طاير وصل للشركة طلع نيشان لبيروه جلس شوية وهو يدخل عندو خالد ...خالد:مدزتيش عندي ...هيثم:كيسحابلي مزال مجيتي ...خالد:اه هضرات معاك بشرى ياك ...هيثم(طلع حاجبو):فاش؟! ...خالد(جلس قبالتو):بخصوص لي وقع البارح وسوء التفاهم ...هيثم(تقاد فجلستو):عاودات ليك؟ ...خالد:لا صهيب لي قالها ليا وقاليا باش نعتادر منك وملي غيشوفك غيعتادر بشرى غير قالت بلي ضرتي فيها واش مهضرتوش ...هيثم(تكا فكرسيه):ختك راسها قاسح ...خالد(خنزر فيه):ياكما قلتي ليها شي حاجة معجباتهاش ...هيثم:كنضن دكشي لي وقع كون وقع مع مرتك كنتي غتهور وتفوت الهضرة راني عارفك اما انا راني غير غوت ...خالد:امم وا هو عندك الحق كون شفت مراتي دارت داك التصرف كون خلطتها هي وياه ولطن خاصك تعرف صهيب ونبيل وفرح راهم بحال خوتنا فاش كانو صغار كان عمي كيجيبهوم عندنا كنا قراب بزااف ...هيثم:هدشي فالصغر ولكن هي دابا كبيرة يعني خاصها ترد البال لبحال هاد التصرفات ...خالد:عندك الحق ولكن حاول ترخف عليها بشرى ماشي من النوع لي كيجي بالغوات والعكس شد معاها الخاطر وهي غتفهمك وتسمع كلامك اما الا غوتي عليها غير غتشد معاك العكس ...هيثم(ناض جلس قبالتو):شوف غنجيك نيشان الخطوبة طولات انا باغي نتزوج ختك فأقرب وقت ياك القراية غنخليها تكملها وا تكملها وهي فداري مغنمنعهاش ...خالد:هه النهار لول تافقتي نتا وياها حنا مدخلناش يعني تا دابا منك ليها الموضوع كيخصكم بجوج ...هيثم(عقد غوباشتو):ويلا تعكسات كيف قلتي ...خالد(وقف):عادي غتكون عطاتك درس باش تحكم فراسك مرة خرا ...خرج خالد كيضحك وخلاه كيسوط معاجبو حالبقا شوية وسيفطليه السكريتيرة باش يمشي عندو دخل للمكتب ديال خالد لقا تم نبيل وصهيب لي عاود اعتادر منو وواعدو باش تكون آخر مرة ودغيا قلبوها ضحك وهوما شادين فهيثم..دازت تقريبا ساعتين وهوما تما كيتافقو على الخدمة وكل واحد عطا رأي او اقتراح لقاو راسهم مفاهمين وهدا هو اساس الشراكة..من بعد ما كملو اجتماعهم ناضو باش يمشيو يتغداو وصهيب توخر لور مع هيثم باغي يجبد معاه موضوع صفاء ...صهيب:احم كيدايرين الدار مزيان ...هيثم:الحمد لله ...صهيب:كاين شي خبار على داك ميخي ...هيثم:لا لا مبقاش بانليا من ديك النهار(بابتسامة)كوراك قتلتيه ...صهيب:القتيلة حلال فيه اصحبي كيفاش تا دخلتوه لداركم ...هيثم:اودي دخل بحال السوسة(شاف فيه)ولكن مكتاب الله ...صهيب(وقف قبالتو):هيثم غنجيك نيشان واش كاين شي خبار من ختك بغيت نمشي باش ناخد جوابها ولكن ...هيثم:سير شكون حبسك ...صهيب:ويلا رفضات ...هيثم:الا رفضات راه ممكتاباش ليك ههه(ضرب على كتفو)ولكن جرب حظك لآخر مرة ...مشا وخلاه متبعو دار نضاضرو وخرج تبعهم....... #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM